عشقني ليل الصعيد

الحلقه ال٧ ج٣

الحلقه ال٧ ج٣
دخل مكتب المديره ولقى ولاده التلاته وجمبهم فراس واقفين مربعين اديهم بغرور شديد ولا كأنهم عملوا حاجه وكميه شباب قاعدين على كراسي وعلامات الضرب عليهم وشكلهم متبهدل من كتر الضرب والدكتوره بتربطلهم عالجرح وبنت قاعده بتعيط 
دخل ليل وقال: السلام عليكم هو في ايه
المديره: وعليكم السلام يابشمهندس
بص لولاده بنظره وفهم ايه اللي حصل وقال: خير يا استاذه
المديره: ابن حضرتك تميم حاول يعتدي على بنت وقال حجات متصحش خالص...
تميم بتسرع: والله ماقولت حاجه ولا عملت حاجه...
ليل: اسكت يا تميم... سكت تميم وليل كمل وقال: ولادي انا مربيهم كويس وعارفين الحلال من الحرام ولا يمكن يعملوا حاجه زي دي ابدا وانا واثق في تربيتهم...
المديره: حصل ايه يا ناريمان...
ناريمان بتمثيل العياط: انا كنت في المكتبه وكنت بقرأ في كتاب لقيت تميم بيقرب عليا واخد مني الكتاب ومسك ايدي وقالي: ينفع نبقى صحاب انا رفضت قام شددني عليه وقالي انا بحبك وكلام كتير ميصحش خالص...
تميم بغضب: نعم يا روح امك ده انتي اللي عملتي كده من يومين وانا قولتلك اني مليش فالقرف ده
عيطت ناريمان وقالت: شايفه يا ميس...
حط رجل على رجل وقال: طب حلو اوي انتي صادقه...
بصله التلاته وفراس بصدمه واتكلم تميم بصدمه: صادقه؟؟ ده ازاي بقى... بابا انت تصدق عليا كده
شاورله انه يسكت... فسكت تميم وهو مضايق
ليل: مش فيه كاميرات مراقبه فالمدرسه
المديره: اه..
ليل: خلاص نشوف حصل ايه ونشوف مين اللي صادق
اتوترت ناريمان وقالت بتوتر: لاء لاء خلاص يا اونكل محصلش حاجه
بصلها وقال: ليه منشوف كان هيعتدي عليكي ازاي
عيطت وقالت: خلاص يا اونكل تميم اخويا ومحصلش حاجه
ابتسم وقال: طب تمام...
بص للشباب اللي مضروبين وقال: ودول حاول يعتدي عليهم هما كمان ولا ايه... كتم فراس ضحكه وليل لاحظه وبصله بحده وهو سكت...
المديره: لاء كان بيدافعوا عن البنت..
ليل في نفسه: الله ينور على تربيتي بجد ده العيال مش نافعين ده كفايه تميم يضربهم ضربه تجيب اجلهم فينك يافهد يابني وفين ايام مكنت بتضرب العيال بدوب سبب انت ودياب
بصت المديره للميس الاخصائيه النفسيه وقالت: دي ميس اولفت الأخصائيه النفسيه فالمدرسه انا شايفه انك تعرض تميم وتايم عليها...
اتعصب اوي وقال بعصبيه: هو انا ولادي مجانين ولا حاجه واعرضهم ليه اصلا
أولفت؛ احنا مقولناش كده اولاد حضرتك وخصوصا تميم وتايم  رفضين اي تعامل مع البنات عكس تيام خالص فأكيد ديه مشكله نفسيه او عقده نفسيه لو بتتخانق مع والدتهم اتمنى ميكونش قدامهم لانه.....
مكملتش كلامها من كلام ليل اللي اتكلم بغضب:قولتلك قبل كده ولادي متربين بزياده الزياده كمان ودينهم قال مفيش تعامل مع اي بنت مش من محارمهم ولو على تيام هيتربى من اول وجديد مفيش مشكله... احنا صعايده ونعرف يعني ايه الاصول الكلام ده... وكمل بعصبيه اكتر: انا عمري ما اتخانقت مع امهم بالعكس مابينا علاقه حب ومحبه كبيره وربينا عيالنا على كده
سكتوا كلهم شويه...
المديره: طب والأولاد اللي اضربوا دول واهاليهم ناس مهمه وممكن تأذيكم...
