عشقني ليل الصعيد

حلقه رمضانيه الحلقه ال١١ ج٣

الحلقه ال١١ ج٣
في يوم رمضان الخامس...
كان راجع ليل هو واخواته وولادهم بص سليم للولاد اللي ماشين بملل
سليم: مالكم يا رجاله
تميم: يا عمو رجلينا بتوجعنا من التراويح دي طويله اوي وانا تعبت...
ابتسم بهدوء وقال: مش انتو بتروحوا النادي ولما بتنزلوا تلعبوا في الشارع مش بتلعبوا وتجروا وتطنططوا بالساعتين... ومش بتتعبوا اما عند الصلاة بتتعبوا ما فكرتوش ليه
بصوله بإهتمام وهو قال: هقولكم ليه ده الشيطان اللي بيوسوس ليكم ونفسكم الاماره بالسوء اللي بتأمرك تعمل الغلط.. انتو لو ركزتوا في الصلاه والشيخ وهو بيتلي القرآن زي ما بتركزوا في اللعب هتتمنوا متخلصش جربوا بكره وركزوا فيها ومتقعدوش تفكروا هتخلص امتى وانتو هتلاقوا الوقت بيعدي بسرعه...
فراس: بس احنا لسه صغيرين لما نكبر هنصليها
سليم: انت عندك كام سنه
فراس: ١٢ سنه
سليم: يعني بتتحاسب ربنا قال علموهم على سبع واضربوهم على عشر مادام تميت العشر سنين او عديت العشره انت بتتحاسب
تيام: بس احنا بنتعب...
ليل: طب لو قولتلك وقف قراءة الروايات هتقدر توقف
تايم:بس يا بابا اي اللي دخل ده في ده
ليل: رد بس يا تيام
تيام: لاء مش هقدر اوقف عشان انا متعود عليها من صغري من ساعت ما ماما خلتني اقرا وانا متعود اني اقرا محدش بيقدر يغير حاجه كان متعود عليها بالسهولة دي...
ليل: لما انتو تتعودوا على صلاة التراويح هتبقى زي تلروايات والحجات اللي اتعودت عليها مش هتقدر تستغنى عنها ابدا حتى لما تكبر هتفضل عليها وتعود ان شاءلله عيالك عليها... بس لما تكبروا وتعود نفسكم على التروايح هتلاقيها صعبه قولولي ليه...
كلهم في صوت واحد: ليه..
ليل: لانك لما تكبر مسؤلياتك هتزيد جدا وكل واحد هيبدأ يشق طريقه ويبني حياته في الفتره دي هيبقى اصعب واكتر ضغط في حياتكم لانكم هتستغلوا كل الوقت والطاقه فصعب انكم تعودوا نفسكم لما تكبروا مثلا لما تبقى في سنوي هتبقى مشغول تعود نفسك على التراويح ولا هتذاكر وتستغل كل وقتك عشان تدخلوا الكليه اللي عاوزينها ولما تدخلوا الكليه لازم تثبتوا نفسكم والوقت هيكون مضغوط جدا وهيبقى يومين تلاته بس هتصليهم للتروايح وبعدها تتلهي في شغلك... لكن لو متعودين من صغركم وبقت شيء اساسي فمهما كانت عندكم ضغوط مش هتعرفوا تسيبوها ابدا لانها اساسي عشان كدا احنا من صغركم بنعلمكم عليها وعلى الصلاه والقران صح ولا لاء
كلهم: صح
زين: انتو مش واخدين بالكم ان دياب وسليمان وفهد وحازم ويوسف والبنات اللي اكبر منكم بيصلوها مع انهم في كليات ومنهم اللي في ثناويه ومحتاجين كل وقت عشان مستقبلهم بس هما متعودين على الحاجه دي وبقت بالنسبه ليهم شيء اساسي مش قادرين ميعملوهاش فهمني...
كلهم في نفس واحد: فاهمين يا عمو
شاف ليل شوق ونده عليها وهي قالت: خلصتوا تراويح...
شوق: اه يا عمو
زين: انتو رجعتوا من عند تيتا فيفي...
شوق: لاء ماما لسه هناك بس انا بحب اصلي في المسجد هنا لاني متعوده عليه وجايه اخد فراس
زين: تمام يا حبببتي...
اخدت شوق فراس ومشيوا...
قربت منهم وقالت؛ السلام عليكم...
ردوا السلام وهي قالت: ليل انا هروح عند ماما شويه
ليل: ليه
سلمى: مروحتش عندها ولا يوم في رمضان هروح بس اسلم عليها وهقعد معاها شويه...
اتنهد وقال: تمام... لما تخلصي اتصلي بيا اجي اخدكم...
اخدت الولاد وقالت: هتيجي يا فهد..
فهد: لاء يا ماما هذاكر
سلمى: تمام... واخدت التوأم ومشيت...
بص لأثرها وزين قال: انا شمتان فيك
ليل بحده؛ اسكت بدل ما اكسرك
سليم بضحك: ايه يا عم بنهزر... كدا البيت فضي عليكم يا ولاد المحظوظه وزهره مش ناويه تروح تشوف امها هي كمان
زين: هتروح الصعيد يا خفيف...
ليل: البيت هيبقى فاضي انا مبحبهوش من غيرها ومن غير الولاد..
زين: طب خلاص يا عم السهره عند مين انهارده...
ليل: عندك طبعا..
زين؛ اشمعنا
ليل: الدور عليك انت ناسي...
زين: ايوة صح يلا...
طلع زين وسليم وليل وابراهيم شقه زين ومعاهم سليمان ودياب وفهد ودخلوا اوضه دياب...
