{Unicode}
[Vol-1: The Great Wall]
ကလေးငယ်တစ်ယောက်၏ အိမ်မက်" ဒီနေ့က ခရစ်စမတ်အကြိုဘဲ "
Generalက ဆက်လက်၍ စကားဆိုလာခဲ့သည်။
ယွီဟောက်မှာမူ Generalကျောပေါ်၌ ခြေကားယား လက်ကားယား ဖက်ထားရင်းဖြင့် ပြန်ဆိုလေသည်။
" ကျွန်တော်မထင်ထားခဲ့ဘူးဗျ, နေ့ခင်းတုန်းကတောင် တော်တော်လေးအေးနေပြီကို ညဘက် အိမ်မက်ထဲလည်း ဒီလောက်ကြီး အေးနေဦးမယ်လို့လေ "
Generalက သာမန်ကာလျှံကာ မေးလာခဲ့၏။
" မင်း နေ့ခင်းဘက် ဘာတွေလုပ်လဲ "
" အချိန်ပိုင်းအလုပ်လုပ်တယ် "
ဘာကြောင့်မှန်းတော့ မသိပါ - စိတ်ထဲမှ အလိုအလျှောက် အာရုံရမိခြင်းများလားပင်၊ ယွီဟောက်သည်ကား Generalနှင့် အပြင်လောက၌လည်း ရင်းနှီးကျွမ်း၀င်ပါသလို အမြဲတစေ ခံစားနေရပြီး Generalဘက်ကသာ သူ၏သရုပ်အမှန်ကို တမင်သက်သက် ဖုံးကွယ်နေခဲ့သလိုပင်။
" ဘယ်လိုအလုပ်မျိုးလဲ? "
" လက်ကမ်းစာစောင်ဝေတာ "
" အို့၊ ဒါဆို တော်တော်လေး ချမ်းစိမ့်နေမှာပဲ "
Generalက ဆိုသည်။
" ကိုယ်ကတော့ အမွေးတွေအများကြီးရှိလို့ ကံကောင်းသွားတယ်၊ ဘာအအေးမှ ကြောက်စရာမလိုဘူး "
ယွီဟောက်တစ်ယောက် စတင်ရယ်မောလာခဲ့၏။ သူက General၏ လည်တိုင်ကို သိုင်းဖက်ထားရင်း ခန္ဓာကိုယ်တစ်ခုလုံးကို ကျောပြင်ပေါ်သို့ မှီထားလိုက်သည်။
" ကြည့်လုပ် ကောင်လေး၊ မင်းရဲ့ အမွေးထူထူလက်တွေကို ထိန်းစမ်း "
Generalက သူ့လည်ပင်းသူ ကုပ်လိုက်ပြီးနောက် ဆိုလာခဲ့သည်။
" လူနဲ့ မျောက်ကြားမှာလည်း လိင်ပိုင်းဆိုင်ရာ သီးသန့်ခွဲခြားထားတာမျိုး ရှိတယ်နော် "
[T/N: သဘောက ယွီဟောက်ဘက်က အရမ်းကပ်လွန်းတယ်ပေါ့, မျောက်လည်း ရှက်တတ်တယ်လို့ ဟွန့် ]
မျောက်တစ်ကောင်ဘက်မှ ဤကဲ့သို့ "မင်းရဲ့ အမွေးထူထူလက်တွေကို ထိန်းစမ်း" ဆိုသည့် စကားမျိုး ပြောလာသည်ကို ကြားသောအခါ ယွီဟောက်တစ်ယောက် ဝါးလုံးကွဲ မရယ်မိဘဲ မနေနိုင်တော့။ Generalက ထပ်မေးလာခဲ့သည်။
YOU ARE READING
Duo Meng《夺梦》// Seizing Dreams Translation
Fantasy• Author : 非天夜翔 ( Fei Tian Ye Xiang ) • 2018 Released • 165 Chapters • Genre : Action, Adventure, Fantasy, Romance, Yaoi • English Translator : Zryuu I don't own any of this novel, just fan translation. Everything belongs to original author. Both Z...