Duo Meng《夺梦》// Seizing Dreams Translation

Chapter 8

{Unicode}

[Vol-1: The Great Wall]
ကောက်ရသော ငွေသားများ

" တစ်အုပ်ကို ယွမ်၁သိန်း "

ယွီဟောက်က ဟွမ်ထင်ထံသို့ ဆိုလေသည်။

" အားလုံး ၁၂သိန်း "

ယွီဟောက်သည်ကား နွေရာသီပိတ်ရက်များတုန်းက ယွမ်၂သိန်း၄သောင်းဖြင့် မိမိအိမ်ကိုရောင်းချခဲ့၏။ ထို့နောက် အကြွေးတင်ထားသော ဆေးဝါးကုသစရိတ်များအား ဆပ်ရန် ဘဏ်ကိုသွားခဲ့ပြီး လက်ငင်းငွေသားများကို ထုတ်ယူခဲ့ရာ တစ်အုပ်လျှင် ယွမ်၁သိန်း နှုန်းဖြစ်ပြီး ယခုသူတို့အားလုံး ကြည့်နေရသည့် ငွေထုပ်များအတိုင်းပင်။

ကျိုးရှန်းက ဟွမ်ထင်အား ပြောလိုက်လေသည်။

" ဘယ်သူကများ ဒီလောက်ပိုက်ဆံအများကြီးကို ရေလှောင်ကန်ထဲ လာထည့်သွားတာတုန်း? "

ရဲစခန်းတစ်ခုလုံးကား ရုတ်ရုတ်သဲသဲဖြစ်လျက် အားလုံးက သူတို့နှစ်ယောက် ရှာတွေ့ခဲ့သည့် ငွေထုပ်ကြီးကို လာကြည့်နေကြသည်။

ဟွမ်ထင်က မေးလိုက်၏။

" မင်းတို့နှစ်ယောက်က ကျုန်းရှန်းရေလှောင်ကန်ထဲ ဘာဆင်းလုပ်နေကြတာလဲ? "

ယွီဟောက်, "အမ်......"

ကျိုးရှန်းက ဟွမ်ထင်အား ရန်စသလိုအကြည့်ဖြင့် ကြည့်လိုက်ပြီး -

" အဲ့တာ ခင်ဗျားတို့နဲ့ ဘာဆိုင်လို့လဲ? "

" ဆိုင်တာပေါ့ "

ဟွမ်ထင်က ဆိုလေသည်။

" ခုချိန်က ညလယ်ခေါင်းကြီးလေ, ဘာကိစ္စ တက္ကသိုလ်ကျောင်းသားနှစ်ယောက်က ရေလှောင်ကန်နားမှာ ရောက်နေရမှာလဲ? "

" ကျွန်တော် သူ့ကိုရေကူးလေးတောင် သင်ပေးလို့မရဘူးလား? "

ကျိုးရှန်းက ပြန်ပြောလေသည်။

ချန်းယဲ့ခိုင်ကလည်း ဝင်ပြောလာသည်။

" အမှန်တိုင်းပြောစမ်း! ယွီဟောက်, မင်းကိုယ်တိုင် သေချာရှင်းပြ "

ထို့ကြောင့် ယွီဟောက်လည်း အမှန်တိုင်းပြောပြလိုက်ရလေ၏။ အသေအချာပင် မိမိအိမ်မက်ထဲမှ မဟူရာနဂါးအကြောင်းကိုတော့ မပြောခဲ့ပါ။ သင်ရိုးညွှန်းတမ်းဖတ်စာအုပ်မှ အကြောက်တရားအား ကျော်လွှားနိုင်ရန် နည်းလမ်းများအကြောင်း ဖတ်ရှုခဲ့ဖူးသည်ဟုသာ ပြောလေသည်။ ဟွမ်ထင်က ကျိုးရှန်းကိုတစ်ချက်ကြည့်လိုက်ပြီး ယွီဟောက်ထံ တစ်ချက်ပြန်ကြည့်လေသည်။