{Unicode}
[Vol-2: Chichén Itzá]
ဘုရားကျောင်းထဲသို့ အလောတကြီးဝင်ပြေးရခြင်း
ရှေးဟောင်းအရိုးစုသုံးယောက်သည် နောက်လှည့်ကာ ကွင်းဆီသို့ ချဉ်းကပ်လာကြသည်။ မရေမတွက်နိုင်အောင် များပြားလွန်းလှသော ကျားသစ်များကလည်း ကွင်းပတ်ပတ်လည် ဝန်းရံလျက် ဆာလောင်မွတ်သိပ်စွာ သူတို့အားသွားရည်တမြားမြား ကြည့်နေကြ၏။
"သုံးယောက်ထဲကနှစ်ယောက်တော့နိုင်ရမယ်"
ထိုအသံသည် ဆိုလာခဲ့ပြီး Chichén Itzá၏ ဝင်ပေါက်တံခါးမှာ ရုတ်ချည်းဝုန်းခနဲ ပွင့်လာခဲ့သည်။
အရိုးစုစစ်သည်တော်များဟာလည်း ခြေထောက်ကိုယ်စီမြှောက်ကာ အပြာရောင်မီးဘောလုံးပေါ်တွင် အသင့်နေရာယူထားလိုက်ကြ၏။
"လုပ်နိုင်ရဲ့လား?"
ကျိုးရှန်းက အဝေးရှိ လေပေါ်ပျံနေသည့် သံကွင်းကိုကြည့်ရင်း ယွီယောက်အား မေးလာခဲ့သည်။
"ဘယ်လိုထင်လို့လဲ?"
ယွီဟောက်ကဆိုသည်။
"ဘယ်လိုလုပ်,လုပ်နိုင်မှာလဲငါက?!"
သံကွင်းမှာ အတော်လေးဝေးကွာလွန်းလှပြီး ယွီဟောက်အဖို့ အတွင်းထဲတည့်တည့် ကန််နိုင်ဖို့တောင်အနိုင်နိုင်ပင်။
"အာ့ဆိုလည်းငါတို့နှစ်ယောက်ပဲကြည့်ရှင်းရတော့မှာပေါ့"
ကျိုးရှန်းက ချန်းယဲ့ခိုင်ကိုကြည့်ရင်း ဆိုလိုက်သည်။
ချန်းယဲ့ခိုင်က တစ်ဖက်လှည့်ကာ အရိုးစုစစ်သည်များကိုကြည့်ရင်း ဆို၏။
"ယွီဟောက် မင်းအရင်ကန်လိုက်"
ယွီဟောက်ခမျာ တွေးမိလိုက်တော့၏ - အိမ်မက်ထဲဒီလောက် လုပ်လို့ရတာတွေအများကြီးရှိတာကို ဘာလို့ဘောလုံးကန်တာမှလဲ?! ငါတော်တဲ့ဟာလေးတစ်ခုခုများ ဖြစ်လိုက်ပါတော့လားကွာ?!
"အကောင်းဆုံးကြိုးစားပါ့မယ်"
ယွီဟောက်ခမျာ ဆိုလိုက်ရတော့သည်။
"ဒါနဲ့ သုံးယောက်မှာနှစ်ယောက်နိုင်ရင်ရတယ်ဆိုတော့ ခင်ဗျားတို့ကိုပဲအားကိုးမယ်နော်"
YOU ARE READING
Duo Meng《夺梦》// Seizing Dreams Translation
Fantasy• Author : 非天夜翔 ( Fei Tian Ye Xiang ) • 2018 Released • 165 Chapters • Genre : Action, Adventure, Fantasy, Romance, Yaoi • English Translator : Zryuu I don't own any of this novel, just fan translation. Everything belongs to original author. Both Z...
