Unicode
ကျန်းယွမ်ပိုင် ချက်ချင်းဆိုသလို ခေါင်းခါယမ်းလိုက်သည်
“ ငါမလိုက်နိုင်ဘူး။ ငါ့မိဘတွေ ငါ့ကိုဆူလိမ့်မယ် ”ဒီအကြောင်းကိုသိသွားမည့်အချိန် ကျန်းဖျင်ကျင့်၏အမူအရာနဲ့ အသံနေအသံထားကိုတောင် သူကြိုပုံဖော်ထားလို့ရနေပြီ : မင်းက အိမ်စာလုပ်ဖို့ အခြားသူရဲ့အိမ်ကို သွားချင်တယ်ပေါ့? အခုဘာလဲ? အိမ်မှာ မင်းဘာသာမင်း မင်းအိမ်စာကိုတောင် မလုပ်နိုင်တာ့ဘူးပေါ့?
ရှီပုဖန် ဝမ်းနည်းစွာဖြင့် ပြောလာသည်
“ ဒါဆို ငါမင်းအိမ်ကိုလာမယ်ဆိုရင်ရော ဘယ်လိုလဲ? ”ပိုတောင် ဆိုးသေးတယ်!
သူ့မိဘတွေက သူနဲ့ရှီပုဖန်အတန်းအပြင်မှာ အတူတူမတ်တပ်ရပ်ခဲ့ကြတဲ့အကြောင်းအား သိထားကြမယ်ဆိုတာ သူအခုသိနေလေပြီ။ ကျိယန့်ဖျင် သူ့မိဘတွေအား တစ်ခုခုပြောထားတယ်လို့ သူသံသယရှိလေ၏ အဲ့အတွက်ကြောင့် သူ့မိဘတွေက အခုထိအဲ့အကြောင်းကို မဟကြသေးတာဖြစ်လိမ့်မည်။
ကျန်းယွမ်ပိုင်က သူ့ခေါင်းကို အပြင်းအထန်ခါယမ်းနေတာတွေ့တာ ရှီပုဖန်ပိုလို့တောင် စိတ်မကောင်းဖြစ်လာမိသည်။
“ မင်းကငါ့အိမ်ကို မလာနိုင်ဘူး ဒါပေမဲ့ ငါကလဲ မင်းအိမ်ကိုလာလို့မရဘူးဆိုတော့ ငါတို့ကျောင်းမှာပဲ တူတူနေကြရင်ရော ဘယ်လိုလဲ? ”ကျန်းယွမ်ပိုင် သူ့ခါးပေါ်မှာရှိနေတဲ့ ရှီပုဖန်၏ လက်မောင်းကို စတင်ဆွဲဖယ်လိုက်သည်။ အခြားကောင်လေးတစ်ယောက်၏လက်မောင်းထဲမှာ ရှိနေတဲ့အတွက် ထူးဆန်းသလို သူခံစားရ၏။
ရှီပုဖန်ရဲ့တောက်တဲ့လို လိုက်ကပ်တဲ့စရိုက်ကိုလည်း သူထူးဆန်းသလို ခံစားရပေမဲ့ ဘယ်လိုမျိုးလဲဆိုတာ သူမရှင်းပြနိုင်ပေ။
“ဒါဆို မနက်ဖြန်ညနေခင်း စာကြည့်ချိန်ကို တူတူတက်ရအောင် ”ရှီပုဖန်က အခုမှကျေနပ်သွားကာ ကျန်းယွမ်ပိုင်၏ဖြူဖွေးချောမွတ်သောမျက်နှာလေးအား ငေးစိုက်ကြည့်နေရင်း တစ်ဖက်လူကို ကိုက်ပစ်ချင်စိတ်တို့ဖြစ်ပေါ်လာရသည်။ အဲ့အချိန်မှာပဲ တံခါးကကျွီခနဲမြည်သွားပြီး ကျိယန့်ဖျင်က ရုံးခန်းအပြင်ဘက်ကိုထွက်လာ၏။
YOU ARE READING
အတိတ်မေ့နေသောကျောင်းလူဆိုးလေးနှင့်ဟန်ဆောင်တွဲခြင်း[မြန်မာဘာသာပြန်](Completed)
RomantikkThis is just Translation. ✨All credits to original author and english translator. Start date-12.1.2021 End date_ 27.9.2021 Status in COO - 66 Chapters+2Extras (Completed) Currently Editing ~ Readable in both Zawgyi and Unicode.