UNICODE
"ထမင်းအိုးတည်ပြီးပြီ ဘာလုပ်ရဦးမလဲ"
"ရပြီ ဂျီမင်း ယယ်ဂျင်းတို့နှစ်ယောက်တည်း နိုင်ပါတယ်"
ဂေဟာရဲ့ မီးဖိုချောင်ထဲမှာ နေ့လည်စာပြင်ဆင်ဖို့ ဂျီမင်းပါ ၀င်ကူနေရသည်။ ပုံမှန် မီးဖိုချောင်မှ အလုပ်လုပ်နေကျ အဒေါ်ကြီးထဲက တစ်ယောက်က နေမကောင်းလို့ မလာနိုင်သဖြင့် ဂျီမင်းပါ မီးဖိုထဲ၀င်နေရခြင်းဖြစ်သည်။ ယယ်ဂျင်းလည်း ဟင်းချက်ရာမှာ ၀င်ကူလို့နေသည်။ ကလေးတွေနဲ့ သီလရှင်တွေပေါင်းမှ အယောက်၃၀လောက်ပဲရှိတဲ့ ဒီဂေဟာရဲ့ မီးဖိုချောင်မှာ မိန်းကလေးနှစ်ယောက်အားနဲ့ နိုင်နင်းပေမယ့် ဂျီမင်းက ယယ်ဂျင်းနား ကပ်ချင်လို့ကို မီးဖိုထဲ၀င်ကူသလိုနဲ့ ဥာဏ်များတာပင်။
တကယ်တော့ ဟိုတစ်နေ့က ဂျီမင်း ဖွင့်ပြောပြီးကတည်းက ယယ်ဂျင်းက ခပ်ရှောင်ရှောင်ဖြစ်နေတာ။ စကားပြောလည်း အင်း အဲလောက်ကလွဲပြီး သိပ်မပြော။ ဂျီမင်း မနက်စာအဖြစ်ယူလာပေးတဲ့ ထမင်းဘူးကိုတော့ ယယ်ဂျင်း စားတာကြောင့် စိတ်ဆိုးနေတာတော့ မဟုတ်ဘူးဆိုတာ ဂျီမင်းသိသည်။
"ယယ်ဂျင်း"
မီးဖိုချောင်ထဲက အဒေါ်ကြီး အပြင်ထွက်သွားတာ မြင်တာနဲ့ ဟင်းရည်ထဲထည့်ဖို့ ပဲပင်ပေါက်တွေကို ရေဆေးနေတဲ့ ယယ်ဂျင်းနားကပ်လို့ ဂျီမင်း ခေါ်လိုက်သည်။ ခေါင်းတစ်ချက်စောင်းငဲ့သွားရုံကလွဲလို့ ဂျီမင်းမျက်နှာကို ယယ်ဂျင်းက မကြည့်။ ရေဆေးပြီးလို့ ဇကာထဲ ထည့်စစ်ထားတဲ့ ပဲပင်ပေါက်တွေကို ဂျီမင်းက အကြောင်းမဲ့ ထိုးမွှနေမိသည်။
"ယယ်ဂျင်းက အဲ့လိုဖြစ်နေတော့ ၀န်ထုပ်၀န်ပိုးမဖြစ်စေချင်တဲ့ ကျွန်တော်က ဘယ်စိတ်ကောင်းမလဲ"
"ယယ်ဂျင်း စိတ်မဆိုးပါဘူး"
"စိတ်မဆိုးမှန်းတော့ သိပါတယ် ဒါပေမယ့် ယယ်ဂျင်းက ကျွန်တော့်ကို ရှောင်နေတယ်လေ"
ပဲပေါက်တွေအကုန် ရေဆေးပြီးတော့ ယယ်ဂျင်းက ဂျီမင်းကို မရဲတရဲ အကြည့်ချင်းဆုံလာသည်။ ပြောစရာတွေ တော်တော်များများရှိတဲ့ပုံပါပဲ။
YOU ARE READING
In a Long Dream
Fanfictionတစ်ယောက်တည်းမက်ပြီး တစ်ယောက်တည်း ဖြိုဖျက်ပစ်လိုက်ရတဲ့ အိပ်မက်ပါပဲ... Kim TaeHyung x OC
