عشقني ليل الصعيد

الحلقه ال٢٢ ج٣

الحلقه ال٢٢ ج٣
وفجأة كانت واقفه قدامهم عربيتين... مسكت فيه وهو نفخ بضيق وقال: هو مفيش غيرنا اللي بيتخطف في ام البلد دي... ضحكت وقالت: مش عارفه... قرب واحد منهم وليل قال: طبعا هترش مخدر وهتضربني واكيد اكيد يعني هتتنفخ نصيحه مني بلاش انا...
الشخص: انت مش خايف
ليل؛ والله انا خايف عليك انت...
ابتسم الشخص وبصلها وقال: طب مش خايف عالحلوة دي...
مكملش كلامه لما ليل ضربه وقال بغضب؛ اقسم بالله اللي هيقرب من مراتي لأكون قتله ومش هاخد فيكم ثانيه واحده...
سقفت وقالت؛ الله عليك يا جوزي يا حبيبي... ضحك وقال: انتي متجوزه اي حد ولا اي...
كانوا بيبصولهم بغباء انهم مش خايفين...
ليل؛ عاوز اي انجز...
الشخص: لاء اتفضلوا احنا شكلنا غلطنا في الاشخاص... ضحك الاتنين وليل مسك اديها واتحرك وبمجرد ما اتحرك كان في شخص بيوجه نحيتهم السلاح...
ليل: صلاة النبي احسن...
المجهول: رايح فين ارجع...
ليل: شيل يا بابا خلة السنان اللي في ايدك بدل ما تعور نفسك...
المجهول: مش خايف... طيب... وجهه نحية بطنها وقال: طب كدا..
ليل بغضب: اقسم بالله اللي هيمس شعره من مراتي ويأذيها لأكون شارب من دمه ومش هيكفيني دمه كله الا مراتي وبنتي
المجهول: ماشاء الله طلعت بنت سمتوها اي بقى...هاتوهم... ومتحاولش تقاوم لان زي ماانت شايف مش هتفرق معايا وهخلص عليها... قرب واحد يربط اديها وقفها وراه وقال بغضب: محدش يقرب منها ولا يلمسها أنا هربطها انا...
ضحك المجهول وقال: لاء احبك وانت حمش يا عم ليل فعلا انتو  تستهلوا بعض...
سلمى: ياعمو خلصنا في ام ليلتنا السودا دي اللي مش عايزه تخلص دي...
ضحكوا عليها وليل قرب منها وهمس: انا مش عارف ليه كل ما نتخطف الشارع يبقى فاضي... ضحكت وهو ابتسم...
المجهول: اخلص انت وهو اربطهم...
واحد من الحراس قال: يا باشا انت مش شايف بيبصلنا ازاي...
المجهول: اخلص...
واحد تاني: احنا هناخدهم فين... بصلهم ليل وكانوا بيتكلموا مع المجهول...
ليل بهمس: لاء وحرامي اهبل كمان يخربيت غبائه... ضحكت وهو مسك اديها وقال؛ بتثقي فيا مش كدا
سلمى: طبعا...
ليل: اتسحبي معايا كدا والعربيه مش بعيده من هنا...
سلمى: ربنا يستر... اتحركوا ومشيوا وهما مأخدوش بالهم انهم مشيوا...
المجهول: ايه ده هما فين هاتوهم...
عند ليل وسلمى...
ليل: اجري يا سلمى
سلمى: اجري اي يا اهبل انت انا حامل ومش قادره....
ليل: بشايرك يا بنتي.... ضحكت وقالت؛ والبنت ذنبها ايه...
ليل: مذنبهاش حاجه انا السبب...
بصت وراها وقالت: الحق دول ورانا... مسك اديها ودخلوا عماره واستخبوا فيها... حاصرها في ركن صغير وقال بهمس: اتنفسي براحه ومتخفيش مش هيحصل حاجه خالص...
سلمى: انت مقرب كدا ليه ابعد يا عم... ابتسم ولف وشه وهو بيكتم ضحكه...