في اوضه دياب..
فهد: هاه ناوين تذاكروا ايه
دياب: انا ذاكرت الكيميا والفيزياء
فهد: يبقى انت كدا فاضلك الاحياء كمواد الفهم... وانت يا سليمان
سليمان: فاضلي الكيميا..
فهد: طب ما تيجي نذاكرهم كلهم وخلاص...
سليمان: فكره حلوة... انتو ناوين على ايه صح
بص دياب وفهد لبعض ودياب قال: هندسه طبعا
سليمان: انا بابا قالي لو ذاكرت ودخلت هندسه هيشغلني معاه هو وعمو ليل..
فهد: وانا كمان بابا قالي كدا
دياب: انا بابا كان عاوزني ادخل شرطه بس لاء يا عم مش ناقصه وجع دماغ ملها الهندسه..
فهد: كدا اتفقنا لو ربنا كاتبلنا هندسه هندخلها وهنكون مع بعض...
دياب: ان شاءلله...
قعدوا الشباب يذاكروا...
عند الرجاله..
زين: انت ومراتك فقره..
ليل: لم نفسك...
ابراهيم؛ اللي يشوفكم دلوقتي ميشفكمش زمان في اول جوازكم..
ابتسم وقال؛ كان عنده حق سليمان يوم ما جوزني ليها...
سليم: اقولك حاجه..
ليل: ايه..
سليم: انت كنت معجب بيها من الاول...
ابتسم وقال: فعلا... الحمد لله...
ابراهيم: كنت عاوز اقولك حاجه..
ليل: قول
ابراهيم: فاكر عمامها...
اتحولت ملامحه للغضب وقال: مالهم...
ابراهيم: بعد ما مشيت جه واحد من عمها وكان عاوز يقابلك
ليل بضيق: وانت عملت اي
ابراهيم: كان عاوز يقابلك...
ليل: لو جالك تاني اطرده انت ناسي عملوا ايه فيها...
سليم: عيب يا ليل كده مهما كان دول اهلها وعذرك بردو في اللي عملوه فيها بس مهما كان دول اهلها...
ليل: ما نفضها سيره عشان انا اتخنقت...
سكتوا وهو رجع راسه على الكنبه وحط ايده على عنيه وهو بيفتكر اللي حصل من سنين في رمضان....
فلاش باك...
كانوا قاعدين في الصعيد وهي حاطه فهد على رجليها وقاعدين في جنينه الدوار اللي في الصعيد...
ليل بهمس: هاتي الولد شويه عاوز العب معاهم...
سلمى بنفس الهمس: انا مصدقت انه نام عشان اعرف اقعد معاكم...
اخد منها فهد ومسكه في ايد وقال؛ مادام نام هطلع احطه في اوضته..
قاموا وقال سليمان: انت هتنام دلوقتي ده لسه السهره صباحي...
ليل: هطلع الولد في سريره ونازل...
سليمان: تمام يا ولدي متتأخرش...
بعد وقت...
كانوا قاعدين كلهم جمب بعض على شكل دايره كبير وبيلعبوا لعبة الكوتشينه....
ليل بهمس: معاكي الولد
سلمى بهمس: مش هقولك
ليل بهمس: قولي يابت ده انا جوزك..
سلمى بهمس: انسى ولا اعرفك...
ليل بهمس: طب وربنا لأويكي...
سلمى: انت اللي اخترت تبقى مع اخواتك وابوك...
ليل: مش الولاد ضد البنات...
سلمى: ومادام ضدنا جاي وبتسألني ليه عاوز تكسب
ليل: اانا وانتي واحد...
سلمى: في اللعب مش واحد انا اللي هكسب... وقالت لسليمان؛ ابنك النصاب ده قومه من جمبي بيغش
انفجروا في الضحك وليل قال: بقى كده
سلمى: اه...
سليمان بضحك: حطي يا بنتي ورقك ده دورك...
حطت و جه الدور على ليل حط الولد ولم الورق كله
سلمى: انت نصاب ياض انت كان معاك الولد خمس مرات ازاي ده الولد اربعه بس...
ليل: يمكن صدفه...
ضحكوا وهي قالت:يمكن صدفه اي دي...
خلع جذمته وهي قامت تجري وهما بيضحكوا عليهم...
وقفت ورا سليمان وقالت؛ حمايا العزيز الحقني...
سليمان: ولا اعرف..
طلعت تجري لما قرب ليل اكتر...
وقفت ورا خديجه وقالت؛ ديجا... حماتي الطيبه الحقيني... مردتش وقعدت تضحك
طلعت تجري وقالت وهو وراها: طب يا ضحى يا زين يا سليم اي حد يلحقني....
ليل: اللي هيقرب هعلقه بقى كدا يا جذمه بتقولي عليا نصاب..
وقفت من نحيه وهو من نحيه عن الطاوله وقالت: كده يا ليل كده تعمل كده في مراتك اللي لسه والده مبقلهاش ست شهور.... وحطت اديها على بطنها: قلبي وبطني غضبانين عليك ليوم الدين...
انفجروا في الضحك حتى هو وقالت؛ ياض ده انا فلذت كبدك...
ليل: بلا كبدتي بلا فشتي... تعالي هنا...
مسكها ولسه هيتكلم قطع كلامهم صوت الباب وهو بيخبط بطريقه مرعبه...
سليمان: ده مين ده اللي بيخبط بالطريقه دي...
خديجه: ومين اللي هيجي لحد الساعه ٢الفجر...
اتحرك زين وقال: هنشوف وانت يا اهبل انت ومراتك اقعدوا دلوقتي وكملوا الهبل اللي بتعملوه ده بعدين...