ليل بغرور نبره حاده: انا ليل الجندي اظن سمعتي الأسم ده قبل كده انا صاحب اكبر وافضل شركات المعمار في الشرق الأوسط اظن سمعتي عن منظمه الجندي وسمعتي بردو عن كينج المعمار...
المديره: طبعا سمعت بحضرتك بس أهل الأولاد...
قاطعها:انا مبعتزرش لحد عموما لو مستنيه اعتذار مني او من عيالي مش هتلاقي اعتذار  اللي المفروض يعتذر دول... لأنهم اتكاتروا على عيالي بس بفضل الله مطلعوش مهزومين...
المديره: تمام يا ليل بيه...
ليل: على ما أظن دوامهم خلص
المديره: ايوة...
اخدهم ليل وطلع من المكتب...
في الطريق...
كان قاعد التوأم وفراس وليان في صمت...
تميم: اسف يا بابا
ليل: على ايه..
تميم: اننا حطناك في موقف مش حلو واللي عملناه
ليل: متتأسفش انتو مش غلطانين انتو صح واحلى حاجه انكم كنتم ايد واحده... وانا متحططش في موقف مش حلو ولا حاجه بالعكس... وكمل بنبرة حاده: لينا كلام فالبيت يا تيام...
بلع تيام ريقه وقال: يلهوي..
تايم: هو رمضان فاضله اد ايه يا بابا..
ليل: ٤ ايام..
تايم: يعني احنا كدا مش هنجيب حجات رمضان ولا هنجهز البيت
ليل: لاء طبعا ليله رمضان ننزل ونشتريلكم اللي عوزينه
وبص لفراس اللي كان نايم وابتسم وقال: هو الواد ده غيبوبه زي امكم ليه...
ضحكوا كلهم وهو قال: كل ما تركب العربيه معايا والطريق يبقى طويل بتنام...
تميم:اكيد بتبقى تعبانه...هي بتنام في اي عربيه
ليل: لاء طبعا هي مبتنمش في اي عربيه هي بتنام لما ببقى معاها لأنها بتبقى مطمنه وحاسه بالأمان انها معايا واني جمبها لكن لو انا مش معاها تلاقيها في المواصلات زي الصقر قاعده ومفتحه ومش بتنام حتى لو عاوزه تنام... وبص ل ليان اللي مستمعه ليه وابتسم وكمل كلامه: في بنات كتير لما بتركب عربيه او مواصله او اي موصله يعني سعات بتنام وفي كتير سواقين مش كويسين يستغلوا الفرصه ويعملوا.... وانتو فهمين طبعا فأي بنت لازم تبقى طول الطريق وهي راكبه مواصله تبقى صاحيه ومفوقه ولو لقت ان السواق بيحرف فالأتجاهات وبيدخل من شوارع مش من طريقها تزعقله او تنبهه انها عارفه هو بيعمل ايه ولو مسمعش كلامها تصوت ومتخفش ولا تتكسف عشان ميضعش حقها البنت بردو ب ١٠٠ راجل وعلى حسب تربيتها بردو وأتمنى كل بنت تعمل كده عشان لقدر الله منقعش فغلط احنا مش اده فهمني...
حركوا دماغهم بمعنى (اه)...
في البيت...
طلع كل واحد على بيته خبط تايم وهي فتحتله وقالت ببسمه: يا مرحب يا مرحب بحبايب ماما...
ليل وهو طالع عالسلم: حبك برص يختي...
بصتله بصدمه وقالت: اي ده.. حبيبي انت خلصت شغلك...
ليل: لاء انا وصلت العيال وهرجع الشغل تاني
سلمى: تمام يحبيبي... وبصت ل تميم اللي مضايق وقالت: مالك يحبيب ماما...
تميم: مليش.. ودخل البيت.. استغربت وبصت ل ليل وقالت: هو في ايه
ليل: لما اجي هحكيلك.... ونزل..
دخلوا الشقه وهي قالت: هو في ايه يا ولاد
مردش تيام ودخل اوضته
سلمى: هو محدش بيرد عليا ليه... وبصت لتايم اللي كان ماسك كتاب وقربت منه وقالت: تيمو حبيبي الرويتر بتاعي حصل اي
تايم: اتخانقنا مع ولاد انهارده
سلمى: ما ده العادي بتاعكم.. بس تميم ماله..