سلمى: فاكر يا ليل اول مره وقفنا الوقفه دي كانت امتى؟
ليل: وانا هنسى أول أيام جوازنا لما كنتي عايزة تلبسي الطرحه وتداري شعرك وانا اصلا جوزك
سلمى: الاه انت لسه فاكر تعرف انا بدورلك على اي حاجه عشان نتخانق وتصالحني
ضحك وقال: اصالحك ولا أبوسك... سكتت وهو قال: انا عمري ما أنسى أي لحظه بينا من أول ما أتقبلت عيني بعينك في الأسطبل وكل حاجه عشناها سوا وبينا حافظها... وقرب وباس خدها... سمعوا صوت وقال: ده ايه الرواقه دي ولا كأنكم هتتخطفوا..
بعد عنها وقال؛ انت متجوز
المجهول: اه..
ليل: وانت مبتعملش كدا
المجهول؛ ملكش دعوة
ضحك وقال: اخلع يا عم ام الماسك ده عرفك من غبائك..
ضحك المجهول وقال: ده تار قديم بينا...
ليل: مكنوش خمسين الف اللي اخدتهم منك...
المجهول؛ مادام عارف انه انا هربت ليه انا عمري ءأذي أخويا ومرات أخويا... وبصلها وغمز...
ضربه وقال بحده: طب عينك بدل ما أعميك
خلع القناع وكان شخص في نفس عمره حضنه وهمس: في المخزن يا باشا هتيجي ولا تروح الأول.. همس وقال: اروحها الأول وهاجي معاك... انا قولتلك نفذ انا خوفت انه ميكونش انت بس لما شوفت غبائك عرفتك
همس وقال: طب كتر خيرك يا روميو..
كانت بتبصلهم بصدمه وليل قال: اه صح سلمى مراتي أكيد عارفها...
سلمى: ايه الجنان ده مين ده...
ليل: ده وليد مش عرفاه... بصتله وقالت؛ وليد مين؟؟
ليل: وليد جوز ملاك صحبتك اللي كانت متجوزه عز...
سلمى: اه صح...
وليد: متفكرنيش دي كانت ايام زفت ياعم..
سلمى: لزمته ايه الأكشن اللي حصل ده وتجروني وتفرهدوا الواحد.... ضحكوا ووليد قال: كان لازم كدا يا مدام وليل يحكيلك ليه عملنا كدا..
بصتله وهو قال بغيره: طب يلا مش هنقضيها كلام
في الطريق...
ليل: انت عبيط صح
ضحك وقال: اي يا مدام ما تهدي جوزك شويه... هي مبتردش ليه..
ليل: فصلت شحن.. لف وكانت نايمه ابتسم ووليد قال: ربنا يخليكم لبعض...
ليل: يارب.. اخبارك واخبار ملاك وبنتك مش عندك بنت بردو...
وليد؛ اه...
ليل؛ ماشاء الله وعندها كام سنه كدا
وليد: اد ولادك التوأم ١٢ سنه
ليل: ماشاء الله ربنا يباركلك...
وليد؛ اخبار بتاع ثناويه عامه اي
ليل: هيبدأ إمتحانات وخايف عليه وهو مرعوب..
وليد: يعمل بس اللي عليه وربنا مش هيضيع تعبه
ليل؛ ادعيله...
وليد؛ ربنا يوفقه يارب...
اتصدموا لما قالت بحده: هو انتو مش بتزهقوا اسكتوا شويه مش عارفه انام...
حس ليل بالصدمه اما وليد انفجر في الضحك وقال: منوره يا مدام والله
سلمى: قول لمراتك اني زعلانه منها كل ده متسألش عليا
وليد: والله هي مشغوله اوي بچنى
سلمى: ابقى خليها تكلمني لانها وحشاني اوي وابقو تعالو عندنا
وليد: والله ليل قايلي بس الوقت والشغل
ليل: الشغل يقدر يستنى ابقو تعالو
وليد: ان شاء الله حاضر...
بعد وقت...
وليد: هستناك انا تمام
ليل: تمام...وقف بالعربيه وهي قالت؛ انت هتروح فين
ليل: مشوار وجاي
سلمى: ليل انت مش عاوز تقولي
ليل: هحكيلك لما اجي
سلمى بزعيق: طب اي رأيك بقى اني مش عاوزه اكلمك تاني لانك مخبي عليا ومش عاوز تحكيلي
ليل: لاء بصي انا فيا اللي مكفيني هرمونات الحمل دي مش وقتها اصلا
دمعت عنيها وقالت؛ طب اي رأيك بقى اني زعلانه منك ومش هكلمك تاني وبنتي ملكش دعوة بيها انت فاهم ولا لاء... وطلعت... اتنهد ومشي وراها وقال: اغزي الشطان يا ام فهد
سلمى: ام فهد جابت اخرها اصلا بص انا مش طيقاك ولا طيقه ولادك ولا طيقه البيت ده كله اصلا... ضحك وحضنها وقال: طب تعرفي اني بحبك اد ايه وبحب الهرمونات دي ومش قصدي اخبي عليكي ولا حاجه انا هحكيلك لما اجي...
