[Zawgyi]
အခန်း ၆၃၂ မြင်မြင်ချင်း ချစ်မိသွားပြီ
“ဒါဆိုလဲ မဟုတ်ကြောင်း သက်သေပြပါလား?” အမျိုးသမီးရှု ရှုချင်ယင်းကို ဆက်ပြီးဆူလိုက်သည်။
ရှုချင်းယင်းကတော့ လူကြားထဲအဆူခံနေရတာကြောင့် ရှက်သွားကာ အသံထပ်ထွက်မလာတော့ပေ။
“ဟေ့၊ အချစ်လေးတို့၊ ငါလာပြီ!” ထိုအချိန်တွင်ပဲ ကူအန်းနာတစ်ယောက် ပန်းစည်းများကိုင်ထားသည့် မိန်းကလေး၃ယောက်နှင့်အတူ ဝင်လာလေသည်။
“ဟိုင်း၊ အန်တီရှု!”
“ဟိုင်း၊ အန်းနာ။”
“ချင်ယင်းဆီကနေ ခိုကျီတံဆိပ်က အရမ်းကောင်းတယ်ဆိုတာ ကြားလိုက်လို့ လက်လွှတ်မခံနိုင်ဘူးလေ။ ဒါကြောင့် သမီးသူငယ်ချင်းတွေနဲ့အတူ လာကြည့်တာ။”
အခြားမိန်းကလေးများသည်တော့ ဆိုင်ရှေ့တွင်ရှိနေသည့် ကောင်ချောလေးများကိုမြင်ကာ မှင်သက်လို့နေကြပြီး ကူအန်းနာ သူတို့ကို ခေါ်လိုက်မှသာ အားလုံးသတိပြန်ဝင်လာကာ အမျိုးသမီးရှုကို နှုတ်ဆက်လိုက်ကြလေသည်။
“တွေ့ရတာဝမ်းသာပါတယ်။ ရှုကတော်၊ သခင်လေးရှု!” သူတို့မှာ အမျိုးသမီးရှုနှင့် ရှုကျင်းချန်ကိုသာ သိသောကြောင့် သူတို့နှစ်ဦးကိုပဲ နာမည်တပ်ကာ နှုတ်ဆက်လိုက်ကြသည်။
ထိုမိန်းကလေး၃ဦးတွင် နှစ်ဦးသည် သာမာန်ချမ်းသာသည့်မိသားစုများမှဖြစ်ကာ ကျန်တစ်ဦးသည်တော့ နိုင်ငံရေးမိသားစုမှဖြစ်သည်။ သို့ပေမည့် သူတို့အားလုံး၏မိသားစုများမှာတော့ ရှုမိသားစုကို နည်းနည်းမှမယှဉ်နိုင်တာကြောင့် အမျိုးသမီးရှုနှင့်ရှုကျင်းချန်တို့ရှေ့တွင် ရှိနေရသည်က အနည်းငယ် နေရခက်လှပေသည်။
“တွေ့ရတာဝမ်းသာပါတယ်။” လင်ရှောင်းထင်မှလွဲ၍ အားလုံး ပြန်နှုတ်ဆက်လိုက်ကြသည်။
မိန်းကလေး၂ဦးကတော့ ရှုကျင်းချန်နှင့်ရှင်းပိုင်တို့ထံ မျက်စိကစားရင်း သူမတို့ကိုအာရုံစိုက်လာဖို့ရန် မျှော်လင့်လို့နေကြသည်။ အားလုံးထဲတွင် အခန့်ညားဆုံးဖြစ်သည့် လင်ရှောင်းထင်ကိုတော့ သူတို့မကြံစည်ကြခြင်းက လင်ရှောင်းထင်ဘေးတွင် ကောင်မလေးတစ်ယောက်ရပ်နေပြီဖြစ်ကာ ထိုနှစ်ဦးမှာ စုံတွဲများဖြစ်ကြောင်းလဲ သိသာလှသောကြောင့်ဖြစ်သည်။ ချစ်သူကောင်မလေးရှေ့တွင်ပင် တစ်ဖက်လူကို မျက်လုံးသွားကစားလိုက်ပါက အခြားလူများက သူမတို့ကို ဝေဖန်အပြစ်တင်လာပေလိမ့်မည်။ သူတို့လဲ ငယ်ရွယ်ကာ ခန့်ညားချောမောသည့် အမျိုးသားများကို နှစ်သက်ပေမည့် ဉာဏ်နည်းသူများတော့မဟုတ်ရပေ။
