عشقني ليل الصعيد

الحلقه ال٢٠ ج٣

الحلقه ال٢٠ ج٣
عدى شهرين ورجعوا بيوتهم تاني...
كانت واقفه في المطبخ وبطنها منفوخه شويه كان واقف تيام جمبها
سلمى: وبس كدا يا تيام ده اللي حصل مع تاليا وداغر
تيام: ماما هو بيحبها فعلا
سلمى: وانا اش عرفني يا واد هي الحلقه خلصت على كدا
تيام: بس عجبني اوي داغر يا ماما انا شايف انه فعلا بيحبها..
سلمى: وانا كمان...
تيام؛ ماما هو انتي اكلتي اختي ليه
سلمى: انا مكلتهاش انا حملت فيها
تيام؛ ايوة ازاي يعني حملتي فيها
بصتله وقالت وهي بتغير الموضوع: هو انتو ليه حطين امل انها بنت مش يمكن يطلع ولد
تيام: ولد تاني لاء انا عاوز بنت
حطت اديها على بطنها وقالت ببسمه: وانا عوزاها بنت..
قرب منها وباس بطنها وقال وهو بيكلم بطنها: حبيبتي انا مستنيكي محضرلك شويه اماكن هنروحها مع بعض..
ابتسمت وهو قال: تعالي بقى عشان ابوسك وتنامي في حضني
ضحك وضربته في راسه بخفه وقالت: هو اي حد تبوسه وخلاص
تيام؛ انتي متعرفيش انا فرحان اد ايه يا ماما...
سلمى: تعرف يا تيام انا كنت زعلانه في الاول دلوقتي وانا شيفاكم فرحانين بالموضوع اتعلقت بيها اكتر وحسه اني عوزاها تيجي بسرعه
تيام: وانتي كنتي زعلانه ليه يا ماما
سلمى: عشان هتعب اوي وخايفه وكفايه عليا انتو... باس خدها وقال: متخافيش ده انا في ضهرك وسندك..
ضحكت وقالت: ماشي يا ابن بطني
تيام؛ هطلع عند طنط ضحى العب معاهم فوق...
سلمى: تمام يا حبيبي... طلع ومعداش دقايق وحست بجسمه حضنها ابتسمت وقالت؛ حمد لله على سلامتك يا حبيبي..
ليل: الله يسلمك يا قلب حبيبك... حسس على بطنها وقال: تعباكي البت دي...
سلمى: لاء خالص ده حتى مش حاسه بيها ومش تعباني زي اللي فاتو
ضحك ومال وباس رقبتها وقال: مش عاوزك تحسي انها تقيله هتعدي زي اللي فااتوا ان شاء الله متنسيش ان كان في واحد قبل كدا وراح
دمعت عنيها وقالت: عمري ما هنسى يا ليل...
لفها ليه ومسك وشها بين كفيه وقال: ما ربنا بيعوضنا خير اهه وعشان خاطري متعيطيش... انا مش قصدي افكرك والله
سلمى بحده؛ مين قالك اني نسيت اصلا
ضحك وقال: احب هرمونات الحمل دي...
حضنته وقالت بدلع: تعرف يا بابا انت واحشني اد ايه
ضحك وقال: ناويه انتي تولدي بدري صح... حركت دماغها ب آه وهو ضحك وقربها وقال: البجامه دي ضيقه روحي غيريها...
ابتسمت وقالت: احنا في بيتنا وشقتنا واخد بالك وبعدين هي واسعه
ليل: طب اعمل اي مش عاوز حد يشوفك بالجمال ده غيري
سلمى بزعل: جمال ايه ده انا تخنت اوي
ليل:اتخني يا حبيبتي وماله انا بحبك ونتي بطه فريك كدا وطري
سلمى: يعني عجباك
ليل: عجباني بس ده انتي عجباني اوي واوي كمان وانا قايلك قبل كدا اني بعشقك كدا كدا...
ابتسمت وقالت: طب اطلع يلا
ليل: طب اديني واحده وانا هطلع
سلمى:لاء ويلا اطلع
حاصرها وقال: طب مش طالع اهه..
