الحلقه ال٤
وكانت من شاب اسمه اياد
ابتسمت وردت عليه لقته اتصل ردت بلهفه وقالت: اي يا اياد كل ده متكلمنيش ولاتطمني عليك وبتفتح ومبتكلمنيش
اياد: معلش يحبيبتي ما انتي عارفه بقى اني مشغول ومش فاضي ولما بفتح مبلقاش وقت اكلم حد
ليان برقه: مش فاضي ليا حتى دقيقه تطمني عليك
اياد: لاء طبعا يحبيتي بس مبكنش فاضي خالص
ليان: تمام يحبيبي... انت وحشتني جدا
اياد: وانتي اووييي... هنتقابل جمب الشجره اللي بنتقابل فيها في المدرسه دي
ليان: تمام ماشي... وقفلت..
اتفتح باب اوضتها وكان ابراهيم وهي خافت وخبت تليفونها وقالت بخوف:في حاجه يا بابا
ابراهيم: في حاجه؟؟ ايه يحبيبتي مفيش حضن ولا حمدلله على السلامه لبابا حبيبك اللي جاي من السفر ده اي موحشتكيش
قربت منه وحضنته وقالت: حمدلله على سلامتك يا بابا وطبعا وحشتني بس انت خضتني لما دخلت من غير ما تخبط اصل مش من عوايدك يعني
ابراهيم: قولت اعملهالك مفجأة يا قلب بابا
ابتسمت وهو قال: هغير هدومي وعالاكل هديكم الهدايه اللي جبتهالكم وحجات رمضان اللي جبتها..
ليان: تمام... طلع ابراهيم وهي اتنهدت براحه ومسحت رقمه بسرعه وقالت: الحمدلله...
طلع وهو بيفكر سبب انها كانت متوره وخايفه وقابلته ليليان وقالت: اي يحبيبي مالك طالع من عند لي لي ونت مضايق ليه
ابراهيم: مش عارف والله يا ليليان من قبل ما اسافر ونا ملاحظ تصرفات في لي لي غريبه انها بقت تحط حجات في وشها وهي لسه ماتمتش ال١٢سنه وتمسك التليفون علطول وتضحك مش ملاحظه كده
ليليان: اه والله فعلا حتى سليمان اضايق منها ومن لبسها ونا مش عارفه اعمل اي
سليمان: حاولي اتكلمي معاها
ليليان: حاضر ياهيما.. بصلها ببسمه وحط ايده على كتفها وقال: تعالي بقى اقولك حاجه ونتكلم برواقه
ابتسمت وقالت: ماشي ياحبيبي...
في شقه زين...
كان قاعد وهي جمبه عالكنبه وحاطط ايده على دماغه وهو بيسمع طلبات رمضان اللي هي بتقولها وهي ماسكه ورقه وقلم وبتكتب اللي هيعوزوه من اكل وطلبات رمضان....
ضحى: بص يا زينو انا عاوزه اجيب تمر وبلح اللي هو الناشف ده وعاوزه عشره كيلو سكر عشان الحلويات ولبن عشان اعملكم سوبيا كتير وخروب ناشف مش العصير ده وعاوزه تمر هندي وعناب وتلت شوالات رز وانت فاهمني ليه عشان الرز بلبن اللي العيله كلها بتحبه ده وعاوزه سودا....
زين: خلااااااااااااص اييي كل ده اجبلكم الفلوس منين ياحلوة قال عشره كيلو سكر قال ليييه بلاقي الفلوس في الشارع ده انتي من ساعت ما مرتبي زاد ونتي محسساني اني بقبض ٢٠٠الف جنيه دول حيالله عشر...
مكملش كلامه من صوتها العالي: يعني اي انا مش هشتري حاجات رمضان زي سلمى وزهره وليليان
زين: يابنتي احنا هنقضي اسبوعين في شققنا والاسبوعين التانيين بالعيد في الصعيد
ضحى: بص يا زين انا مش حابه فكره اننا نروح الصعيد تاني
زين بحده: ليه ان شاءلله مالها الصعيد بلدنا واهلنا وناسنا هناك واحنا بنروح كل سنه مره
ضحى: مره اي ده اكتر من اسبوع
زين: ابقي قولي كده لسليم بقى هو قال كلمه ومش هترجع
ضحى: ماشي انا هقوله... بردو هنجيب حجات رمضان امتى
زين في نفسه: صدق اللي قال ان الستات مبتنساش... طب هخلع منها ازاي دي بقى
ضحى: زييين.. هنجيب الحجات امتى
طلع تليفونه وقال: الو ياحضرت اللوا مع حضرتك... وقام جري عالحمام...
