عشقني ليل الصعيد

الحلقه ال٢٣ ج٣

الحلقه ال٢٣ ج٣
وفجأة حرك ايده على شعرها وهي بصتله وقالت: ليل انت كويس...
ليل: اه كويس اوي بس مش عارف بقالي فتره بفكر فيكي
فرحت وقالت بفرحه؛ انت طول عمرك في بالي وعمرك ما روحت عن بالي ابدا من ساعت ما شوفتك وانت ديما على بالي... وحركت اديها على وشه وقالت بدلع: ونفسي فيك من زمان اوي يا ليل
كان مضايق من لمساتها اللي على وشه رفع ايده بتردد وكان هيحط ايده على ضهرها لكن نزلها وبعدها وقال: طيب ما دام بتفكري فيا وانا بفكر فيكي فأنا محتاج أتكلم معاكي... حضنته وقالت: انا مش مصدقه يا ليل انك خلاص بقيت تحبني... كان واقف مصدوم من اللي هي عملته وكان مضايق وغمض عينه بضيق بعدها وقال بزعيق: انتي ازاي تعملي كده انتي اتجننتي... بصتله وقالت؛ مالك يا ليل ما انت كنت... قاطعها وقال: كنت ايه كنتي مفكراني هعمل معاكي اي.. بصتله بدموع وقالت: انا اسفه يا ليل عن اذنك... طلعت وهي بتتوعدله وقالت: والله يا ليل لتبقى بتاعي واحسر مراتك عليك واخليها تشوفك وانت في حضني...
عند ليل...
كان قاعد وبيشرب سجارة وبينفخ دخانها بعصبيه رجع راسه وسند راسه على الكرسي وغمض عينه وقعد يفكر فيها وفي عياله...
ليل: معقول هاجي على اخر الزمن واخونها... دي حبيبتي وعشرت عمري وام عيالي وفي الأول هي حياتي... غمض عينه وهمس جواه: بحبك يا ام فهد يا عشق ليل... ابتسم بمجرد ما افتكر ذكرى قديمه ما بينهم...
فلاش باك...
سلمى بغضب؛ انت هطلقني فاهم ولا لاء
كان قاعد وبيخلص شغل على اللاب توب بتاعه بصلها بإستغراب وقال: في اي يا حببتي اي القلبه دي ما انتي لسه بيساني وقيلالي بحبك يا ليل
سلمى: وغيرت رأيي وهطلقني اه يا خاين يا ابو عيون زايغه يا بتاع الستات بقى تخوني يا ليل انا... ده انا سلومه حبيبتك تخوني..
ليل:انا مش فاهم حاجه والله يا حبيبتي اخونك اي بس...
سلمى: روح أسأل ألاء... رفع حاجبه وقال: ألاء مين
سلمى: ألاء محمد اللي على الفيس وعملالك لاڤ وكومنت على صورتك اللي على الفيس وبتقولك قمر يا ليل ربنا يحفظك...
سكت وفجأة أنفجر في الضحك وقال: علاء محمد يا متخلفه حرام عليكي انا قولت اني بخونك بجد
سلمى: طب طلقني انا مش عايزه اعيش معاك... قام ووقف قدامها وقال بتأثر: اي يا سلمى انتي مش بتحبيني ولا اي
سلمى: لاء وطلقني يلا...
قرب خطوة وقال: بتقولي اي... ابتسمت وبعد خطوة وقالت: كنت بقول طلقني...
ليل: والشحطه الأربعه دول اي مش يبينوا اني بحبك...
سلمى: واي علاقه ديه ب ديه... غمز وهي رفعت حاجبه بعدم فهم واتحولت وشها لصدمه وقالت: يارب مكونش فهمت انت قصدك.....
ليل: ايوة اللي في دماغك... ضربته في كتفه وقالت؛ علفكره بقى انت قليل الأدب...
ليل: ما انا عارف... كانت هتطلع مسكها وقال: راحه فين
سلمى: هطلع يا خويا وكمل شغلك انا كنت داخله بنغشك بس
ضحك وحضنها وهمس: العيال نامت... بصتله وابتسمت بخجل وقالت؛ هو ده اللي انت فالح فيه لم نفسك يا ليل
ليل: انا عملت حاجه انا بسألك العيال نامت ولا لاء
سلمى: اه نامت ومصدقت انهم ناموا كل ما انيم واحد التاني يصحى هما ليه تلاته
ضحك وغمز وقال: عيب عليكي ده انتي متجوزه ليل...
سلمى: طب اتفضل يا سي ليل روح نيم ولادك اللي مش عارفه انيمهم دول كل واحد شحط خمس سنين ومش عاوز ينام...
