الحلقه ال ١١
وفجأة كانت سلمى في الميه بتحاول تلحق نفسها بس مش عارفه وفاطمه واقفه بتبصلها بغل وهي شيفاها بتموت قدام عنيها ومشيت وسابتها... من غير محد يحس او يشوفها
راحت على اوضتها وضحى سألتها على سلمى قالت انها مشفتهاش وقعدت ضحى تدور عليها
جه ليل والشباب والاطفال وقعد ليل يدور عليها ملقهاش سأل عليهم محدش شافهاحس بالقلق وقلبه بيقوله ان في حاجه كان ماشي قريب عند حمام السباحه لقى جسمها عايم فوقه اتصدم ليل وهو بيصرخ بإسمها ونط في الميه من غير تفكير
قرب كل اللي في البيت على صوته وواقفين مصدومين من شكلها وشفايفها الزرقا وشعرها المبلل وجسمها اللي لونه اصفر عز واقف مصدوم وغصب عنه عينه دمعت ومحسش بدموعه اللي نزلت وليل اللي عمال يفوقها ويقول: قومي يا سلمى قومي يحبيبتي لو بتحبيني قومي... متسبنيش لوحدي عاوزه تسيبي عشقك لوحده ينفع عشيق يعيش من غير عشقته
كان كله واقف حزين على شكلها وشكل ليل وضحى اللي عماله تعيط هي وزهره وليليان وخديجه
وليل غصب عنه عيط ودموعه نازله بصمت وفاطمه اللي واقفه قلبها وجعها من ليل لانها اتأكدت من عشق ليل ل سلمى وبعد مده من محاولات انه يفوقها قال سليمان بحزن: لا حول ولاقوة الابالله ابعد يا ليل.. خلاص هي ما...
مكملش كلامه من صراخ ليل
ليل بصراخ: لااااا لاء مراتييي مامتتش لاء هي عايشه دي بتختبر غلاوتها عندي متقولتش كده محدش يقول كده... وبدأ يضغط على صدرها اكتر
وقربت منه ضحى وبدأت تفوقها معاه وتقول بعياط: قومي.. قومي.. نتي مش هتسبيني صح... مش هتسيبي ابنك وجوزك ولا انا ولا هتسيبي اللي بتحبيهم صح... صح يا حبيبتي... قومي عشان خاطري
ليل بغضب: ابعدي عنها... ابعدي
اخدها زين وهي عماله تعيط في حضنه
وفهد اللي عمال يعيط على امه....
وفجأة قامت سلمى وبدأت تخرج ميه من فمها
سلمى بضعف: ل.. ليل
ضمها ليه جامد وقال وهو مغمض عنيه: روح ليل رجعتله تاني
مسكت فيه وهي مش عارفه تتنفس
عيطت ضحى بفرحه وقالت: الحمد لله الحمد لله
سليمان: نتي كويسه يا بنتي
حركت دماغها ب اه
فهد دخل في حضنها وهو بيعيط وهي بتبصله بتعب وبطبطب عليه وقالت بضعف: حبيب.. ماما.. انا.. انا كويسه.. متقلقش.. هو.. في.. راجل بيعيط.. مش انت راجل.. ومش بتعيط.. مش انت زي بابا...
ليل بعده عنها وشالها وطلع بيها لفوق وكله كان وراهم
ليل: اطلبلي دكتوره يا سليم
سليم: ما انا ممكن اكشف عليها او ضحى
ليل: دكتوره رئه يا سليم..
سليم: حاضر يا خوي
ليل: مش عاوز حد يدخل... ودخل وقفل الباب
عند وفاء وعز وفاطمه....
عز: اي اللي عملتوه ده
وفاء: معملتش حاجه دي اختك...
مسك عز فاطمه وقال بغضب: انتي عاوزه تموتيها انتي اتجننتي
فاطمه: ملكش دعوه بيا انا حره
عز بغضب: ملكيش دعوة بيها فاهمه
فاطمه: عجباك اوي... مش عارفه عجبك فيها اي
عز سابها ونزل...