ضحى: اي ده هو خلع ولا اي...
في شقه ليل...
كانت قاعده وحاطه رجل على رجل بجديه لا تليق بها وبتحاول تقلد ليل في جديته وقاعد قدامها التلت توائم وهما بيبصولها وهما مش فاهمين سبب الجديه دي
سلمى: طبعا انتو عارفين ان رمضان كمان كام اسبوع
تميم: ايوة ياماما
سلمى: انتو عارفين ان رمضان هيجي بدراسه
تيام: يوووه بتفكريني لييه
سلمى: عشان تبقوا عارفين كده بس في رمضان في نظام تاني
بصولها بإهتمام وهي قالت: فهد محدش هيبقى ليه دعوة بيه عشان هو ثناويه عامه
تيام بعصبيه: تقصدي اي يعني انه هيبقى قاعد ملك في اوضته ويقعد وياكل عالجاهز واحنا هنخدم عليه بقى واحنا هنروق وهنعمل معاكي وهو هيقعد مش هيعمل حاجه
بصتله بصدمه انه بيزعقلها وتميم وتايم بصوله بنظرة شر انه زعقلها
سلمى: انت بتزعقلي يا تيام ده الكبير عمره ماعملها معايا
تيام بعصبيه:الصراحه يعني حقي انا مش هقعد اروق واذاكر واروح مدرسه وفالآخر سي فهد هيقعد ومش هيتعب نفسه... ووجه كلامه لتميم وتايم: متبصوليش كده انا حر وده حق...
مكملش كلامه من صوت ارعبه وقال:صوتك ياروح امك...
سكت وخاف من ليل اللي قفل باب الشقه ودخل وقعد جمبها وقال بحده: انت بتعلي صوتك على مراتي ياروح امك ده انا مبعليش صوتي عليها
تيام: اصل يعني يا بابا هي بتقول....
مكملش كلامه لما قال بحده: مسمهاش هي دي امك اسمها ماما فاهم يلا
تيام: اصل يابابا ماما بتقول ان فهد مش هيعمل حاجه معانا
ليل: وهي غلطت في اي اخوك عاوز كل دقيقه عشان يذاكر
تيام بعصبيه: وانا اللي اتعب بقى...
ليل بزعيق: انت بتعلي صوتك عليا هو انا عشان بدلعك ومش بضربك ماشي شكلي انا اللي غلطان اني بتعامل معاك ككبير وشخص عاقل بس انا طلعت غلطان ومش عشان طلعلك شنب تعلي صوتك في البيت فاهم عاوز تعلي صوتك لما اموت اعمل كده
مسكت ايده وقالت: بعد الشر متقولش كده
طبطب على كتفها وقال: محدش قالك روق او اعمل حاجه ده اخلاقيا منكم لازم تعملوا مع امكم هي مش الخدامه اللي هتخدم عليكم
سكت ومردش وليل وجه كلامه ليها: شوفتي اخرت اني مبضربهوش وبسمع كلامك
سلمى: معلش متزعلش نفسك
بصله بحده وتيام كان هيتكلم ليل قال: اطلع بره
بصوله بصدمه وتيام قال: اعمل اي
ليل: اطلع بره عشان تبقى تعلي صوتك على حبيبتي وزعلتها
تيام:مكنش قصدي يا بابا والله
ليل: انت بقالك فترة كده بتعلي صوتك في البيت وشايف نفسك حبتين
تيام: انا اسف خلاص يا بابا مش هعمل كده تاني انا اسف مش هعمل كده تاني والله... وقرب منها وكان هيمسك اديها قال ليل: لو لمستها يا تيام لاكون كاسر عضمك
خبط فهد وتايم فتح وكان فهد وقال: في اي صوتكم عالي كده ليه ده واصل اخر العماره
تايم: اصل تيام زعق لماما
فهد: زعق؟؟ وكمل بعصبيه: ويزعقلها بتاع اي كان جوزها عشان يزعقلها ده حتى جوزها مبيزعقلهاش ده الكبار مبيعلوش صوتهم عليها
تايم: طب تعالى بس...
