ဒုတိယစမ်းသပ်မှုတွင်လူတစ်ဝက်ကိုဖယ်ထုတ်လိုက်သောကြောင့်နောက်ဆုံးအချီ ၌လူ ၁၅ ယောက်သာကျန်တော့သည်။ ထို့ကြောင့်ယနေ့ မဲနံပါတ်များထဲမှတစ်ခုသည်ဗလာဖြစ်သည်။ဗလာမဲကိုမဲနှိုက်သူသည် ဗိုလ်လုပွဲသို့ အလိုအလျောက်တက်ရောက်ခွင့်ရမှာဖြစ်ပြီး ယနေ့ဒုတိယအကျော့၌ ပါဝင်ဖို့မလိုပေ။ ထို့ကြောင့်လူတိုင်းက၎င်းကိုပျော်ရွှင်ခြင်း
လက်မှတ်ဟုခေါ်ပြီး အဓိပ္ပာယ်မှာ အခြားသူများထက်တစ်ရက်အနားရခြင်းဟုဆိုလိုသည်။ချူလေ့ မဲနံပါတ်များပါသည့် သေတ္တာပြားအား ချလိုက်ချိန်၌ လူတိုင်းသည် မည်သူက ထိုကံကောင်းခြင်း ဗလာနံပါတ်အား ရသွားမည်ကို စောင့်ကြည့်နေကြတော့သည်။
တျန်ကျင်းတောင်ကြားမှ တောင်ကြားသခင်ရုံကူက စာရွက်ကို ဖြန့်လျက် အော်လိုက်၏။ "ကိုယ့်နံပါတ်ကို သတင်းပို့ပါ"ကျန်ရှိနေသည့် တပည့်ဆယ့်ငါးယောက်သည်မီးဖြင့်
တံဆိပ်ခတ်ထားသောစာရွက်အပိုင်းများကို ဖြန့်ကြည့်လိုက်ကြသည်။ခဏအကြာ၌ တစ်ချို့ကမျက်မှောင်ကြုတ်ကာ တစ်ချို့က သက်ပြင်းချလိုက်ပြီးနောက်ရုတ်တရက်တစ်စုံတစ်ယောက်က“ အာ” ဟု ရေရွတ်လိုက်၏။လူတိုင်း လှမ်းကြည့်လိုက်ကြလျှင် ဝူးထုံက လက်ထဲမှ စာရွက်စကို မြှောက်ကာ ပြုံးလျက် ပြောလိုက်သည်ကို မြင်လိုက်ရလေ၏။ "ငါက ဗလာနံပါတ်ပဲ"ဆူဆူညံညံအသံများနှင့် လူတိုင်း၏ရှေ့မှောက်တွင် သူကစာရွက်အလွတ်တစ်ရွက်ကိုဖြန့်ပြလိုက်ပြီးလက်နှစ်ဘက်
ဖြင့် လေးလေးစားစားကိုင်ကာ ရုံကူသခင် ထံသို့အပြုံးဖြင့် ပြောလိုက်သည်။" တောင်ကြားသခင် ကျေးဇူးပြုပြီးကြည့်ပါ"လူတိုင်း သည် ဗလာနံပါတ်ကို ရသွားသူက သူဖြစ်သည်ကို မြင်လျှင် မနာလိုအားကျသည်ဟု ပြော၍မဖြစ်တော့ပေ။ထိုလူသည်ဤတစ်ကြိမ် ကျင်းဟွားညီလာခံ၏ မြင်းနက်တစ်ကောင်ဖြစ်ပြီး ယခင်က သူ့အားတစ်ခါမှ မကြားဖူးခဲ့။သူက ပထမပဏာမအဆင့်နှစ်ပွဲကိုလွယ်လွယ်ကူကူကျော်ဖြတ်နိုင်လိမ့်မည်လို့မည်သူထင်မည်နည်း။ ဤတစ်ကြိမ် သူ ဗလာနံပါတ်အား ရသွားသည်မှာ တကယ့်ကို မိုးနတ်မင်း၏ကြင်နာမှုကြီးပင်။
YOU ARE READING
Love and redemption (琉璃美人煞)Myanmar Translation
Romanceသူမက ပြောလိုက်သည်..။ "ငါသေချာပေါက် နတ်ဘုရားဖြစ်လာရမယ်" သူက သူမကို ခြေဆုံးခေါင်းဆုံးကြည့်၍ အေးအေးစက်စက်ရယ်လိုက်သည်။ "ဖြစ်နိုင်ပါတယ် ပျင်းရိတဲ့နတ်" သူမ တည်တည်ငြိမ်ငြိမ်ဖြင့် ပြန်ပြောလိုက်သည်။ "ပျင်းရိတဲ့နတ်ကလည်း နတ်ဘုရားပဲမဟုတ်ဘူးလား" သူ .....ဆွံ့အစွာ...