Love and redemption (琉璃美人煞)Myanmar Translation

အပိုင်း(၁၀) မိစ္ဆာဖမ်းဆီးခြင်း(၁)

　 တည်းခိုဆောင်သို့ ရောက်သည်နှင့် ချူရင်းဟုန်က တစ်ဦးချင်းစီလုပ်ဆောင်ရမည့်တာဝန်များကို အသေးစိတ်ရှင်းပြလိုက်သည်။

သေချာပေါက်ပါပဲ။မိစ္ဆာဖမ်းရသည့်ကိစ္စမှာ လူကြီးသုံးယောက်အတွက်သာဖြစ်ပြီး ကလေးတွေကတော့ မီးအိမ်ထွန်းခြင်း စသည့် တောက်တိုမယ်ရများနှင့်ဆို လုံလောက်ပေပြီ။ ယွီစီးဖုန့်မှာ လုတောင်တန်းသို့ လာခဲ့ဖူးသောကြောင့် မြေပုံဖတ်ရန်နှင့် လမ်းညွှန်ဖို့တာဝန်ကို သူ့အားပေးလိုက်သည်။ကျုံးမင်ရန်နှင့် မုဆိုးအချို့ကမူ မီးတုတ်ထွန်းညှိပြီး ဆားအိတ်တွေသွန်ရမှာဖြစ်သည်။မှန်ပေသည်။ကောင်းကင်ခွေးအား ရှာလကာရည်နှင့် ပက်ရမည့် အရေးကြီးတာဝန်မျိုးကိုလည်း သူပဲတာဝန်ယူရမှာဖြစ်သည်။

"ဒါဆို သမီးကကော" ရွှမ်ကျီးက ခဏလောက်နားထောင်နေပြီးနောက် မည်သူကမှ သူမအကြောင်းပြောသည်ကို မကြားရသည့်အခါ မနေနိုင်တော့ဘဲ တိုးတိုးလေးမေးလိုက်၏။

ချူလေ့က သူမကို သာမန်ကာလျံကာ  အကြည့်တစ်ချက်ကြည့်လိုက်ပြီး "မင်းက အနောက်မှာပုန်းပြီးကြည့်နေရင်ရပြီ။လျှောက်မပြေးနဲ့"

အဓိပ္ပာယ် က သူမ ဘာမှလုပ်ဖို့မလိုတော့ဘူးပေါ့။
ရွှမ်ကျီး၏မျက်ဝန်းတွေက တောက်ပသွားသည်။

'အဖေ အကျိုးအကြောင်းစဥ်းစားပေးတတ်လာဖို့ကရှားပါးတယ်။ပြီးတော့ သူမ ဘာမှလုပ်တာကိုလည်း လိုချင်မနေဘူးတဲ့!'

ချူးရင်ဟုန်ဟာ ထိုကလေးမ၏တိတ်တိတ်လေးသဘောကျနေသည့် ပုံစံကိုမြင်သည့်အခါ မပြုံးဘဲမနေနိုင်တော့ဘဲ သူမခေါင်းကို ပွတ်သပ်လိုက်ပြီး ပြောလိုက်သည်။ "ရွှမ်ကျီ အတွက် သေချာပေါက်အလုပ်ရှိတာပေါ့။နင်က ယုန်နှစ်ကောင်ကို ပျားရည်နဲ့မံပြီး သွားကင်ရမယ်"

သူမက အရေခွံမခွာရသေးသည့် ယုန်နှစ်ကောင်ကို ရွှမ်ကျီးထံပစ်ပေးလိုက်သည်။ကြည့်ရသည်မှာ ယခုလေးတင် အမဲလိုက်ခြင်းခံခဲ့ရပုံပေါ်ပြီး နားရွက်များတွင် သွေးစလေးများကပ်နေပေသေးသည်။ရွှမ်ကျီးက ထိတ်လန့်သွားပြီးခုန်လိုက်မိသည်။ နောက်ဆုံးမှာတော့ သူမက ခါးသီးနေသည့် မျက်နှာနှင့် ယုန်နှစ်ကောင်ကိုကိုင်လိုက်ပြီးမေးလိုက်၏။ "အရေခွံလည်း သမီးခွာရမှာလား"