[Zawgyi]
အခန်း ၆၁၅ ဆရာကြီးလင်နဲ့ တည့်တည့်တိုးခြင်း
“ဘော့စ်၊ ပြီးသွားပြီ။” ကေက ကြော်ငြာပိုစတာနှင့်ဗီဒီယိုပြင်ဆင်လို့ပြီးသွားပြီဖြစ်သည်။
“ဝါး ရှင်တော်တော်အလုပ်ကြိုးစားတာပဲ!” မြန်မြန်ဆန်ဆန် ပြီးသွားတာကြောင့် ကုနင်းပင် အံ့အားသင့်သွားရသည်။
“ဒါတွေက ငါ့အတွက်တော့ အရမ်းလွယ်တယ်။” ကေ၏မျက်လုံးထဲတွင်တော့ ထိုသို့ပြင်ဆင်ရခြင်းမှာ ကလေးကစားစရာတစ်ခုကဲ့သို့ပင်။
“ဟုတ်ပါပြီ။” ကုနင်းလဲ ထိုစကားကို လက်ခံလေသည်။ ကေသည် ကွန်ပျူတာကျွမ်းကျင်ပညာရှင်တစ်ယောက်ပင် မဟုတ်ပါလား။ ထို့နောက် ကုနင်း ကြော်ငြာအတွက်ပြီးသွားပြီဖြစ်ကြောင်း ချွမ်မင်ခိုက်ကိုပြောပြရင်း သူမခနနေပို့လိုက်မည်ဟုပါ ပြောလိုက်သည်။ထို့အပြင် စာချုပ်စာတမ်းကိစ္စနှင့် အခကြေးငွေအတွကိုလဲ သူမလူတစ်ယောက် လွှတ်လိုက်မည့်အကြောင်း ပြောလိုက်ပေသည်။
ချွမ်မင်ခိုင်သည်တော့ ကုနင်း၏လုပ်နိုင်စွမ်းကြောင့် အလွန်အံ့အားင့်နေရပြီး ဤမျှအချိန်တိုတွင်းတော့ ကြော်ငြာဗီဒီယိုကောင်းကောင်းထွက်ပါ့မလားဆိုသည်ကိုတော့ သံသယရှိနေမိသေးသည်။ သို့ပေမည့် ပိုစတာများနှင့် ဗီဒီယိုကို သူမြင်လိုက်ရချိန်တွင်တော့ အလွန်လက်ရာမြောက်လှတာကြောင့် မှင်သက်သွားမိတော့သည်။
ထို့နောက် ကုနင်း ကျိုးကျန်းဟုန်ကို ဖုန်းဆက်ကာ ချွမ်မင်ခိုင်နှင့်အတူ အလုပ်ကိစ္စများ ညှိနှိုင်းဆောင်ရွက်ထားရန် ပြောလိုက်သည်။
နေ့လည်စာစားပြီးနောက် ကုနင်း ရှေးဟောင်းလမ်းသို့ထွက်လာခဲ့ပေမည့် ချန်စန်းယိ၏ကားကို မောင်းလာခဲ့လေသည်။
ကေနှင့်ချန်စန်းယိ၏လက်ထောက်များမှာ မနေ့ညကတည်းက ကားများနှင့်အတူ ရောက်ရှိလာခဲ့ကြပြီဖြစ်သည်။ ကေ၏ကားမှာ အလွန်ထင်းလွန်းနေသောကြောင့် ကုနင်းမကြိုက်တာကြောင့် ချန်စန်းယိ၏ကားကို ယူခဲ့ခြင်းဖြစ်သည်။ ကေသည်တော့ ကုနင်း၏အကြိုက်အတွက် အချိန်အတန်ကြာသည်အထိ အပြစ်တင်ဝေဖန်လို့နေခဲ့သည်။ ကေသည် ပုံမှန်ဆိုလျှင် သူကသာ အခြားလူများကို သူကားငှားလေ့မရှိခြင်းဖြစ်ပေမည့် ကုနင်းသည်တော့ သူကိုယ်တိုင်က ငှားပေးနေတာတောင်မှ ငြင်းပယ်ခဲ့လေသည်။
