الحلقه ال١٧ ج٣
وكان صوت إسماعيل اللي قال ببسمه: ازيك يا دكتوره
ورده: ازيك يا دكتور
إسماعيل: كويس... بصت للبنت الصغيره اللي ماسكه في إيده وبتبصلهم
ورده: دي بنتك مش كدا
إسماعيل: لاء بنت أختي وما أدراكي ببنت الأخت
ابتسمت وقالت؛ ايوة طبعا... بص إسماعيل لسلمى اللي متبعاهم وقال لورده: اختك دي..
ورده: لاء مرات عمي.. بصلها شويه وقال؛ اوعي تقولي ان دي سلمى مرات عمك ليل... استغربت وورده قالت؛ ايوة هي...
إسماعيل: أهلا وسهلا..
ورده؛ علفكره طنط سلمى دكتورة بردو ونفس قسمي
اسماعيل ببسمه: أتشرفت بمعرفتك يا دكتورة والله
سلمى: شكرا... بصت لورده اللي بتبص لإسماعيل ومركزه معاه
مد ايده يسلم عليها لكن كانت في ايد سلمت عليه وكان ليل اللي ضغط على ايده وكان هيكسرها من الضغط عليها
بصله إسماعيل وقال: اكيد طبعا انت ليل...
استغرب وبعد ايده وقال: ايوة انا بس عرفت منين
اسماعيل؛ حضرتك معروف يا بشمهندس وعرفتك من غيرتك على الدكتورة..
ليل؛ وانت عرفت منين..
مردش وبص لورده والبنت الصغيره قالت؛ خالو انا عاوزه فستان
اسماعيل: حبيبتي ما احنا بندور اهه
ورده: في محل مخصص للأطفال وفساتين وكل حاجه القمر دي عوزاها
اسماعيل؛ شكرا يا ورد عن اذنكم فرصه سعيده واخد بنت اخته ومشي..
بص ليل وسلمى لبعض وبعدين بصوا لورده اللي قال: في ايه بتبصولي كده ليه..
سلمى بمرح: مش ملاحظه يا ورده انك بتخبي حجات على صحبتك...
ورده؛ مش بخبي ولا حاجه يا طنط
سلمى:اومال مين ده
بصت ورده ل ليل وهو فهم وقال: احنا خلصنا للشباب هنروح نقعد مع سليم وزين وانتم لما تخلصوا تعالوا هناك... ومشي...
سلمى: اهه مشي مين ده بقى
ورده؛ ده اسماعيل مدير المستشفى اللي شغاله فيها
سلمى: مديرك اهااا... واتوترتي ليه اول ما شوفتيه وخبيتي الهدوم اللي ناويه تقسيها ليه..
سكتت وهي قالت؛ لما تحتاجي تتكلمي انا موجوده يا وردتي..
ورده: شكرا يا طنط..
طبطبت على كتفها وقالت: العفو يا قلب طنط يلا بينا...
عند ليان..
كانت سرحانه وهي بتفتكر كلام ليل واللي حصل معاها في المدرسه الصبح..
فلاش باك..
كانت قاعده هي واياد في المكان اللي بيقعدوا فيه
ليان: احنا اخر اللي بنعمله ده ايه
اياد: مش فاهم
ليان؛ انا خونت ثقه اهلي فيا عشانك عشان بحبك
اياد: ما انا كمان بحبك يا حبيبتي
ليان: طيب يا اياد..
قرب منها ومسك اديها وقال: مش انتي واثقه فيا
ليان: اه واثقه فيك اكتر من نفسي كمان
ابتسم بخبث وقال: طيب يا قلبي
باك..
فاقت من تفكيرها وبصت للجاكيت بتاع حازم ولقت اياد بيتصل بيها اتسحبت وبعدت عنهم وردت عليه
ليان: اي يا اياد..
اياد: انتي فين
ليان: في الشارع مع اهلي
اياد: طيب هتجيبي اللي قولتلك عليه..
ليان: الطقم اللي انت عاوزني البسه عريان اوي يا اياد
اياد؛ احنا اتفقنا يا ليلي...
ليان: بس بابا لسه مزعقلي
اياد : طيب... قفلت معاه وبصت وراها وكان سليمان وحازم..
اتوترت وقالت؛ انتو هنا من امتى
سليمان؛ انتي فين يا بنتي بندور عليكي
ارتاحت انهم مسمعوهاش وبصت لحازم اللي باصصلها بحده
حازم؛ طب روح انت يا سليمان وانا هودي ليان عند البنات
مشي وليان قالت؛ شكرا على الجاكيت انا مش محتجاه...
