လေယာဥ်ကတဖြည်းဖြည်းမြင့်သထက်မြင့်တက်သွားကာအစုလိုက်အပြုံလိုက်ဖြစ်နေသောတိမ်စိုင်များထဲသို့တရိပ်ရိပ်တိုးဝင်သွားတော့သည်။ ယခုထိုလေယာဥ်ဦးတည်နေသည့်အရပ်မျက်နှာကတစ်ချိန်ကသူကျောခိုင်းစွန့်ခွာထားခဲ့သည့်နေရာဖြစ်သည်။ စွန့်ခွာခဲ့စဥ်တုန်းကတော့သူ့ကိုယ်သူအနိုင်ရခဲ့သည်ဟုထင်ခဲ့မိ၏။ သူ့ထံသို့ယုံယုံကြည်ကြည်ထိုးအပ်နှင်းလာတဲ့နှလုံးသားတစ်စုံကိုရက်ရက်စက်စက်ချနင်းနိုင်ခဲ့တဲ့သူက.. အချိန်ကြာလာသည်နှင့်အမျှနောင်တတပွေ့တပိုက်ဖြင့်စိတ်ဆင်းရဲနေရလိမ့်မယ်လို့ဘယ်ထင်ခဲ့မိပါ့မလဲ။
"ဟူး"
ပြတင်းပေါက်မှတစ်ဆင့်တိမ်စိုင်တိမ်ခဲများကိုငေးရင်းသက်ပြင်းချမိသည်။ ချပစ်လိုက်တဲ့သက်ပြင်းတွေထဲမှာနောင်တတွေပါ,ပါသွားရင်ဘယ်လောက်များကောင်းလိုက်မလဲ။ ဘယ်သူမပြုမိမိမှုဆိုတဲ့စကားအတိုင်းဒီလိုတွေဖြစ်လာအောင်ဖန်တီးခဲ့တာသူကိုယ်တိုင်ပဲဖြစ်နေတော့လည်းကျူးလွန်ခဲ့မိတဲ့အမှားတွေအတွက်ထိုက်သင့်တဲ့ဘယ်လိုပြစ်ဒဏ်မျိုးကိုမဆိုခံယူနိုင်ဖို့စိတ်ကိုအဆင်သင့်ပြင်ထားရမယ်မဟုတ်လား။
"လူကြီးမင်းတို့စီးနှင်းလိုက်ပါလာခဲ့သည့်လေယာဥ်ဟာမကြာမီအတွင်း Incheon အပြည်ပြည်ဆိုင်ရာလေဆိပ်သို့မကြာမီအချိန်အတွင်းဆိုက်ရောက်တော့မည်ဖြစ်ပါသဖြင့်..."
လေယာဥ်မယ်လေးရဲ့ကြေငြာသံကိုကြားမှအပြင်ဘက်ကတိမ်စိုင်တွေနှင့်အတူမြောလွင့်နေတဲ့သူ၏အတွေးတို့ကိုစုစည်း၍ရေးတေးတေးမြင်နေရပြီဖြစ်တဲ့Incheon လေဆိပ်ကြီးကိုငုံ့ကြည့်လိုက်သည်။ သူထွက်လာခဲ့တဲ့ ၇ နှစ်အတွင်းအရာရာဟာတဖြည်းဖြည်းပြောင်းလဲသွားခဲ့ပြီ။ ဟိုတုန်းကသူ့ကိုတဖြည်းဖြည်းတစိမ့်စိမ့်ချစ်နေခဲ့တဲ့ hyung ရင်ထဲကအချစ်တွေကရော.. ပြောင်းလဲသွားပြီလား။ hyung သူ့ကိုဘယ်လောက်ချစ်ခဲ့လဲဆိုတာသူသိပါသည်။ ဒါပေမယ့်သူကလည်း hyungကိုအဆမတန်ချစ်ခဲ့တယ်ဆိုတာကိုတော့ hyungသိလိမ့်မည်မဟုတ်.. သူကိုယ်တိုင်လည်းနောက်ကျမှသိခဲ့တာပဲမဟုတ်လား။ ဟိုတုန်းကတော့ hyung ကသူ့ကိုချစ်ရဲ့လားလို့မေးလာတိုင်း..
YOU ARE READING
Can We Become Strangers? (✔️)
Fanfiction(Unicode) ရင်ထဲမှာသူရှိ,မရှိကိုနှလုံးသားကအလိုလိုသိနေပြီးသားပဲ.. အဲ့ဒါကြောင့်အကြောင်းအမျိုးမျိုးကြောင့်လမ်းခွဲကြပြီးရင်သူစိမ်းတွေဖြစ်သွားမှာလားဆိုတဲ့မေးခွန်းကိုမေးမနေတော့ပါဘူး.. Jeon Jung Kook 💜 Kim Seok Jin (Zawgyi) ရင္ထဲမွာသူရ...