Letters

10

(Unicode)

"ရိပေါ် ပြိုင်ပွဲကို ကိုယ်လာအားပေးချင်တယ်"
"လာလေ Zack"
"ကိုယ်လက်မှတ်ဝယ်လိုက်တော့မယ်နော်..."

ရိပေါ်ခွင့်ပြုလိုက်တာနဲ့ Zack က online ကနေလက်မှတ်တန်းဝယ်တော့တယ်...

~ကျန့်ကောကတော့ ကျွန်တော်လက်မှတ်လာပေးထားတာတောင် လာပါ့မလားပဲ.. ချေမိုးနေတာပဲ..~

"gotcha!!! ရသွားပြီ..
ရိပေါ် လေ့ကျင့်ရတာ အရမ်းပင်ပန်းနေလား..ကျန်းမာရေးလဲ ဂရုစိုက်ဦးနော်.."
"ပွဲနီးရင်ကတော့ ဒီလိုပါပဲ.. ကျင့်သားရနေပါပြီ..ကျွန်တော်ပြန်ဝင်တော့မယ်နော်.. နောက်မှတွေ့မယ် Zack"
"See you later ရိပေါ်... Do your magic!!!"

Zack က ရိပေါ်လေ့ကျင့်နေတုန်း ထမင်းစားနားချိန်ကို ခဏလာတွေ့တာ။ အခု ရိပေါ်training ပြန်ဝင်ရတော့မယ်ဆိုတော့ မပြန်ချင်ပြန်ချင်နဲ့ပဲ ပြန်လာခဲ့ရပါတယ်...

Training ပြီးတော့ ရိပေါ် ဆိုင်ကယ်နဲ့ပဲ အိမ်ပြန်လာလိုက်တယ်... Zio နားရောက်တော့ ကျန့်ကောကိုဝင်တွေ့လိုက်ချင်သေးတာ... အရမ်းပင်ပန်းနေပြီမို့သာ မဝင်လိုက်တော့တာ... ဒီလိုနဲ့ Zio ကို နဲနဲကျော်လာတော့ ပလက်ဖောင်းမှာ အေးအေးလူလူလမ်းလျှောက်နေတဲ့ ရှောင်းကျန့်ကိုတွေ့ရတယ်... ရှောင်းကျန့်ရဲ့ ကျောပြင်လေးကို စတွေ့ထဲက ရိပေါ်ဘရိတ်ဆွဲပြီးသား...

"ကျန့်ကော.."
"ရိပေါ်!?!?"
"ကော ဘယ်သွားမလို့လဲ.."
"အိမ်ပြန်နေတာလေ.."
"အယ်... ကားနဲ့မပြန်ဘူးလားကောရဲ့.."
"ကားက workshop ပို့ထားရတယ် ပျက်နေလို့..
Taxi လဲမစီးချင်လို့လေ.. ရာသီဥတုကကောင်းတော့ လေညှင်းခံရင်း လမ်းလျှောက်ပြန်နေတာ.."
"လာ... တက်"

ပြောပြောဆိုဆိုနဲ့ ရိပေါ် သူဝတ်ထားတဲ့ ဦးထုတ်ကိုချွတ်ပြီး ရှောင်းကျန့်ကိုလှမ်းပေးတော့ ဦးထုတ်လေးပိုက်ရင်း အူကြောင်ကြောင်လေးပြန်ကြည့်နေတယ်..

~အသဲယားအောင်သိပ်မလုပ်နဲ့ကောရာ..~

"လိုက်ပို့မယ်လေ.. ကောလမ်းလျှောက်ပုံနဲ့ဆို သန်းခေါင်မှပဲ အိမ်ရောက်တော့မှာ.. ဆိုင်ကယ်နဲ့လဲလေညှင်းခံလို့ရတယ်..."
"အိမ်ကနီးပါတယ်... ကိုယ်လိုက်ရင် ရိပေါ်ဆောင်းစရာမှမရှိတော့တာ...အန္တရာယ်များတယ်.."
"ရပါတယ်ကောရာ..အေးဆေး... ရပြီ.. တက်တော့.."