" နောက်ဆုံးတော့ အိမ်ကိုပြန်ရောက်လာတာအန်ကယ်၀မ်းသာပါတယ် "
ဂျီမင်ရဲ့ပုခုံးကို အန်ကယ်က ပုတ်ကာပြောလိုက်လေသည် ။ ဘေးနားက ကင်မ်ထယ်ယောင်းကတော့ သူနဲ့အန်ကယ်ကိုထားခဲ့ကာ အခန်းထဲ၀င်သွားလေသည်။အန်ကယ်က ကင်မ်ထယ်ယောင်းကို လိုက်ကြည့်ရင်း
" ဒီကောင်အချိုးက နည်းနည်းလေးမှ မပြောင်းဘူး "
" အန်ကယ်ရော အဆင်ပြေလား ?"
" အိမ်ထိန်းက ဂျီမင်လောက်လက်ရာမကောင်းတော့ မနက်စာစားတိုင်း၊ နေ့လယ်စာစားတိုင်း ၊ ညစာစားတိုင်းတော့ သတိရမိပါတယ် "
" ကျွန်တော်ဒီနေ့ ချက်ကျွေးပါ့မယ် "
" ရပါတယ် ၊ အရင်နား ...အန်ကယ်က ဒီအတိုင်းပြောလိုက်တာ စိတ်ထဲမထားနဲ့ ကဲ ..၀င်ပြီးနားတော့ "
" ဟုတ်ကဲ့ "
ဂျီမင်သည် ကင်မ်ဟိုယောင်းကို နှုတ်ဆက်ကာ အခန်းထဲကို ၀င်ခဲ့လေသည်။ အခန်းထဲမှာ ပြောင်းလဲသွားတာဆိုလို့ ဘာမှရှိမနေပေ ။ ကင်မ်ထယ်ယောင်းကတော့ အခန်းထဲရောက်ပြီးတာနဲ့ MacBook တစ်ခုနဲ့ အလုပ်ရှုပ်နေလေသည် ။
" ညကျအရင်သွားစရာရှိတယ် "
" ဘာလဲ ?"
" ရောက်ရင်ပြောပြမယ် "
"...."
လျို့လျို့ဝှက်ဝှက်နဲ့ မပြောပြရလောက်အောင် ဘယ်ကိုသွားမှာမို့လို့လဲ ? ။ ဒီအိမ်ကို ပြန်လိုက်လာတဲ့အကြောင်းအရင်းများစွာလည်း ရှိသည်။ ဆောဂျွန်အွန်းနဲ့ ကင်မ်ထယ်ယောင်းကို ထိပ်တိုက်မတွေ့စေချင်တာလည်းဖြစ်ပြီး ပြီးတော့ ကင်မ်ထယ်ယောင်း ဟိုဘက်၊ ဒီဘက် ကူးသန်းသွားလာနေတာကိုလည်း သူသဘောမကျပေ ။
....
" စေ့စပ်ပွဲ..!! "
မင်ဟိုနဲ့ ဟန်ဆိုဟီးတို့ရဲ့ စေ့စပ်ပွဲ ။ မြန်လိုက်တာ ။ ဟိုနေ့ကပဲ ဒီနှစ်အတွင်း လက်ထပ်မယ်ပြောခဲ့ပေမဲ့ စေ့စပ်ပွဲကိုကျတော့ ဒီလောက်မြန်မြန်ဆန်ဆန်လုပ်လိမ့်မယ်လို့မထင်မိပေ။ ဒါကြောင့် သူ့ Suit ၀တ်ခိုင်းတာကို။