ابتسمت بخجل وقالت:لاء هتطلع ورجلك فوق رقبتك
ليل: انتي اد كلامك ده
سلمى: اه اد كلامي
قرب يبوسها وقال: انتي اللي جبتيه لنفسك
ولسه هيقرب دخل تيام وقال: لاااء انا مش هتفاجيء بقى انا اتعودت عليكم كدا لازم كل مره حد فينا يدخل يلاقيكم بمنظر شكل... ياراجل بقى تسبنا بره واقولك جعان وتقولنا هناكل بليل وانت هنا عمال تاكل حلويات...
اتكسفت ووقفت وراه
ليل: ابو شكلك يا اخي انتو بتطلعولي منين بس
تيام: من باب المطبخ ههههه...
ليل: تعالى يا تيمو تعالى يا حبيبي عاوزك... قال كلامه ومسكه من رقبته...
تيام: امي يا غاليه هتعوزي حاجه اجبهالك طب اختي حبيبتي مش ناويه تيجي بقى ولا مراتي اللي متجوزتهاش لسه...
ضحكت واخده وطلع
ليل: انت مش المفروض راجل
تيام: والله بقى على حسب اللي هتعمله...
ليل: اه.. مش المفروض قبل ما تدخل مكان وخصوصا ابقى فيه انا وماما تحمحم تكح تعمل كده اي صوت وخلاص...
تيام بغباء: واكح ليه وانا مش تعبان
ليل بغضب: تياام
ليل: ياشيخ متقولش كده كلنا في الهوى سوى وبعدين احنا متعودين عليكم كدا
ليل بغيظ؛ والله
تيام: اه والله وحياتك انت يا مفضوح ياللي مش هتطلع من المطبخ من غير واحده..
ليل: تصدق اني غلطان اني بتكلم معاك راجل لراجل
تيام: ما انا قولتلك على حسب اللي هتعمله فيا
ضربه على راسه وقال: لو دخلت يا تيام هعلقك...
تيام بضحك؛ حاضر... دخل ليل لقاها ماسكه بطنها... جري عليها وقال بقلق: في ايه مالك...
سلمى؛ في ايه يا حبيبي ده انا كنت بكلم بنوتي...
ليل: حرام عليكي يا شيخه قلقتيني...
سلمى بحده: كنت خايف عليا ولا عليها...
ليل: اكيد عليكي يا حبيبتي..
مسكت السكينه ووجهتها نحيته وقالت؛ لاء انت كنت خايف عليها هي
ليل: طب اهدي بس السلاح يطول...
هديت وهو اخد السكينه وقال؛ صدقيني انا فعلا خايف عليكي انتي ديما جمبي اما هي لسه مشوفتهاش بس بردو خايف عليها لكن انتي اكتر...
سلمى بفرحه: بجد يعني بتحبني انا... ضحك وقال: ايوة طبعا...
سلمى: انا عاوزه اعرف ولد ولا بنت...
ليل؛ اشمعنا ما تخليها مفجأه... عموما اللي تعوزيه حاضر....
سلمى: شكرا يا حبيبي... باس دماغها وقال؛ بعد المغرب ان شاء الله
سلمى: ماشي... هعملك حتة فراخ بانيه يا لولي اما ايه... مسك اديها وقال: انتي مش هتعملي حاجه خالص انا اللي هعمل...
سلمى: يا حبيبي انت لسه جاي من الشغل...
ليل: مش مهم اولع انا المهم انتي... انتي حامل ومحتاجه راحه...
شد كرسي وقعدها وقال: اتفرجي على الشيف ليل... ضحكت وقالت: طب بعد اذنك يا شيف ليل عاوزه ساندوتش جبنه وكوبايه عصير...
ليل: من عنيا يا قلب الشيف...
بعد وقت..
حط الاكل ليها وقال: ورقه وقلم معايا يا ست الكل... ضحكت عليه...
بعد ساعات...
كانوا قاعدين قدام الدكتورة بعد ما كشفت عليها..
الدكتورة ببسمه: طبعا انتو بتتعملوا معايا من ساعت ما ربنا رزقكم بفهد...
سلمى: طبعا يا دكتورة هاه ولد ولا بنت..
