البارت ال ١٦
وفي الطريق ومره واحده لقا عربيه نقل كبيره دخلت فيه... كانت ياسمين مروحه بفريده وجالها اتصال وعرفت انه عمل حادثه ومات وعوزينها فالمستشفى اللي هو فيها....
اتصلت ب محمد وكانت بتعيط وقالتله
في البيت...
كانت قاعده زعلانه من اللي قالتله ليه وقعدت تأنب نفسها انها قالت كده
سلمى: انا هعمله كيكه بالشوكلاته اللي بيحبها وهصالحه
قعدت تجهز في الكيكه وتصل بيه لقت تليفونه مقفول عرفت انه زعلان وقررت تستناه...
لقت الباب اتفتح كانت بتحسبه هو لقته اخوها
سلمى: محمد انت جيت من الشغل بدري لي
محمد بحزن: سلمى حبيبتي... انا عاوزك تمسكي نفسك على اللي هقوله ده
سلمى بقلق: في اي يا محمد
محمد: بابا انهارده اتوفى وعمل حادثه عربيه
سلمى بعدم تصديق وضحك: بس يا كداب بابا كويس ده لسه ماشي من شويه
محمد: ماهو بعد ما مشي عمل حادثه ساق بسرعه ومشفش العربيه اللي قدامه
سلمى: انت بتتكلم جد... وكملت بعياط: لاء انت كداب بابا مامتش هو بيحبني ومش هيسبني...
محمد بعياط على شكل اخته: اهدي ياحبيبتي.. اهدي...
سلمى بعياط: مات... مات بسببي... مات وهو زعلان مني.. انا السبب يا محمد... انا السبب... وقعدت تعيط بهستريا وهو بيحاول يهديها لحد ما اغمى عليها....
شالها وراح بيها عالمستشفى
بعد وقت... فاقت وقعدت تعيط
ياسمين: اهدي يحبيبتي
سلمى بعياط: ماما... بابا مامتش صح.. ده مقلب من مقالب محمد الرخمه صح...
سكتت وقعدت تعيط...
ياسمين: خدي ديه ابوكي كتبهالك
اخدتها منها وبدأت تقراها وهي بتعيط وكان مكتوب فيها...
حبيبت فهد حبيبت بابا... عارف انك زعلانه مني عشان طريقتي معاكي اتغيرت ومبقتش فهد اللي تعرفيه اللي كان بيلعب معاكي وياخدك في حضنه.. بس غصب عني مش عاوز اعلقك بيا اكتر من كده عشان كان كلها شهور وكنت هموت... انا كان عندي سرطان في الدم وكان كلها كام شهر وهموت مش عاوزك تزعلي مني واللي قولتيهولي انا مش زعلان منك لاني عارف ان مكنش قصدك... واه شكلي كان متغير عشان جرعات الكيماوي اللي كنت باخدها وعارف ان احلا حاجه كنتي بتحبيها فيا كانت شعري اللي انتي وخداه مني شعر الحصان هههه صح يحبيبتي عموما.. انا بحبك يا بنتي يا صحبتي يا قلب فهد من جوه مكنتش عارف اقولك ازاي اني تعبان عشان متزعليش بس عرفتي دلوقتي عاوز تربيه الفهد تطلع دكتوره زي ما اتفقنا وعاوزك تخلي بالك من اخواتك وامك عاوزك ديما حنينه وطيبه وتسامحي اي حد... قفلت الورقه وبدأت تعيط وتقول: انا السبب يا بابا... سامحني...
باك...
كانت عماله تعيط وهو بيطبطب عليها مكنش يتوقع ان كل ده هي شيلاه في قلبها ومقالتلهوش
ليل: اهدي يا حبيبتي... الله يرحمه.. نتي مش السبب ده اللي ربنا كاتبه
سلمى: الحمدلله.. الله يرحمه..
ليل: كل ده شيلاه في قلبك ومتقوليش
سلمى: انا قولتلك لما احس اني عاوزه احكي هحكيلك..
ليل:وانا فرحان انك حكيتيلي.. وعاوزك بعد كده اي حاجه تخنقك او تكوني زعلانه تعالي ليا وانا هسمعك...
