💙Make you mine🦋[ ចប់ ]

Episode 80 : ខ្លាកាច.!

ដោយសារតែរត់ច្រើនពេកធ្វើអោយជុងហ្គុកមានអារម្មណ៍ថាហត់ហើយក៏ចាប់ផ្តើមថប់ដង្ហើមពិបាកក្នុងខ្លួនមួយរំពេច ទឹកមុខដែលរីករាយរបស់ជុងហ្គុកមុននេះក៏ចាប់ផ្តើមប្រែមកជាស្លេកស្លាំង។

« ថេយ៍~ នៅញ៊ាំអាហារពេលល្ងាចសិនទៅ.! បងចូលបន្ទប់ទឹកមួយភ្លែតសិន »Jungkookឈប់កៀក.ករបស់លោកគីមរួចក៏ងាកមកប្រាប់នាយតូចដែលកំពុងអង្គុយញ៊ាំអាហារមើលមកពួកគេ។

« អូខេ »Taehyungឆ្លើយមិនទាន់ផុតពីមាត់ផងជុងហ្គុកក៏រហ័សដើរឡើងទៅខាងលើបន្ទប់យ៉ាងលឿនមិនអោយថេយ៉ុងមើលឃើញភាពស្លេកស្លាំងរបស់គេឡើយ ចំណែកថេយ៉ុងក៏រាងចម្លែកចិត្តបន្តិចដែរព្រោះជុងហ្គុកប្រាប់ថាចូលបន្ទប់ទឹកប៉ុន្តែគេបែរជាឡើងទៅខាងលើបន្ទប់ទៅវិញទាំងដែលជាន់ខាងក្រោមក៏មានបន្ទប់ទឹកដូចគ្នា។

ងាកមកមើលជុងហ្គុកឯណ្ណេះវិញតាមពិតនាយគ្រាន់តែកុហកថេយ៉ុងតែប៉ុណ្ណោះនាយខ្លាចថេយ៉ុងបារម្ភនូវពេលដែលឃើញនាយឈឺទើបនាយលួចរត់មករកឧបករណ៍ជំនួយដង្ហើមស្ងាត់ៗម្នាក់ឯង។

« ហឹម~ »Jungkookអង្គុយផ្អែកខ្នងលើក្បាលគ្រែរួចក៏ចាប់ផ្តើមក្រហឹមតិចៗនូវពេលដែលបានឧបករណ៍ដាក់ដល់ច្រមុះហើយបំពុងអុកស៊ីសែននោះក៏ជំនួយដល់ដង្ហើមរបស់នាយធ្វើអោយនាយមានអារម្មណ៍ថាស្រួលខ្លួនជាងមុន។

Jungkookបានចំណាយពេលដាក់វាលើច្រមុះអស់មួយសន្ទុះធំរហូតដល់មានអារម្មណ៍ថាលែងអីទើបនាយដកចេញពីច្រមុះវិញ រួចក៏បិទភ្នែកដាក់ក្បាលទៅផ្អែកនឹងក្បាលគ្រែទាំងព្យាយាមដកដង្ហើមវែងៗ ទ្រូងរបស់នាយហើបចុះឡើងតាមការដកដង្ហើមដ៏សែនវេទនារបស់ជុងហ្គុក គ្រាន់តែមើលក៏ដឹងថានាយលំបាកក្នុងខ្លួនប៉ុណ្ណារដែរតែនាយក៏ព្យាយាមដកដង្ហើមដើម្បីប្រពន្ធកូនរបស់នាយ នាយបិទភ្នែកស្រម៉ៃដល់ថេយ៉ុងជាកម្លាំងចិត្ត។

ក្រាក~

សម្លេងបើកទ្វាក៏បន្លឺឡើងធ្វើអោយជុងហ្គុករហ័សបើកភ្នែករួចយកឧបករណ៍ជំនួយដង្ហើមទៅលាក់ក្រោយខ្នងយ៉ាងលឿនប៉ុន្តែវានៅតែគេចមិនផុតពីភ្នែកដ៏វ័យរបស់ថេយ៉ុងដដែល ដោយសារបាត់ជុងហ្គុកយូរពេកទើបគេសម្រេចចិត្តឡើងមកមើល។