اتنهد وقال: هحكيلك....
قعد معاها وقعد يحكي اللي حصل وهي بتسمع بإهتمام..
سلمى: يلهوي هو في بنات كده
تايم: اه... بس بابا جامد انتي مشفتهوش وهو بيقول انا كينج المعمار
ضحكت وقالت: طبعاً هو انا جوزي اي حد ولا ايه ده كينج المعمار...
تايم: ينفع أسألك سؤال يا ماما..
سلمى: طبعاً يحبيبي
تايم: هو انتي لي لما بتزعلي انتي وبابا بتتصلحوا علطول
ابتسمت وقالت: عشان بحبه وعارفه انه مبيكونش قصده انه يزعلني هو بيصالحني بسرعه يعني مبيسبنيش اقعد باليوم والاتنين وانا زعلانه بالعكس ده دقتين والاقيه جاي يصالحني
ابتسم وقال: انا لما اكبر واتجوز هعمل زي بابا كده عشان مراتي تحبني انا كمان...
سلمى ببسمه: ان شاءلله يحبيبي... تعرف في يوم انا وبابا اتخانقنا وكانت اول مره نتخانق مع بعض اول مره خالص والموضوع كبر اوي ووصل انه كان هيضربني
تايم: بجد
اتنهدت وهي بتفتكر اللي حصل...
فلاش باك..
كانوا بيتفرجوا عالتلفزيون وهي بصاله وهو ماسك تليفونه ومركز فيه..
سلمى: حبيبي..
ليل: اممم..
سلمى: تعرف اني بحبك اوي اوي...
ليل ببسمه: وانا كمان بحبك.. عاوزه اي يا بكاشه..
سلمى: هو لازم ابقى عاوزه حاجه عشان اقولك بحبك
ليل: في ايه يحبيبتي...
قربت منه واتكلمت بدلع:انت بتروح الشغل وبتتأخر ومش بتقعد معايا خالص 
ليل وهو مازال مركز فالتليفون: ما انا جمبك اهه
سلمى: لاء عوزاك جمبي ديما تبقى عامل حساب اني مراتك ومستنياك انسى بقى جو اننا مكناش بنحب بعض في بدايه جوازنا دي وانت كنت بتتأخر براحتك
ليل: ماشي... انتي عاوزه ايه دلوقتي..
سلمى: عوزاك تعمل حسابي
ليل: ماشي...
حطت اديها على رقبته ومسحت عليها بدلع وقالت: عوزاك...رفع نظره ليها وهي كملت برقه: عوزاك جمبي وتفهمني كده احنا مبقلناش اسبوعين تلاته مع بعض وانت مش محسسني بأي إهتمام وبعيد عني ديما من ساعت ما قربت مني وانا حساك كأنك مش عاوزني تاني وكأنك اخدت اللي كنت عاوزه وخلاص....
ساب تليفونه وقال: معلش سمحيني الشغل ومشغول اوي
سلمى: مقدره بس بردو خلي في وقت ليا حسسني انك بتحبني بجد
ليل بغضب: حد قالك اني مش بحبك انا بحبك علفكره ومش لازم اقعد احب فيكي طول الوقت عشان اثبتلك حبي ليكي
سلمى: مش كده خالص بس خليك قريب من....
قاطعها وقال: انتي عاوزه ليله تمام ماشي تعالي هدهالك وسبيني في حالي...
بصتله بصدمه وقالت: هو انا بالنسبالك كده وكملت بزعيق: انا غلطانه اصلا اني صدقتك فعلا انا همشي وهسيبلك البيت..
كانت هتمشي مسك اديها وقال بحده: تمشي فين انتي مش هتروحي في حته انتي فاهمه..
سلمى بزعيق: لاء همشي وغصب عنك لو انا بنسبالك تقضي معاها ليله واتنين وتشبع رغباتك ده كده مش حب...
قربها منه وقال: طب تعالي اوريكي انها مش مجرد رغبه...
زقته وضربته بالقلم وقالت بعياط: متقربش مني انت فاهم ولا لاء...
حط ايده مكان القلم وقال بعصبيه: انتي اتجننتي ولا ايه انتي ازاي تضربيني اصلا
مردتش وهو مسكها من دراعها وقال: تعرفي انتي عقابك ايه... تعرفي انا هعمل فيكي ايه
دمعت عنيها وقالت: سبني.. سبني...
