عشقني ليل الصعيد

حلقه رمضانيه الحلقه ال١٤ ج٣

الحلقه ال١٤ ج٣
في الاوضه...
سلمى: احكيلي بقى مالك يا ضحى بقى...
ضحى بضيق: والله يا سلمى انا تعبت من زين وعمايله مقضيها مع البنات اللي في الشغل معاه وبيقعد يعاكس فيهم واجي امشي معاه الاقي عينه على ديه وديه واجي اعاتبه هو اللي يزعل..
سلمى: انتي اكيد عارفه زين اكتر مني وعارفه زين عمل ايه عشانك بردو عشان يتجوزك..
ضحى بزعيق: عملي ايه يا سلمى يعني كل اللي عمله انه خلاني احبه واوافق عليه بس هو ده اللي عمله...
سلمى: طب براحه اهدي في اي...
ضحى: انا ضاربه معاه خناقه وهو بعيد عني بقاله فتره
سلمى: حرام عليكم نفسكم انتم الاتنين ليه كده انتو بتحبوا بعض ليه كدا..
ضحى: انتي فاكره زين زي سليم او ليل زين مش بتاع استقرار وحياته وولاده مش شايف بنته اللي بقت طولي وخلاص كام سنه وهتتجوز مش شايف كدا وكل ما يطلعله شعر ابيض يصبغه..
سلمى: طب اي سبب الخناقه ممكن نعرف نحل الموضوع
اتنهدت وهي بتفتكر اللي حصل...
فلاش باك...
زين: ضوحي حبيبي البس اي
ضحى وهي مركزه في التليفون: اي حاجه يا زين..
زين: لاء بصي بقى ركزي معايا كدا زي ما بركز معاكي يلا يا قمر انت...
حطت التليفون وقالت؛ مركزه اهه في اي
زين: البس القميص الابيض ولا الازرق...
ضحى: اممم تلبس اه هو انت مش ملاحظ انك مهتم بنفسك زياده...
زين ببسمه: لاء يا قلبي مش حكايه مهتم بس انا مش هنزل لبسي مكرمش ومتبهدل...
ضحى: ايوة ما انت كل اللي همك شكلك ومنظرك...
اتحولت ملامحه من البسمه للضيق
زين: هو انتي ناويه تنكدي علينا ليه يا ضحى ليه ناويه كل لحظه حلوة تبوظيها...
ضحى؛ اه دلوقتي انا النكديه وانت يا عيني طيب مبيعملش حاجه..
زين: انتي مكبره الموضوع اوي كل ده عشان بقولك البس اي وجاي اخد رأيك..
ضحى: لاء...
مسك وشها بين ايده وقال ببسمه: حبيبتي انا بحبك...
ضحى: واللي بيحب حد بيخونه...
بعد عنها بصدمه وقال: امتى ده انا مخونتكيش والله...
ضحى: ولما بتبص على اللي راحه واللي جايه ده ايه يا استاذ
ضحك وقال: هو انا كده خونتك..
ضحى بعصبيه: متغيرش الموضوع يا زين...
مسك اديها وقال: اهدي وصوتك ميعلاش..
شدت اديها وقال بعصبيه: زين انا تعبت منك ومن قرفك ومن كل حاجه
بعد لورا واتقلبت ملامحه للبرود وقال: مدام شايفه كدا يبقى انتي صح... واخد قميصه الابيض وطلع من الاوضه...
باك...
سلمى: انتي قولتيلو كده
ضحى: والله مش عارفه طلعت مني ازاي...
سلمى: الصراحه انتي اللي غلطانه تعرفي انا لما بتخانق مع ليل والله قولتله كلمه شايل مني من سعتها...
ضحى: انتو بتتخنقوا
سلمى: اه بس الخنقات العاديه التافهه بتاعتنا دي قولتله بس انا مش طيقاك والله قولتها بهزار من سعتها وهو والله حساه طريقته متغيره...
ضحى: والله انتو اتفهه من بعض وتفاهتكم دي لايقه عليكم...
خبط زين وسلمى فتحت...
زين: قولي لضحى يلا...