وفاء: انتي ايه اللي عملتيه ده
فاطمه بغل: بردو مامتتش
وفاء: تعرفي لو ليل عرف هيعمل اي
فاطمه بثقه: مين هيعرفه
وفاء: تقصدي اي
فاطمه: انا كنت في الاوضه بكلم صحبتي من ساعتها كنت فاتحه المكالمه معاها من ساعتها ولسه قافله معاها وكنت في اوضتي
وفاء: صح يا بت... عوزاكي تمثلي عليها الحزن والخوف تمام
فاطمه: تمام...
عند سلمى وليل...
دخل بيها الحمام وهي بتبصله بضعف حطها في الميه وبدأ يخ*لعلها هدومها وهي حطت اديها قدام وشه بمعنى لاء
ليل بهدوء: هدومك مبلوله وجسمك ساقع لازم تخ*لعيهم عشان تدفي وبعدين انا جوزك عادي..
غمضت عنيها بإستسلام..
وهو طلع وسابها لما حس بكسوفها وقال:احمم لما تخلصي ابقى نديني
بعد وقت.. خبط عالباب وقال:سلمى... ادخل
سلمى بضعف: لاء...
رجع قعد عالسرير وهو مستنيها...
بعد وقت طلعت وقام سندها وسعدها تلبس ونيمها عالسرير وحط ايده في منتصف صدرها وبدأ يحرك ايده بحركات دائريه... مسكت ايده وبدأت تعيط بصوت مكتوم
ليل: طب اتكلمي.. طمنيني عليكي
سلمى بعياط: انا مش عارفه اتنفس خالص
ليل طلع ونادى عليهم وقال: الدكتور بسرعه
ودخلها وقال: حاولي اتنفسي براحه..
بدأت تتنفس وتعمل اللي بيقوله وبدأت تعيط وتقول: مش قادره.. مش قادره
بعد وقت..
دخلت دكتورة وبدأت تكشف عليها..
بعد وقت..
طلعت وقالت: الحمدلله هي كويسه تاخد بس الادويه دي وتشرب سوايل سخنه كتير وبإذن الله تبقى كويسه...
ليل: تمام
مشيت الدكتورة..
بص ليهم وبص لفاطمه اللي مسلت الخوف عليها
على بحزن: هي عامله اي يا ولدي
بصله ليه وقال: الحمد لله...
ضحى: ينفع اشوفها
ليل: لاء...
ودخل وسابهم...
كانوا قاعدين خايفين وسليمان قال: كل واحد على اوضته وبكره يحلها ربنا
عند ليل وسلمى...
ليل وهو بيمسح على شعرها بحنان: عامله اي دلوقتي
كانت ضمه رجليها وبتبصله بتعب وقالت بضعف: كويسه...
ليل: ايه اللي وداكي عند الميه
سلمى وهي بتفتكر اللي حصل وقالت: ينفع نتكلم بكره لأني تعبانه وعاوزه أنام
حرك دماغه ب ماشي
ودخل الحمام غير هدومه وطلع..بصلها وهي نايمه دخل في حضنها وبدأ يقبل رقبتها بعشق
سلمى بتعب: ليل.. ابعد..
ليل: كنت خايف عليكي اوي
ابتسمت بتعب وقالت: انا كويسه اهه
شدها لحضنه جامد وضمها جامد كأنه كان هيخسرها كان هيتمنع من حضنها...
تاني يوم..
صحيت لقت نفسها في حضنه ابتسمت عليه ولعبت في شعره وجت تقوم فتح عنيه وضمها اكتر
ليل: عامله اي دلوقتي حاسه بإيه
سلمى: كويسه الحمدلله يحبيبي
ليل: عارفه تتنفسي
سلمى: اه الحمد لله
قرب منها وهي بصاله وهو قال: كنت هتجنن عليكي
ابتسمت وهو مال باس خدها بعمق وهي اتكسفت وهو اتعدل وحضنها وقال:عاوزك تحكيلي من ساعت ما مشينا
سلمى: حاضر... بص هو....
فجأة الباب خبط هو نفخ بضيق وبص نحيه الباب بغضب...
سليم:انت لسه نايم يا خوي... مرتك صحيه ولا نايمه عشان امي عوزاها
ليل: صاحي... استنى ثواني يا زفت
سليم: اه... طب براحتك يا خوي
ليل ل سلمى: انا مش عارف مين اللي باصصلي في ام الجوازه دي.. بيجوا في اوقات مهمه جدا جدا
ضحكت وهو ابتسم على ضحكتها وقال: امي تنزل واحكيلي كل اللي حصل
سلمى: حاضر...
