The dimple on his cheek
Unicode
" ရှင်း........"
ရွှန်းရွှန်းသည် အိမ်သို့ ပြန်ရောက်ရောက်ချင်း
မတွေ့ရတာကြာနေပြီ ဖြစ်တဲ့ မောင်ဖြစ်သူကို
ပြေးဖက်လိုက်သည်။
" ဖြေးဖြေးလုပ်ပါဟ "
ရှင်းလေးဟာလည်း ရွှန်းရွှန်းက အားကြီးနဲ့ ပြေးဖက်လိုက်တာမို့ နဂိုပါးလျသော ခန္ဓာကိုယ်လေးက အနောက်သို့ ယိုင်သွားသည်။ ရွှန်းရွှန်းက ရှင်းလေးကို တင်းကျပ်စွာ ဖက်ထားရင်းမှ ကိုယ်ကိုခွာလိုက်ကာ
"ရှင်း နင်အရမ်းပိန်သွားတယ် ဘာလို့ ကိုယ့်ကို
ကိုယ် ဒုက္ခပေးနေရတာလဲ ဟမ် "
"ကဲ မိရွှန်းရွန်း ညည်းက အိမ်ပြန်ရောက်ပြီ
ဆိုတာနဲ့ ရှင်းလေးကို ပြသနာ ရှာဖို့ အကြံ
ထုတ်နေတာ့တာပဲ သွား အင်္ကျီ အရင်သွားလဲ
ချေ... "
"အာ ...မေမေကလည်း ရွှန်းက ပြသနာရှာတာ
မဟုတ်ပါဖူး လာ လာ ရှင်းလေး အခန်းထဲသွား
ပြောမယ် မေမေပွားနေတာနဲ့ အေးဆေးပြောရ
မှာ မဟုတ်ဘူး"
" ဟယ် ဒီ ကောင်မလေးတော့.... "
မေမေက ပွစိပွစိပြောပြီး လက်သီးဆုပ်ကြီးနဲ့
ရွယ်နေတာကို ရွှန်းရွှန်းက လှစ်ခနဲ လျှာထုတ်ပြ
ခဲ့ကာ ရှင်းလေး ကျောကို တွန်းလျက် အခန်းထဲ
ခေါ်ခဲ့လိုက်သည်။ ရှင်းလေး အခန်းရောက်မှ
အခန်းတံခါးကို လော့ခ်ချပစ်ကာ
"ရှင်းလေး နင် အခန်းအောင်းပြီး နင့်ကိုယ် နင်
သတ်သေဖို့ ကြိုးစားနေတယ်ဆို ဘာလို့ မဆိုင်
တာတွေ လျှောက်လုပ်နေရတာလဲ တစ်ခုခုဆို
ငါ့ဆီဖုန်းဆက်လို့ရရက်သားနဲ့ ဟန်ဆောင်ရတာ
နင့်အတွက် ဘယ်လောက်တောင် ပင်ပန်းနေလို့
လဲ ဒီဘာမဟုတ်တဲ့ ကိစ္စသေးသေးလေးအတွက်
နင့် အသက်ကိုနင် စွန့်လွှတ်ဖို့ ကြိုးစားတာ ငါ
အံသြလို့တောင် မဆုံးဘူး နင်ရူးနေလား ရှင်းလေး ဟမ် "
ရှင်းလေး သည် မရပ်မနားနဲ့ စက်သေနတ်ပစ်
သလိုဆက်တိုက်ပြောနေသော ရွှန်းရွှန်း၏
စကားတွေကို နားမလည်နိုင် ....။
ရွှန်းရွှန်း ဘာတွေလာပြောနေတာပါလိမ့် သူ့
ကိုယ်သူသတ်နေဖို့ ဘယ်တုန်းကများ ကြိုးစား
ခဲ့မိလို့လဲ။
YOU ARE READING
The Dimple On His Cheek ( Completed ) Z+U
Poetryယောကျ်ားတစ်ယောက်ကို ချစ်မိတာက အပြစ်ဆိုရင် ကျွန်တော့်မှာ သူ့ကိုချစ်မိတဲ့ အပြစ်တစ်ခုပဲရှိတာပါ ရှင်းမြတ်နိုးပိုင်