فتح زين الباب ودخل ناس كتير وباين على وشهم الغضب وراحوا عندهم
زين: في ايه...
اول ما شافتهم حست انها مش عارفه تتحرك وقالت: عمي...
عمها واسمه فتحي قال بغضب: انتي هنا ياللي ضيعتي شرفنا في الارض....
ليل: شرف ايه وانتم بتقولو ايه...
عمها تاني واسمه حسني وقال بغضب: ضيعتي شرفنا في وحطيتي راسنا في الطين كان ناقصك ايه فعلا متربتيش الله يرحمك يا خويا مت قبل ما تربي وتشوف شرفك وهو بيكسرك وبيحط راسك في الطين...
ليل بغضب: انتو بتتكلموا على مراتي كده ليه هي عملت ايه
حسني: عملت ايه كملت تعليمها بره ورجعت وكانت مضايقه هيكون ليه يعني يبقى ضيعت شرفنا...
عيطت واخدتها خديجه وضحى في حضنها...
سلمى بعياط: والله ما عملت حاجه...
هجم عليه ليل وقعد يضرب فيه وقال: لو فاكر نفسك عشان راجل كبير مش هضربك لاء ده انا اكسرك لما تقول كده على مراتي... وقعد يشتم فيه بأفظع الشتايم...
ليل: محدش لمس مراتي غيري وهي مضيعتش شرفكم ولا حاجه
حسني بغضب: واتجوزتك وهي عارفه ان اسمها على اسم راجل تاني...
كانت الصدمه للكل وليل وقال: انت بتقول ايه
سلمى بعياط: محدش يصدقه انا متجوزتش حد غير ليل...
ابن عمها واسمه عامر: بتكدبي يا بنت عمي واحنا مقرش فتحتنا...
سلمى؛ كان مقري فتحتنا اول ما اتولدت ابويا وابوك قروا فتحتنا واحنا صغيرين... بصلها عامر بنظرات جريئه على جسمها وشكلها
ضربه ليل وقال: عينك يا ابن ال*** دي مراتي انا انت فاهم... واللي جايين تتهموها في شرفها دي مراتي وفي الاول وفي الاخر بنتكم محدش بيعمل اللي انتو بتعملوه ده... اتفضلوا بره بيتي...
فتحي بغضب: احنا مش هنمشي من هنا من غيرها انت فاهم....
ضحى؛ فين زين.. حد يبلغ الشرطه...
جه زين وهو ماسك مسدس وقال: يلا انت وهو بره يلا...
فتحي: اانت فاكر انك عشان ظابط هتتحامى في رتبتك...
زين بحده: اطلعوا بره بدل ما اضرب عليكم نار ومش هاخد فيكم ساعه لانك جايين تتهجموا في بيتي...
طلعوا وليل قرب منها وحضنها وقال: اهدي يا حبيبتي اهدي...
سليمان: خد مرتك واطلعوا يا ليل... وكله على اوضته يلا..
طلعوا وهي قعدت تعيط وهو جمبها وقال: طب اهدي محصلش حاجه
سلمى بعياط؛ انا اسفه انا عملتلكم مشاكل كتيره اوي
ليل ببسمه: ولا مشاكل ولا حاجه احنا هنحل الموضوع ومش هيقربوا منك تاني... هو انتي كنتي راجعه من بره مصر مضايقه ليه
سلمى: عشان رسالن الدكتوراه اترفضت...
طبطب عليها وقال: تمام يا حبيبتي...
باك...
فاق من تفكيره على تليفونه اللي رن وكانت هي ابتسم وقام يرد وقال: اي يا حبيبي...
سلمى: هتيجي تاخدنا ولا مش قادر..
ليل: مش قادر ايه يسطا انا جاي...
ضحكت وقالت؛ ماشي...
في الطريق...
كان قاعد تايم وزعلان لاحظه ليل وقال:ماله حبيب بابا
تايم: مفيش يا بابا عادي..
ليل: حصل حاجه
سلمى: اهو كدا من ساعت ما نزل يشتري حاجه من الشارع
ليل: مالك في ايه
تايم: مفيش عاوز انام..
بصله تميم وتيام وفهموا ان في حاجه
بعد وقت...
كانوا في البيت وهي قالت؛ ماما عزمانا على الفطار بكره...
ليل: معلش يا حبيبتي خليها يوم تاني مشغول بكره في الشغل...
سلمى: عشان خاطري يا ليل عشان خاطري مكنش يوم يعني...
ابتسم وقال: حاضر يا حبيبتي...
اتنهدت وقالت؛ انا عاوزه اقولك حاجه...
ليل: قولي...
سلمى: عمي فتحي...
مكملتش كلامها لما قال بغضب؛ ماله قابلك صح
سلمى: براحه اهدى في ايه...
ليل: انجزي عملك حاجه...
سلمى: معملش حاجه هو بس اعتذرلي على اللي حصل
ليل: واي اللي فكره بينا يعني جي بعد السنين دي كلها وجي يعتذر
سلمى: مش انت جبتلي حقي من زمان خلاص بقى خلي قلبك ابيض...
ليل: انا عمري ما هنسى انه كان هيضربك قدام عيني...
سلمى: ومضربنيش الحمد لله خلاص بقى...
ليل: الحمد لله.... غمض عينه وقال؛ قربي عليا خلينا ننام شويه...
قربت وهو غمض عينه عشان ينام لعبت في شعره وقالت؛ انت كويس
ليل بنوم؛اه كويس... متبعديش انتي بس عشان انام...
ابتسمت وقالت؛ حاضر...