ليل: طب ولو نيمتهم في تلت دقايق
سلمى: روح يا سبعي روح وريني...
بعد نص ساعه...
ليل بتعب: يا ابني نام بقى انت وهو...
كان بيجري التلاته اللي عمرهم خمس سنين وبيلفوا حوالين ليل...
صرخ بعصبيه وقال بغضب؛ انت يا جذمه انت وهو نام بدل ما اوريكم... هو فهد بس اللي ناصفني.... كانت واقفه على باب الاوضه وبتضحك عليه
سلمى بنبرة شماته: اي يا ليل بقالك ربع ساعه بتنيمهم اومال اي تلت دقايق دول.... بصلها بغضب وبص لأولاده وقال: عجبكم كدا اهيه شمتانه فيا... ضحكت وقربت من الولاد وقالت؛ اللي هيكون على السرير الاول ليه عندي بوسه... جري التلاته على السرير وهو واقف ومصدوم باست خد التلاته وقالت؛ في عيال شطرين قمامير يتأخروا في النوم لحد الساعه١٢...
تميم: احنا كنا عوزين نلعب عشان البيت حلو واحنا لسه مستكشفنهوش
سلمى: بس ياض يا رئيس العصابه انت... ضحكوا ومازال ليل في صدمته   اتحرك وقعد جمبهم وهي قالت؛ وهو البيت هيطير اواحنا هنمشي وهنسيبه احنا قاعدين علطول فيه... بقالنا يومين فسكندريه ومستكشفتوش البيت لاء انا اشك في قدرات عيالي...
ضحكوا وهي مسحت على شعر تيام وقال: ننام بقى يا حبايبي وبكره اوعدكم هلعب معاكم وهسبكم براحتكم كمان هاه اي رأيك...
سقفوا بسعاده وهي ضحكت وهو بصلها بحب فهي كانت ونعم الام والزوجه والصديقه ورفيقه حياته....
بعد وقت...
كانت قاعده قدامه بالحجاب بعد ما صلوا وهو قال: شكرا
سلمى: على اي يا حبيبي
ليل: انك جمبي وفي حياتي وعمرك ما سبتيني...
سلمى: اي مالك ياض انشف كدا
ليل؛ تصدقي ان انا اللي غلطان اني بقولك كلام حلو... ضحكت ونامت على كتفه وقالت: اي ياض ده انا بنغشك... ربنا يديمك في حياتنا يا ليل... ويلا بقى بلاها دراما انا عاوزه اسمع الورد بتاعي... ضحك بيأس وهي بدأت تسمع وكانت بتتلوا القرآن وجت آيه تسمح للرجال بتعدد الزوجات والزواج له وطت صوتها عشان ميسمعهاش ابتسم ومسك اديها وقبلها بحنان وقال بحب: انتي لوحدك تساويهم كلهم...
بصتله بحب وقالت: يعني مش هيجي اليوم وتخوني فيه وتتجوز عليا...
ليل: وانا اقدر يا ملبس يا اللي بدوب في حبك مدبس انا... ضحكت وحضنته وهمست في ودنه؛ انا بحبك...
ليل: وانا بعشقك...
باك...
كان مبتسم على ذكرياته وقال: انا هفضل على وعدي معاها انا عمري ما اخونها ولا هشوف غيرها لأنها هي اللي مليا عيني... فجأة اتفتح الباب وكانت هي قام وابتسم وقال: ده اي المفجآت دي....
سلمى: اي رأيك بقى... ضحك وقرب منها وحضنها بحب قفل الباب برجله ونزل لبطنها وبسها وقال: حبيبي عامل اي...
سلمى: والله انا بردو ولا بنتك...
ليل: بنتي طبعا...
سلمى بغضب: والله بنتك طب اشبع بيها... كانت هتمشي شلها وهي شهقت وقالت بضحك؛ ليل... ليل نزلي حد هيدخل
ليل؛ ما اللي يدخل يدخل...
سلمى؛ لاء والله يا ليل لو منزلتني هصوت والم عليك الناس...
نزلها وقال؛ هتقولي اي يعني جوزي شايلني..
سلمى: تصدق اقنعتني... ضحك وهي قربت منه وقفلت ازرار قميصه وقالت؛ تعرف يا ليل انك كنت وحشني اوي...
بصلها ببسمه وقال: ده انا خديجه راضيه عني بقى... ضحكت بدلع وقالت؛ الاه مش جوزي ومن حقي يوحشني...
ليل: مش عارف كدا قلبي مش مطمن...
