Unicode
ရှီပုဖန် ဖုန်းအား ဖျက်ဆီးပစ်လိုက်မှာအတွက်တောင် ကျန်းယွမ်ပိုင်မျှော်လင့်ထားပြီးဖြစ်လေ၏။
အဲ့နောက်မှာတော့ သူထပ်သတိထားလိုက်မိတာက ရှီပုဖန်ဟာ သူ့သူငယ်ချင်းတွေအပေါ်မှာဆို အရမ်းသဘောကောင်းတယ်ဆိုတာကိုပဲ။ ရှီပုဖန်က ရယ်တောင်ရယ်ပြလာပြီး မေးလာသည်
“ ဘာဖြစ်လို့လဲ? ငါမင်းစိတ်ဆိုးအောင် တစ်ခုခုများလုပ်မိလို့လား? ”
ရှီပုဖန်က တကယ်ကို ကြင်နာတတ်တဲ့သူပဲ
ကျန်းယွမ်ပိုင် သူနဲ့တူတူရှိတဲ့အချိန်တွေကြာလာလေလေ ရှီပုဖန်က ဘယ်လောက်ကြင်နာတတ်မှန်း သူပိုသိလာလေလေပင်။ ရှီပုဖန်က သူဒီလိုစကားတွေပြောတဲ့အတွက် ရိုက်တောင်မရိုက်လေတော့ ကျန်းယွမ်ပိုင်မှာ ဆက်ပြောဖို့ရန် အတန်ငယ်ရှက်ရွံ့မိသွားရလေသည်။
“ ငါကဒီတိုင်းနောက်လိုက်တာပါ”
သူနောက်နေတာမဟုတ်မှန်း ရှီပုဖန်သိသော်ငြား သူခေါင်းသာညိတ်ပြ၍ မေးလိုက်သည်
“ မင်းအိမ်စာလုပ်လို့ပြီးသွားပြီလား? ဂိမ်းဆော့ချင်လား? ”
“ ငါဘယ်လိုကစားရမယ်မှန်းမသိဘူး ”
“ ငါမင်းကိုသင်ပေးမယ်လေ ”
ကျန်းယွမ်ပိုင် နှုတ်ခမ်းကို စုဝိုင်းလိုက်ပြီး သူ့မိဘတွေရဲ့စကားတွေကို ပြန်သတိရသွားတော့ သူ “မဆော့တော့ဘူး ”ဟုသာ ပြန်ဖြေလိုက်သည်။
ရှီပုဖန်က သူ့လက်တွေကို ခေါင်းနောက်မှာ ထားလိုက်ပြီး မေးလိုက်၏
“ ဘယ်လိုဖြစ်ရပြန်တာလဲ?”
“ ငါမသင်ချင်ဘူး ”
သူ့မိဘတွေပြောတဲ့ထဲမှာ အကျိုးအကြောင်းသင့်တာအချို့လည်းပါလေသည် ; ရှီပုဖန်က သူ့ကို မကောင်းတဲ့အရာဘက်မှာ လွှမ်းမိုးသွားလိမ့်မယ်ဆိုတာမျိုးပေါ့။ သူပြောလိုက်သည်
“ ဘာမှအထွေအထူးပြောစရာမရှိတော့ရင် ငါဖုန်းချလိုက်တော့မယ်”
“ မင်းဘာလုပ်မို့လဲ?”
“ငါရေချိုးပြီးအိပ်တော့မယ်”
“မင်း ရေချိုးပြီးအိပ်မှာကို ငါမြင်ချင်တယ် ”
“…” ကျန်းယွမ်ပိုင် ချက်ချင်းဖုန်းချလိုက်ပြီး သူ့နှလုံးသားထဲမှာ တစ်ဖက်လူကို မရေတွက်နိုင်လောက်အောင် ဆူပူကြိမ်းမောင်းလိုက်၏။ သူ့ဦးနှောက်က တကယ်ကြီးတစ်ခုခုမှားနေတာပဲ
YOU ARE READING
အတိတ်မေ့နေသောကျောင်းလူဆိုးလေးနှင့်ဟန်ဆောင်တွဲခြင်း[မြန်မာဘာသာပြန်](Completed)
RomanceThis is just Translation. ✨All credits to original author and english translator. Start date-12.1.2021 End date_ 27.9.2021 Status in COO - 66 Chapters+2Extras (Completed) Currently Editing ~ Readable in both Zawgyi and Unicode.
](https://img.wattpad.com/cover/254610877-64-k182167.jpg)