في اوضه التوأم...
كان قاعد تايم وضامم رجله وقدامه تميم وتيام اللي باين على ملامحهم الغضب...
تميم بغضب: مالك ياض حصل اي حد ضايقك...
شكت وتيام قال: قولي بس مين اللي ضايقك وانا اندمه على اليوم اللي فكر يضايقك فيه....
اتملت عنيه بالدموع وقال: هو انا وحش صح...
اتصدموا وتميم قال: مين ده اللي وحش ده انت زي القمر خليك واثق من نفسك يا تايم...
تايم: اصل في ولاد قالولي اني وحش واني اعمى بالنضاره اللي لابسها
تيام: عشان كدا مش لابس النضاره... قرب تميم منه واخده في حضنه وقال: انشف ياض متخليش كلام الناس يأثر فيك خليك واثق من نفسك واوعى كلام الناس يحسسك انك قليل...
تايم: انا بحس اني مليش لازمه واني ديما باخد تنمر اني لابس نضاره واني اعمى وبابا وماما مش بيهتموا بيا زيكم بيفضلوكم عليا...
بصوله بصدمه وتميم قال: بص الناس اللي بتحسسك بالشعور ده من صحابك دول متبقاش باقي عليهم.. اعزل نفسك عنهم واهتم بنفسك وثق بنفسك اكتر وهما ميفرقوش معاك وقت وحبك مش اي حد ياخدهم ألم الوحده افضل من ألمك وانت معاهم في مقوله حلوة اوي اسمها " ما أعظم ان تكون غائبا حاضرا على ان تكون حاضرا غائبا " المقوله دي حلوة اوي ... طور من نفسك حب نفسك ميهمكش كلام الناس خالص فكر في نفسك بمعنى اصح واهم حب تسعى ليه هو حب الله عز وجل بس اسعى ديما يكون ربنا راضي عنك غير كدا ولا تحط في بالك يا خويا...
حضنه اكتر وقال؛ طب وبابا وماما هما كده مش بيحبوني وانا المفروض ابعد عنهم...
اتكلم بهدوء وهو بيطبطب عليه وقال: بص انت اكتر واحد عارف بابا وماما بيحبونا اد ايه وباين عليهم اوي انت لما رجليك اتعورت امك عيطت وابوك بهدلنا عشان كدا هما كدا مش بيحبوك ومش لازم يقولولك بحبك كل شويه كفايه حنانهم وانك مطمن جمبهم وحكايه انهم بيفرقوا دي لاء خالص الحب اللي ليا زي اللي لتيام ولتايم وفهد تعرف انت اكتر واحد قريب من ماما
استغرب وقال: ازاي؟
تميم: انت الوحيد اللي بتتكلم معاها في الروايات وتقعد تحكيلها اللي حصل في احداثها وهي لما بتقرأ حاجه بتجي تقولك وتقعدوا تتشاوروا في الاحداث اما انا وتيام مبنعملش معاها كدا احنا مبنهتمش اوي بالروايات بس بنقراها بردو...
ابتسم وقال: صح...
شاور تميم لتيام انه يقرب قرب وتميم قعد في النص واخظ تيام تحت كتفه وتايم تحت كتفه التاني وقال بمرح: انشف ياض...
ضحكوا وتميم قال: وغلاوتك عندي يا اخويا لأرجعلك حقك..
ابتسم تايم بحب لأخوه...
على الساعه ٢ قرب الفجر...
حرك ايده جمبه محسش بيها قام وبص عليها لقاها قاعده على سجاده الصله وبتقرأ في المصحف... قام وهو بيدعك في عينه وباس دماغها وهي بصتله وتصدقت وقالت: اي يا حبيبي...
متكلمش ونزل على الأرض وحط دماغه على رجليها وقال:حفظتي السورة اللي عليكي...
ابتسمت وقالت؛ اه يا حبيبي
اتعدل واخد المصحف وقال: سمعي يلا...
بدأت تسمع وهو حط ايده على خده وبيبصلها بحب وسرح في صوتها وتلاوتها وانها بتحاول تقلده في التلاوة
تصدقت وقالت: بتبصلي كدا ليه
ليل: كملي يلا...
سلمى: طب قولي بس بتبصلي كدا ليه...
ساب المصحف وقرب منها وحط ايده على خدها وبدأ يمسح عليها وقال: لأن بنوتي الصغيره شطورة...
ابتسمت وقالت: يعني سمعت حلو...
ليل: طبعا يا جوهرة ليل...
سلمى: ما بلاش..
ليل: بلاش اي
سلمى: بلاش جوهره ليل انا بحب اكتر عشق ليل...
ليل ببسمه: من عنيا يا عشق ليل
نام على رجليها وقال: انا تعبان اوي...
سلمى: مالك يا ليل...
ليل: تعبان اوي حاسس اني مقصر مع الولاد وانتي اللي شايله الحمل كله من عليا...
طبطبت عليه وقالت: احنا واحد اللي بعمله معاهم انت بتعوضه معايا ومعاهم...
اتكلم بمرح: نيمتيني وقعدتي تقري قران صح...
ضحكت وقالت؛ انا وصلت للسابع..
ليل: ماشاء الله يا حبيبتي انا مقرتش بقالي يومين كدا
كانت بتدفر شعره وهو اتلهى في الكلام وهي قالت؛ لاء يا بابا غلط كده لازم تقرى لو حتى ربع ساعه
ليل: انتي عوزاني اسبقك ولا ايه
ضحكت وقالت؛ لاء طبعا...
قام ليل وقال: يلا عشان نتسحر...