ليل بغضب: اقسم بالله لأوريكي...
بدأت تعيط خبط الباب بقوة زقته وجريت فتحت الباب وكان سليمان وخديجه..
سليمان: في اي صوتكم عالي اكده ليه
جريت ورا سليمان وقعدت تعيط
ليل بغضب: مراتي وانا حر وبربيها بطريقتي... وبصلها بشر وقال: تعالي هنا..
مسكت في سليمان وعيطت اكتر
خديجه: طب بس فهمونا في ايه
ليل: اطلعوا دلوقتي سبوني اربيها...
بعد سليمان عنها ووقف قدامه وقال: في ايه فهمنا
مردش وخديجه جمبها بتهديها...
خديجه: يا بنتي انتي عملتي ايه
سلمى بعياط؛ معملتش حاجه
ليل: يا شيخه والقلم اللي ادتهولي ده ايه
سكتوا وهي مسكت في خديجه وقالت: متسبنيش بالله عليك يا عمي..
بصلها سليمان بتأثر وقرب منها واخدها في حضنه وقال: طب اهدي اهدي احنا جمبكم اهه...
كان بيهديها ومش ملاحظ البركان اللي وراه قرب منهم وطلعها من حضنه وقال بحده: ايه انتي اتجننتي انتي مش هتبقي في حضن غيري انتي فاهمه....
بصتله بدموع وهو مسح دموعها وقال: اهدي يحبيبتي...
سليمان: دي زي بنتي يا واد
اتجاهل كلامه وقال: خلص الموضوع اطلعه وانا هتكلم مع مراتي
بصتلهم انهم ميسبهاش لكنهم طلعوا... بصتله وعيطت وهو اتنهد وقال: بتعيطي ليه
سلمى: عشان انت هتزعقلي وممكن تضربني وانا مكنش قصدي اعمل كده..
مسك وشها بين كفيه وقال بحنان: انا مقدرش اضربك وانتي عارفه
سلمى:يا سلام ما انت قولتلي هعاقبك وهعمل فيكي ايه...
ضحك وقال: انتي فهمتي ضرب..
سلمى: اه... اومال ايه
ضحك وقال: انا عقابي جميل جداً جداً...
بعدت وقالت: هتعمل ايه يعني..
اخدها في حضنه وقال: قوليلي اللي مضايقك مني
قعدوا وقالت: انت بتبعد عني ومحسسني انك مش بتحبني ومشغول ديما وبتيجي بليل متأخر وعلطول مشغول في شغلك وتليفونك وانا لاء ولا كأن ليا اي حقوق عندك...
ليل: بصي انا مشغول اوي فالشغل بزياده عليا صفقات وسليمان طالب مني حجات فالشغل فبجهد نفسي شويه فعاوزك تعذريني ماشي يحبيبتي...
سلمى: ماشي...
ليل: هو انتي مبتحسيش بيا بليل وانتي نايمه
سلمى: لاء بحس انك جمبي بس مش بقدر اقوم..
ليل: ياربي متجوز غيبوبه..
ضحكت وهو قال: انتي لو بتشوفي انا بتكلم معاكي ازاي وانتي نايمه وبقعد احكيلك عن يومي حتى وانتي لو مش بتسمعيني المهم انك جمبي...
ابتسمت وضمته جامد....
باك...
كانت بتحكي وهي مبتسمه وهي بتفتكر ذكرياتهم...
تيام وهو بياكل جزره: ايوة يعني هو عاقبك ازاي
ابتسمت وقالت: اليوم اللي قرر يعاقني حبسني في أحضانه لصبح اليوم التالي... والصراحه كم يروقني عقابه..
تيام: وهو بيعمل كده لحد دلوقتي..
كانت هتتكلم سكتت وبعديها قالت: انت مالك ياض انت وهو..
وقامت.. ضحكوا الاتنين..
راحت اوضة التوأم وقعدت جمب تميم اللي دافن وشه في المخده.. قربت اكتر وقالت: حبيب ماما ينفع نتكلم شويه
تميم بنبرة حزن: بعد اذنك يا ماما سبيني لوحدي شويه..