حازم؛ لاء خليه انا كمان مش محتاجه
ليان؛ بس الجو سقعه وانت هتبرد
حازم: شاغله بالك ليه..
ليان؛ عشان انت زي اخويا... اتنهد وقال: اللي شيفاه يلا بينا...
مشت جمبه وبصتله وقالت: هو في حاجه
حازم: حاجه زي ايه
ليان؛ لا ولا حاجه..
حازم: انتي لبسك وحش يا ليان
ليان: قصدك اني وحشه صح
حازم بتسرع: لاء والله ما قصدي انتي زي القمر...
بصتله وهو قال: اقصد يعني جميله...
ابتسمت وهو كمل: انتي كبرتي واكيد بتتحسبي
ليان: اه
حازم: يبقى بتتحسبي على كل حاجه وعلى كل شعرايه وكل خطوة ماشيه بيها بشعرك من غير حجاب
ليان: بس انا مش جاهزه البسه..
حازم: اتفرجي على فيديوهات على النت عن الحجاب وجماله تعرفي انا بحب البنت اللي بتحافظ على نفسها...
اتحرجت وشدت الجاكيت اكتر وحطت اديها في جيبها تدور على ربطت شعرها ملقتهاش وافتكىت انها سبتها في البيت..
لاحظها وطلع ربطه من جيبه اخدتها وبصتله اوي ولأول مؤدره تركز معاه...
وقف قدامها وقال: اتعلمي عن دينك يا لولا شوفي الصح من الغلط شوفي الحاجه اللي مبتخديش فيها ذنوب وتاخدي فيها حسنات...
ليان: صح انت صح..
بعد وقت..
وصلوا عند البنات وليليان قالت بلهفه؛ كنتي فين يا ليان
مكنتش عارفه تقول اي وحازم قال: كانت في الحمام زي ما قولتلك يا عمتي..
ليليان: الحمد لله كدا يا لي لي تقلقيني عليكي...
ليان؛ معلش يا ماما كانت بطني وجعاني...
طبطبت عليه وليليان قالت بتسرع: هي جت طب معاكي حاجه
اتكسفت من وجود جازم وحازم قال بحرج: طب احمم عن اذنكم
ليان: كدا يا ماما قدام حازم
ليليان: مخدتش بالي والله..
بعد وقت...
كانوا قاعدين كلهم في كافيه..
ليل؛ كدا كلكم جبتم اللي نفسكم فيه..
ابراهيم: جبتي اي يا ليان
ليليان بفرحه: جابت زي ما كانت بتجيب زمان
بصت ليان لحازم اللي بصلها وبصت في الأرض....
فرح ابراهيم وقال : شطورة حبيبت بابا...
بصت لحازم اللي مركز معاها وابتسمت وهو لف وشه ببرود وهي قالت في نفسها: هو بارد ليه ماهو كان حلو من شويه... كان ليل مركز مع كل واحد نظرات يوسف لشوق ونظرات ليان وحازم لبعض ابتسم وبصلها وهي ماسكه ايده ونايمه على كتفه وقال في نفسه: لسه مستقبلنا طويل ومغامرتنا اكتر واكبر وكل واحد هيعيش قصه حب اغرب واحلى من التانيه لكن مفيش حد هيتفوق على قصة حبي لحبيبتي...
سليم: كدا كلنا جبنا كبار وصغيرين..
ضحى: جبتي اي يا بت يا سلمى..
بصت ل ليل وقال: حجاب فرنسي...
ضحى: يا بت اللعيبه اخدتي الخطوة دي من غيري...
ابتسمت وبصت ل ليل اللي بيتكلم مع اخواته...
عدت الساعات والدقايق والثواني واتحركت العربيات للصعيد لتبدأ اجمل الأيام بمغامرتهم وجنانهم وذكريات عاشوها وذكريات سيكتبوها بحبهم لبعضهم...
يتبع...
لا تنسوا الدعاء لإخواتنا في فلسطين 🇵🇸❤🌺
أتمنى الحلقه تعجبكم.. 🥰🌺
قولولي رأيك فيها وأستنونا في الحلقه الجايه سلام💗🌺
YOU ARE READING
عشقني ليل الصعيد
Romanceنظل ما بين تلك الحرب القويه ما بين مشاعرنا... لم يتوقعا ان يقعا في عشق بعضهما البعض... بعد قسوة وزواج مجبران عليه تحولا الى عاشقين لا يستطيعا ان يتفرقا او يتخلوا عن بعضهما البعض...، كانا يظنان انهما في طريق طويل مظلم لا نهايه له... حتى تقابلا هي ذاق...
