الحلقه ال٣
كان ليل نازل ومره واحده سمع: ايوة يا باشا لسه طالع من اوضتها اهه
مجهول ١:عاوزك تزودي جرعه الدوا ليه وتحطيلها الدوا اللي هبعتهولك
سعديه: حاضر يا....
ليل: بتكلمي مين يا سعديه
سعديه الشغاله بتوتر: لبل بيه صباح الخير هو حضرتك مش نزلت
بصلها وفهم من توترها ان في حاجه
ليل: لاء نازل اهه... نتي واقفه بتعملي اي هنا
سعديه: لا ولا حاجه... هي مدام سلمى صاحيه ولا نايمه اقدر ادخلها
ليل: لاء متدخليلهاش هي نازله
سعديه: تمام يا باشا... وسابته ونزلت جري
بعد شويه...
نزلت المطبخ وقالت: صباح الخير... اسفه عالتأخير كنت بجهز
ضحى بهمس: بتجهزي بردو
خديجه بمشاكسه: اجهزي براحتك يا عروسه
اتكسفت وقالت: ليه بتقولو كده
خديجه: احنا صحينا من بدري ونا شوفت ليل شايل فهد وبيوديه اوضته ورجعلك يبقى كان عاوز اي بقى...
سلمى بكسوف: ينفع...تسكتو....بقى
ضحكوا عليها وبدأوا يحضروا الفطار مع بعض
ضحى لسلمى: عوزاكي في موضوع كده
سلمى: قولي
ضحى: عمر هرب من السجن امبارح
سلمى: اه.. ليل قالي
ضحى: ربنا يستر عالايام الجايه
سلمى: يارب
ضحى بحرج: احمم هو ينفع اكلمك في موضوع محرج
سلمى بإستغراب: اتفضلي
ضحى: هو نتي عاوزه تخلفي تاني... اصل شيفاكي متقبله الموضوع
سلمى: بصي انا حابه الفكره وليل عاوز عيال كتير عاوز عزوه ضهر سند لما يكبر يبقوا ضهره انا معنديش مانع برغم التعب اللي بتعبه بس اللي ربنا كتبه هيكون.... بس ليه السؤال ده
ضحى: اصل انا رافضه احمل تاني وزين مضايق من الفكره دي
سلمى: بصي اولا.. مينفعش تحرميه من حاجه زي دي.. ثانيا.. نتي تكرهي يكون عندك عيال حواليكي ولما تكبري تلاقيهم جمبك... ثالثا.. جوزك كويس انه مش رافض الفكره عشان لو كان رافض هيبقى يعني... سوري فالكلمه مش ماليه عينه.. رابعا.. اللي بيكونو رافضين الفكره دي بيبقى عشان مش هيقدروا يسرفوا عليهم مع ان الارزاق بيد الله وجوزك مقتدر
ضحى بتفهم: تمام يقلبي فهمت
بعد صلاة الجمعة..
جه اخو سليمان ومراته وعياله
علي اخو سليمان: يا اهلا يا خوي اتوحشتك
سليمان بحب اخوي: والله نت اللي اتوحشتني
علي وهو بيبص ل زين وسليم و ليل وقال: كبرتوا يا عيال وبقيتوا رجاله
ليل ببرود: ايوة... اومال فاكرنا هنفضل عيال يعني
ضغط سلين على ايده وهو سكت
وفاء مرات علي قالت ببسمه صفرا: اتجوزت يعني ياليل اومال فين كنزي مش شيفاها.... وبصت ل سلمى وقالت: مين القمرر دي
عز ابن وفاء وعلي: لهفة قشطه... اسمك اي
ليل بغضب وهو بيلف ايده حولين خصرها: دي مرتي سلمى
اتصدمت وفاء لانها عارفه حب ليل ل كنزي: ايه.. مراتك
فاطمه بنت وفاء وعلي قالت بغل: اهلا يا سلمى
ليل رد بدالها: اهلا يا فاطمه
وقال سليمان: يلا اي هنفضل واقفين ولا اي
قعدوا وبدأوا يفطروا ومبطلتش فاطمه تبصلها بغل وكلمت نفسها بغل: بقى دي أخدت حب طفولتي انا اصلا كنت كارهه كنزي ولما عرفت انه متجوزهاش لقيت انها فرصه أقرب ليل مني ومصدقت ان بابا قال راجعين الصعيد... وعز اللي مبطلش نظراته ل سلمى وليل اللي لاحظ كده واتضايق جدا...
