الحلقه ال٢٤
فجأة زقته بعيد عنها و غمضت عنيها ومسكت دماغها وقالت بوجع: اه..
ليل:مالك في اي
سلمى بوجع: مصدعه شويه يا حبيبي متقلقش
ليل بقلق: تحبي ضحى تيجي تكشف عليكي
سلمى: لاء ده طبيعي لما بنام كتير دماغي بتوجعني مفيش حاجه
ليل: تمام... تيجي ننزل نفطر ولا مش قادرة
سلمى: لاء قادرة يلا بينا
ليل: طب حضريلي الحمام
سلمى: حاضر...
بعد شويه...
سلمى: اتفضل
ليل كان داخل رجع ليها تاني وقال: تعالي اقولك حاجه ...
سلمى بكسوف وخوف: لاء بلاش ونبي...
ليل بضيق لان كسوفها بقى يضيقه وقال: تمام ماشي... بس خلي بالك مش هسيبك المره الجايه..
وحدث نفسه وقال: بأن لا احد يستطيع فهم النساء مرة تكون جريئه ومره أخرى خجوله هادئة... نعم يا ابن آدم أنت محق لن تفهم حواء ولو بلغ ذكاؤك السماء فهي كالوردة بديعه الشكل عبقة الرائحه لكي تحصل تحصل عليها يجب عليك التخلص من الاشواك المحيطه بها وان حاولت نزعها ستخدش يدك التي تجرأت عليها..... أرأيت كم هو صعب تحليل شخصيه الفتاة حتى وان كانت شجاعه جريئه متمردة لن تخضع سوى لعشقها ولن تظهر ضعفها إلا أمامه ولن تخفي جرأتها إلا معه!!!
........
نزلوا وراحت على المطبخ وراح ليل عند سليمان على الكنبه
في المطبخ....
سلمى: صباح الخير
خديجه: صباح العسل... مالك منزلتيش من امبارح ليه
سلمى: مفيش كنت تعبانه شويه وليل كان واخد باله مني...
خديجه: اممم واخد باله منك... ماشي يا قلبي.... نا هروح انا بقى وكملوا نتو
ومشيت وقربت ضحى من سلمى....
ضحى: عمل اي... اتنرفز عليكي مش كده
سلمى: في البدايه بس اما بعد كده كان حنين عليا
ضحى: حنين!! بت هو حصل مابينكوا حاجه
سلمى اتكسفت وابتسمت
ضحى: ايه ده هو...
سلمى بمقاطعه: خلاص بقى يا ضحى
ضحى بضحك: صبحيه مباركه....
بعد ايام..
صحيت وقالت بنوم: حبيبي.. ملقتهوش جمبها قامت وبصت عليه وكان بيلبس جلابيته
سلمى: انت رايح فين وسايبني
ليل: عندي شغل بقالي اسبوع سايب الشغل يضرب يقلب وسليمان قالي انزل
سلمى بزعل: وهتسبني ده احنا مقعدناش مع بعض كتير
ليل: معلش يا حبيبتي وقف تاني ان شاء الله... ادته ضهرها وزعلت وهو قرب منها وقال: معلش هخلص الثفقه دي وهاجي على طول... مردتش وهو قال: طب بصي هيطلع ليا مكسب حلو اوي في الثفقه بتاعت الشغل بتاع انهارده هجبلك احلى طقم دهب...
سلمى: انا مش عاوزه حاجه يا ليل انا عوزاك جمبي... مش فارقه معايا هتجبلي اي وبكام المهم انك معايا وتبقى معايا ومتسبنيش حسسني كأني مراتك فعلا...
ليل: طب هعوضك والله معلش يا حبيبتي متزعليش منى
سلمى: طيب مفيش حاجه... بس مش هتتأخر عليا
ليل: مش هتأخر... عدلت جلبيته. وهو باس خدها وقال: متنسيش تصلي ولو جيت ولقيتك لابسه حاجه ضيقه وقاعده بيها تحت هعلقك وهسود عيشتك...
سلمى ببسمه: حاضر يا حبيبي... مستنياك
ليل: طيب يا حبيبتي.. سلام عليكم... ونزل وهي اتنهدت وابتسمت فمكنتش تتخيل انها هتعيش معاه حياة سعيده
-----------------------------------------
مرت سبع شهور وهما حياتهم مستقره وهو بيحاول يعوضها على كل لحظه كان قاسي فيها معاها..