سلمى: حاضر... كان الفرح حلو اوي انهارده
ليل:اه... وكمل في نفسه: الله يكون في عونها
سلمى: مرقصتش عشانك اهه
ليل: ما انتي معرفتيش ترقصي لانك كنتي معايا طول الوقت
ابتسمت واخدها في حضنه...
عند زين وضحى...
زين: ماتقومي ترقصي شويه
ضحى: نعمممم
زين: اي مالك أرقصي شويه زي ماكنتي بترقصي مع ملاك
ضحى: وانت كنت واقف بتبص علينا ليه
زين بتوتر: لاء كان ليل واقف بيبص على سل....
مكملش كلامه لما قالت: انت بتكدب علفكره لان سلمى كانت مع ليل طول الوقت
زين: احمم.. طب ارقصيلي شويه حرام عليكي عمري ماشوفت حد بيرقص ليا
ضحى: بس انا مبعرفش ارقص
زين: طب تعالي نعمل اي حاجه انا زهقان
ضحى: عاوز اي
زين: انزلي اعمللنا فشار عما اجهز فيلم نتفرج عليه
نطت زي الاطفال وهو ضحك عليها وهي قالت: ثواني يا زينو
بعد وقت....
كانوا قاعدين بيتفرجوا على فيلم رعب وهي لما بتخاف من مشهد رعب تدخل في حضنه وهو كان بيبقى فرحان بكده...
خلص الفيلم وهي كانت نايمه ابتسم وحضنها ونام...
تاني يوم...
صحيت ملاك لقته نايم قامت صلت ولبست حجابها وقعدت على تليفونها قام عز وبصلها ومكلمهاش..
دخل الحمام ونزل وهي فضلت قاعده ومش عاوزه تنزل
عند سلمى وليل..
كانت بتمسح على وشه بحنان وتقول: حبيبي.. قوم بقى كل ده نوم...
ليل بنوم: عاوزه ايه بقى
سلمى: قوم يلا عندك شغل
ليل: لاء
سلمى: يا لولي يلا بقى الشغل هتتأخر
ليل: يولع الشغل... انا عاوز انام
سلمى: لاء مش هتنام قوم بقى
ليل: سلمى تعالي في حضني بلا شغل بلا قرف
افتكرت بباها لما قالها كده وهي صغيره بصتله وعنيها دمعت وقالت: اللي انت عاوزه اعمله
جت تقوم شدها لحضنه دفن راسها في صدره وقال: انتي زعلتي ولا اي... خلاص هقوم...
سلمى بزعل: لاء مزعلتش بس افتكرت بابا.. لانه كان بيقولي كده
ليل: اعتبريني بباكي
سلمى: مش هعرف
ليل: يعني ايه
سكتت ورفعت وشها وبصتله
اتنهد وقال: هو انا بنسبالك ايه
سلمى بدلع: انت بالنسبالي حبيبي وعمري وصحبي واخويا وابني وكل دنيتي
ليل: يعني مش بباكي
سكتت ومردتش... قام اتعدل وقعدها قدامه
ليل: يعني انا حياتك وعمرك وحبيبك وكل دنيتك واخوكي وصحبك اما بباكي لاء مش كده
سلمى: ليل مش هقدر اقول لحد غيره يا بابا
ليل: يعني مهما عملت مش هبقى فمكانه مش كده
سلمى: انت مضايق ليه؟
اتجاهل سؤالها بضيق: لاء... وقام دخل الحمام وبعض وقت نزل وقعد مع اخواته...
سلمى في نفسها: مش هقدر اقول لحد غيره بابا... سامحني يا ليل...
قامت راحت عند ملاك وخبطت عالباب وفتحتلها
ملاك بإستغراب: انتي مين
سلمى: انا سلمى مرات ليل... صباحيه مباركه يا عروسه
ملاك: الله يباركلك
سلمى بطيبه: عوزاكي تعتبريني صحبتك.. انتي عندك اخوات...