علي: ونتو اتجوزتوا من امتى يا زين انت وليل اللي فاكره ان سليم كان لسه متجوز ونتو لاء
ليل: من ست سبع سنين كده
فاطمه: يعني مش من قريب ونا كنت بحسب انكم عرسان جداد
وفاء: ومخلفتوش اوعى تكونى مبتخلفيش
سلمى بضيق: لاء خلفت وابني فهد بياكل في اوضته مع ولاد عمه
فاطمه بغل: اسمه فهد ماشاء الله
ليل في نفسه: اعوذ بالله منك يا شيخه
خلصوا الاكل والبنات شالت الاكل وكانت فاطمه بتأمرهم يعملوا ايه وطلبت من ضحى تجيب قهوة
فاطمه: نتي يا شطرة عاوزه قهوة زياده
ضحى: هو نا خدامه عندك ما تطلبي عدل
سلمى ضحكت على صحبتها وعلى طريقتها
فاطمه: هاتيلي انجزي
زين: في اي يا فاطمه دي مرتي وزيها زيك فالبيت هنا
فاطمه بدلع: مش قصدي يا زينو... بس تعبانه ومش قادره اقوم اعمل وكنت بحسبها زي سعديه معلش...
ضحى بغيرة: زينو اي ياماما
فاطمه: اي يا زين انت مقولتلهاش اننا كنا صحاب اوي واحنا صغيرين
ضحى بصت ل زين وهو بصلها وعرف ان في خناقه بليل...
ليل: يلا يا شباب تعالوا في الجنينه هنقعد مع بعض
في الجنينه عند الشباب...
زين بهمس: خلي بالك من مرتك وابنك يا ليل
ليل: تمام.. خلي بالك من سعديه اصل سمعتها بتتكلم مع حد واول ما سألتها اتوترت
زين: تمام هشوف الحوار ده
عز: وانت ياليل اتعرفت على مرتك فين
ليل: ليه هتستفاد حاجه
عز بحرج: احمم عادي بسأل
سليمان: دي بنت صاحبي ولما جم هنا مع اهلها حبها ليل واتجوزها
عز:ولحقت تنسى كنزي
ليل بغضب: الشاي يا سعديه
حطت سعديه في كوبايه ليل حبوب وزودت الجرعه زياده وجت حطت الشاي وحطت الكوبايه قدامه وهو للأسف شربها
زيت وسليم قاموا يلعبوا كوره وهما بيلعبوا جت في ليل فقام وقعد يلعب بيها بإحترافيه
صفر سليم وقال: العب يا خوي وقعدو عيالهم يسقفوا وبدأ زين وسليم وعز وليل يلعبوا مع بعض.....
دخل ليل جون في عز وسليم ضحك بإنتصار وبص فوق لقاها واقفه ولابسه شال وشعرها بيتحرك مع الهوا غمزلها وهي ابتسمت وبص عز للمكان اللي بيبص فيه وانصدم من جمالها وقال في نفسه: يلهوي عالجمال هو متجوز الفرسه دي اتاريه ساب كنزي عشانها
حدف ليل ليها قبله في الهوا وهي اتكسفت ودخلت وقال سليم: اوباا يا خوي عالرومانسيه
ضحكوا كلهم الا عز اللي في عالم تاني سرحان في الفرسه دي وبيكلم نفسه ويقول: انا مالي اول ما شفتها حسيت بحاجه في قلبي كده ليه بس انا مالي... يابخته ليل الصراحه متجوز لهفة قشطه وكمل بشر: بس على مين هاخدها زي ما كنت باخد اي حاجه تخصه واحنا صغيرين
سليم: يلا نكمل....
بدأوا يلعبوا وفجأة......
يتبع....
ياترى ايه اللي هيحصل🤔 ده اللي هنعرفه الحلقه الجايه استنوناااا واللي وصل لاخر الروايه يقولي رأيه في الكومنتات ❤❤🤗
والسلام عليكم ورحمة الله وبركاته...
YOU ARE READING
عشقني ليل الصعيد
Romanceنظل ما بين تلك الحرب القويه ما بين مشاعرنا... لم يتوقعا ان يقعا في عشق بعضهما البعض... بعد قسوة وزواج مجبران عليه تحولا الى عاشقين لا يستطيعا ان يتفرقا او يتخلوا عن بعضهما البعض...، كانا يظنان انهما في طريق طويل مظلم لا نهايه له... حتى تقابلا هي ذاق...