سلمى: طب ثواني طيب... بلعت ريقها وهو وقف قدام المرايا وشاف ضفيره صغيره معموله كانت هتطلع مسكها من هدومها وقال: ايه ده
سلمى ببراءة: ايه ده..
ليل؛ فكي يا سلمى فكيها..
فكتها وقالت؛ سرحت والله...
ليل: كنت هطلع ازاي برستيجي قدام الولاد يا بت..
ضحكت وقالت؛ خلاص يا عم...
تاني يوم...
كانت واقفه بتستعد عشان هيروحوا عند امها
ليل: يلا يا سلمى... يلا يا ولاد خلونا نلحق قبل الزحمه..
حطت الشنطه على كتفها وقالت؛ انا خلصت اهه شوف ولادك
زفر ليل بضيق وفاليوم الجو حار ومتعب في الشغل
ليل بضيق: سلمى استعجلي ولادك انا تعبان مش قادر فلو سمحتي استعجليهم عشان منفضهاش سيره...
سلمى: طب براحه طيب... وكملت بمرح: انت مش ملاحظ حاجه
ليل: ايه
سلمى؛ بتقولي لوسمحتي وبتحترمني ياض فين ليل بتاع زمان اللي كان يعلقني ويجري ورايا بشبشب الحمام وبعدين يبوسني
نفخ بضيق وقال؛بقولك ايه بلاش قرف انا نازل... واخد مفاتيح العربيه ونزل...
بصت لأثره بزعل واتنهدت وقالت: يلا يا ولاد عشان نلحق نروح عشان بابا ميضايقش منكم..
تميم من الاوضه: حاضر ثواني بس..
تميم لتيام: حط كل حاجه يا تيام احنا عاوزنها دمار
تايم: بس كده ماما وبابا هيزعلوا
بصوا الاتنين لبعض وقال تميم بنبره مرعبه: ومين بس اللي هيعرف ماما اننا هنعمل كده عشان اكسرله صف سنانه
تايم بخوف مصطنع: وانا اش عرفني
ضحكوا وتميم قال: هرجعلك حقك...
بعد وقت...
نزلوا ولقته ساند راسه على الكرسي قعدوا وهو اتحرك وطال الصمت بصلها لقاها بتبص على الشباك بحزن مسك اديها ومسح عليها وهي سحبت اديها بهدوء وهو اضايق من نفسه...
تميم: بقولك اي يا بابا ما تيجي نقعد عند تيتا تلت اربع خمس ايام كدا
ليل: على عيني والله يا ابني بس انا مقدرش اعيش من غير امكم...
سلمى برفع حاجب: والله
ليل؛ طبعا انا اقدر على كل حاجه الا بعدك انتي يا روحي لولا الصيام واننا في رمضان كنت هثبتلك...
كتمت بسمتها واحمر خدها من الخجل وقال بدلع: بس يا ليل العيال قاعدين...
تيام: لاء براحتكم خالص خدوا راحتكم ولا كأننا موجودين...
ليل: صلي على النبي كده اللهم اغزيك يا شيطاني مش دلوقتي.. خليها على العيد...
ابتسمت وهو ابتسملها
تايم وهو يعدل نضارته وقال بغباء: بابا انت هتثبتلها ازاي...
انفجر في الضحك والشباب كتموا ضحكهم وهي سكتت من الخجل وقالت بنبره خجل: عرفتوا بقى ان الواد ده شبهي محترم اوي
ليل برفع حاجب:نعم؟؟انتي ناسيه لما كنا في اليخت
احمر خدها وليل مال وهمس: فاكره ولا افكرك
سلمى بهمس: بس.. بس.. انت مبتنساش الحجات دي
ليل بنفس الهمس: الحجات دي لا يمكن تتنسى وغمزلها وهي اتكسفت...
ضحك وقال: الواد ده طالع محترم لأبوه
رفعتله حاجبها وقالت: انت؟؟؟
ليل: اي يا ختشي مالك مش انا محترم وكيوت ومش بعمل اي حاجه وغمزلها...
ضحكت وقالت؛ ايوة صح بابا محترم
ابتسم وهي قالت: بس محترم بره بس..
ليل: بس معاكي ببقى... قاطعته وقالت بصراخ: اسكت.....
ضحكوا وهي حطت اديها على وشها بخجل وهو قعد يضحك
تميم: هو انت كان قصدك اي يا بابا لما قولت ان تايم شبهك
تيام: ايوة صح
بلع ريقه من نظراتهم وقال: اانا هركز في السواقه احسن...
بعد وقت...
نزلوا من العربيه ووقفوا قدام الشقه بتاعت ام سلمى فتح محمد الباب وقال: اهلا اهلا اهلا بحبايب خالو
حضنهم وقبلهم بحب ابوي حضن محمد ليل وقال: ازيك ياض
ليل: ازيك يا بيه..
كان هيحضنها وقف ليل قدامه وقال: هاه هتعمل ايه...
كتم ضحكه وقال؛ طب يلا...
طلعت ياسمين وقالت؛ ازيكم يا حبايبي ادخلوا ادخلوا تلاقيكم تعبانين من السلم...
ليل بمرح: اي يا حماتي نستينا ولا ايه
ضحكت بحرج وقالت بمرح: نسيت يا ولاد ادخلوا...
دخلوا قعدوا وسلمى قالت بسمه: ازيك يا جيسي اخبارك اي
ابتسمت وقالت: بخير الحمدلله في نعمه يا بنتي طمنيني عليكي انتي وجوزك والشباب الحلوين دول...
ليل ببسمه: بخير يا ست الكل..
