الحلقه ال٦
احمد: بتقول كنزي
ليل بصدمه: كنزي... قولها لاء
سليمان: دخلها يا احمد
ليل بص لابوه بصدمه وهو شاورله بأنه يهدا
كنزي: السلام عليكم.. احمم اسفه ازعجتكم بس كنت عاوزه....
قاطعها ليل بغضب: عاوزه اي تاني مش كفايه بسببك مرتي اتأذت راجعه تاني ليه
كانت وفاء واقفه وسامعه ومش فاهمه حاجه
كنزي بعياط: انا جايه اعتذر ليك ولمرتك ومبروك على فهد
طلعت سلمى وهي بتقول: يلا الفط....
كنزي بحرج: ازيك يا مدام سلمى
سلمى وهي بتبص ل ليل وبصتلها: ازيك يا كنزي
كنزي: انو جايه ااعتذر ليكي على كل اللي عملته ليكي ول ليل انا اسفه وبصت لفهد اللي كان نسخه من ليل... مبروك على فهد ربنا يحميه ويخليكو لبعض ويخليه ليكو
سلمى: انا مسمحاكي حصل خير
ليل بصدمه: مسمحاها... بعد كل اللي عملته فيكي
سلمى كان كل همها انها تمشي عشان نظراتها ل ليل هي سمحتها من زمان
سلمى: اه مسمحاها حصل خير
ابتسمت ليها وقالت: شكرا ليكي... وبصت ل ليل بنظره حب وقالت: ليل خلي بالك من عمر لانه هرب من فترة
ليل ببرود: تمام
وسابتهم ومشيت وحست سلمى بالغيرة من نظراتها ليه.. نظراتها ليه بتقول انها لسه بتحبه
سلمى بضيق: يلا الفطار
وكانت هتمشي نده عليها وقال...
ليل: سلمى....
وقفت قدامه: نعم
ليل: نتي مسمحاها فعلا
سلمى: اه
ليل بص في عنيها هو عارف انها كانت عوزاها تمشي بس هي مسمحاها اه
ليل وهو باصص في عنيها: سلمى...
سلمى بتوتر: ايه
سليمان: خلص الكلام... يلا عالسفره
قعدوا عالفطار وسلمى عماله تفكر في نظرات كنزي ليه وقالت في نفسها: هي لسه بتحبه بعد ما شافته مع مراته وابنهم وجايه تحذره يبقى لسه بتحبه
وفاء في نفسها: ده شكل في حجات كتير انا معرفهاش
خديجه بطيبه: كلي يا سلمى
مفيش رد....
ضحى: سلمى...
بردو مفيش رد
فهد اللي كان جمبها قال: امي نتي كويسه
سلمى بإنتباه: هه... اي يحبيبي عاوز اي
ليل بصلها ومتكلمش عرف انها بتفكر في كنزي
خديجه: بقالنا ساعه بنادي عليكي كلي
سلمى وهي حاسه انها هترجع: الحمد لله شبعانه مش جعانه
خديجه: نتي مكلتيش حاجه من امبارح
سلمى بتعب: لاء اكلت بألف هنا على.... مكملتش كلامها لما جريت عالحمام
راحت عالحمام استفرغت وراحت تنام في الاوضه اتوضت وصلت و قعدت تعيط وقالت: ليه يا رب كل ما حياتي تبقى كويسه لازم حاجه تحصل... ليه كده...... استغفر الله العظيم انا هنام احسن
بعد الاكل راحت وفاء ل سعديه وسألتها على سبب زعل ليل من كنزي وايه اذت مراته
حكت ليها سعديه من ساعت ما جم البلد لحد ماخلفوا فهد..... وفاء راحت حكت ل عز و فاطمه
بليل...
