Unicode
အတန်းပြီးသွားတဲ့အချိန် ဒီလိုသုံးသပ်စာရေးတာက ကျန်းယွမ်ပိုင်အတွက်တော့ ဤသည်ကပထမဆုံးအကြိမ်ပင်။
သူက ရှီပုဖန်နဲ့ မျက်နှာချင်းဆိုင်မှာထိုင်နေတာပင်။ ရှီပုဖန်ကတော့ သည်းကြီးမည်းကြီးဖြင့် စတင်ရေးနေလေပြီ။ ကျန်းယွမ်ပိုင်က အခုချိန်ထိမလှုပ်ရသေးပေမဲ့ ရှီပုဖန်ကတော့ စာမျက်နှာတစ်ဝက်လောက်ရေးပြီးနေလေပြီ။
သူ ဒီအကြောင်းကိုပိုပြီးတွေးလေလေ သူရှီပုဖန်ကိုလိမ်နေတာက မတန်ဘူးလို့ ပိုတွေးမိလေလေပင်။
ရှီပုဖန်၏သူငယ်ချင်းကောင်းဆိုတာက သူနဲ့အတူတူ ရန်ပွဲတွေမှာပါဝင်ပြီး ခံဝန်သုံးသပ်ချက်တူတူရေးတာမျိုးဆိုတာကို အစောကတည်းကသိခဲ့ရင် သူရှီပုဖန်ကို လိမ်ခဲ့မှာမဟုတ်ဘူး။
ကျန်းယွမ်ပိုင် စိုက်ကြည့်နေတာကို ရှီပုဖန်သတိထားမိတော့ ခေါင်းမော့ကြည့်လာသည်။
“ မင်းရဲ့ရှီကောက အရမ်းခံ့ညားတာပဲလို့ တွေးနေတာလား? ”
သူ ဘာလို့ဒီလောက်တောင် အထင်ကြီးနေရတာလဲ?
ကျန်းယွမ်ပိုင် တစ်စက္ကန့်လောက်ရှုပ်ထွေးသွားပြီးနောက် စကားဆိုလိုက်၏
“ ဟုတ်တယ်... မင်းက အတော်လေးချောတယ် ”ရှီပုဖန်သူ့မျက်လုံးကို မှေးလိုက်ပြီး
“ ငါ့ပုံစံကြောင့် ညို့ယူဖမ်းစားခံလိုက်ရတာလား? ဘာလို့ အခုထိတစ်လုံးမှ မရေးရသေးတာလဲ? ”ကျန်းယွမ်ပိုင် ခေါင်းငုံ့ထားမြဲငုံ့ထားပေမဲ့ သူ့နှလုံးသားထဲမှာတော့ ထူးဆန်းသလို ခံစားလိုက်ရသည်။
ဘာလို့ ရှီပုဖန်က ဒီလိုအပေါစားပုံစံနဲ့ …စကားပြောနေရတာလဲ?သူ့လက်ထဲမှာ ဘောပင်ကို ခဏကြာ ကိုင်ထားပေမဲ့ အဆုံးမှာတော့ “ ခံဝန်သုံးသပ်စာ” ဆိုတာကိုသာ ရေးနိုင်လေ၏။ ရှီပုဖန်က လျင်မြန်စွာပဲ စာမျက်နှာတစ်ခုလုံး အမြောက်အမြားရေးလို့ပြီးသွားတဲ့အခါမှာ ကျန်းယွမ်ပိုင်ကို ပျင်းရိပျင်းတွဲစိုက်ကြည့်လိုက်၍ ပြောလာသည်
“ ဘာလဲ? ဘယ်လိုရေးရမယ်မှန်း မင်းမသိဘူးလား? ”
YOU ARE READING
အတိတ်မေ့နေသောကျောင်းလူဆိုးလေးနှင့်ဟန်ဆောင်တွဲခြင်း[မြန်မာဘာသာပြန်](Completed)
RomanceThis is just Translation. ✨All credits to original author and english translator. Start date-12.1.2021 End date_ 27.9.2021 Status in COO - 66 Chapters+2Extras (Completed) Currently Editing ~ Readable in both Zawgyi and Unicode.