ملاك: اه عندي اخ ولد
سلمى: اعتبريني اختك
ملاك ابتسمت وسلمى قالت؛ هو انتي مش هتنزلي انتي وعز
ملاك: لاء انا مش نازله عز نزل
سلمى: لاء طبعا انتي لازم تنزلي تفطري
ملاك: مش عو....
سلم بمقاطعه: مفيش مش عاوزه... لجهزي يا عسوله كده عشان نفطر مع بعض
ابتسمتلها ودخلت غيرت هدومها وبعد وقت نزلت معاها كان ليل باصص لها وبيفكر يبقى مكان بباها ازاي
راحت ملاك جمب عز وهو مكنش طايق نفسه وفاطمه عماله تبص ل ليل وهي شيفاه عنيه هتخرج عليها
خديجه لاحظته وقالت بمشاكسه: في اي يا ليل ما تاكل وركز في اكلك بدل ما انت مركز في حاجه تانيه
بصوا ل ليل وسلمى بصتله وهو اتحرج
سلمى بصوت واطي ل ليل: في حاجه يا ليل ما تاكل يحبيبي
ليل: لاء كلي انتي بس
بعد الاكل.. كله راح على شغله وعز جه يمشي وقفته وفاء
وفاء: عملت اي
عز: في اي
وفاء: في مرتك هو انت...
قاطعها وقال: لاء.... ومشي وسابها
كانت قاعده سلمى مع ملاك...
ملاك: باين عليكي طيبه اوي اوي
سلمى: الله يسترك
ضحكت وقالت: مبتعرفيش تقولي كلام حلو
سلمى ضحكت وقالت: انتي حبيتي امتى
ملاك: لاء انا مبحبهوش
سلمى: يعني ايه
ملاك: بصي انا هحكيلك عشان انتي طيبه وقلبي ارتاحلك بس عشان خاطري متقوليش لحد
سلمى بفضول: طب قولي
قعدت تحكيلها....
سلمى: يعني هو بينتقم
ملاك: اه
سلمى بحرج:احمم هو قرب منك
ملاك: لاء مسمحتلهوش وكملت بعياط: مش ديه الحياة اللي كنت اتمناها
قعدت تطبطب عليها وتقول: اهدي يا حبيبتي... على فكره انا كمان مش ديه الحياه اللي كنت متخيلاها او كنت اعيشها...
ملاك: ازاي؟
سلمى: لاني اتجوزت ليل بالإجبار واتقلب الموضوع بحب وووو...... وقعدت تحكيلها من ساعت ماجت الصعيد واتجوزت ليل
ملاك: يلهوي كل ده حصل... عشان كده مبيخلكيش تخرجي لوحدك وبيخاف عليكي
سلمى: اه
ملاك: بس هو مش كده بيتحكم فيكي
سلمى: ده مش تحكم ده حب وخوف على حاجه تخصه
ملاك: بس ماشاء الله باين عليه بيحبك وانتي بتحبيه
سلمى: اه... تعرفي بابا كان ديما يقولي محدش يعرف الخير فين مش لازم اي حاجه بنبدأ بيها تكون نهايتها نفس الشيء ده قدر ومكتوب وربنا مبيكتبش غير كل خير...
ابتسمت ملاك وحست ان كلامها ريحها شويه.. قعدوا مع بعض يتكلموا ونزلوا يعملوا الاكل مع بعض وضحى نزلت وعملت معاهم
بليل....
رجع كله البيت الا ليل اللي سلمى قلقت عليه وفضلت قاعده مستنياه عدت ساعه وهو لسه مجاش...نزلت وراحت عند سليمان
سلمى: عم سليمان هو ليل فين..
سليمان: في الاسطبل هو مطلعلكيش
سلمى: لاء... بس شكرا...
عند عز وملاك...
كانت فارده جسمها عالسرير لقته حط ايده على كتفها بعدت. ايده وقالت: في حاجه ولا اي
عز: حضريلي هدوم
ملاك: ليه انت لسه جاي
عز: انتي مالك؟ حضريلي انجزي
جبتله هدوم وهو اخد الهدوم ودخل لبسها في الحمام وطلع وهي قالت: انا عاوزه اتكلم معاك...