ياسمين: هقوم اكمل الاكل بقى البيت بيتكم ادخلي غيروا هدومكم
سلمى لمحمد: ااومال فين مراتك ياض..
محمد: عند اهلها هتفطر معاهم انهارده وانا طبعا مش هقعد لوحدي فجيت اسلي امي شويه ...
ابتسمت وقالت: طيب... هغير هدومي يا ماما وهاجي اساعدك
ياسمين: متخليش دماغك ناشفه زي ابوكي وارتاحي شويه
سلمى: انا مش جايه عشان اقعد انا هساعدك وده اخر كلام...
قامت وهو راح وراها واول مادخلت الاوضه دخل وقفل الباب وهي قالت: في ايه
ليل: مالك
سلمى: مالي
ليل: متجهلاني ليه
سلمى: مفيش..
مسك اديها وقال؛ انا اسف حقك عليا انا بس حصلي مشاكل في الشغل ومقصدش اتنرفز عليكي حقك عليا بس متزعليش مني عشان خاطري
سلمى: مفيش مشكله
ليل بتوسل: لاء انتي لسه زعلانه بالله عليكي بلاش كده مبحبكيش تزعلي مني انا اسف بجد..
سلمى ببسمه: طب خلاص خلاص يا حبيبي والله مفيش حاجه خلاص...
ليل: يعني مش زعلانه مني
مسحت على وشه بدلع وقالت؛ لاء يا حبيبي والله مش زعلانه انا مقدرش ازعل منك انا بس اتقمصت منك...
ابتسم وقال:تمام يا حبيبتي وقرب وهمس: بعد الفطار عاوز اقولك حاجه
سلمى: حاجه ايه
ليل: بعد الفطار بقى...
سلمى: احنا لسه في رمضان واخد بالك
خبطها على دماغها بخفه وقال: انتي اللي دماغك اللي بتفكر كده انا هاخد حضن بريء
سلمى بنبره ضحك: حضن بريء
ليل: اه والله...
ضحكت وقالت؛ طب ابعد كده هروح اساعد ماما في الفطار
ليل: طب نيميني وقومي...
سلمى: في اي ياض اي انيمك دي...
شلها وهي شهقت وهو حطها على السرير ودخل في حضنها وقال: لو اتحركتي هعلقك يا سلمى...
ابتسمت وقالت: حاضر..
بعد وقت...
قامت وراحت تساعد امها كانت داخله المطبخ سمعت تميم اللي قال..
تميم: اكلك يا تيا تحفهه
ياسمين: قلب تيتا ياناس
ابتسمت بحب وقالت بمشاكسه: ايوة طبعا ده اكل تيتا تحفهه
تيام: تعالى يا تميم بسرعه...
طلع تميم وهي وقفت تعمل مع امها الاكل
ياسمين: جوزك فين يابت
سلمى: نايم شويه...
ياسمين: نوم العوافي....
قربت منها وقالت: بقولك ايه يا جيسي...
ياسمين: قولي يا بكاشه..
سلمى: هو عادي يحصل حمل ولا يمكن تعب ولا...
قاطعتها وقالت بفرحه: بت انتي حامل
سلمى: لاء لاء
ياسمين: اومال اي
سلمى: بسأل اصل يعني احمم يعني ليل عاوز... عاوز احمم يعني
ياسمين: فهماكي يا بنتي وبعدين انتي لسه صغيره
سلمى: صغيره اي يا ماما ده ولادي كلها كام سنه وهيتجوزوا وهبقى تيتا احمل اي في السن ده
ياسمين: بت انتي انتي لسه صغيره
ابتسمت وقالت: يعني عادي...
ياسمين: حاولي اتكلمي معاه انك كفايه كده
سلمى: بقعد اقوله وهو لا حياة لمن تنادي بيعمل بردو اللي في دماغه وانا مبقدرش ابعده
ضحكت وقالت: بيسيطر عليكي
بصت في الارض بخجل وهي قالت: طب خلاص خلاص.... هو فهد فين
سلمى: في الدرس وهيجي على الفطار كده
عند التوأم في البلكونة...
تميم: بعد الفطار هننزل نلعب هناك كدا.... والعيال اللي رخمو على تايم هنعرفهم غلطهم في الحاره الضيقه اللي ورا دي
ابتسم بحب وقال: شكرا يا خويا
تميم: على اي ياض انشف كدا تبقى ابن ليل واخوك بلطجي وتبقى خواف كدا عاوز الناس يقولو علينا اي...
ضحكوا كلهم...
على اذان المغرب...
ياسمين: ادخلي يا بت صحي جوزك...
كانت هتقوم وقفها محمد وقال؛ لاء انا اللي هصحيه
سلمى: مضايقهوش يا محمد هيضربك بيقوم بيبقى اعمى مبيشوفش قدامه...
محمد: عيب عليكي انا بتاع كده..
دخل محمد الاوضه وكان ليل نايم بعمق مسك محمد كوبايه الميه ولسه هيكبها عليه ليل قال: طب ابقى اعملها كده وانا كنت اعرفك مقامك
محمد بخضه: سلام قول من رب رحيم اي الرعب ده انت صاحي...
ليل؛ غور ياض...
محمد: انت مرعب ده انا خوفت منك مابال اختي حبيبتي هتعمل اي
ليل: بتحبني وعوزاني ملكش دعوة بينا... وكلم نفسه؛ هو المقالب ده في العيله ولا ايه ده ولادي واللي متجوزها كمان...
محمد: طب يلا قوم عشان عاوزين نطفح
ليل: طب اطفح ياخويا بالهنا والشفا... ضحك وكان هيطلع ليل قال: ابعتلي اختك
محمد: ليه
ليل وهو قاصد يضايقه: عاوز افطر على شفا*يفها...
