عشقني ليل الصعيد

الحلقه ال٢١ ج٣

أعمار ولاد ليل وسلمى..
فهد: ١٧سنه
التوأم ١٢سنه
اعمار ولاد زين وضحى...
شوق ودياب: ١٧سنه
فراس: ١٢سنه
أعمار ولاد سليم وزهره..
ورده: ٢٢سنه
حازم ويوسف: ٢٦سنه
أعمار ولاد ليليان وإبراهيم..
ليان: ١٢سن
سليمان: ١٧سنه
*_♡._**_____✿ִ𝆬⭑_____✿ִ𝆬⭑_____✿ִ𝆬*
الحلقه ال٢١ ج٣
وكان فيه الشاب اللي ساعد ليل وكان وشه بينزف من كتر الضرب وقفوا قدامه وقال واحد منهم: شوفت عملنا فيك ايه عشان روحت وقولتله علينا..
الشاب واسمه معتز قال بتعب: اومال كنتوا عاوزين اخون الراجل اللي فاتح بيتي وبيأكل عيالي...
_مش على حسابنا انت مسمعتش كلامنا كان زمانك اخدت كام مليون لاء وايه سعر حلو اوي بس ملحوقه...
طلعوا من المخزن وكلموا حد في التليفون وقال: كله تمام يا باشا
المجهول: انا عاوزهم فاهمين
_حاضر يا بيه اوامرك..
في المستشفى...
كانت قاعده ورده وماسكه ورق وبتقراه بصت في ساعة اديها وقالت: انا أتأخرت اوي وبابا هيزعقلي... بس انا ورايا تقرير بالحالات لازم يتسلم.... وفجأة لقت سليم بيتصل بيه...
ورده: ايوة يا بابا
سليم: اي يا حبيبتي انتي لسه في الشغل
ورده: اه...
سليم: يلا يا بنتي الوقت أتأخر وحازم مش هيعدي عليكي لأنه في الشغل...
ورده: حاضر يا بابا هستأذن وجايه
سليم: تمام يا بنتي خلي بالك من نفسك... وقفل.... قامت واخدت الورق وخبطت على مكتب إسماعيل ودخلت كان قاعد وبيخلص شغل عاللاب بتاعه واتنهدت وقالت: دكتور ينفع أروح لان الوقت اتأخر اوي وهو قلقانين عليا... رفع نظره ليها وقال: لو خلصتي شغلك تقدري تتفضلي
ورده: لاء لسه فاضلي تقرير مخلصش...
اسماعيل ببسمه: مفيش مشكله يا ورده اتفضلي روحي وخلصي الورق في البيت وهاتيه بكره..
ورده: بجد.. طب شكرا اوي... كانت هتطلع قال: لو تحبي أوصلك لأن الوقت أتأخر...
ورده: لاء لاء شكرا هروح لوحدي
قام واخد مفاتيحه وقال: يلا وبلاش كلام كتير اتفضلي قدامي...
ورده: مينفعش يا دكتور اني ادخل الشارع عندنا بعربيه راجل غريب حضرتك كدا تعملي مشاكل... دقق في تفاصيلها وابتسم وقال: وانا ميرضنيش أذيتك... وشاور بإيده بالمفتاح وقال: اتفضلي العربيه وروحي بيها...
ورده: شكرا يا دكتور عن اذنك... قالت كدا وطلعت بسرعه من نظراته اللي وترتها... ابتسم وهو متابعها واتنهد براحه ورجع لمكتبه تاني...
عند شوق...
كانت واقفه في البلكونه وبتبص للشارع بملل
يوسف: تحبي تتمشي شويه... بصت لفوق وقالت: لاء شكرا... هو مش انت المفروض في الشغل...
يوسف: خلصت شغل وجيت بدري...
شوق: طيب..
يوسف: ناويه على كليه ايه
شوق: مش عارفه يمكن اقتصاد او فنون او تربيه... عادي
يوسف: انتي المفروض يبقى عندك هدف عشان توصليله
شوق: طول عمري نفسي ابقى ميس واعلم البنات والولاد ويحبوني واكون قدوة ليهم زي الميس اللي لما كنت معاها في إعدادي كان كله بيحبها ولما كانت بتشوف حاجه غلط كانت بتنصحنا وده اللي حببني في التدريس...
