Ever After

XIV. Fourth

"Are you acusing my daughter!?" the king furiously asked. Yumuko naman ang mga kawal pero hindi pa rin nagpatinag.

"Kailangan lamang po siyang papuntahin sa bilangguan para makita ng presong nakakita sa mukha ng suspek. Nakita siyang nasa labas nang madaling araw. Hindi po ba kahina-hinala iyon, kamahalan?" saad ng pinuno. Susugirin dapat siya ng hari mabuti at napigilan ko.

"Sasama ako," kalmado kong tugon pero sa loob loob ay parang mahihimatay na ako sa kaba.

Pumunta ako sa bilangguan kasama ang apat na kawal sa paligid ko. Gaya ng dati, matatalim pa rin ang mga tingin ng mga preso sa tuwing dumadaan ako.

Huminto kami sa isang kulungan isang metro ang layo mula sa kulungan ng sorcerer.

"Tanda! Ang prinsesa ba ang nakita mo rito na nagtakas sa sorcerer?" tanong ng isang kawal at hinampas ang rehas para makuha nito ang atensyon ng matandang preso.

Pinagmasdan ko siya. Payat na at may katandaan ang lalaki. Puti na rin ang buhok nitong may haba hanggang balikat.

Tumayo siy at pinagmasdan akong maigi. Napaiwas nalang ako ng tingin dahil sa kaba.

"Anong mapapala ko kung sasabihin ko?" tanong nito sa mga kawal. Hinampas muli ng isang kawal ang rehas ng bilangguan.

"May malaking pabuya kapag nadakip ang salarin. Kaya tingnan mo nang mabuti, tanda!" sigaw nito. Kuminang naman ang mata ng matanda nang marinig ang salitang pabuya.

Napapikit nalang ako. Lagot na.

Lumapit ito ng kaunti sa akin at pinagmasdan ako. Pilit akong tumatayo nang matuwid ngunit nanginginig talaga ang mga tuhod ko.

"Malabo na ang mga mata ko dahil sa katandaan. Hindi ko na maaninag ang binibining nasa harapan ko ngayon." saad niya na nakapagpahinga ng maluwag sa akin.

"Wala ka rin palang kwenta!" sigaw ng isang kawal at hinampas ulit ang rehas. Dahil wala silang makuha sa matanda ay umalis na sila.

Hindi pa rin ako umaalis sa kinatatayuan ko at nakatitig lang sa matanda. Hindi ako naniniwalang malabo na ang mata niya dahil kanina lang ay nagtatahi pa siya ng tela.

"Pasalamat ka dahil hindi kita isinuplong," saad nito at umupo muli para magtahi. Sinigurado ko munang walang makakarinig sa amin bago ako nagsalita.

"Bakit mo ginawa 'yon?"

"Dahil nais kong makipaglaro ng kaunti. Matagal na rin akong nakakulong at nakakabakot iyon." saad nito at ngumisi.

"A-Anong ibig mong sabihin?" nauutal kong tanong.

"Dalawa kayo na nakita kong itinakas ang sorcerer. Nais kong papiliin ka," tugon niya at tinitigan ako sa mata.

"Sino ang nais mong isuplong ko? Ikaw o ang lalaking kasama mo?"

* * *

It's already 11:00 midnight and I'm still awake. Just staring at the stars in my ceiling.

Pinahigpit din ang seguridad dahil sa pagtakas ng sorcerer kaya hindi ako makalabas.

Ipinikit ko na ang mga mata ko pero gising na gising pa rin ang diwa ko. The old man's voice keeps on lingering in my mind.

"Kamatayan ang parusa sa sinumang magpatakas ng bilanggo. Sino ang gusto mong mamatay? Ang lalaking kasama mo o ikaw?"

"Ihaharap ako sa hukuman sa susunod na araw. Mayroon ka pang isang buong araw para makapagdesisyon, binibini."