البارت ال٢٤
زين: اتمنى البدله تكون عجبتك
ليل بصدمه: بدله اي انت بتقول اي
زين: هتعمل فيها غبي دلوقتي... بدله الرق...
مكملش كلامه من زعيق ليل اللي قال: وانت عرفت منين... وانت مالك
زين:عرفت منين لاني اللي شاريها ودافع تمنها
مقدرش ليل يتمالك اعصابه مقدرش يتخيل ان اخوه اتخيل مراته بيها.... وقفل في وشه
ضحى: حرام عليك ليه كده اهه هيتخانق معاها وهي هتزعل مني
زين: فكك منهم...
عند سلمى وليل
كان قاعد مضايق ومتعصب وهي خلصت صلة وراحت قعدت جمبه وقالت: في اي ياحبيبي كنت بتزعق ليه في حاجه حصلت
بصلها بغضب وقال بزعيق: زين عرف موضوع البدله منين
سلمى: بدله اي مش فاهمه حاجه
ليل بحدة: بجد مش عارفه
سلمى: والله معرف حاجه... انا كنت طالبه البدله يوم ما اتخانقنا مع بعض وقولت اجبهالك وضحى كانت هتجبهالي انا قولتلها مش عوزاها واتفاجأت بيها قبل ما نسافر وهي بتقولي انها جابتها فأخدتها يعني....
ليل: والزباله ده عرف منين انك جبتي واحده
سلمى: اكيد شفها عند ضحى فسألها فقالتله انها بتاعتي
ليل: ده الجذمه بيقولي انه اللي شاريها ودافع تمنها
سلمى: تلاقيه بيضايقك ولا حاجه.... او ممكن ضحى وهي بتشتريهالي هو كان معاها
ليل: انا مش قادر اتخيل الوقح ده وهو متخيلك بيها
سلمى: خلاص يحبيبي ولا تزعل نفسك.. حقك عليا وانا هكلم ضحى وهقولها..
اتقمص واداها ضهره وهي بصتله وقالت: يا لولي.. خلاص بقى
ليل: اطلعي بره
سلمى: لاء مش طالعه
ليل: اطلعي يا سلمى
سلمى: مش طالعه
ليل: خلاص خليكي... انا طالع
وطلع وساب الاوضه وطلع عالسطح....
سلمى: وده هيتصالح ازاي بقى... دماغه نشفه وبيحب اللي يتحايل عليه...
طلعت لقته مديها ضهره وبيشرب في السجارة وبينفخ في دخانها جامده
قربت منه ومسكت السجاره ورمتها على الارض وقالت: مش احنا اتفاقنا انك هتبطلها
بصلها وابتسم تلقائي وهي قالت:انت قموص اوي... علفكره انا كمان مكنتش اعرف
ليل: انتي بتصلحيني كده يعني
سلمى: اه
ضحك ومسك اديها وقال: طيب يختي... اتصل اخوها كنسل وقال: تعالي كدا في حاجه مهمه عايزه اقولهالك...
تاني يوم....
كانت نايمه في حضنه وتليفونه رن وكان اخوها صحته وهو فتح الاسبيكر وقال بصوت نايم: ايوه يسطا...
محمد: انت مبتردش على اتصلاتي ليه يازفت... قلقتني على اختي عاوز اطمن عليها وكمان انت ازاي متردش عليا من امبارح قعدت اتصل بيك وبيها تليفوناتكم مقفوله
ليل كان نايم ومغمض عينه ومش واعي باللي بيقوله:انا كنت مع اختك يسطا وهي اللي مخلتنيش ارد عليك عشان كانت عوزاني في كلمتين كده بتصالحني وانت عرفني يعني
كانت جمبه مصدومه باللي بيقوله وشهقت بخجل من اخوها وقامت من حضنه وبتصحيه وقالت: ليل يخربيتك انت بتقول اي اصحى..
شدها ليه وقال بنوم: متقوميش من حضني بقى ارجعي... العبي في شعري عشان انام...انا بكلم.. وشهق وقال: حمو... صحبي احمم كنت عاوزني في حاجه ولا اي مع.. معلش انا لسه صاحي ولا كأنك سمعت حاجه قولتها كنا بنقول اي...
محمد بغيرة على اخته: الحمدلله انك صحيت ياسافل يا وقح... ابقى اتكلم عن اختي كده تاني وشوف هعمل فيك اي
بصلها لقاها مكسوفه وهو قال: هو انا كنت بكدب ما انا كنت في حضنها وهي فحضني فعلا المهم عاوز اي
محمد: عاوز اي!! مش عارفه بتحبك فيك اي كتها نيله...
ليل: انجز عاوز اي عشان ارجع انام...