دخلوا لقوا تيام واقف وليل قدامه وهي وراه وتيام بيحاول يعتذرلها وليل مش راضي انها تكلمه
فهد: في اي ياجماعه ما تصلو عالنبي
كلهم: عليه افضل الصلاة والسلام
فهد: في اي
ليل: البيه اللي عاملي فيها كبير بيعلي صوته على مراتي
تيام: طب والله انا اعتذرت وبحاول اعتذرلها وانت مش راضي
اخدها في حضنه وقال: امشي يلا بعيد يلا ملكش دعوة بيها
ابتسم فهد وقال: خلاص يا بابا امسحها فيا انا
بصله وبعدين بصلها وهي قالت: خلاص يحبيبي...
بعد عنها وقرب تيام منها ومسك اديها وباسها وقال: حقك عليا يا ماما بجد انا اسف بس كنت مضايق
كانت هتتكلم لكنه قاطعها لما دخل في حضنها وقال: خلاص يا ماما انا اسف بجد لو عاوزه تضربيني براحتك انا مش هزعل
طبطبت عليه وقالت: خلاص يا حبيبي مش زعلانه
ليل بنبرة غيره: حبيب مين انا اللي حبيبك
ضحكوا وليل قرب منهم وقال: ابعد يلا متمسكش فيها جامد كده
شدد على حضنه وباس خدها وليل شدها وقال: مراتي دي فاهم يعني بتاعتي انا
ضحكوا وهو شدها لحضنه وهمس: عاوزك في كلمتين كده
بصتله بعدم فهم وهو غمزلها وهي ابتسمت بتعب..
ليل: طب يلا كله يشوف وراه اي
مسك اديها وقال: تعرفي انك وحشاني
سلمى: اممم اشمعنا
ليل: هو ايه اللي اشمعنا هو انا مش وحشك ولا اي
حطت اديها على دماغها وقالت بتعب: يا ليل بجد انا مش رايقه خالص
ليل: مش رايقه؟؟في اي مالك يحبيبتي...
غمضت عنيها وكانت هتقع مسكها وقال بقلق: سلمى مالك في اي
سلمى: دايخه شويه
ليل: طب تحبي نروح نكشف نطمن عليكي
سلمى: لاء لاء انا كويسه
ليل: حبيبتي مش هينفع كده لازم تكشفي
سلمى: انا بس عايزه ارتاح شويه
ليل: طب تعالي... قعدوا وسندت راسها على صدره وهو قال: مش قولتلك نجيب شغاله عشان هتتعبي..
سلمى: انا كويسه يحبيبي
ليل: انتي بقالك فترة بدوخي علفكره
سلمى: عادي برد في معدتي
ليل: بس.... مكملش كلامه لما خبط باب الشقه قام فتح وكانت ليان
ليان: ازيك يا خالو
ليل: اي يحبيبت خالو تعالي...
دخلت وقالت: بابا بيقولك انتو مش هتطلعوا ولا اي كلهم فوق...
ليل: ثواني وطالعين... بصلها شويه وقال: اي اللي حطاه في وشك ده
ليان: حلو بقيت محترفه في الحجات دي
ليل: محدش قالك انه حرام
ليان: خالو ده ميكاب سيمبل وكل البنات بتحط منه
ليل: بصي يحبيبت خالو انتي عارفه اني معنديش بنات وبعتبرك انتي وورده وشوق بناتي صح
ليان: صح بس انا بحط ميكاب عشان شكلي يبقى حلو
كان هيتكلم سلمى قالت: خلاص يحبيبتي اطلعي واحنا هنطلع وراكي..