عند ضحى وزين
ضحى بزعيق: اي يا بيه اللي الطريقه اللي بتكلم بيها ست فاطمه دي
زين ببرود: طريقة اي
ضحى: انت هتستعبط
زين: في اي يا ضحى مش عشان هزرت معاها محصلش حاجه يعني
ضحى: اه محصلش حاجه فعلا والضحكه اللي من الودن للودن دي اي هاه فهمني
زين: وربنا انا عارف ان في نكد عالمسا لو اعرف اني لما اروح هيبقى في نكد مكنتش جيت وكنت بات في القسم احسن
ضحى بزعيق: دلوقتي بقيت انا النكديه واللي غلطانه
زين بزعيق: انا تعبان وعاوز انام مش ناقصك عالمسا
وسابها وراح نام وهي واقفه مش طايقه نفسها
عند ليل وسلمى
طلع لقاها نايمه بص عليها وغير هدوم..... وفرد جسمه جمبها وقال وهو حضنها: عارف انك زعلانه علفكره.... سلمى نتي صاحيه... سلمى..بصلها بهدوء... وقال: لاء انتي نايمه... باس جبينها وقال: تصبحي على خير ياقلبي
عدى اسبوع دون احداث تذكر سلمى وهي حاسه ان ليل متجاهلها وبيبعد عنها وعلاقتهم بدأت تبقى بارده وكل ماتقرب منه او تتكلم معاه يبعدها وليل كان قاصد يعمل كده عشان سعديه تبلغ عمر انهم مش طيقين بعض ويلاقي وقت يفكر في حل يلاقيه وبيراقب سعديه هو وزين.... وضحى وزين مبيبطلوش خناق وعز ووفاء وفاطمه مبيبطلوش يخططوا يفرقوا ما بين سلمى و ليل وعلي اللي كان بيشتغل مع اخوه وفرحان انه قرب من اخوه تاني
في يوم...
عمر: علاقتهم اي مع بعض
سعديه: مش طايقين بعض خالص
عمر بضحك: هههه قريب اوي... حطيطلها الحبوب الجديده اللي بعتهالك غير اللي كنتي بتحطيها
سعديه: اه يا باشا...
عمر: تمام اقفلي
سعديه: تمام سلام...
كان بيسمعها زين واتصل ب ليل وقاله
روح ليل من الشغل طلع الاوضه ملقهاش سمع صوت من الحمام عرف انها جوه قعد مستنيها.... بعد وقت طلعت وهي شكلها تعبان ومسكه بطنها
سلمى بخضه: ليل... خضتني
ليل:مالك اتخضيتي ليه
سلمى ضغطت على بطنها جامد وقالت بوجع: لاء.. ولا.. حاجه... اه
ليل بقلق: انتي كويسه
سلمى بعياط: لاء انا تعبانه بطني بتتقطع
ليل شلها وحطها عالسرير وقال بقلق: مالك فيكي اي
سلمى بعياط: بطني وجعاني اوي شربت العصير ده من ساعتها بطني بتتقطع مش قادرة.... اه.... اه
وبدأت تصرخ وهو بيحاول يهديها
الباب خبط...
خديجه: ليل هي مرتك مالها
ليل: ادخلي يا امي
دخلت خديجه واتصدمت من شكلها المرهق
خديجه بخوف: في اي... عملتلها اي
سلمى بعياط: معملش حاجه انا بطني وجعاني بس
خديجه: طب قومي معايا كدا... غيري هدومك وهنروح نكشف
قامت معاها وفجأة......
يتبع....
يا ترى ايه اللي هيحصل في سلمى🤔ده اللي هنتعرف عليه الحلقه الجايه استنونااا💗🤗
والسلام عليكم ورحمة الله وبركاته ❤
YOU ARE READING
عشقني ليل الصعيد
Romanceنظل ما بين تلك الحرب القويه ما بين مشاعرنا... لم يتوقعا ان يقعا في عشق بعضهما البعض... بعد قسوة وزواج مجبران عليه تحولا الى عاشقين لا يستطيعا ان يتفرقا او يتخلوا عن بعضهما البعض...، كانا يظنان انهما في طريق طويل مظلم لا نهايه له... حتى تقابلا هي ذاق...