محمد: انا عديت عليك في الشغل قالولي انك مسافر وقلقت لما لقيت تليفونك مقفول وتليفونها كمان وبعدين واخد اجازه ليه ده حتى الشغل عندك يضرب يقلب واخد الاذن من مين هو سليمان اداك اجازة هو مش عندك شغل وهو مكنش موافق بالاجازه...
قال وهو قاصد يضايقه: اخدت اجازه من اختك.. وباس خدها وقصد يسمع اخوها وقال: مش كده ياسمسم
محمد بحرج: احمم معلش اتصلت في وقت غير مناسب... ومقدر الوضع بس موضوع الشغل عندك مهم اوي ولازم تبقى موجود في مشكله فيه
ليل: انا واخد اجازه ومش عاوز ازعاج
سلمى: عادي يحبيبي لوعاوز نرجع وروح شغلك
محمد: حبك برص يختي
ليل: انا البرص علفكره
ضحكت ومحمد قال: عموما انا قولتلك بس لازم ترجع....
ليل: انا مش راجع وكمان انا لو رجعت مش هبقى مركز في حاجه خااالصص لان انت عارف اختك ماشاءالله جامد....
قفل محمد في وشه وليل قال: الو... الو.. ده قفل في وشي السكه
وبعتله رساله: يا زباله يا وقح لم نفسك متنساش انها اختي ده لو ابوها مكاني كان زمانه عندكم عالسرير وطلع عنيكم.. عموما لما تفوقو كده ابقى خليها تكلمني اطمن عليها....
قفل التليفون ورجع لحضنها تاني وقال: عيل زباله
سلمى: لم نفسك ده اخويا..
ليل: وانا ابوكي...
سلمى: اكلمه ازاي دلوقتي باللي انت قولته ده
ليل: قولت اي... ما انا عندي حق...
ضحك ودفن راسه في حضنها وقال: اكمل نومي بقى لاني مش قاااادر وعاوز انام..
ابتسمت وقالت: هتنام تاني دي الساعه داخله على١١
ليل بنوم: مش مهم انا عاوز انام....
غمض عنيه واستسلم للنوم وهي قامت من جمبه ودخلت خدت شاور وطلعت وقعدت جمبه عالسرير ومسك تليفونه وكلمت اخوها
سلمى:صباح الخير يحبيبي
محمد: صباح الورد يحبيبتي.... عامله اي كويسه وحشاني يابت...
سلمى: وانت كمان واحشني اوي... ماما عامله ايه ومراتك وعيالك عملين اي وجودي وعيالها وفريده طمني عليهم
محمد: كويسين وبيسلموا عليكي كمان مانتي لو كنتي بتسألي كنتي عرفتي... طبعا ما اللي لقا احبابه نسى اصحابه...مش عارف بتحبي الوقح ده ازاي
اتكسفت لانها فاهمه اخوها قاصده ايه وغيرت الموضوع وقالت: احمم انت من امتى انت وليل صحاب كده
محمد:من ساعت ماجبتي فهد اتعرفت عليه اكتر... ده صحبي وبحب ارخم عليه وهو يرخم عليا.. تعرفي من كام سنه كده كنت بكلمه وبقوله انت فين قالي في حضن اختك اتنرفزت عليه وجتلي لحظه ادراك انك مراته اي حاجه اقولها يقولي اختك..اختك... شفتي وقاحه اكتر من كده ده واحد بجح بجاحه...
اتكسفت وسكتت وبصت ل ليل اللي نايم واخوها قال: طبعا مكسوفه ووشك احمر
ابتسمت وقالت: اه...
ليل بنوم: بتقومي من حضني ليه... مش عارف انام
محمد: اجي اكسرهولك... اللي يشوفه بعضلاته وكرزمته ميقولش انه لازم ينام في حضنك عشان ينام
سلمى بخجل: اسفه يامحمد... سلملي على ماما والباقين ومعاذ طبعا
ليل سمع كلمة معاذ من هنا قام اتعدل واخدها في حضنه واخد التليفون منها وقال: سلم على كله الا الزفت ده
محمد بضحك:ده انا مش هسلم على حد غيره
قفل في وشه ومحمد ضحك
ليل: مش احنا قولنا ان الزفت ده ملناش دعوة بيه
سلمى: اي ياعم وحشني وقولت اسلم عليه
ليل: واحشك نتي بتقولي اي ياروح امك هو مين ده اللي وحشك
حط اديها على صدره وقالت بدلع: مفيش حد واحشني... نام خلاص
دخل في حضنها... وهي كتبت رقم ضحى واتصلت بيها
ضحى: الو...