كان بيسمعها ببسمه وفرحه انها اتكلمت معاه في حاجه هي بتحبها...
يوسف ببسمه: لسه بتخافي من الضلمه... ضحكت وقالت: انت لسه فاكر يا عم... اكيد لاء مش خايفه
يوسف بحب: اكيد لسه فاكر عشان بحبك... اتنهدت بضيق وقالت: بابا عاوزني عن اذنك... ودخلت وهو كان فرحان... لقى ضربه على راسه وقال: بتبص على ايه يا ولد
يوسف بوجع: اه يا سليم في ايه...
ضحك وفال: لسه بتحبها
يوسف بحب: وانا عمري كرهتها دي عمرها ما راحت عن بالي
ابتسم وقال: اصبر وهتاخدها بالحلال ان شاء الله
يوسف: ان شاء الله...
في البيت...
ليل: يا بنتي مش كنا كويسين ايه اللي حصل..
سلمى بغيظ: هو كدا مزاجي كدا... اه يا ليل يا رخم اكلت الشيبسي بتاعي ليه..
ليل بصدمه: شيبسي؟؟ وكلم نفسه وقال: انا استاهل ضرب الجذمه ايوة وانا اللي عاوزها تحمل.. واتكلم بهدوء وقال: حبيبتي الدكتورة قالت غلط صح ولا غلط...
سلمى: صح بس نفسي فيه
ليل: اعملهالك هنا
سلمى: لاء طعمها مش زي اللي بره
ليل: لاء بتبقى احلى اصبري بس وانا هعملك... اتنهدت وكانت هترفض لكنها حاسه بالجوع وقالت: طيب بس بسرعه...
ليل: حاضر.. طلع وسابها وهي سرحانه في ذكرى قديمه...
فلاش باك...
كانوا واقفين قدام شقه أمها وهو باين عليه الضيق...
ليل: اقسم بالله لو أخوكي ضايقني هضربه
ضحكت وقالت: معلش عشان خاطري انا..
ليل ببسمه: انا عشان خاطرك انتي أعملك اللي عوزاه...
ضحكت وأتفتح الباب وحضنتها أمها وقالت: ادخلوا يا ولاد ادخلوا...
دخلوا وياسمين قالت: انتي بجد يا بت حامل...
سلمى؛ اه يا ماما... زغرطت وقالت بفرحه: ألف مبروك يا قلبي...
ليل: بعد إذنك يا ست الكل تخلي بالك من سلمى لما أبقى في الشغل
ياسمين: طبعا يا إبني دي بنتي... بس انتو جيتوا امتى
سلمى: امبارح ومعرفناش نطلعلك عشان الوقت كان متأخر وكنا تعبانين من السفر...
ياسمين: حمدلله على سلامتكم يا حبايبي هقوم أحضرلكم الفدا... قامت ومحمد قام قعد جمبها وحاوط كتفها وقال بحب: حبيبي عامله ايه
ابتسمت وقالت: كويسه الحمدلله
بصلهم بغيره ومحمد لاحظه ومال عليها وقال بهمس؛ هو بيبصلي كدا ليه؟
بصتله وفهمت انه غيران
سلمى بهمس: ابعد هيزعل مني...
محمد بهمس: هو بيغير اوي كدا
سلمى: اه
مال محمد وباس خدها وقال: البيت كان فاضي يا سكر البيت من ساعت ما مشيتي والنمل مبقاش بيجي... ضحكت وليل زق ايده وقال بغضب: انت اتجننت ازاي تعمل كدا
محمد: عملت ايه
ليل: بوستها وحضنتها كمان ايه كدا معملتش... ضحك وقال: اي يا عم ده انا اخوها..
شدها وقال: اقسم بالله لو قربت منها تاني يا محمد لكون ضربك كف اتففك سنانك...
محمد بإستفزاز: بس يا عمو بس مش عارف بتحب فيك ايه...؟
كور ايده على هيئة قبضه وحاول يكتم غضبه خافت وقال بتمثيل: ااااه اااه يا ليل الحقني... جري عليها الاتنين
ليل بقلق: في ايه مالك
سلمى: بطني مش عارفه مالي... وقامت جريت عالحمام جري وراها الاتنين وهي ابتسمت وبعد وقت طلعت ومسكت بطنها وكانت ياسمين معاهم..