سلمى: ليه بس ده حتى انا مبعرفش اكدب على بابا حبيبي... ضحك وهي لفت اديها حولي رقبته وقالت؛ الا قولي يا حبيبي مال ريحة البرفان بتاعك متغيره كدا ليه...
ليل: ريحة اي... شم قميص البدله بتاعه وكان فيه آثار من ريحه برفان مايا وقال بتعلثم: هاه... لاء يا حبيبتي عادي تلاقيني... احم اتلغبطت وحطيت من بتاعك...
سلمى: امم حطيت من بتاعي هو انا بتاعي ريحته فاذه اوي كدا ده انا ريحة البرفان بتاعي هادي جدا...
حط ايده على رقبته ومش عارف يقول اي بص في الأرض وهي لفت وشها وقالت؛ طيب يا بشمهندس... بعدت عنه وقعدت على الكرسي وهي مضايقه... قرب منها وقعد قدامها...
ليل؛ سلمى انا عاوز اقولك حاجه
سلمى: ااتفضل...
ليل: تيجي نروح..
سلمى؛ والله... نروح... طيب يلا يا ليل...
قاموا وكل منهم عقله وبيفكر في حتة تانيه...
في المستشفى
عند ورده وإسماعيل...
كانت بتكشف وجمبها بنت اخت اسماعيل
إسماعيل: هاه يا ورده اخبارها اي طمنيني
ابتسمت وقالت؛ متقلقش يا اسماعيل هي كويسه هي بس عندها نزلت برد وده طبيعي في الجو اللي احنا فيه متقلقش
اتنهد براحه وقال: هي حرارتها كانت عاليه امبارح وكنت خايف عليها
ورده؛ متقلقش هي الحمد لله كويسه... بصت للبنت وقالت: اسمك اي يا قمرايه...
البنت: اسمي بسمله...
باست خدها وقالت؛ قمر يا بسبوسه..
بسمله: انتي اسمك ايه
ورده؛ ورده يا قلبي
بسمله؛ دي طنط ورده يا خالو
بصت ورده لإسماعيل اللي ابتسم وقال؛ اه اي رأيك فيها
بسمله؛ طيبه وانا حبتها اوي...
ورده: حبيبتي وانا كمان حبيتك... ادتها شوكلاته وقالت: روحي العبي يا حبيبتي... بصت لإسماعيل وهو حرك راسه بالموافقه جريت عند الركن اللي في العاب في اوضه ورده...
ورده؛ ممكن أسألك سؤال
اسماعيل: اتفضلي
ورده؛ هي مامتها فين
اسماعيل: متوفيه...
ورده: الله يرحمها انا اسفه والله
اسماعيل: لاء عادي...
بسمله: بس هي هاديه وخايفه كدا ليه وبباها فين
إسماعيل: بسمله كانت متعلقه بميسون أمها اوي ولما ماتت جتلها صدمه ومكنتش بتكلم حد وبتعيط لوحدها فأنا بخاف عليها اوي... ابوها فين ابوها ده مش فارق معاه بنته كل اللي همه يجمع فلوس وهه ومتعته...
سكتت وبصتله وقالت؛ لو تحب بسمله تيجي معاك هنا الشغل واقعد معاها معنديش مانع
إسماعيل: بجد... اقصد مش عاوز اتعبك معايا
ورده؛ ولا تعب ولا حاجه...
اسماعيل: انا هتقل عليكي اوي يا ورده انا مصدقتش لما هي نطقت وقالت كلمتين على بعض
ورده: ولا تتقل ولا حاجه وكمان دي زي بنتي
اسماعيل: بتكبري نفسك ليه دي اختك... ضحكت وقالت؛ ماشي يا سيدي اختي الصغيره... بصوا لبعض شويه وهو حمحم وقال؛ طب انا هروح اكمل شغلي
ورده؛ طيب ماشي... مشي وهي قعدت مع بسمله تلعب معاها...
بليل...
في شقه ليليان وابراهيم...
كانت واقفه وبتقلب في اكونت حازم وعلى صورة ومبتسمه... كانت سرحانه في صوره وفجأة سمعت صوت ورده اللي قالت: الله الله ده في حد عاشق...
خبت التليفون وقالت بتوتر: هه لاء ولا عاشق ولا حاجه...
ضحكت وهي قالت؛ انتي جيتي منين انتي..
ورده؛ انتي ناسيه ان السهره عندكم انهارده..
ليان: ايوة صح...
ورده؛ هي دي صور حازم مش كدا
ليان؛ لاء.. اه.. بصي انا كنت بقلب في اكونتات العيله كلها بدور على صوره تجمعنا...
