"ရိုဘင်"
ဆက်တိုက်မြည်နေသည့်ဖုန်းကိုသူထောင်ကြည့်လိုက်တော့ပိုလို့တောင်သေချာသွား၏။ ဒါ.. ရိုဘင့်ရဲ့ဖုန်း။ အဲ့ဒါဆို.. ရိုဘင်ကဘာလို့ hyung ဆီကိုဒီအချိန်ကြီးဖုန်းဆက်လာသနည်း။ ပြီးတော့.. hyung ရဲ့ contact list ထဲမှာရော.. ဘာလို့ရိုဘင်ရဲ့နာမည်ကရှိနေသနည်း။ hyung နဲ့ရိုဘင်နဲ့ကတစ်ယောက်ကိုတစ်ယောက်သိနေကြတာလား.. စသည့်မေးခွန်းပေါင်းများစွာကသူ့ခေါင်းထဲတွင်စုပြုံနေကြသည်။
သိချင်စိတ်များကြောင့်ရိုဘင်နဲ့သူနဲ့ပြောခဲ့ဆိုခဲ့သမျှကိစ္စအားလုံးကိုလည်းမေ့သွား၏။ hyung နဲ့သူနဲ့ပတ်သက်မှုကိုလည်းရိုဘင်မသိအောင်လျှို့ဝှက်ထားရမယ်ဆိုတာကိုလည်းမေ့သွားလျှက်..သူ့ရင်ခွင်ထဲမှာတစ်စောင်းလေးဖက်တွယ်အိပ်မောကျနေသည့် hyung ကိုယ်လုံးလေးကိုဖယ်ချခဲ့ပြီးမွေ့ရာထက်ကဆင်းသည်။ ထို့နောက်အခန်းအပြင်ကိုထွက်ကာ.. ဖုန်းကိုနားမှာကပ်လိုက်၏။
"ဟဲလို"
"ဂျွန်ဂျောင်ကု?"
တစ်ဖက်ကရိုဘင့်အသံခေတ္တမျှတိတ်ကျသွားသည်။ ပြီးမှအားရပါးရဟားတိုက်ရယ်မောသံတစ်ခုကျယ်လောင်စွာထွက်ပေါ်လာသည်။ သူ.. စကားတစ်ခွန်းမှမပြောဘဲနားထောင်နေလိုက်သည်။မပြောဘူးဆိုတာထက်..ပြောမထွက်ဘူးလို့သုံးနှုန်းလျှင်ပိုမှန်လိမ့်မည်။ ဖုန်းထဲကနေရိုဘင့်ရဲ့အသံကိုကြားလိုက်ရကတည်းကသူ့နှလုံးသွေးတွေဆူပွက်သွားပြီးစကားလေးတစ်ခွန်းလောက်ပြောဖို့တောင်ခွန်အားမဲ့သွားခဲ့ပြီဖြစ်သည်။
"ဝါး..အခုလိုလွယ်လွယ်နဲ့ဖမ်းမိလိမ့်မယ်လို့တောင်မထင်ထားဘူး။ အခုမင်းကိုင်လိုက်တဲ့ဖုန်းက.. ကင်ဆော့ဂျင်ရဲ့ဖုန်းဆိုတာရော.. အမှတ်ရသေးရဲ့လား။ ဘယ်လောက်တောင်အလောကြီးနေခဲ့လို့..ဟာကွက်မရှိအောင်စေ့စပ်လွန်းတဲ့ ဂျွန်ဂျောင်ကုရဲ့တွေးတောချင့်ချိန်နိုင်စွမ်းတွေလျော့ကျကုန်ပါလိမ့်"
"အပိုတွေလျှောက်ပြောမနေနဲ့.. မင်းနဲ့ hyung နဲ့ဘယ်လိုပတ်သက်နေလဲဆိုတာသာအရင်ပြော။ မင်းကဘာကိစ္စ.. hyung ဆီကိုဒီအချိန်ကြီးဖုန်းဆက်ရတာလဲ"
أنت تقرأ
Can We Become Strangers? (✔️)
قصص الهواة(Unicode) ရင်ထဲမှာသူရှိ,မရှိကိုနှလုံးသားကအလိုလိုသိနေပြီးသားပဲ.. အဲ့ဒါကြောင့်အကြောင်းအမျိုးမျိုးကြောင့်လမ်းခွဲကြပြီးရင်သူစိမ်းတွေဖြစ်သွားမှာလားဆိုတဲ့မေးခွန်းကိုမေးမနေတော့ပါဘူး.. Jeon Jung Kook 💜 Kim Seok Jin (Zawgyi) ရင္ထဲမွာသူရ...