دخلت خديجه هي وضحى
ضحى بخوف: عامله اي يا قلبي دلوقتي
سلمى: كويسه الحمدلله
خديجه: حاسه بإيه يحبيبتي
سلمى: الحمدلله احسن بكتير
خديجه: خدي الدوا ده
سلمى: حاضر
بعد وقت... نزلوا كلهم
دخل ليل وبصلها بهدوء وهي قالت: فهد فين؟
ليل: نايم..
سلمى: تمام...
سلمى كانت واقفه قدام المرايا كانت بتلبس وهو بيبصلها وقام وحضن ضهرها وبدأ يبوس رقبتها ويقول: كنتي هضيعي مني... كنت هتمنع من حضنك
سلمى: والله يحبيبي انا جمبك اهه
دفن راسه في رقبتها وحست بميه على رقبتها وسمعت عياطه... بعدته عنها وبصتله بصدمه وقالت: انت بتعيط
حرك دماغه كأنه طفل صغير
سلمى: ليل متعيطش والله انا جمبك اهه
قعدت تمسح دموعه وهو بيبصلها وبيعيط
دخل في حضنها كأنه طفل مع امه ومحتاج حضنها دفن راسه في حضنها وقعد يعيط
قعدت تطبطب عليه
ليل بعياط: كنت هموت وراكي على طول.. مكنتش هقدر اعيش من غيرك
سلمى: بعد الشر عليك... وكملت بهزار: لو كنت مت كنت هتتجوز عادي
اتصدم من اللي قالته وقال: بعد الشر عليكي... هو اي اتجوز عادي انا عمري ما المس واحده غيرك عمري ما انام جمب واحده غيرك.. انا متحرم عليا ستات العالم كله..اوعي تقولي كده تاني
ابتسمت وقالت: حاضر.. كفايه عياط
بعد عن حضنها ومسح دموعه وقام غسل وشه ونزلوا مع بعض
سليمان: عامله اي يا بنتي
سلمى: الحمد لله يا عم سليمان كويسه
علي: حمد لله عالسلامه يا بنتي كده تقلقينا عليكي
سلمى: الله يسلمك ياعم علي وكملت وهي بتبص ل فاطمه: معلش الله يسامح اللي كان السبب
بصل الكل ليها بإستغراب
فاطمه بتمثيل: سلمى حبيبتي حمد لله عالسلامه تصدقي كنت خايف عليكي اوي حرام عليكي كده تقلقينا عليكي طب بلاش احنا ليل اللي كان هيموت امبارح عليكي
سلمى بصدمه: انتي ايه
فاطمه: انا ايه في ايه
سلمى بصراخ: انتي ايه شطانه حربايه عماله تتلوني نتي ازاي كده ازاي بتاكلي معانا عيش وملح وانتي السبب في اللي حصلي
علي: في اي يا بنتي
سلمى بغضب: في انها هي اللي زقتني في الميه وهي عارفه اني مبعرفش اعوم
ليل وسليمان بصولها بغضب...
سلمى: وهي السبب في ان ايدي يقع عليها الميه المغليه وقعدت تقولي كلام مش لطيف خالص انها عاوزه ليل وانها بتحبه وممكن تخليه يتجوزها اجباري ولما قولتلها اني هقول ل ليل وليك زقتني في الميه
وفجأة.....
يتبع....
يا ترى ايه اللي هيحصل🤔🤔ده اللي هنتعرف عليه الحلقه الجايه استنونااا....
والسلام عليكم ورحمة الله وبركاته 💗💗💗
YOU ARE READING
عشقني ليل الصعيد
Romanceنظل ما بين تلك الحرب القويه ما بين مشاعرنا... لم يتوقعا ان يقعا في عشق بعضهما البعض... بعد قسوة وزواج مجبران عليه تحولا الى عاشقين لا يستطيعا ان يتفرقا او يتخلوا عن بعضهما البعض...، كانا يظنان انهما في طريق طويل مظلم لا نهايه له... حتى تقابلا هي ذاق...