سلمى: ليه يحبيب ماما... علفكره انت صح ومش غلطان
اتعدل وقال: هو انا كده مريض نفسي
استغربت وقالت؛ اي الجنان ده لاء طبعا مش عشان مبتكلمش بنات يبقى مريض نفسي او عندك عقده زي ما الميس دي قالتلك
تميم: مين اللي قالك
سلمى: بابا...يحبيبي انا عوزاك تعرف ان ده طبيعي انك هتتحط فالمواقف دي انا اتحطيت وبابا اتحط والبشر كله اتحط فعادي..
بصلها وهي طبطبت عليه وهو قال: هو بابا لما بيبقى مخنوق بيعمل ايه...
اخدته في حضنها وقالت: بيعمل كده
فضل في حضنها وقت لحد ما ارتاح وبعد عنها وهي طبطبت عليه وقالت: متزعلش قوم خد شاور كده وخلص مذكرتك.. وقامت...
بعد ساعات...
كان واقف زين وسليم وابراهيم وليل
زين: الله عليك يا فراس يا ابني يخربيت شقاوتك وانت مع ولاد عمك في اي حاجه
ليل:طبعا احلى حاجه انهم بيحبوا بعض
سليم: هتجيبوا حجات رمضان امتى
ليل: انا هتفق مع سلمى لسه انهارده
زين: لاء انا بسم الله ماشاء الله ضحى محضره الطلبات والوقت والمعاد اللي هننزل فيه
ضحكوا وكل واحد دخل شقته...
في شقة ليل..
دخل لقى البيت كله ضلمه وحالة صمت راح اوضه ولاده اطمن على كل واحد فيهم مسح على شعر تميم وسمع صوتها وهي بتقول: لسه نايم علفكره...
ابتسم وقال: ليه كل ده
سلمى بصوت واطي: ششش العيال نايمه تعالى...
طلعوا من الاوضه وهي قالت؛ انا مصدقت انهم ناموا
ليل: ليه
سلمى: عشان تعبوني اوي
ليل: لاء عشان وحشتك..
سلمى: ياعم روح...
ليل: ياعم؟؟ لاحول ولاقوة الابالله اي عم دي انا اسمي ليل حبيبك بس...
ضحكت بدلع وحطت اديها على وشه وقالت: اخبارك ايه باين عليك تعبان..
ليل: اوييي والله يروحي..
سلمى: هحضرلك الأكل وهتنام...
كانت هتمشي مسك اديها وقال: لاء مش جعان....
سلمى: ده انا عملالك البطاطس اللي بتحبها...
شلها وهي قالت: نزلني ياعم هو مش انت تعبان
ليل: لاء مش تعبان ده انتي حتى خفيفه اوي شكلك كده مقصره ومهمله في نفسك ومش بتاكلي كويس
سلمى: ايه؟؟ ده انا شايفه نفسي تخنت اوي...
نزلها عالسرير وإعتلاها وقال: مين دي اللي تخنت ما انتي زي الملبن اهه
بصتله واتكلمت بنبره كئيبه: ما أنت بتحلو وانا بوحش
بصلها في عنيها أصابت قلبها بالجنون من صاحب العيون السودا التي تعشقها ولا تعلم كم هذه المره التي لا تعرف عددها التي تقع في حبه اكثر...
قرب منها اكتر واتكلم بنبرة نابعه من أعماق قلبه تقطر عشقا: لما بشوفك بشوفك بقلبي... ولما عيني بتقع عليكي بقع في عشقك لما ببص في ملامحك بقع في عشقها وبشوفها أجمل ملامح شوفتها في حياتي... قولتلك قبل كده رفيعه غزال تخنتي ملبن وكمان انا بعشقك يا طري... ده كفايه لما عيني بتيجي في عينك تعرفي اول مره اتقابلت عنيا بعنيكي العسليه كلفتني عنيكي علبتين سجائر وليل طويل لأستوعب جمالهم...
ابتسمت بحب وقالت بنبرة خجل: ش... شكراً
رفع حاجبه وقال: ايه شكرا دي
غيرت الموضوع لما قالت: تعرف انا بحبك اد ايه ده كفايه عينيك يا ليل اللي بتحوي الامان لقلبي فكلما نظرت اليها اشعر وانني في نعيم لا نهاية له...
ضحك وقال: احنا هنتنافس في المغازله ولا ايه
ضحكت وقالت: ايوة طبعاً
بصوا لبعض شويه وهي حمحمت وقالت: احمم قوم خد شاور انا محضرالك الحمام علفكره...
