"ခင်ဗျား ကျွန့်တော့်ခန္ဓာကိုယ်ကို အရမ်းသဘောကျတယ်မလား??"
ရှဲ့ဟယ် ခပ်ဖျော့ဖျော့ပြုံးပြလိုက်တယ်။ကျိုးရိကျယ်ရဲ့လက်တွေကို လှမ်းဆွဲလိုက်ပြီး ရမက်ခိုးတွေဝေနဲ့အသံခပ်အက်အက်နဲ့....
"ကျွန်တော့်ခန္ဒာကိုယ်ကလဲ ခင်ဗျားရဲ့ အထိတွေ့တွေကို သဘောကျတယ်တဲ့...ကျွန်တော့်ခန္ဓာကိုယ်ကခင်ဗျားကို လိုအပ်နေပြီ....ကျွန်တော့်ကို မလိုချင်ဘူးလို့ မငြင်းလိုက်ပါနဲ့...."
နီရဲနေတဲ့ နှုတ်ခမ်းဖျားကနေ လျှံကျလာတဲ့ အသနားခံမှုတွေက ကျိုးရိကျယ်ရဲ့ နှလုံးသားကို ဆွဲကိုင်လှုပ်ရမ်းနေသည့်နှယ်....
ဒီလူငယ်လေးက ဆွဲဆောင်မှုရှိပြီး လှပချိုသာတဲ့အသံနဲ့ နားထောင်ကောင်းတဲ့စကားတွေ ပြောတတ်တယ်....ဒါတွေကညအစကနေအဆုံးထိ ကျိုးရိကျယ်ကို ပိတ်လှောင်ထားပစ်မယ့် အနက်ရောင်ပိုက်ကွန်တွေပါပဲ....အသက်ရှူရခက်ခဲတဲ့အထိ မွန်းကြပ်နေပြီ....
စိတ်ခံစားချက်ဟူသမျှကို ဖုံးကွယ်ထားရတာကို နှစ်ခြိုက်သူတစ်ယောက်က အခုဆို နာကျင်ရတဲ့ခံစားချက်ကို အရှင်းသား လှစ်ဟပြသနေခဲ့ပြီဖြစ်တယ်....
ရှုပ်ယှက်ခတ်နေတဲ့ ခံစားချက်တွေကို ကျိုးရိကျယ် မထိန်းညှိချင်တော့ဘူး...
ကျိုးရိကျယ်က ရှဲ့ဟယ်ကို ဆိုဖာပေါ် ညှင်သာဟွာတွန်းလှဲလိုက်တယ်။သူ့တစ်ကိုယ်လုံကနေ ဖိနှိပ်လွှမ်းမိုးလိုတဲ့ အရှိန်အဝါတွေ ထိန်းမရအောင် ပေါ်ထွက်လာတယ်။ရှဲ့ဟယ်ရဲ့ မျက်ဝန်းတွေထဲမှာ ပျော်ရွှင်မှုအရိပ်အယောင်တွေ တောက်ပလာတယ်။ဒါဆို ကျိုးရိကျယ်ကလဲ သူ့ကိုလိုချင်နေတယ်ပေါ့....ဟုတ်တယ်မလား??
ရုတ်တရက် လက်တွေကို ချည်နှောင်ခံရသလိုခံစားလိုက်ရတယ်။ကျိုးရိကျယ်က ရှဲ့ဟယ်ရဲ့ လက်တွေကို ညအိတ်ဝတ်စုံနဲ့ ချည်နှောင်လိုက်ပြီး ရေချိုးခန်းထဲကို ဝင်သွားခဲ့တယ်။
ခဏလောက်ထပ်နေမိတာနဲ့ ထိန်းချုပ်နိုင်စွမ်းတွေပျောက်ရှပြီး ဒီလူငယ်လေးကို နာကျင်အောင်လုပ်မိတော့မယ်....
ဒီတစ်ကြိမ်မှာ ကျိုးရိကျယ် ရေအကြာကြီးချိုးခဲ့ရတယ်။အလိုဆန္ဒတွေကို ဖိနှိပ်ဖို့ ခွန်အားတွေအများကြီးသုံးခဲ့ရတယ်....ရေခဲတစ်မျှအေးစက်နေတဲ့ရေတွေကြောင့် ဆင်ခြင်တုံတရားတွေ နေရာမှန်ပြန်ရောက်လာခဲ့ပြီဖြစ်တယ်...တင်းကြပ်တဲ့ထိန်းချုပ်မှုကြောင့် တဖြည်းဖြည်း တည်ငြိမ်နေခဲ့ပါပြီ...သူက ဒီဆက်ဆံရေးမှာ အသာစီးရနေသူတစ်ယောက်ဖြစ်တဲ့အတွက် ဒီထက့်ပိုပြီး သည်းခံနိုင်မှဖြစ်မယ်...ဒီလူငယ်လေးကို စိတ်ဒဏ်ရာထပ်မပေးမိဖို့ လုပ်သင့်လုပ်ထိုက်တာမှန်သမျှ လုပ်ရပါလိမ့်မယ်...
YOU ARE READING
ငါးဆားနူအထက်ပုဂ္ဂိုလ်တစ်ယောက်ကိုဖြားယောင်းခြင်းနည်းဗျူဟာ
General Fictionဝင်ဖတ်ကြည့်ပါ။အားမနာတမ်းဝေဖန်ပေးပါ။