مسكه محمد من هدومه وقال: لم نفسك ياض ومتقولهاش في وشي كده
ليل: مبقدرش اقاوم...
محمد: استغفر الله العظيم
ليل: تعرف انا لما بسهر مع اختك...
قاطعه وقال بحده: ما هي مراتك مش مراتك دي
نزل ليل ايد محمد وقال بضحك: طب ابعتهالي ولو مبعتهاش هطلع واخدها منها قدامكم وشوف بقى هي هيحصلها اي...
طلع محمد وقال وهو طالع: واحد وقح...
سلمى: ليل فين
محمد: ادخلي يختي لجوزك عاوزك...
ابتسمت وراحت عنده...
دخلت لقته نايم ابتسمت وقالت: مش قولتلك عندك مراهقه متأخره
ليل: طب قربي طيب...
قربت وقعدت جمبه وقالت: خد كوبايه العصير اكسر صيامك ومتنساش الدعاء...
قال الدعاء وشرب السوبيا وقال: حماتي بتعمل سوبيا احلا مني تديني الوصفه بقى...
سلمى: مبترداش تدهالي غلبت معاها...
ليل: يابت انتي فاطره اصلا زمانك شربتي منها كتير:
سلمى: يلهوي اسكت... وبعدين انا صايمه..
ليل: ازاي هي مجتش...
بصتله وقالت؛ لاء تصدق مركزتش...
حط ايده على بطنها وابتسم وهي قالت؛ يمكن هرمونات او بتتجد عادي
ليل ببسمه: ممكن ليه لاء...
حضنها وقال: سمحيني اني. زعلتك
ابتسمت وقالت؛ والله مسمحالك ومحصلش حاجه..
محمد من ورا الباب: مش هنفطر فأم يومنا ده
ليل: امشي ياض...
محمد: لو مطلعتوش هاجي اقعد معاكم...
ليل: قومي يختي نروح نفطر اصل ده قاعد لنا زي خيال المآته...
ضحكت وطلعوا...
على الفطار...
ياسمين: كلو يا ولاد كل يا فهد يا ابني ده لو عيل تلت سنين هياكل احسن من كده...
فهد: والله يا تيتا الحمد لله معدش في بطني مكان...
ضحكت وقالت: تيتا ناويه تخليكم تمسحوا الاطباق...
خبطت على ضهر تايم بحنان وقالت: وماله يا بت ده حتى خسين اوي وخصوصا الواد تايم العسل ده...
سلمى: ده لو شوفتيه فيل هتقولي بردو انه رفيع..
ليل: تسلم ايدك يا حماتي يا حبيبتي بجد الاكل تحفهه
ياسمين: بألف هنا يا حبيبي بألف هنا...
بص ليل ليها وقال: كلي يا حبيبتي كلي
ياسمين: ايوة صح انتي مكلتيش
سلمى: مبحبش اكل كتير على الفطار ومعدتي وجعاني شويه
ليل بلهفه؛ حاسه بإيه انتي كويسه تحبي تكشفي
ابتسمت وفرحت ياسمين بإهتمامه وحبه ليها ومحمد قال بغيره: يا حنين يا حنين...
ابتسم ليل وياسمين قالت: هعملك حاجه سخنه تشربيها يا حبيبتي...
سلمى: ملوش داعي ده وجع وبيروح علطول
ليل: مفيش حاجه اسمها كده معلش يا حماتي مكان الينسون والحجات بتاعت المشروبات السخنه فين...
ياسمين: متتعبش نفسك يا حبيبي انا هعمل...
قام ليل وقال: لاء خليكي انا هعمل انا المكان فين...
ياسمين: جمب المكرونات في دولاب المطبخ... قام ليل وراح يعمل المشروب ليها...
ياسمين: ماشاء الله يا بت الراجل بيحبك اوي حافظي عليه...
ابتسمت وقالت: حاضر...
بعد وقت...
تميم: احنا هننزل نلعب في الشارع شويه
ليل: خلو بالكم من نفسكم وبلاش مشاكل...
ابتسموا ونزلوا وقال: هي سلمى فين...
ياسمين: على السلم قاعده...
طلع بكوبايه الينسون ولقاها قاعده اخدها تحت كتفه وقال: ماله الصغنن...
سلمى: مفيش سرحانه...
ليل: في ايه...
سلمى: في حياتنا الجميله دي...
ليل: بتحبيها؟؟
سلمى: بحبها بس ده انا بعشقها عمري ما كنت اتخيل ان حياتي تبقى كده ساعات كتير بقعد مع نفسي وبسأل نفسي هل لو مكنتش حبيتك او مكناش قلبنا بعد او مكملناش مع بعض هل كنت حياتي هتبقى سعيده كده زي ما هي دلوقتي تعرف انا سعات بحسد نفسي عليك وبقول كان اي العمل الحلو اللي عملته في حياتي عشان ربنا يرزقني بيك
ابتسم وهي كملت: ‏الحياة دي وحياتي بالذات كانت محتاجة الحنية و المواساة و إن حد يبقى فخور بيا حتى لو معملناش حاجة ،بس فخور بيا عشان بحاول... هو ده الشخص اللي كل بنت بتحتاجه في حياتها وانا ربنا رزقني الشخص ده واداني الحب اللي كفايه ليا ومشبعني حنان ومخليه في نظري سيد الرجاله ونن العين...
باس دماغها وقال: اانا بحبك...
حضنته وقالت: وانا كمان بحبك وبحبك وهفضل احبك ولا عمري هحب حد قدك...