سلمى بمرح: اي ياعم زين مالك كدا قالب وشك طول القعده ليه ده انت حتى في بيت اخوك واختك...
زين ببسمه: ربنا يعلم معزتكم عندي بس الشغل والله اللي مضايقني
مسك ايد ضحى اللي طلعت وايده وحطتهم في ايد بعض وقالت: لاء بقى مدام تعبان في الشغل ضحى جمبك... بصوا لبعض وكان هيبعد ايده لكنه لقى ضحى قالت: ايوة طبعا هفضل جمبه...
ابتسم بسخريه وقال: طب يلا...
بعد وقت...
في شقه ضحى وزين...
كان قاعد على السرير وهي قربت منه كان هيقوم مسكت ايده وقالت: خلاص بقى يا زين متخليش قلبك اسود
شد ايده بهدوء وقال: ينفع انام..
ضحى: لاء مش هتنام من غير ما اصالحك كتير اوي كدا بقالنا اسبوع ويمكن اكتر مش بنتكلم والولاد لحظوا كدا
زين: لو على الولاد هنتعامل عادي قدامهم لكن ملكيش دعوة بيا واحنا مع بعض...بعد اذنك هروح انام جمب ابني... وقام ولسه هيطلع مسكت ايده وقالت بعياط: طب خلاص يا زين متزعلش وغلاوتي عندك خلاص متزعلش بقى... قرب منها وقال: طب متعيطيش...
مسكت فيه وقالت بعياط؛ يعني مش هتسبني انام لوحدي من غيرك
ابتسم وقال: مش هسيبك تعالي ننام...
فرد جسمه على السرير وهي دخلت في حضنه وقالت؛ اتصالحنا صح...
زين: نامي...
ضحى: والله اعيط تاني...
ضحك وقال: خلاص ماشي اتصالحنا...
ضحى: انا اسفه والله مكنش قصدي بس انا بغير عليك وانت جوزي وده من حقي بردو صح...
زين: من حقك حد اتكلم...
غمضت عنيه وسمعته قال: هبله..
ضحى: عارفه...
باس دماغها وقال: كنتي وحشاني علفكره...
ضمته اكتر وقالت؛ وانت كمان...
في شقه ليل...
كان قاعد وماسك المصحف بص عليها لقاها بتقرأ روايه...
ليل: يلا عشان تسمعي الورد اللي عليكي
سلمى: هو مش المفروض يوم الخميس..
ليل: اه بس طالبه معايا اسمعلك دلوقتي...
بلعت ريقها وقالت: بس انا... قاطعها وقال: انتي ايه يلا قومي...
قامت وقعدت قدامه بعد ما اتوضت ولبست الاسدال...
ليل: يلا...
سلمى: طب احمم اسمع اي
ليل: البقره الجزء التالت الربع الاول ويلا انجزي...
سلمى: حاضر... بسم الله الرحمن الرحيم.. اااا ت.. ت.. ل.. ت..
ليل: تِلْكَ الرُّسُلُ فَضَّلْنَا بَعْضَهُمْ عَلَىٰ بَعْضٍ ۘ مِنْهُمْ مَنْ كَلَّمَ اللَّهُ ۖ وَرَفَعَ بَعْضَهُمْ دَرَجَاتٍ ۚ وَآتَيْنَا عِيسَى ابْنَ مَرْيَمَ الْبَيِّنَاتِ وَأَيَّدْنَاهُ بِرُوحِ الْقُدُسِ ۗ وَلَوْ شَاءَ اللَّهُ مَا اقْتَتَلَ الَّذِينَ مِنْ بَعْدِهِمْ مِنْ بَعْدِ مَا جَاءَتْهُمُ الْبَيِّنَاتُ وَلَـٰكِنِ اخْتَلَفُوا فَمِنْهُمْ مَنْ آمَنَ وَمِنْهُمْ مَنْ كَفَرَ ۚ وَلَوْ شَاءَ اللَّهُ مَا اقْتَتَلُوا وَلَـٰكِنَّ اللَّهَ يَفْعَلُ مَا يُرِيد(٢٥٣)
كررت الآيه من بعده وكملت بقيت الآيات بتعلثم وتعرقل....