سلمى: تصدقي انك مستفزه
ضحى: سمسم حبيبتي وحشتيني عامله اي
سلمى: عامله محشي يختي... كده ياضحى ينفع زين يعرف انك جبتيلي حاجه زي دي
ضحى:والله ياسلمى نزلت لوحدي اشتريها اتفاجأت بيه ورايا
سلمى: طب مقولتلهوش انها بتاعتك ليه
ضحى: عشان هو عارف اني مبعرفش ارقص.... انا اسفه عملتلك مشكله مع ليل مش كده
سلمى: اه... بس صالحته...
ضحى: تمام يقلبي...
قفلت معاها وبصت ل ليل اللي نايم وابتسمت
بعد ساعات...
كانو قاعدين بيتفرجوا على فيلم وهو ماسك تليفونه وقعد يقلب في صورهم ويبصلها وهي منتبهه على الفيلم.... تليفونه رن وكانت مايا قرت سلمى الاسم واضايقت وهو لاحظ انها مضايقه... قفل الصوت وهي قالت: رد عادي قفلت الصوت ليه
بصلها وحس انها في دماغها حاجه... رد عليها وفتح الاسبيكر..
مايا بدلع: هاي بشمهندس ليل
ليل: اهلا في حاجه ولا ايه
مايا: اه... كنت عاوزه اقولك انت هتخلص اجازتك امتى عشان تعملي الڤيلا
سلمى بدلع: حبيبي احضني جامد.....
اتحرجت وقالت: احمم اسفه بكلمك في وقت غير مناسب
ليل: اه هو فعلا وقت غير مناسب... انا لما ارجع هقولك
ضربته في بطنه وهو قال: ابراهيم.. هيقولك..
مايا: تمام... عن اذنك..
قفل معاها وهي بصتله وطلعت لسانه وهو قال:انتي ايدك بقت تقيله كده ليه
سلمى: طول عمري يحبيبي وضربته بخفه على وشه وقامت تجري وهو قام يجري وراها وهي بتضحك.... شالها وقال: بقيت اهبل الله يسمحك...
قعدت تضحك وهو يضحك عليها........
بعد شهرين....
كانت ضحى بتجري ورا فهد ودياب وبتصوت منهم
ضحى: اعمل فيكو ايه ياكلاب
كانو بيجروا وهما بيضحكوا....
مسكها زين وهي بتقول: سبني على الجذم دول
زين: بس ياهبله مش عشان كسروا برطمان يعني
ضحى: انا عاوزه سلمى ترجع هي كانت بتعمل كده وشايله الهدم ده كله من عليا
زين: ابن المحظوظه واخدها وبيتسلى يا بخته
ضحى: لم نفسك
زين: ماتيجي نعمل زيهم
ضحى: لاء شكرا...
وراحت تتصل بيها...
عند ليل وسلمى....
كانت قاعده عالسطح وبتبص عالمنظر الطبيعي ده
لقت ضحى بتتصل...
سلمى: اي ياحبي..
ضحى: اي ياوطيه
سلمى: ليه كده
ضحى: قافله تليفونك بقالك شهرين من ساعت موضوع البدلة كل ده مش عارفه اطمن عليكي
سلمى: والله ليل واخد تليفوني وكان قافله وهو نايم دلوقتي فأخدته من وراه وهو نايم
ضحى: اممم... انتو مش ناويين ترجعوا
سلمى: هشوف ليل ولو كده هنرجع
ضحى: انتي لو عليكي مش عاوزه ترجعي اصلا
ضحكت وقال: اه...انا مش عاوزه ارجع خالص
ضحكت ضحى وقالت: حضنه حلو مش كده
اتكسفت وقفلت وشها وضحى قعدت تضحك... عضت على شفايفها بحرج وحست بجسمه بيحضنها من ضهرها خبت التيليفون وابتسمت وقالت: اي ياحبيبي
ليل: قومتي من جمبي ليه
سلمى: قومت اقعد هنا شويه
بعد عنها وقال: اممم كنتي بتكلمي مين
سلمى بتوتر: انا... انا... مكنتش بكلم حد
ليل: هاتي ياهبله التلفون
سلمى: مش معايا حاجه
ليل: على اساس اني مشفتكيش ونتي بتخبيه ومسمعتكيش وانتي بتتكلمي
سلمى: طب اعمل اي بطمن عليهم
ليل: ومقولتليش ليه انك هتاخدي التليفون
سلمى: عشان مش هتوافق
ليل: مانتي عارفه اهه
سلمى: طب خلاص معلش
ليل: لاء
سلمى: خلاص يا بابا ليل
ضحك وقال: انا بتثبت على فكره
