Love You, Sunset

Chapter 29: Again

Ken's POV

"Oo pare. Nagresign na ako. Hindi ko na kayang gamapanan ang trabaho ko dito sa ospital lalo na't alam kong dito ko unang nakilala si Mia at dito ko rin siya nawala" sabi ko kay Balti habang nagliligpit na ako ng mga gamit ko mula sa clinic kong mga halos sampung taon ko na ring naging tahanan.

Natatawa ako sa pangingilid ng mga luha ni Balti, "Huyy pare, hindi bagay sayo. Ako nga dapat yung maluha kasi bukod sa di na tayo magkakatrabaho, mamimiss ko yung laging pag-abot mo sa akin ng lunch. Kung hindi ko lang alam na may girlfriend ka, iisipin kong type mo ko eh." pagbibiro ko.

"Di kita type pare no. Baka si Mia pa nga"

"Ano? Anong sabi mo?"

"Teka teka, joke lang pare. Alam ko naman na kahit wala na si Mia sa tabi mo, sayong-sayo lang siya at sure akong mahal na mahal ka pa din niya hanggang ngayon"

Nilibot ko muna ang paningin ko sa apat na sulok ng opisina ko. Napapaiyak ako dahil kasabay ng pag-iwan ko sa clinic na ito ay ang pag-iwan ko rin sa mga naging alaala namin ni Mia dito.

"Bakit kasi huli ko nang nakilala na siya si Rita, ang tanging bestfriend kong pinangakuan kong hindi ko iiwan kahit kailan." bulong ko sa sarili ko habang walang humpay ang pagtulo ng mga luha ko kapag naaalala ko ang mga masasayang tawanan namin dito. Naririnig ko pa din ang boses niya dito kapag tumatawa, nang-iinis, nanggigil, umiiyak.

Matapos kong huling magpaalam sa clinic ko ay tinapik ko na sa balikat si Balti na busyng-busy naman sa kanyang phone.

"Huy ano ba yan? Nag-ML ka no?"

"Baliw hindi. Nakita mo na ba itong pinost ng ospital?"

"Ano? Issue na naman sa doktor?"

"Hindi ah. Look oh" sabay abot sa akin ng phone niya. Ayon sa post, ngayon daw ang uwi ng tanging tagapagmana ng R Holdings, yung kaisa-isang apo daw ng may-ari ng ospital na to.

"Uuwi? Sino? Wala na si Mia. Si Arra naman nakakulong. Si Joanna? Pero hindi naman niya yun apo mismo eh" a part of me gustong maniwala na si Mia or Rita ang uuwi galing Australia kaya lang napakaimposible naman yun.

Mula nang pagkagising ko sa ospital after nung aksidenteng nangyari kay Mia, parang may mali na sa mga nangyayari sa paligid. Parang nagreset ang lahat. Hindi nakakulong si Daddy. Si Mommy ongoing ang business niya. Walang kahit sinong nakakakilala kay Mia kahit na ipakita ko pa ang picture niya sa kanila.

Kahit sa nurses station, pinagtanong ko na rin kung may nakaadmit na Mia Sarmiento pero wala daw sa records at hindi rin nakikilala ang mukha ni Mia. Maski si Balti ay walang alam na kahit ano tungkol sa Mia ko kahit na siya ang neurosurgeon na humawak ng rare case ng condition ni Mia.