سكتت وهو قال: كملي...
سلمى: حاضر بفتكر الآيه بس...
بصلها وهي قالت:ي.. ي.. أ..
ولما تعرقلت تابع وقال: يَا أَيُّهَا الَّذِينَ آمَنُوا أَنْفِقُوا مِمَّا رَزَقْنَاكُمْ مِنْ قَبْلِ أَنْ يَأْتِيَ يَوْمٌ لَا بَيْعٌ فِيهِ وَلَا خُلَّةٌ وَلَا شَفَاعَةٌ ۗ وَالْكَافِرُونَ هُمُ الظَّالِمُونَ(٢٥٤)
اضايقت وقالت: علفكره كنت هقولها بس انت مش مديني فرصه افكر
رفع احد حواجبه وقال: مش مديكي فرصه ازاي؟؟ ده انا مستحمل انك بتغلطي في التجويد والغنن
سلمى: اكيد اغلط لاني لسه مرجعتش على اللي حفظته وانت جي انهارده وبتقولي سمعي
ليل؛ انا حر...
سلمى بهدوء: مش بتتقال كده يا حبيبي انا مش حافظه الصراحه كنت اصبر لحد يوم الخميس زي ما متفقين...
ليل بحده: انا حر...
اتنهدت بتعب وهي بتمسك راسها وقالت؛ اللي انت شايفه...
لاحظ تعبها وقرب منها وقال بقلق: انتي كويسه...
سلمى: اه متقلقش انا كويسه...
ليل: طب خلاص تعالي ارتاحي...
شلها وحطها على السرير وقعد على ركبته ومسك اديها بحنان: حاسه بإيه...
سلمى بتمثيل: كويسه ده صداع طبيعي... بصلها شويه وقرب خلع الطرحه وكان هيغيرلها الاسدال مسكت فيه وقالت؛ هغيره انا مفيش مشكله...
ابتسم وقال بمشاكسه: هو انتي لبسه تحتيه حاجه ولا...
سلمى بخجل: بعد اذنك يا ليل...
قرب اكتر وهمس: انا جوزك يا بت...
سلمى بخجل: عارفه...
همس بنبره حده: مسامحك على تمثيلك ده المره الجايه متتكررش ولما تفكري تكدبي اختاري حد تاني...
رفعت نظرها ليه وهو حرك حواجبه وهي ابتسمت وقالت ببراءة: انا بكدب..
ليل: لاء امي... واتفضلي قومي غيري هدومك مدام مش عوزاني اغيرلك..
قامت تجري وهو بيضحك عليها...
بعد وقت...
طلعت من الحمام وهو قاعد مستنيها...
سلمى: انت منمتش
ليل: انام ازاي وانتي مش جمبي...
سلمى: طيب...
شاورلها تقعد جمبه... قعدت وهو مسك اديها وقال بحده: مسكتي ايد زين واخده بالك..
سلمى بغباء: امتى ده
ليل: انا مش هتعصب ومش هزعق ومش هجيبك من شعرك...
سلمى: وانت كنت تقدر تعمل كده
ليل: بقى كدا طيب...
لف الحزام حولين ايده وهي قالت بتعلثم: اي يا ليل مالك كدا في اي لاء بص انت طيوب انا مش قصدي حاجه وممكن تعلقني اه...
ليل: مش انتي مش بتخافي مني...
سلمى: ايوة مش بخاف منك لاني بحس معاك بالأمان
ليل ببسمه: كلي بعقلي حلاوة اكلت انا من الجملتين دول...
ضحكت وقالت: اومال ياض ده انا قرة عينك....
ضحكوا الاتنين واتنست المشكله وهو قال: طب قربي...
سلمى: لاء يا عم انت كل مره تضحك عليا...
ضحك وقال: مش هعمل حاجه متخفيش احنا في رمضان...
سلمى: وغير رمضان...
ليل: طب قربي بدل ما اجيلك انا...
قربت ومسك اديها وقال: طب اقطعهالك ولا اعمل اي..