سلمى بزعل: يعني هتمشي وتسبني
ليل: كلها ساعتين وراجع تاني... مسك خدها وقال: ومتنميش عشان هتسمعي الورد اللي عليكي
سلمى:طيب... قربت وهمست: هات شوكلاته وانت جاي وفطير وعسل وطحينه
ليل: حاضر واي حاجه تعوزيها كلميني... باست خده وقالت: متتأخرش عشان لما تيجي احكيلك على واحده من اللي مش بيطقوني.... ضحك وقال: حاضر يا ستي... دخلت البيت وهو ضرب كفه بكفه بيأس واتحرك عند وليد...
في الطريق...
وليد: لحقنا الولد قبل ما يموت
ليل: صعبان عليا والله عموما هما هياخدوا جزائهم خلاص
وليد بهزار: اي يا عم اربعه ولا خمسه المره دي
ضحك وعدل ياقت قميصه بغرور وقال: لاء هي واحده وياريت كانوا اتنين او تلاته كانت وفرت المره اللي بعديها
وليد: يخربيتك انت مبتتهدش
ليل: الله اكبر في عينك يا شيخ وبعدين انا حر
وليد: صحه... ضحك وقال: ما تجرب
وليد: ده ملاك كانت تموتني هي من ساعت ما جبنا سيليا وهي تعبانه وخلقها ضيق ومش طايقه حد وعلطول مشغوله بسيليا وبتقولي بنت ومحتاجه اهتمام وسن مراهقه وانا حابب كدا وبحب سيليا اوي...
ليل: ربنا يباركلك يا خويا...
بعد وقت...
في المخزن...
كان قاعد اتنين عالأرض وفي كدمات وآثار ضرب على وشهم
ليل؛ هاه مش هتقولو مين اللي مصلتكم عليا
الشاب بتعب: احنا منعرفش اسمها بس انا صورتها
ضحك بسخريه وقال: والله عال ان واحده ست ممشيه كلامها على اتنين شحطه كدا...فين الصوره
الشاب: في التليفون
ليل: هاته
الشاب: في جيبي
اخد التليفون واول ما شاف الصوره ابتسم وقال: تعرفو انكم خاينين العيش والملح خونتوا الراجل اللي واثق فيكم وسايب شغله تحت مسئوليتكم بس عادي هتعدي ولأني مش قاسي وقلبي حنين هكتفدي بطلقه واحده من المسدس في واحد منكم او ممكن يكون سر بينا وتترفدوا عادي ومادام اترفدتوا من شركه الجندي مظنش ان في شركه تانيه هتقبلكم هاه قولتوا اي
بصوا لبعض وسكتوا وهو طلع مسدسه وعملوا نحيتهم وقال: خلاص اقرر انا...
الشاب بسرعه: خلاص يا باشا احنا موفقين نترفد وخلاص
ليل: طيب... وشاور للحرس وقال: فكوهم... ومشي..
في الطريق...
كان بيخبط وبيزعق بغضب وقال: والله العظيم لأوريها انا هعمل ايه فيها... اتنهد ووصل جراج البيت ودخل العربيه وبص للموتسيكل بتاعه وركبه واتحرك بأقصى سرعه ليه.. اتصلت بيه وهو رد وقال: ايوة يا حبيبتي...
سلمى: ايه يا حبيبي انت فين
ليل: شويه وجاي
سلمى: صوتك ماله
ليل: لما اجي هحكيلك
سلمى: تمام يا حبيبي مستنياك... قفل معاها وزود السرعه اكتر وكان كل تفكيره في الورق اللي اتسرق من مكتبه وأتأكد مين اللي عمل كدا والثفقات اللي كانت بتروح منه... اتقلبت بيه المكنه قعد عالأرض بتعب ومسح التراب وبدأ الدم ينزل من كتفه وخدوش في وشه... اتعدل وراح عند الموتسكل وركنه وراح نحيه البحر وقعد قدامه وطلع سجاره وولعها وقعد ينفخ في دخانها بعصبيه طلع تليفونه واتصل بمايا...
