{Unicode}
[Vol-1: The Great Wall]
အင်တာဗျူးထိုအခိုက်အတန့်တွင် ယွီဟောက်တစ်ယောက် လည်ပတ်စီးဆင်းနေသော သွေးများပင် ရပ်တန့်သွားလေသလား ခံစားလိုက်ရ၏။
သူက ခေါင်းစွပ်အောက်တွင် Generalမည်သို့မည်ပုံ ရုပ်ရည်ရှိကြောင်း မြင်လိုက်ရသည်..... သို့သော်ငြား ခေါင်းစွပ်အတွင်း၌ ရှိနေခဲ့သည်မှာ ဗလာနတ္ထိ။
ဟုတ်ပါ၏။ ဘာဆိုဘာမှရှိမနေခဲ့ပါ။ ဦးခေါင်းတစ်ခု ရှိနေရမည့်နေရာတွင်ကား ဝေဝေဝါးဝါး မြူခိုးများနှင့် လင်းရောင်ခြည်အချို့သာ။
" ခင်ဗျား...... General? "
ယွီဟောက်က တီးတိုးစကားဆိုလျက် အနှီလူ၏ မျက်နှာရှိနေရမည့် နေရာကို ထိတွေ့ရန်လက်လှမ်းလိုက်သည့်တိုင် လက်ချောင်းများက မြူခိုးငွေ့များကို ဖြတ်သွားခဲ့လေသည်။
" ကိုယ်က လူတစ်ယောက်မဟုတ်ဘူး "
Generalက ဆိုလာ၏။
" တကယ်တော့ ကိုယ်က ဘာလဲဆိုတာတောင် မသိဘူးရယ် "
ယွီဟောက်မှာမူ ဗလာကျင်းနေသော အကြည့်များဖြင့် သူ့ထံ ငေးကြည့်နေမိ၏။
Generalက ထပ်ဆိုလာသည်။
" မင်းတို့လူသားတွေရဲ့ အသိစိတ်ကမ္ဘာတွေထဲ ခရီးသွားတိုင်း ကိုယ့်မှာ တိကျတဲ့ ရုပ်နာမ်ဆိုတာမျိုး မရှိခဲ့ဘူး၊ ပြီးတော့ ကိုယ်က မင်းတို့လက်တွေ့လောကနဲ့လည်း ဘာမှသက်ဆိုင်မနေပြန်ဘူး၊ အဲ့ဒါကြောင့်, မင်းအခု အကုန်လုံးကို နားလည်သင့်ပါပြီ, ဟုတ်တယ်မလား? "
ယွီဟောက် မျက်နှာထက်တွင် မျက်ရည်စများစီးကျလာခဲ့သည့်တိုင် သူက ပြုံးသာပြုံးနေလျက် ဆိုလာခဲ့သည်။
" ကျေးဇူးပါ, General. ကျွန်တော်ခင်ဗျားကို ပစ္စည်းတစ်ခုလောက် ပေးလို့ရမလား? "
Generalက ခေါင်းစွပ်ပြန်၀တ်လိုက်ပြီး အနည်းငယ် အံ့အားသင့်စွာဖြင့် -
" ကိုယ့်ကို ပစ္စည်း ပေးချင်တယ်? "
ယွီဟောက်က ကိုယ်စားပြုပစ္စည်းရှိရာဆီသို့ လက်ကိုဆန့်ထုတ်လိုက်၏။ ထိုပစ္စည်းအား လွှမ်းခြုံလျက်ရှိသော ရွှေအိုရောင်အလင်းတန်းမှ အနည်းငယ်မျှက ဖိတ်စင်ကျလာခဲ့ပြီး ကောင်းကင်ယံတစ်လျှောက် တောက်လဲ့သော ရွှေရောင်စီးကြောင်းလေး ဖွဲ့စည်းသွားလေ၏။ ထို့နောက် ၎င်းက ယွီဟောက်လက်ပေါ်တွင် လာရောက်၍ ဒိုင်းအကာတစ်ခု ဖြစ်ပေါ်လာခဲ့သည်။
ESTÁ A LER
Duo Meng《夺梦》// Seizing Dreams Translation
Fantasia• Author : 非天夜翔 ( Fei Tian Ye Xiang ) • 2018 Released • 165 Chapters • Genre : Action, Adventure, Fantasy, Romance, Yaoi • English Translator : Zryuu I don't own any of this novel, just fan translation. Everything belongs to original author. Both Z...