سلمى: لاء انت مش هتعمل حاجه انت هتنام...
ليل: صبرني يارب...
عدت الايام وجه يوم١١ رمضان..
فراس بصوت عالي: اابااااا ياباااا ابااا بابا...
زين من الاوضه: عاوز اي...
دخل وقال: عاوز فلوس
زين: ليه ان شاء الله
فراس: هجيب لماما هديه عيد الام عشان لو مجبتلهاش هتعلقني...
زين: متجيب من مصروفك
فراس: خلصوا
زين: اقولك على سر...
فراس بفضول: قول سرك في بير..
زين: ضحى دي مش امك واحنا لقيناك على باب جامع...
فراس: انت بتتكلم بجد
زين: اه..
فراس: طب وانت بابا ولا هتطلع زي الحراميه اللي كانت امي
زين بحده: لم نفسك يلاا
فراس: ما هي مطلعتش امي بقى...
زين: غور يلا...
جري فراس لما خلع زين اللي في رجله...
بعد وقت..
ضحى: هو قالك كدا
فراس: اه شوفتي جوزك...
راحت الاوضه بتاعتهم وهي بتطلع نار من كل حته...
فراس في نفسه: كدا ضربنا عصفورين بحجر لا هجيب هديه وهما هيتخنقوا وبلاها مصاريف...
في الاوضه...
ضحى بحده: انهارده اي
رفع نظره من اللاب وقال: اكيد مش عيد جوازنا لان عيد جوازنا بعد سبع شهور لسه ومفيش فلوس يا ضحى لهدايا...
ضحى: لاء ما انا عاوزه هديه يا زين...
زين: استغفر الله العظيم امشي يا ضحى ربنا يهديكي...
ضحى: طب ماشي انا مش قعدالك فيها... وراحت نحيه الدولاب وقعدت تطلع في هدومها ولان دولابهم مشترك كانت بتوقع هدومه ووقعت علبه قطيفه كبيره....
زين: الله يسمحك يا ضحى بوظتي المفجأة...
ضحى: دي ليا..
زين: للأسف...
ضحى ببسمه وفرحه: الله يا زين دي جميله اوي
زين: كنت عاوز ادهالك بعد الفطار علفكره
ضحى: معلش بقى ما انا كنت عاوزه هديه...
زين بحب: ربنا يخليكي ليا يا حبيبتي...
ضحى: ويخليك ليا يارب...
بليل على الساعه ١٠..
كانوا ماشين ومسكين ايد بعضهم وهي فرحانه...
سلمى: تعرف ماما كانت وحشاني اوي وتسلم ايدك على اللي جبتهولها
ليل: ده واجبي يا بت..
سلمى: طب انا مأخدتش هديتي...
ابتسم وقال: طب ايه رأيك نخرج مع بعض زي ايام شهر العسل كدا نتمشى على البحر ونشرب حمص الشام وهجبلك الهديه اللي عوزاها
سلمى: ماشي يلا...
بعد وقت...
كانوا قاعدين في المكان اللي بيقعدوا فيه ديما...
سلمى: الجو حلو اوي
ليل: فعلا...
سندت براسها على كتفه وقالت: فاكر لما نزلتي البحر غصب عني ويومها اخدت برد..
ليل ببسمه: اه... تعرفي اني تعبان اوي في الشغل...
سلمى:انت بتتعب نفسك في الشغل اوي ما تاخد اجازه شويه
ليل: ما انتي عارفه ان عندي ثفقات كتير وشغلي كتير والشغل كله دلوقتي عشان العيد لما يجي كله بياخد اجازه...
سلمى: فعلا... ربنا معاك يا حبيبي...
بعت تميم رساله ل ليل وقال: تمام يا بابا كله جاهز..
ابتسم ليل وبصلها وهي حطه راسها على كتفه حط ايده على كتفها وقال: تعرفي يا حبيبتي ان انهارده الجو حلو اوي...
سلمى: ايوة فعلا... تعرف نفسي في ايه
ليل؛ في اي قولي...
