Episode-5

112K 10.1K 2K
                                    

Unicode

အခုထိ ဆိုင်ကယ်ပေါ်မှာ ထိုင်နေပြီးဆင်းမလာသေးတဲ့ မျက်ပေတုံးကို Leo ကြည့်မရတော့။

" ဘုန်းဘေဘီ ဆင်းလာလေ ဘာလုပ်နေတာလဲ "

" မင်း ကိုယ့်ကို ဘယ်ခေါ်လာတာလဲ Leo "

Condominiums တွေ ရှိတဲ့နေရာကို Leo ခေါ်လာတာမို့ ဘေဘီ အဆောက်အဦးတွေကိုလှည့်ပတ်ကြည့်မိတယ်။

တိုက်ကြီးတွေက အမြင့်ကြီးတွေချည်းပဲ ဒီမှာနေပြီး ဒီနေရာမှာ ဒါတွေရှိတယ်ဆိုတာ သူတောင် မသိဘူး ။

" ကျစ်   !!! ခင်ဗျားလို လူအိုကြီးကို ကျုပ်ကဘာလုပ်ရမှာလဲ ဆင်းလာခဲ့ "

" မင်းပြောသလောက် ကိုယ်မအိုသေးပါဘူး ကြီးမြတ်ကုဋေချီ ရယ် "

သူ့အသက်အရွယ်ကို ထိခိုက်လို့လားမသိ ချက်ချင်း ပင်ပြန်ခံပက်လာသည်။

" ကျုပ်ကို ပြန်ခံမပြောနဲ့ ဘုန်းဘေဘီ "

" အင်းပါ မင်းမကြိုက်ရင် ကိုယ် မပြောတော့ပါဘူး "

17 နှစ်တောင် ကွာတာမို့ Leo နဲ့ဆို သူက တော်တော်လေးကို အသက်ကြီးနေမှာပေါ့။

ဒီကလေးက သူ့ကို နည်းနည်းတောင် မမှတ်မိဘူး ပဲ ။

ငယ်ငယ်တုန်းကဆို လုံးဘေယီက ပါးစပ်ကမချဘဲနဲ့။

" မျက်နှာက ဘာဖြစ်သွားပြန်တာလဲ ဘုန်းဘေဘီ အထဲဝင်မယ် လာခဲ့ "

" အာ့  !! "

လာခဲ့ ဆိုပြီး လက်ကောက်ဝတ်က အတင်းဆွဲသွားတာမို့ ဘုန်းဘေဘီ တရွတ်တိုက်သာအနောက်ကနေပါသွားရတယ်။

" ဖြည်းဖြည်းဆွဲပါ မင်းက အရမ်းကြမ်းတာပဲ ကိုယ်လက်နာတယ် Leo  "

Leo ကိုင်ထားတဲ့လက်ကောက်ဝတ်နေရာကို လွှတ်ပေးကြည့်လိုက်တော့ လက်ဖဝါးရာကြီးကရဲပြီးထင်းထင်းကြီးဖြစ်နေလေသည်။

" ခင်ဗျား အသားအရေကဘာလို့ နုဖတ်နေရတာလဲ မကိုင်ရဲသလောက်ပဲ ကိုင်လိုက်တာနဲ့  နီရဲတက်လာတာ "

" ကိုယ်မသိဘူး Leo "

" ခင်ဗျား သိတာ ဘာရှိလဲ ဘုန်းဘေဘီ "

" ကိုယ် လား နည်းနည်းတော့ သိပါတယ် "

ရွဲ့ပြောလို့ ပြောမှန်းလည်း မသိတဲ့ ဘုန်းဘေဘီကြောင့် Leo ဘာမှကိုမပြောချင်တော့ဘူး။

Baby of the billionaireWhere stories live. Discover now