ياسمين: مالك يا بنتي..
حضنتها وهمست: انا كنت بعمل اي حاجه عشان ليل ومحمد كانوا هيضربوا بعض فكان لازم اي حاجه يعني فهماني...
ياسمين: اه فهمت...
ليل بقلق: حاسه بإيه...
سلمى: جعانه...
تنحوا كلهم وهي قالت وهي راحه نحية المطبخ: اكيد دي ريحه محشي وبطاطس مقليه هيقعدوا متنحنلي كدا هروح اكل صوباعين وكبشه بطاطس وارجع تاني...
بعد وقت...
كان قاعدين بياكلو
محمد: متباتوا معانا انهارده
ليل: لاء خلينا في الشقه احنا كدا كدا جمبكم والصبح هنعدي عليكم اسيب سلمى عندكم وهمشي
سلمى بغيظ: انا مش طفله علفكره
ليل برمانسيه: طب قولي كدا لقلبي اصله بيقعد يقولي مش مطمن عليها... ابتسمت بحب ومحمد قال بغيره: حاسس اني كيس جوافه ايه يا عم انت ومراتك في ايه مالكم اي التلزيق ده
حاوط كتفها وقال:ملكش دعوة...
محمد: انت بتحب فيها اي دي حتى معفنه وتخنت...
سلمى بغيظ؛ بقى كدا شكرا ليل بيحبني كدا
ليل: طبعا بحبك بأي شكل...
طلعت لسانها لمحمد وليل مقدرش يكتم ضحكه وقعد يضحك ومعاه ياسمين...
ليل: بس يا ابني انت وهي..
ياسمين: هما كدا علطول اصلا حتى ايام فهد الله يرحمه كانت هي ومحمد كدا ناقر ونقير... اتحولت ملامحها للحزن وقالت: الحمدلله شبعت تسلم ايدك يا ماما... قامت وليل قال:هو حصل ايه ملها..
فهمت انها محكتلوش وقالت: معلش يا ابني هي بتزعل لما بتفتكر سيره ابوها اصله كان قريب منها اوي... اتنهد وقام وراها
واول ما دخل الاوضه لقاها واقفه وبتبص لصورته بزعل حضن ضهرها وقال بمرح: طب ما تحطيلي صوره ليا في اوضتك زي فهد بباكي كده
سلمى: ليل مش وقتك والله خالص...
ليل: طب ليه بس ده حتى ليل بيحبك... دخلت في حضنه وبمجرد ما دخلت كانت بدأت تعيط وهو بيطبطب عليها بعد دقايق كانت بتمسح دموعها وقالت: انا كأبتك صح..
ليل: ولا كأبتيني ولا حاجه انتي مراتي وانا جمبك مهما حصل..
ابتمست وقالت بمرح؛ اي رأيك في اوضتي بقى... بص للأوضه اللي كانت بسيطه وفي صور كتير في ركن في الحيطه قرب من كل صورة ودقق فيها وكانت صورها مع عيلتها واكترها مع بنت في الصورة...
ليل: مين اللي في الصورة دي دي مش ضحى..
سلمى: دي سندس دي بقى بعد ضحى بمراحل المراحل المراحل اكتر واحده حبتها بجد صاحبه جدعه جدا يمكن اكتر من اخت كتله كوميديا متحركه بس لما بتبقى معايا انا مع انها شخصيه هاديه جدا بس معايا بتبقى حاجه تانيه جدعه جدا وشخصيه محترمه جدا ومحبتش ادها الصراحه قابلتها في وقت كنت محتاجه في الصاحبه الصالحه ليا مع اننا مدخلناش نفس الكليه بس كنا مع بعض اوي وهي دلوقتي في السعوديه عند اختها بتعمل شغلها
ليل؛ شكلك بتحبيها اوي انا عمري ما شوفتك بتتكلمي كدا على ضحى
سلمى: ضحى حاجه وسندس حاجه تانيه يا ليل...
ابتسم وقال: طب انا مش هيتحطلي صوره معاكي هنا... ضحكت وقالت؛ غيران صح..
ليل؛ اه.. راحت نحيه الدولاب وطلعت كاميرا وقربت منه وقالت: اضحك...
