Unicode
နန်းမဟာဖွေး ရှေ့ကနေဦးဆောင်ပြီးပဲ လမ်းညွှန်ပြကာ ကုဋေကို အိမ်၌တည်းဖို့ရန်ခေါ်လာခဲ့လိုက်သည်။
ပြောလို့ မရဘူး အိမ်မှာနေတဲ့အချိန်အတောအတွင်း ကုဋေ သူ့ကို ပြန်ကြိုက်ချင်ကြိုက်လာမှာပေါ့။
ဒီကောင်လေးကို လက်လွှတ်ရအောင် သူကရူးနေတာမှမဟုတ်တာ။
သူသာ ကုဋေနဲ့ လက်ထက်ပြီးရင် ဘဝကချက်ချင်းအဆင်ပြေသွားမှာ။
အခုလက်ရှိ ဘဝကို မတင်းတိမ်နိုင်တာ မဟုတ်ပေမယ့် ဒီထက်ပိုမြင့်တဲ့ဘဝကို ဖွေး ရောက်ဖူးချင်တယ်။
" ရောက်ပြီ ကုဋေ ဟိုထိပ်က ဖွေးတို့ အိမ်ပဲ "
မနန်းမဟာဖွေး လက်ညိုးထိုးပြတဲ့ အိမ်ကို Leo ကြည့်လိုက်တော့ နှစ်ထပ်အိမ်ကိုမှသပ်သပ်ရပ်ရပ်လေးဖြစ်သည်။
" လာလေ ကုဋေ စားဖို့လည်း ဖွေး ထမင်း ပြင်ခိုင်းထားပြီးပြီ ခြေလက်ဆေးပြီး ခဏနားပြီးရင်ထမင်းစားနော်"
" အင်း "
ထမင်းပြင်ခိုင်းထားပြီးပြီဆိုတော့ အိမ်မှာ အလုပ်သမားတွေ ရှိတာလား ။
လူများရင် Leo က စိတ်ရှုပ်တတ်တာမို့ ထင်တဲ့အတိုင်း မနန်းမဟာဖွေးတို့အိမ်မှာ အလုပ်သမားများများစားစား ရှိရင် သူ Hotel မှာပဲ တည်းဖို့ ဆုံးဖြတ်လိုက်တယ်။
ခြံထဲဝင်ဝင်ချင်းမှာပင် သင်းပျပျ စံပယ်ပန်းရနံ့အားရှူရှိုက်မိသွားသည်။
" ကုဋေ အတွက် အပေါ်ထပ်မှာ အခန်းပြင်ပေးထားတယ် "
မနန်းမဟာဖွေး အပေါ်ထပ်တက်ကိုတက်သွားသောကြောင့် Leo Luggage ဆွဲပြီး အနောက်ကလိုက်သွားလိုက်သည်။
" အခု အိမ်မှာ မနန်းမဟာဖွေး တစ်ယောက်ထဲလား "
အပြင်အဆင်အားလုံးက အိမ်တစ်အိမ်၏ရှိသင့်ရှိထိုက်သောဂုဏ်ကျက်သရေကိုဖော်ဆောင်ထားတာမို့ Leo သဘောကျမိတယ် ။
" မဟုတ်ဘူး ကုဋေ တစ်ယောက် ရှိသေးတယ် သူကအခုချိန် အခန်းအောင်းနေပြီ ကုဋေ ရေအရင်ချိူးလိုက်မလား ခရီးဝေးကလာတာဆိုတော့ နွမ်းလာမှာပဲလေ "
YOU ARE READING
Baby of the billionaire
RomanceIt is not written in English, this is fiction written in Burmese .
