Unicode Version
စာရေးသူအမှာစာ
ဤဇာတ်လမ်းတွင်ပါဝင်သော ဇာတ်လမ်းဇာတ်ကွက်၊ ဇာတ်ကောင်များ၏ စိတ်နေစိတ်ထား၊ အမူအရာ၊ စကားပြောပသုံးအနှုန်းများသည် စာရေးသူ၏ စိတ်ကူးယဉ်ဖန်တီးမှုသက်သက်သာဖြစ်ပါသည်။
ဇာတ်လမ်းအတွင်းပါဝင်သော ပတ်ဝန်းကျင်နေရာဒေသများသည် ပြင်ပတွင်ရှိသော်ငြားလည်း တစ်စုံတစ်ရာဖော်ပြမှုမှားယွင်းသွားပါက စာရေးသူ၏အမှားအယွင်းသာဖြစ်သည်။
ထို့အတူ ဇာတ်ကွက်ဇာတ်လမ်းတစ်ခုစီတိုင်းသည် တိုက်ဆိုင်မှုများရှိသွားခဲ့သည်ရှိသော် မည်သည့်ပုဂ္ဂိုလ်တစ်ဦးတစ်ယောက်ကိုမှ ထိခိုက်လိုစိတ်မရှိပါကြောင်းပြောကြားရင်း စာဖတ်သူအားလုံး ကျန်းမာရွှင်လန်းပါစေလို့ ဆုမွန်ကောင်းတောင်းအပ်ပါသည်။
•••
ငယ်ငယ်ကတည်းက အဖွားဝင်စားတယ်ဆိုတဲ့ယုံကြည်မှုကြောင့်အဒေါ်တွေအားလုံးက သည်းသည်းလှုပ်ချစ်ခြင်းခံရတဲ့ကောင်လေး၊ ငယ်ငယ်ကတည်းကအဒေါ်တွေရဲ့လက်အောက်မှာကြီးပြင်းလာခဲ့ရတာကြောင့် အဒေါ်တွေရဲ့စကားဆိုဘယ်တုန်းကမှ ငြင်းဆန်ခဲ့ဖူးခြင်းမရှိတဲ့ကောင်လေး၊ အဒေါ်တွေရဲ့အသိုင်းအဝိုင်းကြီးကလည်းခပ်ကြီးကြီးထဲကဖြစ်တာကြောင့် အပေါင်းအသင်းကလည်းလက်ချိုးရေလို့ရတဲ့အထိနည်းလွန်းတဲ့ကောင်လေး၊ အေးတိအေးစက်နဲ့စကားကိုလိုတာထက်ပိုမပြောတတ်တဲ့ကောင်လေး ဂုဏ်မြင့်ဟိဏ်း
မူရင်းဓာတ်ခံကစကားနည်းပေမယ့် အရွယ်ရောက်လာတဲ့အခါ တစ်ယောက်တည်းရှင်သန်နေထိုင်လို့မရဘူးဆိုတဲ့အသိကြောင့် ဖော်ရွေတဲ့စရိုက်တစ်ခုကိုဟန်ဆောင်ပြောင်းလဲခဲ့ရတဲ့ကောင်လေး မိသားစုဆိုတဲ့ခေါင်းစဉ်တစ်ခုအောက်မှာ ကြီးပြင်းလာခဲ့ရပေမယ့် တကယ်တမ်းကြတော့ မိသားစုမဟုတ်ပဲ ကတိစကားတစ်ခွန်းကြောင့်သာ မိသားစုဆိုတဲ့ခေါင်းစဉ်အောက်မှာကြီးပြင်းလာရတဲ့ကောင်လေး သော်ဝေအောင်
ထိုကောင်လေးနှစ်ယောက်ရဲ့ချစ်ခြင်းမေတ္တာတရားကရော ဘယ်လိုပေါက်ဖွားလာမှာလဲ။ ကံတရားကတော့ ထိုကောင်လေးနှစ်ယောက်ရဲ့ချစ်ခြင်းမေတ္တာတရားကို မျက်နှာသာပေးပါ့မလားဆိုတာသိချင်ရင်တော့ကျွန်တော့်ရဲ့ " Destiny or Fate " ဇာတ်လမ်းလေးကိုလိုက်ပါစီးမြောဖတ်ရှုပေးဖို့ တောင်းဆိုချင်ပါတယ်။
YOU ARE READING
Destiny or Fate
Romanceကုန်ဆုံးခဲ့တဲ့ဘဝခရီးလမ်းတစ်လျှောက်လုံး ... စီမံရာ ၊ ကံတရားအတိုင်းနေခဲ့ပြီးပြီမို့ ... ရှေ့ဆက်ရမယ့်ဘဝခရီးလမ်းကိုတော့ ... ချစ်ရသူနဲ့ ပေါင်းဖက်ဖို့ရန်အတွက် ... ကိုယ့်ကံကြမ္မာ ကိုယ်ဖန်တီးတော့မည် ... Note: seke ပါ၊ role ကိုအတည်အကျဘာမှမခွဲထားပါဘူး၊ matur...
