ရေချိုးပြီး ည၀တ်၀မ်းဆက်ကို၀တ်ပြီး ကုတင်ရင်းမှာ ခေါင်းမှီလိုက်ပြီး ခြေထောက်ကို ဆန့်လိုက်သည် ။ တစ်ဖက်လူရဲ့ခေါင်းက တစ်ရွ့ရွေ့နဲ့ သူ့ရင်ဘတ်ပေါ်ကို တက်လာလေသည်။ အိပ်ပျော်သွားပြီထင်လိုက်ပေမဲ့ မှေးစင်းနေတဲ့ မျက်လုံးတွေနဲ့ မအိပ်နိုင်ပဲ ရစ်နေတာဖြစ်သည်။ ကင်မ်ထယ်ယောင်း သူ့ရင်ဘတ်ပေါ်ကို တက်လာတဲ့လူကို တစ်ချက်ကြည့်ရင်း MacBookကိုသာ ပြန်အာရုံစိုက်လိုက်သည် ။
" မအိပ်သေးဘူးလား ?"
စောင်ကိုဆွဲလာပြီး ကင်မ်ထယ်ယောင်းကို ခြုံပေးကာ ရင်ဘတ်ပေါ်မှာ မေးထောက်လိုက်ရင်း မေးလိုက်သည်။
" ကျုပ်သိပ်စိတ်မရှည်ဘူးနော် ၊ အောက်ပြန်ဆင်း "
" ငါ့အိပ်ယာလေ ..ဘယ်ဆင်းရမှာလဲ ?"
ကင်မ်ထယ်ယောင်းညာဘက်လက် လက်ညိုးနဲ့ လက်မကိုအသုံးပြုပြီး မျက်ခုံးနှစ်ဖက်ကို နှိပ်နယ်လိုက်သည် ။
" ဟော....တွေ့လား ဘီလူးနဲ့တူပါတယ်ဆို "
ကင်မ်ထယ်ယောင်းရဲ့ အင်္ကျီအောက်စနားကို ကိုင်ကာ လှန်တင်လိုက်ပြီး ခေါင်း၀င်လိုက်ကာ
" မင်းဘာလို့ ညဘက်မအိပ်တာလဲ ?"
သူ့အင်္ကျီအောက်ထဲကို၀င်ကာ ခေါင်းကိုအငြိမ်မနေပဲ နှဖူးနဲ့ လာတိုက်နေလေသည် ။ Macbook ချလိုက်ပြီး သူ့အင်္ကျီထဲကို ခေါင်း၀င်နေတဲ့လူကို အသာထားပြီး ဖုန်းကို ယူကာ သီချင်းဖ္ငင့်လိုက်သည်။ G_Eazy ရဲ့
" Tumblr_Girls " ကိုဖွင့်လိုက်သည် ။" ကျုပ်အင်္ကျီထဲကနေ အခုထွက် "
" အိပ်ရအောင်လေ ..ငါတစ်ယောက်ထဲ မအိပ်ချင်ဘူး "
ဗိုက်ပေါ်ကနေ တစ်ဖြေးဖြေးတက်လာတော့ ကင်မ်ထယ်ယောင်း အင်္ကျီရဲ့အပေါ်ကြယ်သီးနစ်လုံးလောက်ကို ဖြုတ်လိုက်တော့ ခေါင်းလေးထွက်လာသည် ။
" အိပ်ရအောင်လေ ...နော် နော်"
ကင်မ်ထယ်ယောင်းသည် ကိုယ့်ကိုကိုင်းလိုက်ရင် ဂျီမင်ရဲ့မျက်နှာနားထိကို သူ့မျက်နှာကိုကပ်ချလိုက်လေသည် ။
" ဟင့် ..ဒီညမလုပ်ဘူးဆို .."
ကင်မ်ထယ်ယောင်းလက်တစ်ဖက်က ဂျီမင်ခေါင်းကနေကျော်ကာ ကျန်နေသေးတဲ့သူ့အင်္ကျီကြယ်သီးတွေကို အားလုံးကို ဖြုတ်လိုက်လေသည် ။ စောင်ကိုဆွဲယူကာ ဂျီမင်ကို လုံးထွေးလိုက်သည် ။ ပြီးတော့ ဘေးမှာ စောင်နဲ့ လုံးလုံးထွေးထွေးဖြစ်နေတဲ့လူကို နေရာချပေးလိုက်သည်။ ခေါင်းတစ်လုံးကလွဲရင် တစ်နေရာမှ လှုပ်၍မရချေ ။