عز غتح البا وقال: وانا مش عاوز اتكلم
ونزل وسابها...
زعلت ملاك وقعدت تعيط ومسحت دموعها وهي بتفتكر كلام سلمى ابتسمت وقامت دخلت الحمام لبست بجامه ونامت
عند ضحى وزين..
ضحى بغضب: مين اللي بتكلمك دي يا استاذ
زين: دي زميلتي في الشغل
ضحى: تاني يا زين...
زين: حبيبتي انا طالع مهمه ولازم يبقى معايا فرد انثوي عشان المهمه والله
ضحى بلهفه: مهمه اي وبتتكلم عن ايه وو
زين بمقاطعه: اهدي اهدي... تعالي ادعكيلي ضهري وهقولك هي عن ايه
ضحى: اوكي
عند الاسطبل....
راحت لقته بيأكل الاحصنه ومديها ضهره قربت منه وحطت اديها عاى كتفه وقالت: اي يا حبيبي مطلعتش ليه
ليل: عادي... قولت ءأكلهم دلوقتي احسن واقعد مع نفسي شويه
سلمى: تقعد لوحدك اممم... خلاص هسيبك
ليل: تعالي هنا... راحه فين
سلمى: هسيبك تقعد لوحدك
ليل: لاء مش عاوز اقعد لوحدي من ساعت ماجيتي يا حبيبتي... عاوزه تقعدي معايا مش كده
سلمى:هو ينفع...
ليل: ايوه طبعا تعالي
اداها سكر وبدأت تأكل معاه الأحصنه
ليل: فاكره اول مره شوفتك فيها
سلمى: اه.. كانت هنا... وانت ساعتها زعقتلي
ليل ضحك وقال: كان يوم احلى يوم في حياتي يوم ماعيني شافتك
ابتسمت وقالت: بجد
ليل: وجد الجد كمان... تحبي تركبي
سلمى:اه لو ينفع..
شالها وقعدها عالحصان وهو ركب ادامها وبدأ يتحرك وهي حضنته من ضهره ومسكت فيه وهو كان مبطأ السرعه ولفلها وخلع ليها الطرحه وبص ل شعرها وفك الكحكه اللي كانت عملاها وبصلها وكان بيتغزل فيها اتكسفت من نظراته
سلمى بكسوف: زود السرعه
ليل: لاء حلو كده
باست خده وقالت: وكده
بصلها وزود السرعه وهي ضحكت
سلمى: متيجي نبدل..
ليل بمشاكسه: عشان احضنك مش كده
ابتسمت وقالت: لاء عادي يا لولي
ليل: يلهوي لولي اي هنا دي في اوضتنا بس
سلمى بدلع: ليه بقى فيها اي لما اقولهالك هنا
وقف الحصان وبصلها وقال: يرضيكي حبيبك يبقى تريقة الصعيد
سلمى: على اساس انك هتسكت على اللي هيتريق عليك
ضحك وقال: طب كويس انك عارفه ان جوزك هيقتل اللي هيتكلم عليه او عليكي
مدت اديها وحطتها على صدره وقالت وهي بتمسح على صدره بدلع: مش كده حرام يا لولي وحطت اديها عند قلبه وقالت: ده مفهوش حنيه خالص
ليل في نفسه: اللهم اغزيك يا شيطان.. هي اللي بتسحبني والله انا مليش ذنب
وقال ليها:انا مش حنين يا سمسم
سلمى:لاء طبعا انت حنين اوي اوي
ابتسم وقال:الحنيه دي لمراتي ولابني بس
سلمى بدلع:طب والباقي
ليل: في داهيه الباقي..
