ကောင်းကျိုးမပေးသော သမီးပျို
အခန်း(၄၆၁)
တွေးကြည့်လေ နှစ်ထောင်ချီပြီး စွန့်ပစ်ခံထားရတဲ့ ဖုန်းဆိုးမြေကန္တရာမြေထဲက လူရိပ်တောင်မတွေ့နိုင်သော မြို့ပျက်တစ်ခုကို စည်ကားသိုက်မြိုက်တဲ့ မြို့ပြတစ်ခုအဖြစ်ပြောင်းလဲဖို့ဆိုတာ ဘယ်လောက်တောင် ပေးဆပ်ဖို့လိုမယ်ထင်သလဲ။ နောက်ပြီး ရွှေပြားအရေအတွက်နဲ့ လိုအပ်သော လူအင်အားကို မပြောရင်တောင် မြို့တွေထဲမှာ နေထိုင်နေတာ ကြာလှပြီဖြစ်သော နတ်ဆိုးတွေကို ရှင်းလင်းဖို့ကတင် လက်မှိုင်ချလောက်တဲ့ပြဿနာတစ်ခုပါ။
လောင်းရွှမ်တိုင်းပြည်တစ်ခုတင် အခုလိုမျိုး စွန့်ပစ်မြေကို ဆုလာဘ်အဖြစ်ပေးအပ်တာမဟုတ်ဘဲ လင်းလက်တိုက်ပေါ်က တိုင်းပြည်အတော်များများလည်း အခုလိုပြိုင်ပွဲမျိုးနဲ့ အခုလိုဆုလာဘ်မျိုးကို ချီးမြှင့်ကြပါတယ်။
များပြားလှတဲ့ချန်ပီယံတွေထဲမှာ အများစုကို မြို့တော်သခင်ကြီးအဖြစ် သတ်မှတ်ပေးအပ်ပြီး လူအင်အားအများအပြားနဲ့အရင်းအမြစ်တွေနဲ့အတူ ကန့်သတ်နယ်မြေထဲကို ၀င်ရောက်ခဲ့ကြပေမယ့် နှစ်ထောင်ချီအတွင်းမှာ လူသုံးဦးသာလျှင် တစ်ကယ်အောင်မြင်စွာ စီမံနိုင်ခဲ့ပြီး အဲ့နေရာတွေမှာ အခြေချနေနေကြပါတယ်။ ဒီဆုလာဘ်ဆိုတာ ဘယ်လောက်ကြောက်ဖို့ကောင်းလဲဆိုတာ ပြောဖို့လိုမယ်မထင်တော့ပါဘူး။
တိုင်းပြည်တွေရဲ့ မဟာမိသားစုတွေကလွဲရင် ဘယ်သူမှ စွန့်ပစ်မြေအကြောင်း မတွေးဝံ့လောက်တဲ့အထိပါပဲ။ အဆိုပါ စူပါသူဌေးတွေသာ ဒီလိုမျိုး ဖုန်းဆိုးမြေအတွက် ရွှေချခင်းပြီး သူတို့ကိုယ်ပိုင်နယ်မြေအဖြစ် ချဲ့ထွင်ရဲကြတာပါ။ လောင်းရွှမ်ပြည်ထဲမှာတော့ အခုလိုလုပ်ဝံ့သော မိသားစုတွေက လက်တစ်ဆုပ်စာပဲရှိပါတယ်။
မိုးပြာနဂါး၊ ကျားဖြူ၊ ဇာမဏီငှက်၊ လိပ်နက်နဲ့တိုးနယားတို့လို မဟာမျိုးနွယ်စုကြီးတွေအတွက်ကတော့ ဒါဟာအလွယ်ကလေးပါပဲ။ သူတို့အပြင် ဒီလိုနောက်ခံအင်အားတောင့်တင်းသော မိသားစုသုံးလေးစုလည်း လောင်းရွှမ်ပြည်ထဲမှာ ရှိပါသေးတယ်။