في يوم...
كانت الساعه واحده بعد نص الليل كانوا نايمين الكل والبيت ضلمه
في اوضه سليم وزهره
كان سليم نايم وزهره جمبه بتعيط
زهره بعياط: اااه اااه سليم الحقني
سليم بنوم؛ اي يا زهره في اي
زهره بعياط: الحقني انا حاسه اني بولد
قام انتفض وقال؛ طب اعمل
زهره بعياط صراخ؛ خديجه نادي خديجه تلحقني....
قام بسرعه وطلع يروح لخديجه وبعد ثواني كان في ستات كتير في اوضه زهره..
في اوضه ليل..
كانت نايمه وهو بيتأملها وبيحرك ايده على شعرها...
سلمى بنوم؛ ليل..
ليل: قلبه
سلمى بنوم؛ نام يا حبيبي نام
ليل:لاء قومي كدا ده انا حتى واخد اجازه من الشغل بكره تعالي نسهر مع بعض للصبح..
سلمى بنوم: لاء انا عاوزه انام اوي..
ليل: قومي يا بت...
اتعدلت ومسحت شعرها اللي على وشها وقالت: انا عاوزه انام يا ليل مش قادره بجد تعبانه..
ليل: لاء هتقعدي معايا ده انتي حتى وحشاني اوي... كانت هتتكلم قاطعهم الباب
نفخ بضيق وقال: ايوة
سليمان: اطلع عاوزك تروح تجيب حجات اصل زهره بتولد...
سلمى بصدمه: ايه؟ كانت هتطلع مسكها وقال بحده:حاضر يا بوي
مشي سليمان وهو بصلها بحده وقال بغضب: انتي اتجننتي هتنزلي كدا
سلمى: انا اسفه يا عم كنت خايفه على زهره بس
ليل؛ البسي حاجه واسعه انا مش بطيق الضيق عليكي
سلمى: يعني تقصد ان انا وحشه صح
ليل: يلهوي وحشه؟ ده انتي اللهم صل على النبي زي القمر واحلى من القمر كمان
ابتسمت وقالت؛ طب يلا عشان اقف جمبهم
بعد وقت..
كانت زهره بتصوت عشان بتولد
سليم بتوتر:ربنا يقومها بالسلامه.
ليل: متقلقش يا خوي هتبقى كويسه وديه مش اول مره هي تولد
سليم؛ ان شاء الله خير... كانت واقفه قدام الباب مع الخدم وضحى بعد ما خديجه اصرت انهم يطلعوا...
سلمى: انا هموت وانام
ضحى: باين عليكي اصلا
بصت ل ليل اللي مبتسم وباصص ليها ابتسمت ولفت وشها ومحستش غير بإيده بتحسس رقبتها اللي مش مغطياها الطرحه
بلعت ريقها بتوتر وقالت: في حاجه يا حبيبي
ليل: رقبتك باينه ولما نطبع هعلقك يا سلمى
سلمى: والله ما اخدت بالي
ابتسم وبعد عنها
سلمى في نفسها: بيتلكك والله انا عارفه
تعالت الزغاريط والدايه جت وهي ماسكه بنت في اديها وقالت: مبروك بنت زي الجمر
سليم ابتسم بحب وباس خد بنته وقال: هسميها ورده
حازم ويوسف: يعني احنا عندنا اخت واسمها وردة..
سليم: اه يا حبيبي... عاوزكم تبقوا ضهرها وسندها.
سلمى بفرحه: مبروك يا سليم
سليم: الله يبارك فيكي يامرت اخوي عقبالكم
ليل: ان شاء الله قريب اوي
سلمى: ممكن اشيلها على فكره انا دكتوره اطفال مش هعمل ليها حاجه على فكره
ابتسم سليم وقال: طبعا... اخدتها منه وقالت ببسمه: ما شاء الله جميله اوي اوي...
ضحى: ممكن اشيلها... وكانت صدمتها لما اخدت سلمى ورده وطلعت تجري بعيد عنهم ضحكوا عليها وهي قالت: لاء انا خلاص اخدتها ومش هديها لحد...
