[Zawgyi]
အခန်း ၆၃၀ မော်ဒယ်တွေရောက်ရှိလာခြင်း
နောက်တစ်နေ့မနက်တွင်တော့ ကျန်းယွေ့ချင် လက်မလျှော့သေးဘဲ မနက်စောစော ထပြေးစဲပင်။ အဝေးကြီးကိုတော့မပြေးဘဲ ကုနင်းနှင့်လွဲသွားမည်စိုးသောကြောင့် တစ်နေရာတည်းတွင်သာ ပတ်ပြေးနေလေသည်။ သူသာ အရင်နေ့က ကုနင်းနှင့်တွေ့ခဲ့သည့် နေရာတွင်သာ စောင့်နေပါက ကုနင်းဖြတ်သွားလျှင် မြင်နိုင်သေးသည်ဟု မျှော်လင့်နေမိသည်။ သို့ပေမည့် ကုနင်းကတော့ ဤမနက်တွင်လဲ မပေါ်လာတာကြောင့် ကျန်းယွေ့ချင် အလွန်စိတ်ပျက်သွားတော့သည်။
သူမနက်တိုင်းပြေးတယ်လို့ပြောထားတယ်မဟုတ်ဘူးလား? ဘာလို့၂ရက်တောင် မပြေးရတာလဲ? ပြဿနာတစ်ခုခုများရှိလို့လား၊ ဒါမှမဟုတ် ငါ့ကိုရှောင်နေတာများလား? ကျန်းယွေ့ချင် အတွေးနယ်ချဲ့နေတော့သည်။
နောက်ဆုံးဘယ်လိုမှတွေးမရတော့တာကြောင့် ဝမ်းနည်းမှုအပြည့်ဖြင့်သာ အိမ်သို့ပြန်လာခဲ့တော့သည်။
ကျန်းယွေ့ချင် စိတ်ပျက်လက်ပျက်ဖြင့် ထပ်ပြီး ပြန်ရောက်လာချိန်တွင် ထန်ချင်းယန်သည်တော့ မနက်စာပြင်ဆင်နေခဲ့လေသည်။
“ဘာဖြစ်ခဲ့လို့လဲ? မင်းကြည့်ရတာ ဝမ်းနည်းနေပြန်ပြီ? ဒီနေ့ရော မတွေ့ခဲ့ပြန်ဘူးလား?”
“အင်း။” ကျန်းယွေ့ချင် ဆိုဖာပေါ်သို့ စိတ်ပျက်လက်ပျက်ဖြင့် ပစ်လှဲရင်းဖြေလိုက်သည်။
“ငါက မင်းသူ့ကို ကြိုက်ရုံပဲကြိုက်တယ်လို့ ထင်ထားတာ၊ အခုတော့ မင်းကြည့်ရတာ တကယ်ချစ်နေတဲ့ပုံပဲ။”
ကုနင်းကို မမြင်ရရုံဖြင့် ကျန်းယွေ့ချင် ဤမျှဖြစ်ပျက်နေခြင်းကြောင့် ထန်ချင်းယန် ကောက်ချက်ချလိုက်ခြင်းဖြစ်သည်။
“ဟုတ်တယ်၊” ကျန်းယွေ့ချင် မငြင်းဆန်ခဲ့ပေ။ တကယ်တော့ သူကိုယ်တိုင်လဲ မိန်းကလေးတစ်ယောက်ကို ယခုလို မြင်မြင်ချင်း ချစ်မိသွားလိမ့်မည်ဟု ဘယ်တုန်းကမှမထင်ခဲ့မိပေမည့် အခုတော့ ကုနင်းကို မတွေ့ရသည့်အချိန်များတွင် ပိုလို့ပင်ခံစားချက်များက နက်ရှိုင်းလို့လာတော့သည်။