الدكتورة؛ ولد
ليل بصدمه؛ لاء بقى ولد ازاي...
ضحكت الدكتورة وقالت؛ يا جماعه انا بهزر معاكم انا عارفه انكم نفسكم في بنت بخفف عنكم التوتر شويه... اتنهد براحه وقال: بنت صح
سلمى بغيظ: مالك يا ليل ملهوف كدا ليه يا خويا ولد بنت اللي ربنا يجيبه كويس يا حبيبي...
ليل: في اي يا حبيبتي ولا محموء ولا حاجه انتي عارفه انا نفسي في بنت
سلمى بزعيق: لاء انت عاوز بنت عشان تحبها اكتر مني صح
بصلها والدكتورة قالت: اهدي يا مدام سلمى وبصت ل ليل اللي بصلها برفع حاجب...
الدكتوره: احم بصي يا مدام اهم حاجه اهتمي بأكلك ودواكي واي حاجه نفسك فيها كوليها...
سلمى: طيب ماشي...
طلعوا وقبل ما يطلع الدكتورة قالت: معلش يا بشمهندس ليل براحه عليها دي هرمونات حمل...
ليل: عارف... شكرا..
في الطريق...
ليل: هتعوزي حاجه قبل ما نروح
سلمى: مش عاوزه منك حاجه
ضحك وقال: لسه مقموصه
سلمى: اه
ليل؛ طب بحبك
سلمى: وانا كمان.. ضحك وقال: مجنونه..
سلمى: بقولك يا ليل يا قمر انت
ليل: عارف انا الاسطوانه دي يا بت تعالي دغري اللي تعوزيه قوليه علطول مش لازم مقدمات...
سلمى: عاوزه اجيب لبس للبنوته...
ليل: بس كدا ماشي... فكرتي في اسم ليها...
سلمى: مش عارفه لسه بفكر...
ليل: طب قدامك من انهارده لقبل الولاده...
سلمى: ماشي...
في المحل...
سلمى: ليل حلو الفستان ده..
ليل: حلو يا حبيبتي.. لاحظت بنت بتبصله وبتحاول تلف انتباهه... بصتله وكان حاطط ايده على وسطها وبيختار هدوم لبنتهم... قربت البنت وقالت بدلع؛ اقدر اساعدكم في حاجه... مالت على ليل بدلع وقالت:بقولك يا ليل ينفع اشتري حاجه ليا..
ليل ببسمه: طبعا شوفي عاوزه اي وانا اجبهولك...
البنت: حضرتك ليل بيه الجندي صح...
بصتله بغيره وقالت: ودي تعرفك منين يا ليل..
البنت بدلع: بشمهندس ليل معروف في الوسط العربي كله
سلمى: اممم والله...
ابتسم وقال: شوفي عاوزه ايه...
بصت لفستان سعره غالي وهو لاحظها ابتسم وقال: روحي شوفيه
سلمى: هو ايه ده
ليل: اللي عينك عليه..
سلمى: بجد يا ليل بس ده غالي
ليل: مفيش حاجه تغلى عليكي يا قلب ليل يلا روحي....
جريت عند الفستان قربت منها البنت وقالت: هو حضرتك مرات ليل بيه
سلمى بضيق: اه يا حبيبتي... وحطت اديها على بطنها: وحامل كمان..
البنت: امم ربنا يبارك...كان متابعهم وهي مسكت الفستان وكانت هتمشي قالت البنت وهي قاصده تضايقها: غالي عليكي اوي خدي حاجه ارخص على الاقل على ادك...
كانت هترد لكن اتفجأت بيه لما قال بحده: حبيبتي تقدر تشتريكي وتشري المحل اللي انتي شغاله فيه وتشتري كرامتك وانكر انها تبقى غاليه وهتبقى رخيصه اكيد...
قال كدا والبنت اتحرجت ومشيت وهي بصتله بحب وقالت: كلامك كان قاسي شويه بس هي تستاهل...
ليل: ولا قاسي ولا حاجه هي غلطت فيا..
سلمى: فيك ازاي
ليل: ما انا ونتي واحد وهي ضيقتك يبقى ضيقتني...