سليم؛ انا عاوز بنتي من اللي شبطت دي اتصرف
ليل: في اي يا جماعه مش هتاكلها يعني متسبها
سليم: عاوز بنتي يا ليل
ليل؛ والله هجيب واحده ومش هخليك تيجي جمبها.. ضحك سليمان وهو ابتسم وقرب منها وهي شدتت على البنت مسح راس ورده ومال وباس خدها وقرب منها وهمس: على فكره هي وحشه اللي احنا هنجبها احلى منها بكتير
سلمى: حرام عليك يا ليل دي زي القمر يا حبيبي
ليل: ممكن اديها ليه
بصت ليها وقالت بزعل: ماشي... اخدها ليل وابتسم واداها لسليم وقال؛ شوفت اقنعتها...
سليم بهمس: طب روح صالحها عشان هي اتقمصت وطلعت فوق
اتنهد وطلع وراها..
كان البيت كله فرحان بولاده زهره
في الاوضه عند ليل..
ليل: مالك يا قمر اتقمصتي ليه
سلمى: متقمصتش ولا حاجه انا بس عاوزه انام
ليل: لاء اتقمصتي اي يا حبيبتي
حضنته وقالت: كلهم تحت شيفني اني طفله صغيره وانا مش كدا انا بتعامل بطبيعتي مش اكتر
ليل: عارف يا حبيبتي... وبعدين انتي اجمل وارق طفله في حياتي انا عاوز اقولك حاجه متهتميش بكلام حد ديما اتعملي بطبيعتك وحبيها اوعي في. يوم وتغيريها عشان حد حبي نفسك واسلوبك وطفولتك حبي فيها كل حاجه واوعي تتغيري او تسمحي لنفسك تتغيري عشان حد لو هتتغيري يبقى عشان نفسك اثبتي للكل انك كدا احسن من التغير اللي هما عوزينه احنا بنحب نفسنا عشان نفسنا حباها مش عشان حد حاببها
ابتسمت وقالت؛ شكرا انك جمبي يا حبيبي
ليل: ده انا جوزك ولا اي
سلمى ببسمه: ولا اي...
عدى اسبوعين وسلمى حاسه بتعب
في يوم..
كانوا قاعدين على الغدا
وهي قاعده على الكرسي وسانده راسها على ضهر الكرسي وحطه اديها على بطنها من الوجع اللي هي حاسه بيه وكان ليل مشغول في الكلام مع سليمان لحظتها خديجه وقالت؛ بت يا سلمى انتي كويسه
بصت ليها وقالت؛ ايوة ايوة كويسه الحمد لله
بص ليها وقال: انتي كويسه
سلمى: اه
ليل؛ مش باين كدا باين انك... قاطعته وقالت؛ كويسه مفيش حاجه يا حبيبي متشغلش بالك انا كويسه اهه..
خديجه؛ خلاص يا ليل هتشرب شويه شوربه وتاكل كدا وترم عضمها عشان البرد ده يروح..
اتحط قدامها اكل وهي بصت للأكل بقرف
ملى المعلقه وقال: يلا... اول ما شمت ريحه الاكل قال: قامت تجري على الحمام قام ليل وراها بخوف عليها...
كانت في الحمام وهو واقف وبيخبط على الباب
ليل بقلق: حبيبتي انتي كويسه طب ادخل.. في حاجه.. مكنش في اي رد كان هيدخل لكن هي فتحت الباب وقالت بتعب: انا كويسه
ليل: لاء مش باين عليكي خالص انك كويسه... مالت وحطت دماغها على صدره وقالت؛ انا كويسه بس عاوزه انام وارتاح يا حبيبي متقلقش انا بس هنام وهصحى وهبقى كويسه
ليل: ايه موضوع النوم ده اول واحده تنام واخر واحده تصحى
سلمى: عشان خاطري يا ليل انا بجد عاوزه انام
ليل: طيب... حط ايده على جبهتها وقال: انتي سخنه على فكره
سلمى: لاء انا تمام
بص لسعديه وقال: عاوز حاجه سخنه وكمدات وشوربه خضار يا سعديه وتجبيها على فوق
سعديه: حاضر يا بيه
شالها وطلع بيها على الاوضه وغطاها كويس
تحت...
