The dimple on his cheek
Unicode
"ရှင်းလေး ငါ့လက်ကိုသေချာတွဲထားနော် "
ချမ်းမြေ့က ရှင်းလေး၏နဖူးကို အဝတ်အမဲဖြင့်စည်းနှောင်၍ တစ်နေရာသို့ ခေါ်လာသည်။
"ချမ်းမြေ့ ငါ့ကို ဘယ်ခေါ်လာတာလဲ လူကုန်ကူးမလို့တော့ မဟုတ်ဘူးမလား"
ရှင်းလေးရဲ့ပြောဟန်လေးက ချစ်စရာကောင်းလွန်းတာရယ်မို့ ချမ်းမြေ့က ခွီးခနဲကြိတ်ရယ်မိသည်။ မေးလည်းမေးတတ်တဲ့ အာဂ ငရှင်းပါပဲ။သူ့ကြောင့် ဝမ်းနည်းနေတဲ့ စိတ်အစုံတောင်ဘယ်လိုအငွေ့ပျံသွားမှန်းမသိ။
"ရှင်းလေးရာ ဘာတွေ အတွေးခေါင်နေတာလဲ မကြောက်ပါနဲ့ ငါ့ကို ယုံကြည်ပြီး သာလိုက်ခဲ့မင်းအရမ်းအံ့သြသွားစေရမယ် "
ချမ်းမြေ့က ပါးစပ်ကလည်း တတွတ်တွတ်ပြောရင်း ရှင်းလေး လက်ကိုဆွဲလာသည်။ ရှင်းလေးကတော့မျက်လုံးကို အဝတ်စဖြင့် စည်းနှောင်ခံထားရတာကြောင့် မမြင်မကမ်းနဲ့စမ်းရင်းလက်တစ်ဖက်ကလည်း ချမ်းမြေ့လက်ကို တင်းတင်းကိုင်ကာ လျှောက်လာသည်။
ည၏ လေနုနုအေးအေးသည် မှိုင်းညှို့နေတဲ့နက်ပြာရောင်ကောင်းကင်နဲ့ လိုက်ဖက်လှစွာ ချမ်းစိမ့်စိမ့်နဲ့တဖြူးဖြူးတိုက်ခတ်လာသည်။
သူတို့နှစ်ယောက်ရောက်နေသော နေရာကလည်း မန္တလေးမြို့ဂေါဝန်ဆိပ်ကမ်းမှာဆိုက်ကပ်ထားသည့် အပန်းဖြေသင်္ဘောအကြီးကြီးပေါ်မှာ ဖြစ်သည်။
ကြီးမားလွန်းလှတဲ့အပန်းဖြေသင်္ဘောကြီးဆီမှ ရောင်စုံမီးများ၏အလှသည် ညကောင်းကင်ကိုပါ ထင်ဟပ်နေလေသည်။
ထိုသင်္ဘောကြီးသည်မန္တလေးဘက်မှ စစ်ကိုင်းသို့ တဖြေးဖြေးရွေ့လျားသည့်အလှစီးသင်္ဘောကြီးဖြစ်ကာ ယခုအချိန်မှာတော့ဧရာဝတီမြစ်ကမ်းစပ်တစ်နေရာရှိ ဂေါဝန်ဆိပ်ကမ်းတွင် ငြိမ်သက်စွာ ဆိုက်ကပ်ထားတာဖြစ်သည်။
သင်္ဘောပေါ်မှာရှိသော လျှောက်လမ်းတစ်ခုလုံးတွင် အနီရောင်ကော်ဇောကို ခမ်းနားစွာခင်းကျင်းထားသည်။ သင်္ဘောကြီး၏ ဘေးပတ်လည်ကိုလည်း ကောင်းကင်ထိထွင်းဖောက်သောမီးအလင်းတန်းများဖြင့်အလှဆင်ထားပြီး အသင့်အနေအထားနဲ့ စောင့်စားနေသော လူများစွာလည်း ရှိနေလေသည်။
YOU ARE READING
The Dimple On His Cheek ( Completed ) Z+U
Poetryယောကျ်ားတစ်ယောက်ကို ချစ်မိတာက အပြစ်ဆိုရင် ကျွန်တော့်မှာ သူ့ကိုချစ်မိတဲ့ အပြစ်တစ်ခုပဲရှိတာပါ ရှင်းမြတ်နိုးပိုင်