سلمى: هو انا بحبك من فراغ يا ابو فهد...
ضحك وقال: طب يلا يا قلب ابو فهد...
بعد وقت...
سلمى: احنا هنروح فين...
ليل: عند اخوكي..
سلمى: اشمعنى يعني..
ليل: ورانا شغل انا وهو وبدل ما نروح المكتب قالي تعالى البيت وقولت بالمره تروحي تقعدي معاه شويه وخصوصا ان جيسي هناك
سلمى: جيسي هناك بجد طب بسرعه يلا.. ضحك وقال: حاضر...
بعد وقت...
كانت قاعده على الكنبه والاتنين بيتنقشوا في الشغل...
ملك ببسمه: طلعت بنوته..
سلمى: اه... اربع شهور وهتيجي...
ياسمين: بصي يا بنتي البت غير الولد في التربيه عايزه اهتمام وحنيه
سلمى: عارفه يا ماما زي ما كنتي بتربي اخواتي وعلمتيني هعمل كدا
ابتسمت وطبطبت عليها: ربنا يحفظك يا بنتي..
عند ليل ومحمد...
محمد: مالك يا عم مش مركز ليه
ليل: لاء مفيش انا معاك اهه
محمد: انت كويس
ليل: اه كويس
محمد: لو مش قادر ممكن بكره اعدي عليك في الشركه نخلص الشغل
ليل: طيب تعالى نقعد معاهم... طلعوا من المكتب ومحمد قال: حبيبت خالو... وقرب من بطنها وباسها براحه... مسكه ليل من هدومه وقال: هو انت مبتحرمش يا جذمه...
محمد: الاه في ايه يا جدع بنت اختي وبطمن عليها...
ليل: بقى كدا يلا يا سلمى نمشي... ضحكوا
محمد: مالك يا بت تخنتي كدا ليه
بصتله بزعل وقالت: شوفت يا ليل اني تخنت..
ليل: طب والله كدا احلى وبقيتي بطه بلدي بدل ما كنتي رفيعه
محمد: ليل بيحب الجسم ده عشان يلاقي حاجه يمسكها... ضحكوا وهي شدت اخوها من ودنه وقالت وهي مسكاه من ودنه: هو انت مبتحرمش تضايقني او تضايق جوزي يا جذمه انت...
محمد بوجع: طب خلاص سيبي ودني خلاص... ضحكوا اكتر وهي سابته..
في شقه ليليان وابراهيم...
ليليان؛ هاه يا ليان قولتيلي عوزاكي في حاجه مهمه
ليان بقلق: هقولك على حاجه بس متضربنيش ولا تقولي لبابا وتسمحيني..
فهمت هي عايزه ايه طبطبت عليها وقالت؛ مش هعمل حاجه قولي...
ليان: انا كنت بكلم واحد زميلي في المدرسه كانت صداقتنا عاديه والله لكن انا اتعودت عليه وانجذبت ليه وهو اعترفلي بحبه منكرش اني كنت فرحانه انه بيبادلني نفس المشاعر بس بعد كدا حسيت احساس اني كده بخون ثقتك انتي وبابا ولما ورده شافتني خوفت انه يكون بابا او انتي او حد منكم... وعيطت وقالت: انا اسفه والله مش هعملها تاني
أتفجأت ليان لما ليليان حضنته وقالت: انا فرحانه انك جيتي قولتيلي
ليان: بجد يا ماما يعني مش زعلانه
ليليان: زعلانه بس شويه... هي دي ليان بنتي صحبتي اللي اعرفها رجعت زي ما كانت في لبسها وطريقتها....
ليان: تعرفي يا ماما حازم احرجني بموضوع اللبس لما كنا بنشتري لبس العيد..
ليليان؛ اه شوفته...
ليان: هو انتي يا ماما عمرك ما كلمتي بابا من ورا اهلك لما كنتو صغيرين
ضحكت وقالت؛ لاء بس لما كان بيجي عندنا البيت كنت ببص عليه خلسه من غير ما يشوفني بس بعد ما اتجوزته اكتشفت انه كان بيشوفني... ضحكت وقالت؛ يا سيدي عالحب وجماله...