سليمان لخديجه: السبع جاي فالسكه
خديجه بضحك: شكله كده
فوق عند ليل..
وقال: تلاقيه دور برد مش استحميتي امبارح وطلعتي قدام المروحه اكيد ده السبب
سلمى: يمكن... بس متشغلش بالك يا ليل ركز في شغلك انا كويسه
ليل: اركز في شغلي ازاي وانتي بالحاله دي معقوله اسيبك كدا...
ابتسمت وهو مسك اديها بخوف وباس اديها وقال: هتبقي كويسه ان شاء الله..
سلمى: متقلقش... خبط ودخلت سعديه وحطت الحاجه وطلعت بهدوء
ليل: يلا بقى افردي جسمك عشان اعملك الكمدات..
سلمى: حبيبي والله انا كويسه
ليل: بقولك اي انا خلقي ضيق يلا... فردت جسمها وهو حط قماشه فيها شويه ميه على جبهتها وهي كانت بتبص ليه بحب وهي شايفه خوفه وانه جمبها مسحت دموعها اللي نزلت وهو لاحظ وقال بلهفه؛ انتي بتعيطي ليه حاجه وجعاكي
سلمى؛ انا بعيط عشان فرحانه انك جمبي... ابتسم وضمها ليه بعشق..
في يوم...
دخل الاوضه وكان بيتكلم في التليفون وقال: ايوة يا ابني خلص بس كل الورق ده عاوزه يبقة على مكتبي عشان امضيه... رفع نظره ولقى الاوضه ضلمه وفي شموع وتورته محطوطه وسلمى لابسه فستان ازرق قصير وفاردة شعرها
ليل: احم طيب تمام اقفل بقى.. قفل وقال ببسمه؛ ده انا خديجه دعيالي انهارده.. قربت منه وحضنته وقالت بدلع: كل سنه ونت طيب يا لولي...
ليل: ونتي طيبه بس ليه كدا
لفت اديها حولين رقبته وهمست بدلع: عشان عيد ميلادك يا حبيبي
ليل: عشان كدا... حط ايده على وشها وقال: طمنيني لسه تعبانه ولا اي
سلمى: يا ليل بقالك تلت ايام على الحال ده انا كويسه والله وخفيت كمان وطلع دور برد بس احلى دور برد اخدته في حياتي عشان مطلعش دور برد وطلع حاجه تانيه
ليل: حاجه اي
سلمى: فكك بقى وخليك معايا ونحتفل بعيد ميلادك سوا ده اول عيد ميلاد ليك يبقى لينا مع بعض...
ليل ببسمه: هو الفستان ده عشاني
ما زالت لفه اديها حولين رقبته وبتحرك اديها في شعره وقالت ببسمه: اه..
ليل؛اسكتي مش انا لقيت ان الحل الامثل في الوقت ده حدوته حلوة
سلمى ببسمه: لاء تعالى ناكل التورته اللي انا عملاها عشان نفسي هفاني كدا على حته شوكلاته..
ليل: ماشي بعديها هنتكلم.. هغير هدومي ونقعد نتكلم...
سلمى: ماشي....
بعد وقت..
كان بيأكلها وهي نايمه في حضنه
سلمى: ربنا يباركلي فيك وميحرمنيش منك ابدا يا قلبي
ليل: اي الدلع ده والكلام الحلو ده
سلمى: عشان انت حققت ليا حاجه كان نفسي فيها تبقى منك انت من ساعت ما حبيتك يا ليل
ليل: حاجه اي مش فاهم
سلمى؛ امم طب خد الهديه دي هتعجبك اوي
ليل: هو في هديه كمان... كده كتير عليا وانا كدا مش هستحمل الحب ده
سلمى: افتح بس...
فتح ليل الهديه وكانت.......
يتبع......
YOU ARE READING
عشقني ليل الصعيد
Romanceنظل ما بين تلك الحرب القويه ما بين مشاعرنا... لم يتوقعا ان يقعا في عشق بعضهما البعض... بعد قسوة وزواج مجبران عليه تحولا الى عاشقين لا يستطيعا ان يتفرقا او يتخلوا عن بعضهما البعض...، كانا يظنان انهما في طريق طويل مظلم لا نهايه له... حتى تقابلا هي ذاق...