بعد عنها وقال: تمام متناميش يا غيبوبه
ضحكت وقالت: حاضر...
دخل الحمام وبعد وقت طلع وقعد عالسرير ومسك تليفونه وهي كانت قاعده قدام المرايا وبتبص على ربطاط الشعر اللي على التسريحه وبتفكر تعمل تسريحه ايه لشعرها وقالت: حبببي اعمل تسريحه ايه
رفع راسه عن تليفونه وابتسم بحنان وقال: كل حاجه عليكي قمر يحبيبتي..
قربت منه وقعدت جمبه وقالت: انت بتحب اي عليا ايه هي التسريحه اللي بتحبها عليا
قرب من ودنها وهمس: كلهم كلهم حلوين عليكي يا قمر.. وبعد عنها ومسح على شعرها بحنان وقال: بس انا بحبه مفرود على ضهرك كدا... انا فاكر اول مره شوفتك بيها بشعرك.. كنتي بتلميه وتربطيه عشان تلبسي الطرحه عشان مشفكيش بيه وانتي اصلا مراتي فاكره
سلمى: اه فكره في بدايه جوازنا بس انت مكنتش بتحبني
ليل: بالعكس كنت معجب اووويي بس كنت بعاند نفسي وبمنع نفسي وعمري مشوفت واحده مهتميه بشعرها اوي كدا وانه طويل اوي كدا الصراحه
ابتسمت وقالت: كنت بتكابر يعني
ليل: طبعاً... تيجي نقطع وعد مع بعض
بصتله بإهتمام وهو قال: متقصيش شعرك الا لو افترقنا بعد الشر يعني عشان محدش غيري يشوفك بجماله ده او حتى لو ربنا افتكرني...
قاطعته وقالت بحب: بعد الشر عليك ياحبيبي ان شاء الله مش هيحصل وهنفضل مع بعض طول عمرنا لو ربنا اراد كدا ولو بعد الشر ربنا ميكتبلنا الفراق لو سبنا بعض عمري ما هتجوز غيرك ولا هبقى مع غيرك ولا حد هيلمسني غيرك لاني بتاعتك انت حتى لو قصتنا خلصت تعرف ليه عشان بحبك وهفضل احبك...
ابتسم ومسك وشها بين كفيه وقال: ان شاءلله.. شعرك الحلو ده مش هيتقص اصلا لاننا مش هنتفارق اصلا احنا عاشقين لبعض بل احنا عدينا مرحله العشق دي هيفضل شعرك كدا ورا ضهرك ومعدي ضهرك لحد ما يوصل الارض
ابتسمت وكملت بطفوله: هبقى زي روبانزل..
ضحك وقال: واحلى من روبانزل كمان...
راح نحية السرير وقال: تعالي نامي في حضني يلا خليني أتأمل جمالك...
جريت عالسرير ودخلت في حضنه جامد وقالت: هو ينفع أسألك سؤال
ليل: طبعا
سلمى: هو الميس اللي قالت على تايم وتميم انهم معقدين كانت مركزه معاك بقى
ليل: ليه يعني
سلمى: تايم قالي انها بتركز معاك لما بتروح المدرسه وبتسأل عليك
ليل: والله يقلبي مبركز....
سلمى: اممم عارف لو عينك جت على واحده غيري هعمل فيك ايه هقتلك يا ليل
ضحك وقال: لو عملت كده مش هتقدري
سلمى: لاء هقدر متتحداش كبريائي.. كبريائي حقير اوي ممكن أهجرك وانا مش عاوزه غيرك..
ليل: عموما انا عنيا مش بتشوف غيرك..
ضمته ومتكلمتش...
في شقه ابراهيم...
كانت نايمه جمبه وهو بيبص عليها وبيفكر في كلام ليل فاق من تفكيره على ايديها اللي على صدره وقالت بنوم: اي يحبيبي مالك
ابراهيم: مفيش نامي انتي...
اتعدلت وفركت في عنيها وقالت: مالك يا هيما
ابراهيم: مليش والله يا حبيبتي الشغل بس
دخلت في حضنه وقالت: متعرفش انا استنيتك اد ايه
طبطب عليها وكان فرحان وقال: بجد..