ليان: حاضر... وقامت طلعت
سلمى: انت في حاجه مضيقاك صح
ليل: اه اللي مضايقني البت ليان وابراهيم قلقان عليها
سلمى: انا هتكلم معاها متقلقش واكيد ليلو قالتلها حاجه بردو
ليل: صح... بس مختيش بالك من حاجه
سلمى: اي
قرب منها شويه وقال: اني قولت اني معنديش بنات
سلمى: ما انت ربنا رزقك بماشاء الله اربع شباب ماشاء الله عليهم
حاوط خصرها وقربها منه وقال: بس انا عاوز بنت...
بصت نحية اوض الولاد وقالت: ليل العيال هيطلعوا ابعد
ليل: فكك... كان هيبو*سها اتفتح باب اوضه التوأم وقال تايم: ماما حلو الطقم... مكملش كلامه وبص فالأرض بحرج وقال: احمم انا اسف والله
احمر وشها وحطت اديها على رقبتها بحرج وهو مسح شعره بإحراج من ابنهم اللي شافهم
ليل وهو بيجز على سنانه: في اي يا تايم يا بارد عاوز حاجه
عدل نضارته وقال وهو باصص فالأرض: انا اسف والله يا بابا مكنتش اعرف والله... بس كنت عاوز اخد رأي ماما فالطقم ده
سلمى بخجل: حلو يحبيبي قمر...
تايم: طب اسيبكم انا وهروح اكمل لبس
وجري على اوضته من نظرات ليل
سلمى: عاجبك كده
ليل: محصلش حاجه يعني هي اول مره حد فيهم يشوفنا واحنا مع بعض
سلمى: انت مفيش خجل خالص كده
ليل: هو انا بعمل حاجه حرام ولا اي
قامت وقالت: طب قوم البس عشان نطلع
ليل:طب تعالي سعديني
سلمى: اعمل اي يعني
ليل:هاخد رأيك في ايه
سلمى: اها تمام...
بعد وقت...
كانوا كلهم قاعدين في شقه ابراهيم
ليليان: والله انتو متعرفوش انا فرحانه اد ايه ان رمضان جاي
سليم: طول عمرك بتحبي رمضان
ليليان: فاكر يا ليل ليله رمضان بعد السحور لما بابا وماما كانوا نايمين وانت دخلت حطيت صواريخ تحت السرير وفرقعوا وبابا يومها رنك حتة علقه
ضحكوا كلهم وليل قال: طب شكلي قدام عيالي اي
زين: لاء انت اتفضحت خلاص
كانوا بيهزروا ويضحكوا وليان في عالم تاني بتتكلم مع اياد شات
قربت منها وقالت: بتعملي اي يا لي لي
ليان: مبعملش حاجه يا مامي عادي بقلب فالفيس
ليليان: اممم تمام يا ليان هعمل نفسي مصدقاكي...
قامت ليان على اوضتها وليليان قالت: شوفتي ياسلمى البت وتصرفاتها
حطت اديها على دماغها وقالت بتعب: اه شايفه..
ليليان: انتي معايا ولا لاء
سلمى:معاكي بس راسي وجعاني
ليليان: مالك في اي
سلمى: تعبانه بقالي فتره
ليليان: تعبانه ازاي
سلمى: بدوخ ومعدتي وجعاني ومش طايقه نفسي ولا اي حاجه
ليليان: طب ما تروحي تكشفي
سلمى: لاء مش عاوزه
ليليان: مش عاوزه ولا خايفه
سلمى: هخاف من اي يعني
ليليان: انتي عارفه ومتأكده ان دي اعراض حمل صح ولا لاء
سلمى: اه بس انا خايفه يطلع حمل وانا الصراحه تعبانه ومش قادرة
ليليان: الصراحه الله يكون في عونك من المجانين اللي عندك...
حطت اديها على دماغها وقالت: يارب مايبقى حمل انا تعبانه..
طبطبت على كتفها وقالت: ان شاء الله خير متخافيش..
كان متابعهم وقام قعد جمبها وليليان قامت وهو قال: مالو الصغنن خايف كده ليه
سلمى: مفيش مش خايفه ولا حاجه
ليل: باين عليكي خايف ومخضوضه من حاجه
سلمى: لاء لاء متقلقش
ليل: تمام يحبيبتي...
حازم: احنا في محاضرات بتخلص قبل الفطار وفي محاضرات بعد الفطار
زهره: عموما يا حبايبي هتيجوا هتلاقوا اكل ليكم...