ضحكت وهو نزل لمستواها وبص في عنيها وهي اتوترت وهو قال: طول عمري اعرف ان متحبش حد عنيه عسلي لان كل تقابل بينها وبين الشمس هتجنن من جمالها
ابتسمت وقعدت عالارض وهو اخدها في حضنه
سلمى: المكان هنا حلو اوي... انت مفكرتش فاللي قولتلك عليه
ليل: مش هفكر ولا هفكر
سلمى: ليه بس فيها اي لما اشتغل
ليل: هو انا مقصر معاكي في حاجه اي حاجه بتحتجيها او نفسك فيها مش بتقوليلي ونا بجبهالك
سلمى: انت مش هتفهمني.. الحكايه مش حكايه فلوس خالص.. الحكايه ان انا ببقى مش لاقيه حاجه اعملها وعاوزه انزل اشتغل تاني
ليل: الموضوع خلص ومفيتفتحش تاني
سلمى بزعل: خلاص ماشي
ليل: تعرفي بفكر افتح كافيه هنا
سلمى: ليه؟
ليل: المكان هنا حلو واجانب كتير فهنكسب حلو ولما نيجي انا وانتي هنا هنديره مع بعض اي رأيك
سلمى بفرحه: فكره حلوه اوي... بس سبلي انا اللي اصمم واعمل الاشكال للكافيه
ليل: بس كده من عنيا
فضلت فحضنه لحد ما قال: قومي حضري نفسك عشان نرجع
سلمى بزعل: نرجع... انت زهقت
ليل: وانا اقدر ازهق وانا معاكي ياطري... بس الشغل واوعدك كل عيد ميلاد ليكي نيجي هنا
سلمى بزعل: تمام.. ماشي
بعدت عنه وقامت عالاوضه وهو واقف بيضحك عليها.... بعد ساعه...
رجع اليخت مكانه وكلف حد كل يوم ينضفه وهما رايحين عند العربيه
سلمى: ليل انا جعانه
ليل: ماشاء الله... ده احنا لسا واكلين
سلمى: مش عارفه جعانه اوي...
راحت عند العربيه فضلت قاعده مستنياه وهو بعد وقت صغير رجع ليها وجاب اكل وحلويات واداهملها وركبوا العربيه
ليل: الطريق هيبقى طويل لو عاوزه تنامي ابقي قوليلي انيملك الكرسي
كانت في عالم تاني حاطه السماعه وعماله تسمع في اغاني وبتتفرج على صورهم بص ليها وهو شايفها مبتسمه على الصور بدأت تاكل بشراهه كبيره وهو استغرب وقعدوا وقت يتكلمو وبعد وقت نامت وقف العربيه ونيملها الكرسي واتحرك بالعربيه واتصل بيه زين
ليل ببرود: اي يا زين
زين: انت لسه زعلان مني والله كنت بهزر
ليل: خلاص محصلش حاجه بس اي حاجه تخص سلمى بعد كده متهزرش فيها
زين: حاضر... بس ايه ياجامد ده رايح تشتري يخت وتكتبه بإسمها يارتني اسمي سلمى يا جدع
ضحك وقال: ده ضحى حكيالك كل حاجه
زين بفخر: طبعا يا ابني دي العشق
قعدوا يتكلموا لحد ما لاحظ انها نفس العربيه اللي كانت ماشيه وراهم لما كانوا في الملاهي وماشيه وراه من اول ما اتحركوا...
ليل: زين.... اتبع سلسله سلمى
زين: في حاجه ولا ايه
ليل: في عربيه ماشيه ورايا من اول ما رجعت من اليخت
زين: تمام... هراقب تليفونك عشان لو قفل اعرف ان في حاجه
ليل:تمام...
قفل معاه...
ليل: سمسم.. اصحي
سلمى بنوم: سبني انام...
ليل: قومي بقى هقعد لوحدي...
قامت وبدأوا يتكلموا وهو مركز مع العربيه اللي وراه والشكوك في دماغه وخايف يكون اللي فباله
وفجأة....
يتبع....
ياترى ايه اللي هيحصل ده اللي هنتعرف عليه الحلقه الجايه استنونااااا ♥💗💗
والسلام عليكم ورحمة الله وبركاته 💕💕💗
YOU ARE READING
عشقني ليل الصعيد
Romanceنظل ما بين تلك الحرب القويه ما بين مشاعرنا... لم يتوقعا ان يقعا في عشق بعضهما البعض... بعد قسوة وزواج مجبران عليه تحولا الى عاشقين لا يستطيعا ان يتفرقا او يتخلوا عن بعضهما البعض...، كانا يظنان انهما في طريق طويل مظلم لا نهايه له... حتى تقابلا هي ذاق...