باس خدها وهي لقطت الصورة... وعلقتها في الحيطه وحطها في الاول وقالت؛ تعرف عمري ما تخيلت انك تبقى هنا في اوضتي واحمل منك ونكمل مع بعض وتنام في اوضتي... احساس حلو اوي... ابتسم وحرك ايده على شعرها وقال: لولا ان البيت كله من محرمك كنت قولتلك البسي الطرحه عشان محدش يشوفه غيري... حضنته بحب وهو شلها وحطها عالسرير واخدها في حضنه وهي قالت: احساس حلو اوي يا ليل لما اسمع دقات قلبك وانت جمبي كفايه اني سمعاها وهي بطمني...
باس دماغها وبعديها بطنها وقال: تصبحي على خير يا حبيبتي..
باك...
ابتسمت وقالت؛ ذكريات حلوة اوي ايام حملي في فهد..... البت سندس اخبارها اي صح هكلمها... اتصلت بيها...
في مكان تاني...
كانت قاعده بنت في نفس عمرها بملامح مشابهه ولقت رقمها بيتصل اخدته بلهفه وقالت: سلموز وحشتيني..
سلمى: وانتي اكتر يا قلب سلاموز من جوه..
سندس: كدا يا سلمى متسأليش عليا من ساعت ما جيتي فرحي..
سلمى: والله يا بنتي كنت مشغوله اوي
سندس: ايوة طبعا ما هو بشمهندس ليل واخدك مني
ضحكت وقالت؛لاء والله انتي مشوفتيش اللي حصل اصلا
سندس: ايه احكيلي...
سلمى: بصي يا ستي طبعا انتي عارفه قصة جوازي انا وليل وبقينا كويسين وخلفت منه وكله تمام
سندس: تمام
سلمى: بعد ست سنين لما خلفت فهد لقينا عقربتين وقنفذ جم عندنا
ضحكت وقالت: مين دول
سلمى: بنت عمه وامها واخوها... اخوها ده كان بيحبني واخته كانت بتحب ليل وامهم السبب في موت بابا وقعدت تحكيلها عن اللي حصل معاها طول السنين اللي فاتت
سندس: ينهر ابيض كل ده حصل
سلمى: اه الحمد لله ربنا يرحمهم بقى... المهم اخبارك ايه انتي وجوزك
سندس: الحمدلله يا بنتي كله تمام
سلمى: وعيالك البنات اخبارهم اي وتربيتهم بالنسبالك اي
سندس: مطلعين عيني ويارتني ما اتجوزت...
سلمى: ربنا يطمنك..
سندس: ليه كدا ده انتي اللهم صل عالنبي عندك واكيد فاهمه التعب..
سلمى:ما في حاجه المفروض تعرفيها
سندس: ربنا يستر في ايه
سلمى: انا يعني في بطني كدا... قاطعتها وقالت: لاء يا سلمى اوعي تقولي انك حامل
سلمى: اه
زغرطت وقالت: ده انا انزلك مخصوص لما تولدي
سلمى: ما انتي هتعملي كدا يعني هتسبيني زي المرات اللي فاتت يعني ايام فهد والتوأم...
ضحكت وقالت؛ ما انتي سبتيني...
سلمى: محصلش انا كنت جامب من ايام ما اتجوزتي...
سندس: خلاص يا ستي مردودالك... وكمل بمشاكسه: هو انتو مبتزهقوش ولا ايه ما كفايه الله واكبر اللي عندكم... ضحكت وقالت؛ انا اتفجأت بالحمل اصلا..
ضحكت وقالت: ماشي يا عم براحتكم... سلام عشان اللي متجوزاه بينادي...
ضحكت وقالت؛ طيب سلام..
اتفتح الباب ودخل ليل وهو ماسك طبق بطاطس مقليه وعيش وقال: احلى شيبسي لأحلى مراتي في الدنيا...
ابتسمت وقالت: تعرف اني بحبك اوي يا ليل...
ابتسم وقال: وانا كمان يا قلبي...
عدت الأيام وكانوا الاتنين ماشين جمب بعض وهي ماسكه ايده بحب وفجأة...
يتبع...
السلام عليكم ورحمة الله وبركاته 🌺
أتمنى الحلقه تعجبكم واستنوني في حلقه جديده ان شاء الله🌺🌺💗