مايا بدلع: ليل مش معقول اول مره تكلمني
ليل: وحشتيني قولت اكلمك
مايا؛ بجد يا ليل وحشتك
ليل: ايوة طبعا بقالك كتير مش بتيجي المكتب قولت اطمن عليكي...
مايا؛ لو تحب اجي بكره
ليل: اوي اوي مستنيكي... قفل معاها وبص لخلفيه التليفون اللي كانت فيها صورته معاها ومع فهد والتوأم ابتسم واتنهد براحه وقام اتحرك عالبيت...
بعد وقت...
في البيت...
كانت بتجري ورا تيام وبتقول: يا واد انت يا تيام هات الشوكلاته بتاعتي والله لو ما جيت لكون عامله معاك الغلط واكون اول مامي عملت الغلط مع ابنها وانت حر بقى في اختيارك يا شبح...
فتح الباب وشاف منظرهم ده وكتم ضحكه وقال: بتزعقي ليه بس يا قلب ليل في واحده تقول لأبنها يا شبح وهعمل معاك الغلط...
سلمى: انا عايزه حقي يا عم ليل... انا كان مالي ومال الجواز والهم ده يا ربي واول ما اخلف تاني يجيلي اجواز ليه أرنبه انت اصلا كنت قاصد تفقدلي انوثيتي... إنفجروا في الضحك
ليل بضحك: هات يا جذمه الشوكلاته بتاعت امك.... اخدها منه واداهلها وهي شهقت وقالت؛ ليل مال وشك بينزف ليه واي الخدوش دي...
ليل: مفيش حاجه انا هرتاح شويه... دخل الاوضه واول ما دخل دخلت وراه ومسكت فيه وقالت: انت كويس صح طب ليه بتنزف انت كويس فيك حاجه...
ليل: انا كويس انا بس وقعت...
عيطت وقالت؛ ديه مش وقعه خالص انت ركبت المكنه تاني صح
ليل؛ ينفع تهدي...
سلمى: رد عليا مش انت قولتلي مش هركبها تاني
ليل: كنت عايز اشم شويه هوا
سلمى: وعاجبك منظرك ده
ليل: ماله منظري انا كويس... حطت اديها مكان الجرح اللي على وشه وكان في أثار دم وخدوش مسحتهم وقالت: في جروح تانيه صح
ليل: مش عارف....نزل لمستوى بطنها وقال: شوفتي يا حبيبت بابا... بابا حصله ايه تعبان اوي
طبطبت عليه وهو بصلها وقال: عايز انام في حضنك خليني اهدى شويه...
حركت راسها بالموافقه ونامت عالسرير وهو دخل في حضنها وقال وهو دافن راسه في حضنها؛ انا بحبك
سلمى: فهمني بس حصل ايه
ليل؛ تعبان اوي
سلمى: طب خد اجازه من الشغل
ليل: الفتره اللي جايه مش لازم اجازه خالص
سلمى: ليه
ليل: عشان في شغل كتير جاي....
طبطبت عليه وعدت دقايق وهو كدا قام اتعدل وقال: هدخل استحمى وطالع
سلمى: طيب يا حبيبي... كانت بتبصله وهي خايفه عليه من ملامحه...
بعد وقت...
طلع وقال: هو احنا عندنا مرهم الحروق
سلمى: اه بس ليه...
ليل: ضهري وكتفي.... قربت منه وقالت؛ اوعدني انك مش هتركبها تاني.... اتنهد وقال؛ اوعدك....
في شقه سليم وزهره...
كانت قاعده ورده ولقت إسماعيل بيتصل بيها اخدت نفس طويل وردت وقالت: ايوة يا دكتور
اسماعيل: ورده كنت عاوز اخد إستشارتك في حاجه
ورده: اتفضل
اسماعيل: بنت اختي تعبانه ودرجه حرارتها عاليه جدا وانا مش عارف اعملها ايه
ورده: اعملها كمدات وهاتلها دوا من الصيدليه ينزل حرارتها وهتها بكره المستشفى وانا هشوفها
اسماعيل: شكرا اسف لو صحيتك
ورده: لاء مفيش اسف انا موجوده لو احتجت حاجه
اسماعيل: طيب شكرا... قفلت وهي ابتسمت ولفت وكانت زهره اللي قالت بمرح: انا موجوده لو احتجت حاجه
اتكسفت وقالت؛ اي يا ماما حد يدخل على حد كده
ضحكت وقالت: مالك يا بت انا بهزر
ورده: طيب انا عايزه انام... ضحكت وقالت: اهربي اهربي... نزلت تحت البطانيه وابتسمت وغمضت عنيها....