ورده؛ والله... ما انتي عارف ان العيله مبتنزلش اي صورة تجمعنا على اي وسايل تواصل...
سكتت وورده قالت؛ انتي بتحبي حازم
ليان: لاء طبعاً...
ورده؛ يا بت.. سابتها ومشيت وهي بتضحك عليها...دخلت وبصت ليهم وكانوا كلهم بيتكلموا وقاعدين في جو عائلي
كان قاعد. ليل وبيبصلها وهي بتتكلم مع ضحى مال إبراهيم عليه وقال: هو في ايه مالك
ليل: مالي في اي
ابراهيم: انت ومراتك مالكم
ليل: انا حاسس اني في لعبة ملهاش اخر خايف اخونها يا ابراهيم انا هيحصلي حاجه لو بعدت عني انا خايف ومش عارف اعمل اي
ابراهيم: انت مخونهاش واللي انت كنت بتفكر فيه ده شيله من دماغك وانتقم بس بطريقة متخسركش كل اللي بتحبهم
ليل: انت صح... بصلها وهي قامت عند البلكونه...
كانت واقفه واتصلت بصحبتها سندس...
سندس: اي يا سلاموز
سلمى: اي يا حبيبتي
سندس: مالك في اي صوتك ماله
سلمى: مخنوقه اوي ليل حاسه ان فيه حاجه حاسه ان هو بيخوني
سندس: بت انتي انتي عبيطه جوزك بيحبك وعمره ما يعمل كدا
سلمى: بقولك شاكه
سندس: متشكيش فيه ووجهيه وقوليله وهو لو فيه حاجه هيحكيلك
سلمى: طيب
سندس: ولا اقولك ادلعي واعملي كل حاجه تخليه يرجع لو هو بيخونك
سلمى: عملت كدا انهارده لقيته مضايق وحسيته زعلان
سندس: يبقى فيه حاجه بت وجهيه وقضي الأمر... ضحكت وقالت: حاضر يا قلبي... اخبار جوزك الرخم اي
سندس: ممش طيقك
سلمى: ولا انا اضربهولي بقى... ضحكت وقالت؛ حاضر يلا سلام..
سلمى: سلام... بصت للشارع وغمضت عنيها بتعب بصت لتليفون واللي بيتصل وكان معاذ ابتسمت وردت عليه وقالت: ايوة يا ابن خالي
معاذ: قلب ابن خالك
سلمى: ما تتلم ياض
ضحك وقال: انا بطمن عليكم عشان جوزك كان عاوز ورق مني وانا خلصته وكلمته مردش فقولت اكلمك انتي...
سلمى: ليل مش.... مكملتش كلامها لما ليل اخد التليفون وقال: ايوة يا معاذ في حاجه
معاذ: اي يسطا بتصل بيك والله
ليل: مش معايا التليفون مع الولاد في حاجه ولا اي
معاذ: حوار مايا ده انا عرفتلك هي بتاخد الورق ليه وبعتلك ورق على تليفونك اقراه وافهم هي تبع مين
ليل: بجد يا معاذ مش عارف اشكرك ازاي
معاذ: ولا تشكرني ولا حاجه ده انت حبيب الغاليه... اضايق ومعاذ كمل بإستفزاز: بوسلي سلمى بقى...
ليل بعضب: نعم يا روح امك... ضحك معاذ وهو قفل معاه... بصلها بغضب وهي قالت؛ هو اي اللي انت عاوز تشكر معاذ عليه
ليل: عاجبك ابن خالك وهو بيقولي بوسلي مراتك...
مردتش وهو قرب وقال: حبيبتي انتي بتعمليني وحش ليل وبتبعديني عنك ليه..
سلمى بزعيق وعتاب: انا بردو يا ليل انا بردو اللي بعملك وحش انا بردو اللي بتبعدك عنها مين اللي بيبعد عن مين انت بقالك تلت ايام بتبعد عني ومحسسني بإحساس مش عايزة احسه معاك
ليل: انا اسف حقك عليا بس ده ضغط شغل
سلمى: والله
ليل: طب بصي لما نطلع شقتنا عشان نعرف نتفاهم...
لفت وشها بحزن وقالت: طيب يا ليل اللي انت عاوزه... بصوا لبعض "وكل منهم يحكي همه للآخر في تواصل بصري طويل لم يفهموا الكلمات لكنهم يفهموا المشاعر..."
بعد وقت...