سلمى: نفسي لما نكبر نفضل مع بعض ويبقى احفادنا كدا جمبنا ونيجي في المكان ده نقعد كأننا شباب فاهمني كدا..
ليل: ان شاء الله هيحصل تع.... مكملش كلامه من صوت رجولي وراه وقال: مش معقول دكتورة سلمى
بص للصاحب الصوت وكان راجل في نفس عمره وبيبصلها استغرب ليل لما قامت وقالت ببسمه: ازيك يا بدر
بدر: ازيك ليكي وحشه والله...
قام ووقفها وراه وقال بغيره: اجيب لمون وتيجي تقعد مكاني...
بدر: اسف والله مأخدتش بالي...وقال ليها: هو ده جوزك مش كدا
كانت هتتكلم قاطعها وقال: اه جوزها ليل الجندي
بدر: حضرتك غاني عن التعريف يا ليل بيه متعرفش انا نفسي اقابل حضرتك اد اي ومبهور بشغل حضرتك...
مسكت ايد ليل وقالت: ده بدر يا ليل جوز صحبتي...
مد بدر ايده ببسمه وليل سلم عليه قربت جميله مرات بدر واول ماشافتها حضنتها وقالت بإشتياق: وحشتيني اوي اوي...
سلمى: وانتي كمان.. بعدوا عن بعض وجميله قالت: عاش من شافك والله كدا يا جذمه كل المده دي ما تسأليش عليا
سلمى: والله أنشغلت بالولاد.... قاطعتها وقالت: اي ده انتي خلفتي
لمحت جميله ليل وبصتله وقالت: ازيك يا بشمهندس ليل...
ليل: ازيك يا جميله... بصتلهم وقالت: انتو تعرفوا بعض...
جميله: اه كنت مع البشمهندس في الكليه واشتغلت معاه في الشركه وقبل ما اقعد من الشغل من تلت سنين كدا
بدر: والله اتشرفنا بحضرتكم عن اذنكم... واخد مراته ومشيوا...
سلمى بغيره: مقولتليش يعني انك كان ليك تعامل مع بنات في الشركه وان كان ليك صحاب بنات في الكليه...
ليل؛ في اي يا سلمى عادي وبعدين ده من سنين السنين..
سلمى: اها قولتلي ماشي...
ليل بنفس الغيره: ومين بدر ده كمان
سلمى بضيق: ملكش دعوة...
ليل بغضب: هو ايه اللي مليش دعوة بت انتي...
سلمى: ينفع نروح...
ليل: لاء مش هنروح غير ما تقوليلي...
سلمى: طب هقولك وانت هتقولي..
ليل: ماشي...
سلمى: بدر زميلي من اعدادي وبيحب جميله من زمان واظن شوفت
ليل: طيب... وجميلة كانت معايا في الكليه وكنت اكبر منها بسنه وكنا زمايل مش اكتر يعني...
سلمى: طيب
ليل بضيق: يلا نروح...
مشيوا وكل واحد منهم ببيكابر وبيتجاهل التاني وكل منهما يخون كبريائه بالنظر للآخر خلسه...
بعد وقت...
اول ما دخلوا كان البيت ضلمه وهي راحت على اوضتهم اول ما دخلوا...
بص لأثرها وطلع تميم وقال: اي يا بابا لغيت كل حاجه ليه كان البيت جاهز...
ليل: اصل ماما تعبانه شويه ومحتاجه تنام...
تميم: طيب يوم تاني بقى... احنا خفينا الهدايا...
ليل: تمام...
دخل الاوضه ولقاها حاطه الغطا على وشها وسامع صوتها وهي بتعيط
قرب منها وقال: بطلي عياط...
شددت على الغطا وقالت بعياط: بقولك اي ملكش دعوه بيا تاني...
ليل: ماشي..
شالت الغطا واتعدلت وقالت بصدمه: انت بتتكلم جد
ليل: شكلي دلعتك اوي يا سلمى ونسيتك اني جوزك...
بصتله بدموع وقالت بزعل؛ طيب انت حر... وقامت ولسه هتطلع قال: لو طلعتي يا سلمى اقسم بالله هرمي عليكي اليمين...