ليليان: طبعا مش حبيبي بردو
ابتسم وقال: طب عشان الكلام الحلو ده ننزل بكره نشتري حجات رمضان
ابتسمت وقالت: ماشي انا موافقه...
ليليان: رمضان هيبقى مختلف السنه دي ان شاءلله
ابراهيم: ان شاءلله...
تاني يوم...
كانت قاعده فالبيت لوحدها بعد ما مشي عيالها عالمدرسه بصت على صورتهم اللي متعلقه عالحيط وابتسمت مسكت تليفونها واتصلت بيه لكنه مردش اتصلت تاني لكنه مردش
سلمى: انا هروح واعملهاله مفجأة....
بعد وقت..
في الشركه...
كانت هتدخل المكتب وقفتها السكرتيره وقالت: يا استاذه مش هينفع تدخلي بشمهندس ليل في إجتماع...
سلمى: معلش قوليلو في حد عاوزك بره
السكرتيره: اسفه يا استاذه مش هينفع عنده اجتماع ومش فاضي
سلمى: معلش قوليلو...
السكرتيره: ياأستاذه مش هينفع هو قدامه نص ساعه واجتماعه هيخلص...
اتجهلتها وكانت هتدخل المكتب وقفتها وزعقتلها وقالت: هو انا مش اتزفت وقولتلك مش هينفع
سلمى بحده: انتي بتتكلمي كده ليه اصلا شكلك جديده مش كده...
السكرتيره: اه وبعد اذنك اتفضلي
في الإجتماع...
إبراهيم: اي صوت الزعيق ده...
قام ليل وقال: ده صوت سلمى...
طلع ولقى السكرتيره بتزعقلها
السكرتيره: انا قولتلك مش هينفع صح ولا لاء
ليل بزعيق: في اي انتي بتزعقلها ليه
السكرتيره بنبره دلع: اسفه والله على إزعاجك يا بشمهندس ليل بس دي كانت عاوزه تدخل وكانت بتزعقلي..
سلمى بغيره: مالك ياحلوة بتتكلمي كده ليه اتكلمي عدل
السكرتيره: شايف يا بشمهندس
ليل: هي حره تتكلم زي ما هي عاوزه
بصتله بصدمه وليل قال: انتي مرفوده واخر يوم ليكي...
السكرتيره: انا مكنش قصدي والله يا بشمهندس
بصتلها بتأثر وحزن وقالت: خلاص يا ليل محصلش حاجه
ليل بحده: يعني تزعقلك وانا اسكت ومخدش موقف
سلمى: حصل خير يحبيبي هي جديده ومتعرفش حاجه...
اتنهد وهي مسحت على ايده وهو قال: على شغلك يلا...
السكرتيره: شكرا يا مدام... شكرا يا بشمهندس
وجريت على مكتبها...
ليل: كله يشوف شغله...
رجع كله شغله وهي ابتسمت وقالت: لاء مسيطر... هو انا جوزي اي حد ولا ايه
ضحك وقال: في ايه يا بت ايه اللي نزلك من غير ما تقوليلي
سلمى: قولت اعملهالك مفجأة...
ليل ببسمه: واحلى مفجأة...
ابراهيم: احمم ليل هتدخل تكمل الإجتماع ولا اكمله انا
ليل: لاء انا داخل اهه...
ابراهيم: تمام هدخل انا...
دخل ابراهيم وهي قالت: همشي انا بقى...
مسك اديها وقال: انا كنت هخلص الاجتماع واروح تستنيني نروح سوا ولا إي رأيك...
فرحت وقالت: اشطا...
ليل: اقعدي في مكتبي عما أخلص الإجتماع بقى...
دخلت مكتب وقعدت تستكشفه وابتسمت لما لقت صورتهم كلهم على مكتبه
بعد وقت...
ابراهيم: كدا على رمضان هيبقى معانا مبلغ حلو
ليل: تمام كدا كله تمام...
ابراهيم: يلا سلام عليكم
مسكوا ليل وقال: بتخلع من الشغل ياض
ابراهيم: ما انت هتخلع مع مراتك سبني اخلع واروح اقعد مع مراتي شويه
ليل: تمام... اتلم بقا
ضحك وقال: حاضر...
دخل ليل مكتبه وهو ماسك ورق وقال: معلش يحبيبتي اتأخر...
مكملش كلامه لما ملقاش حد فالمكتب استغرب وفجأة سمع....
يتبع...