سلمى: يلا يا فهد يا حبيبي عشان تنام
فهد: لاء لازم اذاكر
سلمى: طب نام وهصحيك على الفجر كالعاده واقعد ذاكر براحتك... طبطب عليها وقال: طيب يا أمي... باس دماغها بحب وفرد جسمه على السرير وهي غطته وباست خده وطلعت... وراحت عند اوضة التلاته وكانوا نيمين بعمق.... راحت عند اوضتهم وكان قاعد ومستنيها...
ليل: كل ده بتطمني على الولاد
سلمى: اه
ليل: ولا بتهربي مني...
سلمى: ولا بهرب ولا حاجه يا ليل... قرب ومسك اديها وقال: هحكيلك كل حاجه بس توعديني انك تسمعيني وتسمحيني... بصتله وقالت: طيب اتفضل...
قعد وقعدها جمبه وقال: من فترة كان في ورق ثفقات في الشركه بيتسرق وانا مكنتش اعرف ولما كنا في الصعيد اكتشفت ان في اتنين من اللي بيشتغلوا عندي في الشركه بياخدوا الورق ده وبيدوه لمايا كنت عاوز انتقم منها بس لقيت نفسي هدخل في حاجه غلط ملهاش اخر خوفت اللي اعمله مع مايا.. قاطعته وقالت بعياط: تقصد انك خونتني مع مايا تقصد ان اللي بيحصل بينا حصل معاها هي..طب طب ليه انا قصرت معاك في حاجه طب انت ارتحت معاها يا ليل مش مهم انا المهم انك ارتحت انا طول عمري بدعي انك تفضل مرتاح في حياتك بس متوقعتش انك ترتاح مع غيري ... طب طب خلاص طلقتني وهاتها هنا مدام ارتحت معاها... كانت هتقوم مسك اديها وقال: طب والله انا ما خونتك ولا لمست غيرك ولا ارتحت مع غيرك حبيبتي انتي هي حياتي ازاي اخونك وابص لغيرك انا عيني مبتشفش غيرك انا عمري ما هرتاح مع غيرك صدقيني والله ما خونتك.... لفت وشها بعيد عنها وهو نزل على رقبته وقال؛ والله ما خونتك اقسم بالله ما خونتك
سلمى بعياط: اومال انت عملت ايه
ليل: معملتش والله مقدرتش.. بصتله بدموع وهو حرك ايده على وشها يمسح دموعها وهي قالت: يعني انت مخونتنيش...
ليل: وانا اقدر
سلمى: طب وريحه البرفان اللي على هدومك
ليل؛ هي حطت اديها على رقبتي...
سلمى بغيره: ورحمة امك وانت سبتها ده انا لما بحط ايدي على رقبتك ببقى هيغمى عليا من الكسوف هي بقى اغمى عليها... ضحك وقال: لاء دي بارده وانا زقتها وزعقتها
سلمى؛ اممم يعني انا بس اللي في قلبك...
ليل؛ ايوة طبعاً... انا اسف
سلمى: لاء انا زعلانه يا ليل ومش.... مكملتش كلامها لما وقع على الارض جريت عليه وقالت: ليل... ليل في اي لاء بلاش هزارك الرخم ده انا بخاف.... كان ساكت ومبيتحركش وفجأة صرخت بوجع وقالت؛ ان بطني اه... قام جري عليها وقال بلهفه؛ اي في ايه مالك حاسه بإيه البت فيها حاجه... ضربته وقالت: شوفت الخضه وحشه ازاي
ليل؛ اه يا بت ال... بقى كدا
سلمى: اه... باس خدها وقال؛ مسمحاني
سلمى: لسه شويه... باس خدها التاني وهي ابتسمت وقالت؛ مسمحاك
اخدها في حضنه وغمض عينه وهي في حضنه بسعاده....
تاني يوم...
كانت قاعده مايا وهي على الأرض ومربوطه وبتصرخ برعب
ليل؛ هاه مش ناويه تنطقي وتقولي من وراكي
مايا بعياط: والله يا ليل ما هقدر اقولك
ليل؛ انجزي بروح امك مش فاضيلك
مايا: طب بص انا لو قولتلك هيقتلني
ليل: ما يقتلك انا مالي... عيطت اكتر وقالت: هقولك بص هو....
ليل بصدمه:.....
يتبع....

السلام عليكم ورحمة الله وبركاته ازيكم عاملين ايه كل سنه والامتحانات طيبه😂المهم اسفه عالتأخير والله ورايا امتحانات وشغل ومش فاضيه خالص الفتره دي فالحلقه دي تصبيره كدا لحد ما اخلص امتحاناتي وهحاول انزل تكملتها ولباقي الروايات لو في وقت بس 😂❤