عند ليان...
كانت واقفه في البلكونه ومستنيه حازم يرجع من الشغل
ليان: انا واقفه ليه اصلا انا مالي هو أتأخر ولا متأخرش هو حر... شافته جاي من على اول الشارع واول ماشافته بصتله اوي وابتسمت بص فوق ولقاها واقفه ابتسم وهي شاورتله بإديها وهو اتصل بيها وقال: نعم يا ستي واقفه كدا ليه
ليان: سليمان نايم ومش هينفع اصحيه عشان عنده درس الصبح لو ينفع تجبلي حاجه من تحت... بص فوق وقال: عاوزه ايه
ليان: هاتلي شيبسي وشوكلاته البيضا اللي بحبها...
حازم: حاضر... كان هيمشي قالت: هحدفلك الفلوس استنى
حازم: بس يا هبله انا معايا
ليان: لاء يا عم انا مبحبش يبقى عليا فلوس لحد
حازم: معلش اقفلي... قفلت
بعد وقت...
كان طالع عالسلم وهي واقفه وفتحه الباب وقف قدامها وقال: عمتي فين
ليان: نايمين هات بقى
قرب خطوة وقال: وراكي حاجه بكره
ليان؛ اه هنزل اشتري حجات مع ورده
حازم: خلاص هبقى معاكم عشان محدش يضايقكم هتنزلوا امتى
ليان؛ أسأل أختك... ابتسم وقال: طيب... مد ايده بالحاجه وهي اخدتها وقالت: ايه كل ده كتير اوي
حازم: ولا كتير ولا حاجه دي حاجه بسيطه لبنت عمتي
ليان؛ شكرا اوي يا حازم.... اتنهد وطلع عالسلم وبصلها وغمز ابتسمت وهو طلع....
تاني يوم....
صحيت لقته نايم وحضنها جامد ابتسمت وطبطبت عليه وكانت هتبعد فتح عينه وقال: راحه فين
سلمى: هقوم... مسك فيها اكتر وهي ابتسمت وقالت: تفتكر يا ليل ولاد العيله هيعيشوا قصة حب زينا كدا
ليل: طبعا كل واحد هيعيش قصته بس محدش هيقدر يتفوق على قصة حبنا
ابتسمت وقالت: الزمن هيثبتلنا كدا
ابتسم وقال: ومحدش بردو هيتفوق على قصه حبنا لان مفيش تاني من ليل وسلمى...
قام وباس دماغها ودخل الحمام...
بعد وقت...
طلع لقاها ماسكه تيام من رقبته وقالت؛ انت بتعاندني يا ابن ليل
ليل؛ وليل ماله بقى
ضحكت وقالت: ينفع كدا يا ليل الواد بيضايقني
ليل: بس يا تيام يا حبيبي متضايقش ماما...
تيام بضحك: حاضر
اخد حاجته ونزل وكان نازل شاف ليان وحازم واقفين مع بعض
ليل: انتو واقفين هنا ليه
حازم: ليان وورده نازلين يشتروا حجات ولازم معاهم راجل فهخلص شغل وهعدي عليهم فبنتفق...
ليل: طب ادخلي جوه يا ليان وانت تعالى عاوزك
دخلت وهو قال: مالك
حازم: مالي يا عمي
ليل: احنا هنضحك على بعض مالك مهتم بيها كدا ليه اي بتحبها
حازم: لاء طبعا يا عمي ليان اختي ومن حقي اخاف عليها
ليل: بس انا مش شايف كدا مش بتعمل كدا غير معاها
حازم: انت عاوز توصل لإيه يا عمي اللي في دماغك مش هو
ليل: طيب اللي انت شايفه
في الشركه...
كانت قاعده مايا واول ما اتفتح الباب وشافته قامت وابتسمت وقالت بدلع: ازيك يا ليل
ليل: اهلا
قربت منه ووقفت قدامه وكان بيبصلها بنظرات هي مش فهماها
مايا: بتبصلي كدا ليه..... وفجأة...
يتبع...