سلمى بنبره زعل: لسانك قدر يقولها طب قبل لسانك قلبك طلعت منه
بص في الارض ورفع نظره ليه وهي مسحت دموعها اللي نزلت وقالت؛ ده اسوأ عيد ام عدى عليا في حياتي يا ليل وشكرا يا جوزي على اللي عملته ده بجد احلى هديه جتلي في حياتي بس افتكر اني بجد زعلانه منك والمره دي بجد مش هتعرف تصالحني.... وراحت نحية السرير ونامت ونزلت دموعها على خدها لحد ما خلصت طاقتها واستسلمت للنوم كان بيبصلها بحزن وقال: انا زودتها ولا ايه... قرب منها ومسح دموعها اللي على خدها وباس خدها براحه وقال وهو بيصحيها: طب قومي والله انا مكنش قصدي... سلمى... مردتش وادته ضهرها وهو طبطب على كتفها وقال: اسف... ونام جمبها وفضل يفكر في اللي قالته وبعد مده استسلم للنوم...
تاني يوم
صحي ليل على تيام اللي بيعيط..
ليل بخضه: في اي يا ابني اخواتك كويسين... وبص جمبه وملقهاش وقال بخوف وقلق: سلمى فين...؟؟ هي كويسه...
تيام بعياط: ماما يا بابا الحقها...
قام بخضه ولهفه وجري عليها ولقاها على الارض وجمبها تايم وتميم وفهد اللي بيعيطوا وفهد بيحاول يفوقها ودموعه مش بتفارقوا....
جري عليها ونزل لمستواها وقال: في ايه هي حصلها اي واي الد*م ده..
تايم بعياط؛ ماما كانت واقفه وبتتكلم معانا ومره واحده نزل دم من أنفها ومره واحده وقعت في الارض...
ليل: طب هات ميه يا تميم وانت يا تيام هات واحد من البرفان اللي في اوضتنا اجري يلا.... جريوا وهو قال وهو بيمسح على وشها؛ حبيبي انتي كويسه صح... وهتقومي وهتنصالح احنا مش متعودين ننام زعلانين من بعض صح يحبيبتي...
جم الولاد وهو قعد يصحي فيها لكن مفيش فايده....
عيطوا اكتر وليل قال بزعيق: اطلعوا نادوا ضحى بسرعه.. شلها وحطها على الكنبه والتوأم التلاته بيعيطوا...
خبط الباب وجري تميم يفتح ودخلت ضحى وهي بتجري وواول ما شافت الدم اللي في وشها شهقت وقالت: حصل اي...
ليل: وانا اش عرفني شوفي شغلك يا ضحى....
ضحى: لازم مستشفى دي عندها نزيف بسرعه...
شلها ليل وقال: فهد خلي بالك من اخواتك وانا هطمنكم...
فهد: لاء يا بابا احنا جايين معاكم دي ماما انا مش هسيبها...
ليل:اسمع الكلام
فهد: حاضر يا بابا بس ابقى طمني...
طلع ليل ومعاه ضحى وزهره وليليان وسليم وزين...
بعد وقت..
في المستشفى...
كان ليل رايح جاي في الطرقه وملامحه مليانه خوف وقلق وضحى بتعيط هي وليليان وزهره خايفه وبتهديهم
زين: اهدى يا ليل ان شاءل الله مراتك هتبقى كويسه..
ليل: يارب يا زين يارب...
بعد وقت من القلق...
طلع الدكتور وجريوا عليه بلهفه...
ضحى: طمنا يا دكتور...
ليل بلهفه: ها يا دكتور مراتي.. مراتي كويسه صح وده تعب وهتقوم صح...
بصلهم الدكتور وقال:.....
كلهم:....
يتبع...
السلام عليكم ورحمة الله وبركاته حبايب ام ليل كل سنه وانتم طيبين ورمضان مبارك عليكم يا رب🌺💗💗
اتمنى الحلقه تعجبكم❤🙈
المهم...
لكل اللي مستني الحلقه الجايه انا مش مسئوله وهتعرفوا ليه سلاام😂🙂