[Zawgyi]
အခန်း ၆၁၈ ရှုချင်ယင်းနှင့် ချိန်းဆိုခြင်း
ကုနင်းနှင့် ရှုချင်ယင်း သိပ်ပြီးမရင်းနှီးကြပေမည့် ဖုန်းနံပါတ်တော့လဲထားကြလေသည်။
ရှုချင်ယင်းသည် ရှုမိသားစုတွင်မွေးဖွားသူဖြစ်ကာ ကုနင်းအတွက် လှုပ်ရှားနေသည့် ကြော်ငြာတစ်ခုလဲဖြစ်လေသည်။ သူမသာ ကုနင်း၏အသားအရေထိန်းသိမ်းသည့်အလှကုန်ပစ္စည်းများအတွက် အမာခံဖောက်သည်တစ်ဦးသာ ဖြစ်သွားခဲ့လျှင် ခိုကျီအမှတ်တံဆိပ်မှာ မကြာခင်အချိန်အတွင်းတွင်ပဲ အဆင့်မြင့်လူတန်းစားများကြားတွင် နာမည်ကြီးသွားပေလိမ့်မည်။ ထိုကျိကျိတက်ချမ်းသာ ကြွယ်ဝကြသည့် အမျိုးသမီးများမှာ ခိုကျီ၏အရည်အသွေးကိုတော့ သံသယဝင်နိုင်ကြပေမည့် ရှုချင်ယင်းကိုတော့ လုံးဝသံသယဝင်ကြမည်မဟုတ်ပေ။
ရှုချင်ယင်း ခိုကျီတံဆိပ်ကိုကြိုက်ပါ့မလားဆိုသည်ကိုတော့ ကုနင်းမသိသော်လည်း လင်ရှောင်းထင်၏မျက်နှာဖြင့် တခါလောက်တော့ စမ်းသုံးပေးကြည့်လောက်ပေမည်။ ရှုချင်ယင်း စမ်းသုံးကြည့်ပြီးသည်နှင့် သေချာပေါက် ကြိုက်သွားမည်ကိုတော့ ကုနင်းယုံကြည်ချက်ရှိသည်။
ကုနင်းထံမှဖုန်းခေါ်ဆိုမှုကို ရှုချင်ယင်းလက်ခံလိုက်ရချိန်တွင်တော့ အံ့ဩသွားမိပေမည့် ကုနင်းကိုတော့ တွေ့ဖို့ရန် ဆန္ဒရှိလေသည်။ ထို့ကြောင့် ကုနင်းခေါ်လိုက်သည်နှင့် သူမချက်ချင်းပင် အိမ်မှထွက်လာတော့သည်။
“ရှုချင်ယင်း၊ အခုက ဘယ်ကိုသွားဦးမလို့လ? နေ့လည်စာစားချိန်ရောက်နေပြီ!” ရှုချင်ယင်း အပြင်ထပ်ထွက်ရန်ပြင်နေသည်ကို မြင်သည်နှင့် သူမ၏အမေက အော်လိုက်ခြင်းဖြစ်သည်။
“သမီးသူငယ်ချင်းတစ်ယောက် ရောက်နေလို့ သူနဲ့ပဲ အတူစားလိုက်တော့မယ်။”
“သူငယ်ချင်း? မိန်းကလေးလား ယောက်ျားလေးလား?” ရှုချင်ယင်း၏မိခင် အလောတကြီးမေးလိုက်တော့သည်။
ရှုချင်ယင်းကတော့ သူမအမေဘာတွေတွေးနေလဲဆိုသည်ကိုသိသောကြောင့် မျက်လုံးသာအသာဝေ့လိုက်ကာ၊