ليليان: المهم يا بنتي عوزاكي تركزي في دراستك وتعليمك دلوقتي
ليان: هعمل كدا وهتفوق واطلع من الأوائل وهبقى اشطر مصممه أزياء وميكاب أرتست...
ليليان: تمام يا حبيبتي... تعرفي خالك ليل بيحب ديما يتكلم بالقرآن
ليان: ازاي
ليليان؛ يعني مثلا نصيحه بيقولها من الدين هو طول عمره كان قاسي عليا بس كان بيعمل حجات تبين انو بيحبني مثلا هقولك زمان على موقف...
فلاش باك...
كانت قاعده بنت لايتعدى عمرها ال ١٢سنه وقاعد شاب عمره ١٩ سنه
ليل: تعرفي يا ليليان انتي داخله على سن ايه
ليليان؛ اه ماما قالتلي مش عارفه هي خايفه ليه
ليل: عشان السن ده وحش في حجات سلبيه كتير البنات بتبقى مياله للولاد والولاد كذلك فممكن يعملوا حاجه غلط ربنا قال حرام والدليل:بسم الله الرحمن الرحيم " ولكن لا تواعدوهن سرا إلا أن تقولوا قولا معروفا ".. وكمان قال تعالى:" محصنات غير مسافحات ولا متخذات أخذان "... ومعناها ان البنات بتاخد الولاد صحاب ليها.. أنا بنصحك أهه وخليكي عارفه ان اللي بيمشي في الطريق ده ربنا مش بيرضي عنه أبداً واللي مش قادر يبعد عن العلاقه غير شرعيه دي يفتكر أن لما بيسيب حاجه ربنا بيعوضه خير ويفتكر قوله تعالى:" والذين جاهدوا فينا لنهدينهم سبلنا "..
ليليان: تمام يا ليل...
باك..
ليان: اانا اصلا بحب خالو ليل هو في احلى منه...
ابراهيم بضحك: طب وإبراهيم ملوش شويه من الحب ده... جريت عليه وقالت؛ ده انت الكل في الكل يا باشا ده انت هيما حبيبي.... حضنها بحب ابوي وفتح دراعه ل ليليان وهي دخلت في حضنه وهو قال: ربنا يديمنا في حيات بعض...
ليان وليليان: يارب...
في الطريق...
سلمى بحده: يعني انت مش هطلقني..
ليل: يا بنتي ربنا يهديكي أطلقك اي بس ليه بتقولي كدا
سلمى: ما انت اللي كنت بتبصلها يبقى مش بتحبني وهطلقني
ضحك وقال: سلمى دي واحده بتقولي عديني الشارع يا ابني وانتي كنتي معايا...
سلمى: طب انت حر بقى قلبي وبنتي غضبانين عليك... ضحك ومال باس خدها وقال: بحبك والله...
صرخت وهو أنتبه للسواقه وقال: في ايه
سلمى: كنا هنموت متركز في السواقه وبطل تلزيق... بصلها بغيظ وقال: تصدقي اني غلطان انا اسف يا ستي مش هبوسك تاني
سلمى بزعيق؛ نعمم مش هت إيه يا عنيا
ليل: الله.. طب انتي عاوزه ايه...
سلمى بدلع: مش عاوزه حاجه عاوزه انام في حضن جوزي حبيبي
بصلها بصدمه وحس انه هيتشل وقال في نفسه: صبرني يارب بدل ما أقتلها....
في مكان تاني...
شخص١: هو كده خلاص احنا اترفدنا
شخص٢ما قولتلكم بلاش انتو اللي أصريتم..
شخص١:واحنا هنسيبه كدا والله لنوريهم
اتحرك الاتنين وهما بيتوعدوا للي فسد خططهم واتحركوا لمخزن وكان فيه...
يتبع...
السلام عليكم ورحمة الله وبركاته ♥
اتمنى الحلقه تكون عجبتكم ومستنيه رأيك فيها وفي روايه" حب طفولتي "
اتفقنا ان الجزء ده هيكمل وهيفضل زي ما هو وكل الحلقات هتبقى عليه ان شاء الله ♥🥰