ليل بمشاكسه: بيبقى فين الكلام ده لما بنبقى لوحدنا وفي اوضتنا
سلمى: هو انت بتسبلي فرصه ما انت بتاخدني على خوانه علطول
ليل بضحك: اعمل ايه بس مش بحبك...
سلمى: بس مش بالطريقه دي...
ليل: عجبني..
حطت دماغها على صدره وهمست جواها: اانا بحبك يا احن شخص في العالم...
قعدوا شويه وكانت هتتكلم قاطعها صوت بنت من الجيران واللي كانت البنت دي بتغير منها ومكنتش بتحبها...
البنت واسمها اسيل: اايه ده سلمى عاش من شافك
سلمى بضيق: اهلا يا اسيل
اسيل: اي طنط طرداكي ولا ايه... وبصت ل ليل وقالت بمياعه: ومين ده كمان ده جوزك...
سلمى: ااه جوزي... بصت البنت عليه ومن لبسه الشيك ووسامته وهو لاحظ نظراته وقام وقال: هدخل انا..
سلمى: تمام يا ليل... ودخل كانت هتدخل وقفتها وقالت: هو ده جوزك بجد
سلمى بضيق: اه في حاجه
اسيل: لاء عادي بس جبتيه ازاي ده
سلمى: هو ايه اللي ازاي
اسيل: عند انهي شيخ اللي جبتي منه استاذ ليل
سلمى: عند نفس الشيخ اللي امك جابت بيه ابوكي يا اسيل...
بصتلها بحقد وقالت في نفسها:بقى دي تاخد القمر ده...
مسكتها من هدومها وقالت بحده مرعبه؛ عنيكي لو اترفعت على جوزي كده تاني هقتلك جوزي ده بتاعي انا وملكي انا حتى لو اضطريت اني اقتله واحنطه...
خافت من نبرتها وهي قالت: محصليش القرف اني شوفتك تاني... ودخلت
عند الشباب...
تيام؛ انا جبت الصواريخ اهه عشان نرميها عليهم
تميم بتفكير: بس احنا هنجبهم عند الحاره دي ازاي
تيام؛ الواد تايم طبعا...
تايم: لاء طبعا
تميم بحده وقوه: انت هتروح تمشي قدامهم وتستترجهم على هنا وهما هيجوا وراك وهيفرحوا لأنهم كدا وقعوك بس هما اللي هيقعوا... يلا يا تايم بدل اللي هعمله فيهم هيطلع عليك انت
بلع ريقه بخوف وقال: حاضر...
ااتحرك وراح عند شله ولاد مكونه من اربع ولاد في سنهم وهما بيغيروا منهم وبيضيقوهم لما بيجوا حيهم...
ااتكلم واحد منهم وقال: الحق الواد الاحول اهه...
اتكلم واحد منهم وقال: بس مضيقهوش بدل ما يعيط ويقولنا بابا كان بيتكلم الواد بسخريه
قعدوا يضحكوا واتكلم تايم بقوة: بس ياض لأضربكم
ضحكوا بسخريه وقالو: الحقوا ده بيقوا هيضربنا...
قرب تايم من واحد وضربه لكمه قويه كسرتله واحده من اسنانه اتصدموا وقالت: شوفتوا اني ممكن اضربكم... مسك الولد سنته وقال: وراه بسرعه... مسك شويه تراب وحدفه عليهم وطلع يجروا وهما وراه
اتكلم واحد بمس لصاحبه: ده الاهبل رايح عند الحاره السد...هنضربه وهنعلم عليه ومحدش هيحس بينا
وصل تايم الحاره وشاف اخواته مستخبين ورا حيطه عشان ميبانوش
وقف واتكلم ولد: ده انت عبيط اوي ده انت جيت تحت ادينا محدش هينجدك...
تيام بشر: للأسف انتو اللي مش هتلاقو حد ينجدكم من تحت ادينا..
بصوا ليهم بخوف وبلعوا ريقهم
ولع تميم شويه صواريخ في اقل من الثانيه ورماهم عليهم قعد الولاد ينطوا بفزع وخوف منهم من احترق شعره ومنهم من اصاب..
قعدوا يضحكوا بشر وعيط الولاد من الخوف والشرارات اللي قام تميم بإشعال السلك لتخويفهم... اتحاصر الولاد من السد والتوأم
تميم بحده: عشان تبقوا تقربوا من ابن ليل واخويا كويس
تيام: في مثل كده لو متعرفهوش اقولهولك "لوقلبك مات متجيش على تلاته اخوات" سمعته قبل كده
بص تايم لأخواته بحب واقسم بداخله انه مش هيبقى جبان وخواف تاني وهيبقى زي اخواته...
تميم: اشوفكم بس ترفعوا عنيكم فيها بس وانا امحيكم من على وش الأرض دي
اتكلم واحد وقال: احنا مش هنسبكم
ضحك تميم بشر وقال؛ مشكلتك انك غبي...
اتكلم الولد وقال: انت متعرفش انا مين وممكن اعمل فيك ايه
تميم: ايه علاقتك غباءك بأبوك هو وراثه منه ولا ايه...
انفجر تيام وتايم في الضحك وتايم قال بحده ولأول مره: الواد ده عاوز يتربى...
بصوله بفخر وسقفوا وقالوا: الله عليك...
حدف تايم المره دي عليهم صواريخ تاني وقعد الاولاد يصرخوا من الرعب ويصرخوا لأي حد ينجدهم منهم..
قعدوا يضحكوا عليهم حتى انتفضوا على صوت غليظ من وراهم وقال: انتو بتعملوا اي... وكان...
يتبع..