ငါကိုယ့်ကိုယ်ကိုဘယ်လိုသတ်မှတ်လဲ....
ငါကတန်ဖိုးမရှိဘူး၊ အသုံးမကျဘူး၊ ဆန်ကုန်မြေလေး၊ ပြီးတော့အားကလည်းနည်းသေး။
ချီရှုက လွန်ခဲ့တဲ့လေးနှစ်လုံးလုံးငါ့ကိုလှောင်ချိုင့်ထဲမှာထားခဲ့တာ။ ငါကလည်းသူစိတ်ကျေနပ်အောင်ပဲနေပေးခဲ့ရတာ။
အခု ငါချီရှုနားမနေရတော့ပေမယ့် နောက်alphaနားမှီခိုဖို့ကပ်နေရပြန်ပြီ။
အစကနေအဆုံးအထိ ငါ့မှာပေးစရာဆိုလို့ ငါ့ခန္ဓာကိုယ်ပဲရှိတယ်။ သူတို့ငါ့ဆီကအဲ့ဒါကလွဲပြီးတခြားဘာလိုချင်လဲလည်းငါမသိဘူး။
ဒါကြောင့် ကျိုးချန်ကငါ့ရဲ့ကျေးဇူးရှင်၊ ငါ့ရဲ့အကြွေးရှင်ပဲ။
ဒါ အကြွေးပြန်ဆပ်တာနဲ့ဘာမှမကွာဘူး။ အချစ်ဆိုတာရှိနေရင်တော့ တစ်မျိုးတစ်ဖုံပြောင်းလဲသွားနိုင်မှာပေါ့လေ။
ဒါကြောင့် သူနဲ့ငါ့ကြားမှာလေးနက်တဲ့အရာတွေမရှိတဲ့ ရိုးစင်းတဲ့ဆက်ဆံရေးမျိုးပဲရှိနေမှရမယ်။
ငါ့ရဲ့စိတ်ကူးယဥ်ဆန်တဲ့အချစ်ဆိုတာ အသက်၁၈နှစ်တုန်းကရှိချင်ရှိခဲ့လိမ့်မယ်။ အခုငါ့အသက် ၂၂မှာ အဲ့လိုရယူလိုခြင်းမရှိတဲ့အကြင်နာတရားမျိုးဆိုတာ လုံးဝမရှိမှန်းသဘောပေါက်ခဲ့ပြီလေ။
ဘာမှမမျှော်လင့်ထားတာအကောင်းဆုံးပဲ။
ဒါ ချီရှုငါ့ကိုသင်ပေးခဲ့တဲ့အရာပဲ။
"ခင်ဗျားက ကျွန်တော်နဲ့ချီရှုရဲ့ဆက်ဆံရေးကိုသိပြီးတာတောင် ကျွန်တော့်ကိုကယ်ပေးခဲ့တယ်။ ကျွန်တော်ဘယ်လိုလူမျိုးလဲဆိုတာ.... ခင်ဗျားကောင်းကောင်းသိမှာပါ...''
ငါဆက်ပြောဖို့ခက်သွားတယ်။
"ခင်ဗျား အကုန်သိမှာပါ''
"ဆိုတော့ မင်းပြောကြည့် ကိုယ်ကမင်းနဲ့အိပ်ချင်တာလား ဒီအတိုင်းအလှကြည့်နေချင်တာလား။''
ကျိုးချန်ရဲ့အသံကဒေါသသံစွက်နေတယ်။ သူငါ့အပေါ်ဒေါသထွက်ဖူးတာဒါပထမဆုံးပဲ။
ဒါပေမယ့် သူဘာလို့စိတ်ဆိုးတာလဲ။ ငါဘယ်နားမှားသွားလို့လဲ။
YOU ARE READING
Before My Withering[complete]
RomanceZawgyiသမားေတြအတြက္ေအာက္ဆြဲခ်ၿပီးဖတ္ၾကည့္ပါေနာ္ ''ဘယ်သူမှ အိုစာနေတဲ့အိပ်ရာဖော်ကိုသဘောကျမှာမဟုတ်ဘူးလေ'' "ဒါသဘောကျရုံသက်သက်မဟုတ်ဘူး အချစ်'' all crd to orginal author. it's not my work,just my translation. Omegaverse,Gentle,strong black belly gong, sic...