The Dimple on his cheekUnicode
နှုတ်ခမ်းအတွင်းသား၏ နူးညံ့သော အထိအတွေ့
သည် အချိန်ကြာလာသည်နှင့်အမျှ နှစ်ချိူ့ဝိုင်
တစ်ခွက်လို ချိူအီယစ်မူးဖွယ်ကောင်းလှပေသည်။ရှင်းလေးသည် စတော်ဘယ်ရီအရသာ ချိူချဉ်
တစ်လုံးလိုနွေးထွေးချိူမြန်သော ချမ်းမြေ့ကိုကို
၏ လျှာဖျားအထိအတွေ့ကြားတွင် စိတ်ညှို့ခံ
ထားရသည့် လူတစ်ယောက်ပမာ ရုန်းထွက်မရ
ဖြစ်နေလေသည်။ချမ်းမြေ့ကပဲ ကျွမ်းကျင်လွန်းနေသည်လားမသိ
ထိုအခိုက်အတန့်လေး ခဏအတွင်းမှာပင်
ရှင်းလေးသည် တစ်လောကလုံးရှိ အရာခပ်သိမ်း
ကိုမေ့ကာ တိမ်ဖြူဖြူများကြား လမ်းလျှောက်
နေရသလို မထိတထိနှင့် ရင်ဘတ်ထဲတွင်
တသပ်သပ် လှိုက်ဖိုလာလေ၏ ။" ညီ "
ကြားနေကျ အသံလေးတစ်ခုနဲ့ တည်ကြည်
ခန့်ညားသော ရုပ်သွင်တစ်ခုက သတိပေး
လိုက်သလို ဖြတ်ခနဲ ပေါ်လာတာမို့ရှင်းလေး
သည် သတိလွတ်နေရာမှ စုံမှိတ်ထားသော
မျက်လုံးနှစ်ဖက်ကို ရုတ်တရက် ဖွင့်ချလိုက်ကာ
ချမ်းမြေ့အား ဆောင့်တွန်းလိုက်လေသည်။ချမ်းမြေ့ကလည်း ကိုယ်ကို ကုန်းထားရာမှ
ဆောင့်တွန်းခံလိုက်ရသောကြောင့် အနောက်
ဘက်ကို ပက်လက်လှန်ကျသွားကာ သူတို့နှစ်ဦး
ရှိနေသော အဝါရောင် ရဟတ်အိမ်လေးသည်
လေထဲတွင် မသိမသာ ခါရမ်းသွားလေသည်။"ချမ်းမြေ့...မင်း ငါ့ကို ဒုတိယအကြိမ် ထပ်ပြီး
အခွင့်အရေး ယူပြန်ပြီ မင်းကို ဘယ်သူက
ငါ့နှုတ်ခမ်းကို နမ်းခွင့်ပေးနေလို့လဲ "ရှင်းလေးသည် ချမ်းမြေ့ကို မကောင်းဆိုးဝါး
တစ်ကောင်လို စူးစိုက်ကြည့်ကာ ကုန်းအော်
လိုက်သည်။အဲတာကိုပင် ချမ်းမြေ့က မျက်နှာငယ်လေးနဲ့
ကြည့်ကာ ရဟတ် ဘေးကတန်းနှစ်ဖက်ကို
တင်းကျပ်စွာ ဆုပ်ကိုင်ထားလျက်"မင်း အနားမှာ ရှိနေရချိန်တိုင်း ငါစိတ်ထိန်းနိုင်
မှာမဟုတ်ဘူး မင်းကို မနမ်းမိဖို့ဆိုရင် မင်းနဲ့
အဝေးဆုံးမှာနေမှ ဖြစ်မှာ ရှင်းလေး ပြီးတော့
ငါ့ကို အပြစ်ပေးချင်လည်း နောက်မှပေးပါနော်
ရဟတ်ကြီးက လှုပ်နေတာ ကြောက်စရာကြီး
ငါ ပြုတ်ကျသွားမှာ ကြောက်လို့ပါ "
YOU ARE READING
The Dimple On His Cheek ( Completed ) Z+U
Poetryယောကျ်ားတစ်ယောက်ကို ချစ်မိတာက အပြစ်ဆိုရင် ကျွန်တော့်မှာ သူ့ကိုချစ်မိတဲ့ အပြစ်တစ်ခုပဲရှိတာပါ ရှင်းမြတ်နိုးပိုင်