[Unicode]
5. ဖေး ၄ ပါး ရွေးချယ်ရာဝယ်
ဒီလိုနဲ့ပဲ ဧကရာဇ် လေးဟာ သူ့ဧကရီ နန်းဆောင် ဆီမှာပဲ ညတိုင်း သွားလေတယ်။ သူတို့ လက်ထပ်ပြီး ၃ ရက်ကြာ တဲ့ နေ့မှာတော့ ဧကရီ က ဧကရာဇ်လေး ကို ခေါ်ကာ တော်ဝင် ကြင်ယာတော် ဖေး ၄ ပါး ကိုရွေး ချယ်ဖို့ နန်းတော်ရဲ့ ပွဲ ကြည့် မျှော်စင် စီ သွား ခဲ့လေတယ်။
ဧကရာဇ် တစ်ယောက် တော့ ကြောင်တိ ကြောင်တောင် လေးနဲ့ပဲ သူ့ဧကရီ ဆွဲခေါ်ရာ ကို ပါသွား လေတော့တယ်။ နန်းတော်ရဲ့ အလှဆုံး နေရာ ၃ ခု ထဲ က တစ်ခု ဖြစ်တဲ့ ကြာပန်းမျှော်စင်စီ ကိုရောက်တဲ့ အခါမှာတော့ လှပစွာ ပွင့်လန်းနေတဲ့ ပန်းပွင့်လေးတွေ အပြင် အငုံ့ကင်း လေးတွေ ကိုပါ တွေ့လိုက်ရတယ်။
ရှန်းလု တစ်ယောက် သူ့မ မောင်လေး ကိုတောင် မနာလို ဖြစ်သွားတယ်။ အရမ်း ကို လှပတဲ့ အပျိုလေးတွေ ၊ အသက်ပြည့်ခါနီး ကလေးမသေးသေးလေးတွေ ၊ ပါရှား ပြည်ကဆို ယောကျာ်းလေးတွေ တောင် ပါသေးတယ်။ သူမရဲ့ စိတ်ထဲ မှာတော့ ပဝါ ကိုက်ပြီး ငိုနေပြီပဲ ဖြစ်တယ်။ သူမလဲ ဒီ လို အလှလေးတွေ လိုချင်တယ်လေလို့။
သူမ လက်ထဲက ပူညံပူညံ လုပ်နေတဲ့ ဧကရာဇ် လေးက ထိုလူတွေ ကိုတွေ့တဲ့ အခါ မျက်နှာကြီး မည်းသွားတယ်။ ဒါပေမယ့် သူ့ဘေး က မိန်းမစိုးက သူတို့ရောက်ကြောင်း ကြော်ငြာ လိုက်တဲ့ အခါ ထိုနေရာ မှာ ရှိနေတဲ့ လူတွေ က မက်တပ်ရပ် ကာ သူတို့ နှစ်ယောက် ကို အရိုအသေ ပေးကြလေတယ်။
သူက အခုထိ နားမလည်သေးတာကြောင့် သူအမတော် နား ကပ်ကာ တိုးတိုးလေး မေးလိုက်တယ် ။
" အမတော်.....ဒါတွေ က ဘာတွေ တုံး..''
ယပ်တောင်လေး ကို ကာထားပြီး လေသံ လေးနဲ့ မေးနေတဲ့ သူ့မောင်လေး က အတင်းတုပ်နေတဲ့ အဒေါ်ကြီး တွေ နဲ့တောင် တူနေတယ်။ သူမလည်း လက်ထဲက ခေါက်ယပ်တောင် ကို အသာကာ ပြီး ပြန်ဖြေတယ်။
" မင်း အတွက် ဖေး (တော်ဝင်အဆင့်မြင့်ကြင်ယာတော်) တွေ ရွေးပေး မလို့လေ....''
အမတော် က ဖေးတွေ ရွေးပေးဖို့ ဆိုတော့ သူ့ရဲ့ နောက်လာမယ့် မယားငယ် အဟမ်း....အင်း...ဘယ်လို သုံးရမလဲ? !?။ သူက မတွေး တက်တော့ လို့ အမတော် ကို လေသံလေး နဲ့ပဲ လှမ်းမေး ပြန်တယ်။
YOU ARE READING
COMPLETE ဧကရီကို ကိုယ်တော် မုန်းတယ် (Own Creation)
Historical Fictionဒီဟာလေး ကတော့ ဒုတိယမြောက် ခြေလှမ်း လေးပဲ ဖြစ်ပါတယ်နော်။ ရှေ့အပုဒ်က Boy X Boy ပုံစံ ဖြစ်တာမို့ BXG ကြိုက်တက်တဲ့ ကျယ်မေ့ တို့အတွက် ရည်ရွယ်ပေး ထားတဲ့ စာအုပ်လေးပါ။ ဧကရာဇ် လေးဟာ အသက် ၁၄ နှစ်မှာ တင် နန်းတက်ခဲ့ ရပါတယ်။ ဒါပေမယ့် သူ့ရဲ့ ဧကရီ နေရာ ကိုတော့ သူ...
