လယ်တောဆီမှ လုပ်ကြံသတ်ဖြတ်သူ (MM-translation)

"စစ်"လေးယောက်၏ပြန်လည်ပေါင်းစည်းခြင်း

လယ်တောဆီမှလုပ်ကြံသတ်ဖြတ်သူအခန်း ၇၈။ ။ "စစ်"လေးယောက်၏ပြန်လည်ပေါင်းစည်းခြင်း

စုရွှေလျန်သည် နေ့လည်စာအတွက် နှင်းပဲများကို အခွံချွတ်နေကာ လင်းစစ်ယောင်အား တွေဝေစွာကြည့်ကာ နူးညံ့စွာမေးလိုက်၏။

"ရှင်တို့တွေက သွေးသောက်ညီနောင်တွေဆိုတော့ သူ့ကိုလည်းနေ့လည်စာဖိတ်ကျွေးသင့်တာပေါ့"

သူမစိတ်ထဲတွင်နှလုံးသွင်းထားသောအပြုအမူများသည် ကြာကြာကိုးရိုးကားရားနိုင်သောအခြေအနေတွင် မရှိတော့ပေ။

"သွေးသောက်ညီနောင်။ သူကအဲ့လိုပြောတာလား"

လင်းစစ်ယောင်က သူမအား မျက်မှောင်ကြုတ်ကာမေးလိုက်၏။

"အမ်..မဟုတ်ဘူးလား"

စုရွှေလျန်က သူ့အား ခေါင်းမော့ကာငေးကြည့်လိုက်သည်။ သူမ၏မျက်ဝန်းများသည် သံသယများဖြင့် ပြည့်နှက်သွား၏။

သူသည် လုပ်ဖော်ကိုင်ဖက်များဟုပြောသောကြောင့် အိမ်ထဲသို့ သူမကဝင်ခွင့်ပေးခဲ့ခြင်းဖြစ်သည်။

"အင်း အဲ့လိုထင်တာပဲ"

လင်းစစ်ယောင်က ခေါင်းညိတ်မပြခင် ခေတ္တမျှရပ်လိုက်ကာ ဝန်ခံရန် တွန့်ဆုတ်နေသည့်ပုံပေါ်သည်။ သူသည်လည်း စစ်ရှန်းအား ထိုသို့စဉ်းစားနိုင်ပေသည်။ ဖုန်းယောင်တရားရုံးသည် ၎င်းတို့တွင်ရှိသောအကြီးမားဆုံးပက်သက်ဆက်နွယ်မှုဖြစ်ကာ စုရွှေလျန်အားလှည့်စားရန် သွေးသောက်တပည့်များအဖြစ် ရယ်စရာကောင်းသောရှင်းပြချက်အား တီထွင်လိုက်ရပေသည်။

စစ်ရှန်း၏ရုတ်ချည်းရောက်လာမှုအား လင်းစစ်ယောင်၏မကျေနပ်ချက်များသည် စတင်ပြေလျော့လာသည်။

အတိတ်တွင် စစ်ထို၊ စစ်ရှန်း စစ်လော့တို့သည် သူနှင့်အရင်းနှီးဆုံးဖြစ်ကြပေသည်။ ဖုန်းယောင်တရားရုံးသို့ တစ်ချိန်တည်းတွင်ပင် ဝင်ရောက်လာခဲ့ကြကာ သက်တူရွယ်တူများဖြစ်ကြပြီး အလုပ်မရှိသည့်နေ့များတွင် သေရည်ထွက်သောက်တတ်ကြ၏။

ထိုအချိန်က ကိစ္စများသည် ယနေ့ကဲ့သို့ ပြောင်းလဲသွားမည်ဟု မည်သူထင်မိမည်နည်း။ ၎င်းတို့သည် ဖုန်းယောင်တရားရုံး၏ထိပ်တန်းလူသတ်သမားများဖြစ်နေကြသေးသော်လည်း သူသည် လယ်သမားတစ်ယောက်ဖြစ်လာပြီဖြစ်၏။