ပြိုင်ပွဲပထမနေ့သည် နောက်ဆုံးတွင် ပြီးဆုံးသွားခဲ့ပြီဖြစ်ပြီး ဤတစ်ကျော့၌ လူတစ်ဝက်ခန့်ကို ဖယ်ရှားပစ်ခဲ့ပေသည်။ ကျင်းဟွားညီလာခံသည် တစ်ခြားလူများနှင့် မတူညီဘဲ ရှုံးသည်နှင့်တပြိုင်နက်ပြန်တက်ရန်လမ်းမရှိပေ။ထို့ကြောင့် တပည့်များမှာ မိမိတို့၏ဂိုဏ်းကို ဂုဏ်သရေယူဆောင်လာပေးရန်နှင့် အစောဆုံးဖယ်ရှားခံရခြင်းမှ ကာကွယ်ရန် အစွမ်းကုန်အားထုတ်ကြရပေသည်။ညနေပိုင်း၌ များပြားလှသောပြိုင်ပွဲကိစ္စရပ်များ ပြီးဆုံးသည်အထိ အောင့်အီးသည်းခံနေခဲ့ရသည့် ချူလေ့တို့ဇနီးမောင်နှံ ပထမဆုံးလုပ်သည့်အလုပ်မှာ သမီးဖြစ်သူရွှမ်ကျီး၏ ဒဏ်ရာအား အပြေးအလွှားလာကြည့်ခြင်းပင်။
ဟော်သန်းဖင်သည် တစ်နေ့တာလုံး မျက်ရည်ထိန်းနိုင်ခဲ့သော်လည်း ရွှမ်ကျီး၏ ပတ်တီးများပြည့်နေသည့်ခေါင်းကို မြင်သည့်အခါ၌ မျက်ရည်များစီးကျလာတော့၏။
"ဒဏ်ရာပြင်းလား?နာနေလား?" သူမက သမီးဖြစ်သူအားလက်မောင်းထဲတွင်ပွေ့ထားရင်းမျက်ရည်များစီးကျနေခဲ့သည်။
ရွှမ်ကျီးကား စားလက်စအသားအား အသားကင်များဖြင့်ပြည့်နေသည့် ပါးစပ်ထဲသို့သိပ်ထည့်လိုက်ပြီး ဗလုံးဗထွေးပြောလိုက်၏။"အမေ သမီးဘာမှမဖြစ်ပါဘူး။နည်းနည်းလေးတောင်မနာဘူးရယ်။ကြည့်ပါလား! "သူမက လက်ဖြင့်ဒဏ်ရာအားရိုက်လိုက်ပြီး တကယ်ပင်မျက်နှာလေးတောင်ရှုံ့မသွားချေ။
ဟော်သန်းဖင်က သူမလက်ကိုအလျင်အမြန် ဖမ်းဆွဲလိုက်ကာ နူးနူးညံ့ညံ့လေးဟန့်လိုက်၏။ "လျှောက်မလုပ်နဲ့!မတော်လို့ ဒဏ်ရာပြန်ကွဲသွားရင်ဘယ်လိုလုပ်မလဲ!.
ချူလေ့က ဒဏ်ရာကိုစစ်ဆေးကြည့်ချင်သောကြောင့် ပတ်တီးအား နူးနူးညံ့ညံ့လေး ဖယ်ကြည့်လိုက်သည်။မည်သူသိမည်နည်း။ ပတ်တီးစပေါ်တွင် သွေးများစွန်းထင်နေသေးသော်လည်း သူမခေါင်းပေါ်၌ ဒဏ်ရာလေးပင်ရှိမနေဘဲ ငယ်ထိပ်ရှိ စိုရွှဲနေသည့်သွေးများကသာ ကိတ်တစ်လုံးကဲ့သို့ ခြောက်သွေ့နေကာ အောက်ဘက်ရှိဦးရေခွံမှာ ကောင်းမွန်နေပြီး အမာရွတ်သေးသေးလေးပင်မမြင်ရပေ။
YOU ARE READING
Love and redemption (琉璃美人煞)Myanmar Translation
Romanceသူမက ပြောလိုက်သည်..။ "ငါသေချာပေါက် နတ်ဘုရားဖြစ်လာရမယ်" သူက သူမကို ခြေဆုံးခေါင်းဆုံးကြည့်၍ အေးအေးစက်စက်ရယ်လိုက်သည်။ "ဖြစ်နိုင်ပါတယ် ပျင်းရိတဲ့နတ်" သူမ တည်တည်ငြိမ်ငြိမ်ဖြင့် ပြန်ပြောလိုက်သည်။ "ပျင်းရိတဲ့နတ်ကလည်း နတ်ဘုရားပဲမဟုတ်ဘူးလား" သူ .....ဆွံ့အစွာ...