ابتسمت وقالت بهزار: هقول لخديجه
ليل بضحك وقال: مش هخاف متحوليش.. خديجه ليها مكانه حلوة في قلبي بردو
ابتسمت وحضنته جامد وغمضت عنيها
ليل: بتحبي المنافسه مش كده
سلمى: جدا
ليل: طب ايه رأيك نعمل سباق... واللي يكسب يطلب من التاني طلب والتاني ينفذه
سلمى: اوكي
بدأوا يتسابقوا وهي كانت سبقاه وكانت فرحانه انها هتكسبه وفي لحظه كان هو كسبها سلمى بقمص: يوووه
ضحك ورجعوا الاسطبل تاني وهو نزل من عالحصان وراح نحيتها نزلها من عليه وبصتله بقمص وهو بصلها بإنتصار
ليل:تتوقعي طلبي اي
سلمى: مش عارفه... قول
ليل بغمزه: في اوضتنا احسن
اتكسفت وقالت: طب يلا...
ضحك وحط ايده على خصرها وقال: البسي طرحتك يلا
سلمى: محدش هيشوفنا كله نايم الساعه٣
ليل: لاء يلا
سلمى: يوووه حاضر
لبست الطرحه وهو باس راسها وقال: انتي ملكي ومحدش يستحق يشوف حاجه بتاعتي وشعر الحصان اللي بعشقه ده محدش غيري يشوفه فاهمه ولا لاء
سلمى: حاضر يا لولي...
ابتسم ودخلوا البيت وهي قالت: مش قولتلك كله نايم.. محستش بالوقت
ليل: لما ببقى في الاسطبل بنسى نفسي اديكي عرفتي
سلمى: اه.. وكملت بصوت واطي: بتحب المنافسه
ليل ببسمه: اه طبعا
سلمى: اخر واحد هيدخل الاوضه هيعاقب التاني
ليل: ايا كان العقاب هتستحملي
سلمى: اه طبعا... انت ضامن تكسب كده ليه
ليل: عشان مبخسرش...
سلمى:انت بقى هتستحمل...
ليل: ههه استحمل يلا يا بنتي....
وقفوا عند السلم وهي مسكت الجيبه بتاعتها ومستعديه للجري وهو قال: واحد... اتنين... تلاته
وطلعوا يجروا وهي سبقته وهو كان قاصد يخسر
لسه هتفتح الاوضه شالها وضحك وهي ابتسمت على ضحكته
سلمى: انا كده كسبتك علفكره
ليل: عارف...
سلمى: افكرلك بقى في عقاب...
ليل: ماشي...
كانت واقفه فاطمه وبتراقبهم وقالت بغل:جري عشانها واتنازل عن كبريائه عشانه... ده مش ليل اللي اعرفه هي عملت فيه ايه دي... لاء وايه شالها ودخل الاوضه وقال ايه كسبتك علفكره كتك القرف مش عارفه عاجبه فيكي ايه
عند سلمى وليل....
نزلها وهي قعدت تضحك
ليل: بتضحكي ليه
سلمى بضحك: شكلك ههههه كان بيضحك وانت بتجري ههههه
ليل في نفسه: الحمد لله ان محدش شافني
ليل: عاوز اقضي شهر عسل
سلمى: ليه؟
ليل: هو ايه اللي ليه... عاوز شهر عسل... عشان معملناش
سلمى: طب هنروح فين
ليل: لاء سبيلي اخطط كده وقبل ما نسافر اكون مخلص شغلي وحساباتي ونسافر من هنا واستفرد بيكي هناك
سلمى بكسوف: ماشي... عقابي بقى...
ليل: قولي يختي...
سلمى: هو طلب رخم على فكره
ليل: قولي بس...
سلمى:........
ليل بصدمه:.....
يتبع....
ياترى ايه اللي هيحصل 🤔🤔🤔🤔ده اللي هنتعرف عليه الحلقه الجايه استنوناااا 💕💕
والسلام عليكم ورحمة الله وبركاته 💗💗💗
YOU ARE READING
عشقني ليل الصعيد
Romanceنظل ما بين تلك الحرب القويه ما بين مشاعرنا... لم يتوقعا ان يقعا في عشق بعضهما البعض... بعد قسوة وزواج مجبران عليه تحولا الى عاشقين لا يستطيعا ان يتفرقا او يتخلوا عن بعضهما البعض...، كانا يظنان انهما في طريق طويل مظلم لا نهايه له... حتى تقابلا هي ذاق...
