Episode 31
Unicode Version
" ကျွန်မတို့ ကွာရှင်းကြဖို့အချိန်ရောက်လာခဲ့ပြီပေါ့ ကိုမိုးဝေအောင် "
အိမ်တံခါးအဝကိုရောက်တာနဲ့ကြားလိုက်ရတဲ့မာမီ့ရဲ့အသံကြောင့် သော်ဝေအောင် ထိတ်လန့်မိသွားသည်။ အလောတကြီးနဲ့အိမ်ထဲကိုဝင်လိုက်တော့ ဧည့်ခန်းထဲတွင် မာမီ၊ ဒယ်ဒီနဲ့မမအပြင် တံခါးမကြီးဘက်ကိုကျောပေးကာ ဧည့်ခန်းမှာထိုင်နေတဲ့ မိန်းမတစ်ယောက်ကိုတွေ့လိုက်ရ၏။
ဒယ်ဒီရဲ့မျက်နှာထားကလည်း တင်းမာနေသလို မာမီရဲ့မျက်နှာထားကလည်းပျော့မနေပေ။ မမကလည်း မာမီ့ကိုထိန်းတွဲကာ သော်ဝေအောင်ကိုအခြေအနေမကောင်းဘူးဆိုတဲ့ပုံစံမျိုးနဲ့ကြည့်နေလေ၏။
" ကျွန်မဒီနေ့ကိုစောင့်နေခဲ့တာ ... အနှစ် ၂၀ ကျော်ရှင့်၊ အနှစ် ၂၀ ကျော်လုံးလုံး ဒီနေ့လိုနေ့မျိုးရောက်လာဖို့ကိုစောင့်မျှော်နေခဲ့တာ၊ ရှင်စောင့်ထိန်းလာခဲ့တဲ့ ကလေးတွေပညာတတ်ကြီးဖြစ်တဲ့အထိဆိုတဲ့ကတိကျင့်ဝတ်ကြီးနဲ့အတူ ကျွန်မ ဝဋ်ကြွေးတွေဆက်ခဲ့ပြီးပြီမို့ ကျွန်မကိုလွတ်မြောက်ခွင့်ပေးပါတော့ "
ဒီလောက်ဆိုရင် မာမီပြောနေတာတွေကိုသော်ဝေအောင်နားလည်လိုက်ပြီဖြစ်သည်။ မာမီကလည်းဒါတွေကိုသိနေခဲ့တာပေါ့။ မာမီပြောခဲ့သလို မာမီ့အတွက်အကျိုးတစ်စက်မှမရှိပဲ လူနှစ်ယောက်ရဲ့ကတိဆိုတဲ့အရာကြောင့် အနှစ် ၂၀ လုံးလုံး ဒီလိုမျိုးနေခဲ့ရတာမို့ အခုလိုလွတ်မြောက်ဖို့ကိုစောင့်နေခဲ့တာဖြစ်လိမ်မည်။
" သား ဒီကိုလာခဲ့ "
" သားလေး "
တံခါးဝမှာရပ်နေတဲ့သော်ဝေအောင်ကို မာမီကမြင်တော့ လှမ်းခေါ်လေသည်။ ထို့နည်းတူတစ်ပြိုင်နက် ထိုင်နေရာမှ မတ်တပ်ရပ်ကာ သော်ဝေအောင်ကိုသားလေးလို့ဆိုလာတဲ့ မိန်းမတစ်ခြားသူတော့မဟုတ်ပေ။
နှောင်းဖူးညိုရဲ့အမေဖြစ်တဲ့ ဒေါ်ခင်ကျော်။ ရှင်းရှင်းပြောရရင် နှောင်းဖူးညိုရဲ့မိထွေး၊ သော်ဝေအောင်ရဲ့အမေရင်း၊ သော်ဝေအောင်ရဲ့ဒယ်ဒီလို့လူတွေသိထားကြတဲ့ ဦးမိုးဝေအောင်ရဲ့အချစ်ဦး။ နောက်ဆုံးတော့ရောက်လာခဲ့ပြီပေါ့။
أنت تقرأ
Destiny or Fate
العاطفيةကုန်ဆုံးခဲ့တဲ့ဘဝခရီးလမ်းတစ်လျှောက်လုံး ... စီမံရာ ၊ ကံတရားအတိုင်းနေခဲ့ပြီးပြီမို့ ... ရှေ့ဆက်ရမယ့်ဘဝခရီးလမ်းကိုတော့ ... ချစ်ရသူနဲ့ ပေါင်းဖက်ဖို့ရန်အတွက် ... ကိုယ့်ကံကြမ္မာ ကိုယ်ဖန်တီးတော့မည် ... Note: seke ပါ၊ role ကိုအတည်အကျဘာမှမခွဲထားပါဘူး၊ matur...