بص يوسف لشوق اللي لقاها مركزه في تليفونها قام قعد جمبها وقال: كل سنه ونتي طيبه ياشوقي
شوق: وانت طيب يا يوسف
يوسف: كده يوسف حاف كده
شوق: عاوزني اقولك اي يعني..
يوسف: مالك يا شوق انتي من امتى ونتي بتكلميني كده
قامت وراحت قعدت مع ورده...
في الاوضه..
ورده: مالك في اي
شوق: اخوكي ده بارد اوي
ورده: بيحبك ونتي عارفه
شوق:اممم ماشي...
ورده: انا مضايقه من....
مكملتش كلامها لما قالت: مش فاضيه لحكاويكي يا ورده.. وقامت..
اضايقت وطلعت قعدت معاهم... قربت ورده من ليل: هي طنط سلمى فين
ليل: في الحمام... قامت وراحت عندها خبطت وسلمى فتحت وكان شكلها تعبان
ورده: طنط انتي كويسه
سلمى: اه يحبيبتي..
ورده: استني هقول لعمو...
سلمى: لاء لاء انا كويسه... في حاجه ولا ايه
ورده: كنت عاوزه اقولك حاجه
سلمى: تعالي احكيلي
قعدوا في اوضه وقالت: ادينا بعدنا عن دوشتهم اهه في اي
اتنهدت وقالت: انا مضايقه من ليان
سلمى: ليه بقى
بصتلها وقالت: بصي انا خايفه اقولك هي تزعل مني وتقول عليا فتانه
سلمى: لاء بقى في موضوع كبير
ليان: من فترة كدا روحت المدرسه اللي ولاد عمامي فيها
سلمى: تمام كملي..
ورده: روحت اكشف على بنت هناك فأنا ونا ماشيه لقيت...
فلاش باك...
ورده: انا خلصت الشغل اللي كان فالمدرسه وهاجي اخلص بقيت الشغل اللي فالمستشفى
سليم: تمام يحبيبتي انا مستنيكي عشان نروح مع بعض..
ورده: تمام يابابا... سلام...
قفلت معاه وقالت: هي مش دي ليان بردو
قربت منهم
اياد: انا مش عارف انتي خايفه مني ليه
ليان: كده
اياد: انتي مش عارفه اني بحبك ولا اي
كان هتتكلم قاعتهم ورده وقالت بزعيق: انتو بتعملوا اي
ليان: ورده استني بس انا هفهمك
اياد: دي مين دي
ليان: بنت خالي
اتوتر اياد وقال: عن اذنكم.. وطلع جري عالفصل...
ليان: عشان خاطري متقوليش لبابا
ورده: ماشي مش هقوله بس متكلمهوش تاني ومتخلهوش يقرب منك كده تاني
ليان: ماشي
ورده: علفكره بيضحك عليكي عشان لما عرف اني واحده من اهلك هرب...
سكتت وورده مشيت..
باك..
سلمى: ينهر ابيض عشان كده طول القاعده عماله تبصلك
ورده: انا اضايقت لما لقيته مقرب منها كده ومضايقه اكتر لان عمو ابراهيم حنين عليها اصل اللي بيكلموا بيبقى عندهم نقص في حاجه زي دي
سلمى: صح انتي صح... انا هتصرف
قامت وفتحت الباب ولقت....
يتبع...
...................
السلام عليكم ورحمة الله وبركاته ❤
اسفه عالتأخير بس مشغوله اوي بالدراسه وبحاول انزل اي حاجه وقريب اوي هنزل بقيت روايه " حب طفولتي " وهحاول انزل بقيت الحلقات 🤍🤍💗
والسلام عليكم ورحمة الله وبركاته 🤍🤍
أنت تقرأ
عشقني ليل الصعيد
Romanceنظل ما بين تلك الحرب القويه ما بين مشاعرنا... لم يتوقعا ان يقعا في عشق بعضهما البعض... بعد قسوة وزواج مجبران عليه تحولا الى عاشقين لا يستطيعا ان يتفرقا او يتخلوا عن بعضهما البعض...، كانا يظنان انهما في طريق طويل مظلم لا نهايه له... حتى تقابلا هي ذاق...
